المساعده بخصوص مواصفات File Server

برجاء المساعده بخصوص مواصفات File Server

بمعنى ان السرفر ده هيكون عليه كل الداتا بتاعت الشركه

وهيكون عليه جميع الملفات وجميع موظفين الشركه هيشتغلو عليه عن طريق الشيرنج

فى حدود 50 موظف او اعلى

اهم حاجه في الفايل سيرفر هو الاستورج يعني لازم تجيب هارد محترم + واحد تاني وتعملهم الاتنين ميرور لبعض ولو كانت الميزانيه تسمح ممكن تركب 3 فما فوق وتعملهم Raid5 اما باقي المواصفات اعتقد ان السوق سوف يلبي حاجتك يعني بروسيسور كود 2 جيجا فما فوق + 3 جيجا رام فما فوق .
اعتقد انها كفايه جدا لحجم الشركة بس ركز على الهارد لان كل المصائب منه هوه.

اولا الف شكر على ردك واهتمامك

تقصد ايه بالمشاكل كلها بسبب الهاردات وتفتكر يكون هارد مساحته قد ايه

اقتباس:

---

المشاركة الأصلية كتبت بواسطة ahmedscondo

اولا الف شكر على ردك واهتمامك

تقصد ايه بالمشاكل كلها بسبب الهاردات وتفتكر يكون هارد مساحته قد ايه

---

شوف يا اخي كل ملفات الشركة والوثائق حتكون على هارد واحد تخيل ان الهارد ده حصل له حاجه بالتأكيد دي حتكون نهايتك حتقول لي انا بعمل باكب للداتا حقول لك جل من لا يسهو يعني انسى موضوع الباكب ده نهائي وامن نفسك في الاول وبعدين اعمل باكب زي ما انت عاوز.
بخصوص المساحه الشركة اللي كنت شغال فيها كان شغلهم كلو ملفات ويرد واكسل وكده يعني لهم 3 سنين ولم يستهلكو أكثر من 4 جيجا والحمد لله.
بس انت خلي نظرتك مستقبليه وهات حاجه كويسه يعني هارد ساتا 320 جيجا ده ان شاء الله لحفيد حفيد صاحب الشركه ده اذا كانوا بيشتغلو على ملفات عاديه .
اشتري منه قطعتين واعمل ميرور ليهم وتوكل على الله

الف شكر اخى على ردك بالتوفيق ان شاء الله

يا اخي انا اقصد رايد مش ميرور واسف على الخطأ
راجع هذا الموضوع
https://www.arabhardware.net/forum/s...d.php?t=107590