كيفية بناء حاسب الألعاب بأقل تكلفه ممكنه + تجميعات لكافة الإستخدامات 2017

اقتباس:

---

( والمقصود ان البوردا التى لا تنتهى ب D3 هي الداعمة للDDR4)

---

لا أخى الفاضل تلك ليست قاعده

فتوجد بورد عديده تنتهى ب ( d3 ) وتدعم ddr4

أنا أتحدث بصوره عامه توجد بورد تنتهى ب d3 وتدعم ddr4

كمثال ga b150 hd3

GA-H110MSTX-HD3

والقائمه طويله

فائق تحياتى لك

أحياناً D تكون إختصار Durable و لكن بما ان الفرق الوحيد بينها وبين الموديل التي لا تنتهي بنفس الاحرف هو إختلاف دعم جيل الذاكره فربما المقصود منها هذا بالفعل للوحة MSI فقط
و أحيانا تكون مجرد مسميات غير واضح اسبابها و انما مجرد اكواد ورموز او تتطلب البحث لمعرفة المقصد منها

عموما أشكركم على بجميع الملاحظات التي تقترحوها و تلفتوا النظر لها أو أية تعديلات ضروريه يتم ذكرها لان الخبره لا تزداد الا بهذا الشكل برأيي الشخصي

اقتباس:

---

المشاركة الأصلية كتبت بواسطة abdalhaliem

لا أخى الفاضل تلك ليست قاعده

فتوجد بورد عديده تنتهى ب ( d3 ) وتدعم ddr4

أنا أتحدث بصوره عامه توجد بورد تنتهى ب d3 وتدعم ddr4

كمثال ga b150 hd3

GA-H110MSTX-HD3

والقائمه طويله

فائق تحياتى لك

---

اشكرك أخى الفاضل ونتمنى لك ألف صحة
لكن كان قصدي في الموديل داه بالتحديد من شركة MSI يعنى يوجد نفس الموديل ولكن لا ينتهى ب D3 ( بالتحديد )
وبالطبع لا اقصد التعميم
وبارك الله لك

بسم الله ماشاء الله اخى الكريم يعجز لسانى عن الشكر بارك الله فيك وجعله فى ميزان حسناتك موضوع شامل ومفيد جدا للاخوة الى بيفكروا يطوروا اجهزة الكمبيوتر الخاصة بيهم وفرصة انهم يعروفوا الاسعار والامكانيات ويطلعوا عليها بنفسهم ويختاروا المناسب لإستخدماتهم وميزانيتهم المتاحة
تقبل تحياتى اخى الكريم

اقتباس:

---

المشاركة الأصلية كتبت بواسطة capoo002

بسم الله ماشاء الله اخى الكريم يعجز لسانى عن الشكر بارك الله فيك وجعله فى ميزان حسناتك موضوع شامل ومفيد جدا للاخوة الى بيفكروا يطوروا اجهزة الكمبيوتر الخاصة بيهم وفرصة انهم يعروفوا الاسعار والامكانيات ويطلعوا عليها بنفسهم ويختاروا المناسب لإستخدماتهم وميزانيتهم المتاحة
تقبل تحياتى اخى الكريم

---

أسعدني مرور حضرتك جدا و إعجابك بالموضوع
بارك الله فيلك اخي الكريم

اى موضوع للكبير قووى Phenomenon لازم يكون تحفة فنيية

تسلم ايديك غالى

اقتباس:

---

المشاركة الأصلية كتبت بواسطة omda120

اى موضوع للكبير قووى Phenomenon لازم يكون تحفة فنيية

تسلم ايديك غالى

---

ربنا يبارك فيك يا استاذ عماد
جزاك الله خيرا على مديحك و نورتنا بمرورك الطيب

موضوع ممتاز بارك الله لك
لو سمحت انا آول مرة آشارك في المنتدي
وكنت عايز اعرف تجميعه للجرافييك ذايزاين والسينما فور دي تكون في حدود كام
وتنصحني بشراء اي قطع
وهل الآجهزه المستعمله وارد الخارج تكون كويسه في الموضوع ده ولا
شكرا ليك

اقتباس:

---

المشاركة الأصلية كتبت بواسطة mostafayaghmour

موضوع ممتاز بارك الله لك
لو سمحت انا آول مرة آشارك في المنتدي
وكنت عايز اعرف تجميعه للجرافييك ذايزاين والسينما فور دي تكون في حدود كام
وتنصحني بشراء اي قطع
وهل الآجهزه المستعمله وارد الخارج تكون كويسه في الموضوع ده ولا
شكرا ليك

---

اعتزر لك في تاخير الرد لم الاحظه الا الان
الموضوع فيع تجميعات كتيره للتصاميم لكن الفكره الميزانيه معاك هتبدا بكام
ممكن تركز على معالج رباعي النواه خرف K و لوحه ام قابله لكسر السرعه و بالمستقبل تهتم بكارت الشاشه
بس بردو نقطة برامج التصاميم اللي حضرتك شغال عليها دي ضروريه جدا و هتلاقينا اتكلمنا فيها في الصفحه التانيه
يعني ممكن تلاقي منصه للتصاميم قادره على العمل بدون معالج رسومي قوي حسب استغلال البرنامج لتعدد انوية المعالج فقط في نظام الرندر الخاص بيها
منصه اخرى تبحث عن معالجه جرافيكيه مكثفه

الاجهزه المستعمله استيراد الخارج ليست سيئه لكن الاهم معرفة اسم المعالج المركزي بالكامل للتأكد من قوته في الاعمال الضروريه لشغلك
ياريت توضحلنا ايه هي برامج الرندر المقصوده في الشغل معاك

روعـةةةةةةةةةةةةةةةةةة الموضوع

سلمت يداك صراحة ماحدا يقدر يكافيك غير ربنا بلجنه
بخصوص اختيار المعالج ذكرت لنا بلمقال بمعنى ان اختيار المعالج الاحدث اهم من اختيار الأقوى:

(( ما يجب الإهتمام به عند إختيار المعالج المركزي ليست معرفة مدى قوته تحديداً وإنما ضرورة التأكد من توافقه للبطاقه الرسوميه))

معالج g3240 الذي ذكرته لنا في المقال هو يعادل core 2 quad 6700 بلقوى
ذكرة لنا ان معالج g3240 مناسب مع كرت rx 460
فهل معالج C2Q q6700 مناسب ايضا مع كرت rx 460 بنفس المستوى طالما ان المعالجين بنفس القوى
ام ان المعالج الاحدث سيتوافق مع الكرت اكثر ليعطي اداء افضل

وبغض النظر عن دور الوحة الأم

اقتباس:

---

المشاركة الأصلية كتبت بواسطة Majd9x

سلمت يداك صراحة ماحدا يقدر يكافيك غير ربنا بلجنه
بخصوص اختيار المعالج ذكرت لنا بلمقال بمعنى ان اختيار المعالج الاحدث اهم من اختيار الأقوى:

(( ما يجب الإهتمام به عند إختيار المعالج المركزي ليست معرفة مدى قوته تحديداً وإنما ضرورة التأكد من توافقه للبطاقه الرسوميه))

معالج g3240 الذي ذكرته لنا في المقال هو يعادل core 2 quad 6700 بلقوى
ذكرة لنا ان معالج g3240 مناسب مع كرت rx 460
فهل معالج C2Q q6700 مناسب ايضا مع كرت rx 460 بنفس المستوى طالما ان المعالجين بنفس القوى
ام ان المعالج الاحدث سيتوافق مع الكرت اكثر ليعطي اداء افضل

وبغض النظر عن دور الوحة الأم

---

جزاك الله كل خير اخي العزيز
نعم بالتأكيد المعالج الأحدث هو الأفضل و هو الأقوى و لكن يا اخ ماجد موضوع مقارنة معالج صاحب أربعة أنويه مع معالج تم تصنيعه بعد اكثر من عقد من الزمان صاحب نواتان فقط معقد جدا

بكل تأكيد معالج Pentium G3240 هو الأفضل لكن صدق ان معالج C2Q Q6700 من الممكن ان يتساوى معه في الاداء او احيانا يسبقه في بعض الألعاب
ولكن في بعضها الأخر سيفوز معالج Pentium G بأربحيه هائله

اولاً إزازي يسير مبدأ الأحدث هو الأفضل ؟

دلوقتي هنفترض حضرتك عندك مصنع للمعالجات المركزيه وكل سنه سنتين بتطرح معماريه هندسيه جديده للسوق و ضمن المعماريه دي لازم تقدم طرازات تناسب كافة المستخدمين
لكن لازم تقدم الطراز الحديث اللي موجهه لنفس طبقة المستخدمين تحديدا افضل من معالجك القديم اللي كنت بتقدمهلهم السنه اللي فاتت و اللي قبلها ويكون بنفس السعر تقريباً .

يعني انا لما اشتريت C2Q Q6700 من 10 اعوام تقريباً وقتها كان مناسب ميزانيتي لاني من اصحاب الدخل المتوسط
لما جيت اشتري من 6 سنوات لقيت معالج I5-2500 هو اللي مناسب ميزانيتي وبنفس السعر تقريباً

يبقى كده انا فهمت انك صنعتلي معالج 4 نواه من عشر سنين و بعدها بعدة سنوات بتقدملي معالج الاربعه نواه اللي مناسب ميزانيتي باداء افضل

هتحصل الازمه والتشتيت اول ما نفكر نلغبط الفئات مع بعضهم ونقارن I3 صاحب الاتنين نواه مع C2Q 9550 صاحب الاربعه نواه
بالرغم ان معالج C2Q 9550 مفروض نقارنه مع I7-2600 لانهم بسعر واحد ولكن تختلف الاجيال

ولكن شراء المستعمل + تغيير قيمة العمله المحليه في البلاد امام الدولار + اختلاف الدخل وما يتعلق به هو اللي ضغط على المستخدمين من جميع انحاء العالم
انهم ييجوا انهارده ويحطوا معالج I3-XXXX في مواجهة C2Q 9550

نرجع تاني لمعالج بانتيم الجيل الرابع
معالج بانتيم يمتلك نواتان معالجه و لكن نواة الجيل الرابع ظهرت تفوق ملحوظ في الاداء عن الجيل الثاني بفرق 20% تقريباً وهذا يعني لما نقارنها في السرعه
مع معماريات هندسيه قديمه خرجت في عام 2007 هنلاقي ان فرق قواة النواه الواحده عن نواة معالج زي C2Q 9550 ممكن توصل ل 40%

لكن C2Q 9550 صاحب اربعة انويه وده معناه ان لو معالج بانتيم افترضنا اداء كل نواه 100 نقطه وادائه الاجمالي 100% مع كلتا نواتاه المعالجه
فمعالج C2Q Q9550 هيكون صاحب اداء 60 نقطه لكل نواه وادائه الاجمالي 117% تقريباً

https://img.purch.com/r/600x450/aHR0...JmNC1mci5wbmc=

طيب إزازي ده حصل معالج I5 / I3 / Pentium تقريباً جميعهم تساووا بالاداء في لعبة BF4
حصل كده لأني إشتريت بطاقه رسوميه مناسبه لا تتطلب مجهود ضخم من وحدات المعالجه المركزيه ولأن هذه اللعبه لا تتطلب عمليات حسابيه كثيفه على نواة المعالج المركزي

فهتلاقي العاب شبيهه ببناء احدى المباني فلو انا محتاج ابني منزل فقط هتفق مع مقاول ما ويبعتلي فريق المهندسين و النائين المناسبين لبناء المنزل في فتره زمنيه محدده
ده النوع من الالعاب اللي بيتقال عليه Single Thread أو العاب النواه الفرديه و لا يحتاج ضغط شاق من جميع انوية المعالج
وفي الحاله دي لان النواه الفرديه الواحده من الجيل الرابع الموجوده بمعالج بانتيم قويه فبتقدر تحققلي نتائج ممتازه افضل من معالج زي C2Q 6700 بالرغم انه صاحب اربعة انويه لكنه قديم جدا

لكن لما احب ابني موول او فندق هتفق مع المقاول على فريق هندسي كبير وهيبتعلي معدات بناء ضخمه جدا عشان اقدر ابني الصرح ده في فتره زمنيه مناسبه
ده النوع من الالعاب اللي بيتقال عليه Multi Thread يعني كل ما تعطيله بنائين اكتر كل ما ينجر عملية البناء في فتره زمنيه اسرع
في الحاله دي لان المعالج القديم صاحب اربعة انويه فبيقدر يسعفني في عملية البناء اسرع ويحقق عدد اطارات افضل من المعالج الحديث

لكن في مشكله اخرى في معالج زي C2Q 6700 انه واطي جدا بالتردد وده معناه انه صحيح فريق بناء هندسي ضخم لكنه بطيء
بالرغم ان معالج بانتيم فريق هندسي صغير لكنه سريع جدا في الانجاز و دي هتعطيله نقطه لصالحه


شوف المراجعه القادمه
https://www.hardwaresecrets.com/wp-c...0gaming-08.gif

بالرغم ان معالج C2Q 8300 اربعة ا نويه وحجم كاش اكبر لكن بسبب سرعة نواة معالج الجيل الرابع و دعم برمجياته المدمجه بنظام عمله احدث
معالج بانتيم صاحب اتنين نواه تفوق عليه بثلاثة اطارات بينما معالج I3 صاحب خيطان معالجه اكثر حقق الضعف بالضبط
وده معناه ان في بعض الالعاب هيحصل عنق زجاجه وتضيع نصف قوة البطاقه الرسوميه تقريباً وبمعنى اخر هيكون شغال بنصف قوته فقط

https://www.hardwaresecrets.com/wp-c...mjogos-h04.gif
https://www.hardwaresecrets.com/wp-c...0gaming-06.gif

وفي لعبه تانيه نفس الشكل الخساره مع معالج حديث بمصادره معالجه قليله اقل من الخساره اللي ممكن تحققها في معالج قديم حتى لو بمصادر معالجه كثيره
و لكن

في لعبه تانيه مش محتاجه غير معالج مركزي مناسب فقط للبطاقه الرسوميه واي معالج مركزي متوسط الاداء هتقدر تستفيد بيه لان جميع واكثر
الاكواد تعقيدا فيها تتم من خلال وحدة المعالجه الرسوميه فقط كالاتيه

https://www.hardwaresecrets.com/wp-c...mjogos-h06.gif



بالشكل ده معالج حديث بنواه معالجه اسرع افضل من عدة انويه قديمه بنواة معالجه ابطىء
ولان معالج بانتيم هيمسحلك بالترقيه على نفس اللوحه الام لمعالج زي I5 / I7 بالمستقبل فده معناه هو الاختيار الافضل في جميع الاحوال

فقط يجب ان تكون البطاقه الرسوميه مناسبه
يعني مينفعشي اشتري بانتيم وبطاقه GTX 1060 اكيد الكارت ده يقدر يشغل العاب على اعدادات متقدمه وده معناه انه طول الوقت هيضغط على المعالج
المركزي في ارسال معلومات اللعبه باستمرار وهنا تحصل مشكله ويبدا يظهر تاخر في اداء الكارت

لكن لما يكون الكارت مناسب للمعالج وفي توازن في المنصه هيضبط اعدادات اللعبه على اعدادات مناسبه ليه
والاعدادات دي مشهتفرض عليه يطلب كود ضخم او معقد من المعالج المركزي وبالتالي ميحصلشي مشكلة تاخير

لذلك الاحدث افضل و التوازن شيء مهم جدا
في رأيي مع معالج بانتيم الجيل الرابع ممكن كارت زي GTX 750Ti على الاكثر يكون مناسب
لكن بعض الالعاب الحديثه بتفرض معالجه مركزيه مساعده للمعالجه الرسوميه واحتمال ده يتسبب في تاخير ايضا
لذلك من الافضل لو تقدر توصل لمعالج زي I3 يكون افضل لانه به مصادر معالجه مركزيه اكثر من بانتيم ويسحلك حتى بشراء بطاقه رسوميه اقوى حديثه

شكرا اخي ابراهيم على الشرح الوافي بإسلوبك الممتع ولجميل
نتمنى ان تواصل ابداعاتك بكتابة المواضيع لتعم الفائده

بسم الله ماشاء الله لا قوة إلا بالله.
بارك الله فيكم على جهدكم المتميز، وأعانكم وجعلكم أسعد الناس فى الدنيا والآخرة.
نتمنى لكم دوام الصحة والتوفيق

السلام عليكم استفسار بخصوص بروسيسور عندي
i7 3770 هل هو مناسب لي الالعاب
وايه افضل كرت شاشة ممكن اجيبة علما بان عندي 760 gtx 2 g
وشكرا