اتمنى المساعدة فى كسر سرعة Q6600
اولا السلام عليكم ورحمة الله و بركاته عليكم جميعا..
كنت عملت موضوع قبل كده بخصوص مشاكل الحرارة بالمعالج..
و الحمدلله تلقيت المساعدة من نعم خيرها هنا..
المقدمة : (اختياري)
النهاردة لسه واصل المشت الشديد Cooler Master Hyper 212 Plus
وتم التركيب المشت داخل كيسة تجارية !!
لا و الغريبة اني سألت تكنولوجي هوس و هاي ايند قالولى ب200جم و سألت الشركة -الحبيبة- ماكسمم قالولي 180جم و يعنى وفرت 20 و اللى وفرناه صرفناه ع الشحن.. و بحمد ربنا انه وصل النهاردة بالذات لان الجو النهاردة كان ولع ولع عشان الاختبار.. ههههههههه لا واللى يضحكك لما جيت احط المعجون كنت فاكره زي ابو 25قرش فحطيط نقطة فى المنتصف زى حبتين ارز كده زي ما بتنصحونا.. و جيت افرده ع المعالج لاقيته زي السمخ و حطيط كتييييييير ع المشت و ع المعالج و هههههههههه لما ضغط ع المشت عشان التركيب بقى.. كان بيظفلط زي الصابونة وبعد التركيب لاقيت المعجون طالع من جوانب قاعدة المشت..
صلب الموضوع :
تم التركيب ع العصر كده و المفجأة بعد ما كان بيوصل ل87درج و انت طالع (التوقف الذاتي بأبسط ضغط) اصبح اقصى درجة 55 بعد ضغط 10دقايق و بعد الكسر من 2.40GHz الى 2.80GHz اصبحت اقصى درجة عند الضغط 60 و بصراحة انا راضي جدا ع الدرجات ديه..
المطلوب :
لما ازود الناقل الامامي اكتر من 312 اغير ايه اغيره ؟؟
يعنى ترددات الرام و تردد الPCI ؟؟
مواصفات جهازي: (عموما هتلاقيهم ببيناتي)
البورده G41m-combo
العالج Q6600 OC 2.8GHz
رامتين 2GB DDr3 Bus 1333
كرت الشاشة HD6850
في الانتظار..
وجزاكم الله خيرا..:)
رد: اتمنى المساعدة فى كسر سرعة Q6600
عليكم السلام
اللوحة لن تساعدك بالوصول لتردد عالي خاصة وأن المعالج رباعي وتردده منخفض , يعني ممكن أقصى حد 3.0g أو 3.1g .
ضع صورة لإختبار الضغط مرفقا صور من CPUz لكل من المعالج و تردد الرامات للخيار Memory مع الكسر اللي حاليا ثابت معاك .
رد: اتمنى المساعدة فى كسر سرعة Q6600
الاخ اكستريم قاللك على المفيد
رد: اتمنى المساعدة فى كسر سرعة Q6600
زودت الناقل الامامي الي 333 و اليك النتيجة..
(الصور اثناء الضغط لمدة 11دقيقة)
ملف مرفق 11378
ملف مرفق 11379
ملف مرفق 11380
ملف مرفق 11381
ملف مرفق 11382
مع العلم فى خمول بيكون 43-38
ارفع كمان ؟؟
رد: اتمنى المساعدة فى كسر سرعة Q6600
دلوقتي واجهتني مشكلة و مش عارف سببها..
لما كسرت السرعة الجهاز سواء ع 2.8GHz او 3GHz بيطفي لوحده بعد مدة 10-30دقيقة واحيانا مش بيطفي سواء فى حالة الخمول او وانا بلعب مع اني متأكد ان حرارة المعالج لم تتعدى ال62 و كذالك كرت الشاشة.. هو ممكن الرامات تسخن فتطفي الجهاز؟؟ ام العيب من البورده ؟؟ ام عيب ترددات او فولت ؟؟
رد: اتمنى المساعدة فى كسر سرعة Q6600
هل البيوس لديك اصدار F3 ؟
ان لم يكن فحدث البيوس وعاود ضبط الاعدادات من جديد , فولت المعالج يفضل ضبطه على 1.28 أو 1.30 لضمان الاستقرار .
رد: اتمنى المساعدة فى كسر سرعة Q6600
اقتباس:
المشاركة الأصلية كتبت بواسطة Extreme2
هل البيوس لديك اصدار F3 ؟
ان لم يكن فحدث البيوس وعاود ضبط الاعدادات من جديد , فولت المعالج يفضل ضبطه على 1.28 أو 1.30 لضمان الاستقرار .
نعم انه F3
و هثبت فولت المعالج ع 1.30 ولي رجعة..
بس انت ماقولتليش لما احب اكسر السرعة ما بعد ال3.0GHz اغير ايه فى الاعدادات غير الناقل الامامي ؟؟
وجزاك الله كل خير اخي نواف ع مجهوداتك الملحوظة بالمنتدى:)
رد: اتمنى المساعدة فى كسر سرعة Q6600
بص انا كل اللى عملته الاتي..
1- ثبت الناقل الامامي ع 333
2- ثبت ترددات الرام 9-9-9-24 ع التوالي
3- خليت الVCore = 1.3
معلش وسؤال صغنن الVID ظاهر فى الصورة ديه 1.325
(صور تمت اثناء الضغط لمدة 5 دقائق)
ملف مرفق 11385
والCore Voltage ظاهر هنا 1.248
(صور تمت اثناء الضغط لمدة 5 دقائق)
ملف مرفق 11386
طب السؤال..
هو فين الVcore اللى خليناه 1.3 مش ظاهر !!
و الفولتات الموجوده بالصور ديه بتاعة ايه ؟
وماتنساش السؤال ده..
بس انت ماقولتليش لما احب اكسر السرعة ما بعد ال3.0GHz اغير ايه فى الاعدادات غير الناقل الامامي ؟؟
(لكي لا اضر بأي من مكونات الجهاز)
رد: اتمنى المساعدة فى كسر سرعة Q6600
أضن أن السبب في توقف الجهاز هوعدم استقراره
اعمل test ب kombuster أو furmark لاتأكد
بالنسبة لل VID كانت النسبة المئوية لل Vcore لهادا المعالج
أما ال Vcore فهي الحقيقية أثناء الضغط
رد: اتمنى المساعدة فى كسر سرعة Q6600
جزاك الله كل خير احي زكرياء..
بس المشكلة دلوقتي لما خليت سرعة المعالج 3.0GHz الجهاز طفى مني و انا بلعب فنزلت السرعة الي 2.8GHz و كان شغال زي الفل بس لما سبت الجهاز 10دقايق و كانت اللعبة مفتوحة فلما رجعت لاقيت الجهاز مطفى برده.. فرجعته لسرعته الافتراضية.. مع ان زي ما قولت قبل كده حرارة المعالج و كرت الشاشة لم يتعدو ال62 !! فما سبب هذه المشكلة و لما حلها :confused:
في الانتظار و يارب تتحل ها المشكلة..:comp21:
رد: اتمنى المساعدة فى كسر سرعة Q6600
وعلى السرعة الافتراضية تختفي مشكلة الايقاف الفجائي تماما ؟
وهل الايقاف الفجائي يتبعه اعادة تشغيل تلقائي أم توقف تام للجهاز ؟
وهل انت متأكد من ضبط تتردد PCI Ex على 100MHz أم تتركه على Auto عند الكسر ؟
رد: اتمنى المساعدة فى كسر سرعة Q6600
اقتباس:
المشاركة الأصلية كتبت بواسطة Extreme2
وعلى السرعة الافتراضية تختفي مشكلة الايقاف الفجائي تماما ؟
كلا لم تختفي.. و بقيت اللعب ساعة و الجهاز شغال زي الفل لكن لما دوست ستارت وتركت الجهاز دقتين راح طفى
وهل الايقاف الفجائي يتبعه اعادة تشغيل تلقائي أم توقف تام للجهاز ؟
توقف تام.. بس الغريبة انه لما بيطفي اللمبة الموجوده بالكي بورد تبقى مضيئة
وهل انت متأكد من ضبط تتردد PCI Ex على 100MHz أم تتركه على Auto عند الكسر ؟
تركته ع Auto
تم الاجابة ع الاسئلة..:) تديني 10\10؟ :rolleyes:
بس سؤال يا نواف.. هي الرام لما بتسخن اوي ممكن تطفي الجهاز؟ اصلي بفكر اوجه مروحة الى الرام.. ولا مش فارقة؟
وهل يوجد برنامج يقيس درجة حرارة الرام؟ ام صعبة ديه؟
رد: اتمنى المساعدة فى كسر سرعة Q6600
اقتباس:
كلا لم تختفي.. و بقيت اللعب ساعة و الجهاز شغال زي الفل لكن لما دوست ستارت وتركت الجهاز دقتين راح طفى
افهم من كلامك ان المشكلة مش من الكسر ؟ ان كان كذلك انسى موضوع الكسر لغاية حل هذة المشكلة.
اقتباس:
توقف تام.. بس الغريبة انه لما بيطفي اللمبة الموجوده بالكي بورد تبقى مضيئة
هل قمت بتغيير اعدادات الطاقة بلوحة التحكم ؟
كضبط الجهاز على وضع sleep أو ايقاف القرص الصلب بعد فترة معينة ؟ استعيد الاعدادات الافتراضية للإحتياط وجرب .
لا طبعا ذلك مضر بكرت الشاشة , عند الكسر اضبط تردد PCI على 100 .
رد: اتمنى المساعدة فى كسر سرعة Q6600
اقتباس:
المشاركة الأصلية كتبت بواسطة Extreme2
افهم من كلامك ان المشكلة مش من الكسر ؟ ان كان كذلك انسى موضوع الكسر لغاية حل هذة المشكلة.
ربنا يستر
هل قمت بتغيير اعدادات الطاقة بلوحة التحكم ؟
كضبط الجهاز على وضع sleep أو ايقاف القرص الصلب بعد فترة معينة ؟ استعيد الاعدادات الافتراضية للإحتياط وجرب .
كلا اطلاقا.. متأكد من اعدادات الطاقة بالوندوز كله تمام
لا طبعا ذلك مضر بكرت الشاشة , عند الكسر اضبط تردد PCI على 100 .
حاضر:o
بص يا دوك..
انا دلوقتي عملت ضغلط لمدة 35 دقيقة(بالاعدادات الافتراضية دون كسر) و خلص اول ضغطين بنجاح اللى هما 512K , 32k ولما دخل ع ××7 مش فاكر الرقم بالضبط فضل دقيقتين عليه و طفى.. كده معناه ايه؟؟
و لما طفى روت دخلت على البيوس.. قولت انتقم بقى..:ah14: روحت رفعت الناقل الامامي الى 356 الجهاز اعاد التشغيل مرتين ورجع الاعدادات الافتراضية تاني وحولت ارفع فى الفولت مافيش فايدة روحت منزل السرعة من 3.2GHz الى 3.1GHz بدون جدى.. :ah47:روحت رجعتها الى 3GHz و الجهاز اقلع بس قولت ارفع الفولتات حبتين عشان الاستقرار و خليت ال Vcore =1.4 ..
واللى معرفهوش CPU Termination كان 1.2 قولت ارفعه هو كمان اهو من نفسه برده الى 1.3 .. وده كل اللى عملته و اهو الجهاز شغال هجرب اللعب شوية ع كام ضغطة كده ونشوف..
بس بتاع ايه الCPU Termination ده يا دوك ؟؟ لان كلمة termination ديه مش مريحاني خالص..
الله يبارك لك يا دوك نواف.. تعبينك معانا..:)
رد: اتمنى المساعدة فى كسر سرعة Q6600
يا بني ما انا قولتلك تنسى موضوع الكسر ده خالص لغاية ما نحل المشكلة !! :confused:
استعيد الافتراضيات للبيوس , ثم ادخل عليه وابحث عن الخيار Loadline Calibration وعطله , الخيار تجده ضمن قائمة تعديل الفولت أو بقائمة advanc voltage setting إن وجدت .
بعد تعطيل الخيار اذهب CPU Voltage واضبطه يدويا على 1.28v وبعدها ادخل للوندوز وعيد اختبار الضغط لمدة ساعة على الأقل للتأكد من اختفاء المشكلة .