اريد احد يشرحلي جزئيتين في الوايرليس بكورس الSWITCH

السلام عليكم

ابغا مساعدتكم في احد يشرحلي جزئيتين ماني فاهمها عدل من فديوهات جيرمي

بخوصو الواير ليس في كورس SWITCH

اول شئ

الفرق بين Autonomous APs & Lightweight APs
ماني فاهم بالزبط ايش الفرق بينهم واستخدامهم

ثاني شئ

ايش معنى وفائده وكل شئ بخصوص Power over Ethernet

الله يجازيكم كل خير


اخوكم عبدالرحمن

السلام عليكم أخى.....
خلينا نبدأ الأول ب Power Over Ethernet.....
الموضوع دا سهل جداً.....
القصة كلها تتلخص فى ان انت عندك فى الشبكة مثلاً أجهزة كتييرة
((Devices )).....مش شرط أجهزة كمبيوتر....وطبعاً لازم توصلهم كهرباء عشان يشتغلوا....وهنا تكمن المشكلة.....ان ولتكن الاجهزة دى هيا IP Phones .
والمكان اللى هتحط فيه التليفون دا مفيش مصدر كهرباء قريب منه...هل هتضطر ان تقعد تحفر فى الحيطان من جديد لكل تليفون عشان توصله كهرباء...دى حاجة.
والأهم...ان لوانت فعلاً وصلتلهم كهرباء عادى...ب AC Adapter...هتعمل ايه لما الكهرباء تقطع عن الشركة.....!!!! هلى هتسيب الشبكة تقع والتليفونات مش شغالة.....!!!!
فهنا كانت الفكرة....
مش انت عارف ان ال IP Phone فيه منفذين....منفذ AC Adapter عادى...ومنفذ تانى لل Ethernet...عشان يتوصل بالشبكة. ومن هنا كانت ان ممكن أوصلل للتليفون دا الكهرباء على كابل ال Ethernet اللى جايله من ال Switch عادى..
((مش انت عرف ال IP Phone متوصل على السويتش ))...خلاص.
يبقى أنا وصلتله كهرباء على السلك العادى.....طيب ازاى.....!!!
فى هنا طريقتين....
- Cisco ILP .....ودى اختصار ل Cisco Inline Power ودى طبعا
Cisco Proprietary
ومع النوع دا....أول ما توصل ال IP Phone بكابل ال Ethernet عادى بالسويتش.
وبعد كده السويتش بيرسل Test Tone بتردد 340 Khz فى السلك دا...وبما ان ال IP Phone مصمم لكده..ان هو يستقبل كهرباء...فهيسمع ال Tone دى وهيردها تانى LOOP يعنى....وأول ما ال Switch ترجع له ال Tone دى تانى يعتبر ان ال Device اللى قدامه شغال POE ...تمام كده.
النوع التانى....802.3af....والنوع دا Standard....يعنى مش لسيسكو وبس.
وهنا السويتش بيحاول يعمل Detect لأى POE Device عن طريق...ان هوا يرسل Small Voltage على كابل ال Ethernet دا...ويستنى....لو لقى ان المقاومة
(( Resistance )) أكبر من أو تساوى 25K ohm...بيعتبر ان ال Device دا POE محتاج كهرباء.
** كده كل حاجة المفروض تبقى وضحت.
باقى حاجة واحدة...
.ان أنا ازاى أخلى ال Switch port يحاول ويعمل Detect لل PoE Device اللى قدامه على البورت دا......؟
- تدخل على ال .....Interface Fast Ethernet
- وتقوله..... Power Inline Auto
هتقولى,,,ما أنا كده برده لو الكهرباء انقطعت...برده الشبكة هتقع برده....!!!!!! هقولك لأ....انت دلوقتى موصل ال IP Phones دلوقتى بالسويتش....ودا مصدر الكهرباء بتاعها...ولو الكهرباء انقطعت السويتش مش هيفصل...لييييه..؟؟
لأن فى أى شبكة أساسا بتوصل كل ال Main Devices فى الشبكة عندك ب UPS.....صح....؟
يبقى كده السويتش لازم هيكوم متوصل ب UPS..وبكده هتفضل ال IP Phone شغالة عادى....لأن مش معقول لو انت عندك فى الشركة 300 IP Phone..هتوصلهم كل واحد على UPS....!!!!:D
===========================================

واعذرنى أخى.....
لما أرجع...هكملك جزئية ال Wireless....لأنى مشغووول شوية.
ولو فى أى حاجة مش واضحة قولى.
وربنا يوفقك.
يارب.

ما شاء الله عليك

كفيت و وفيت استاذي انت مو جيرمي

الله يوفقك في دنيتك ويجزيك الف خير

السلام عليكم أخى......
أسف جداً على التأخير.....بس والله غصب عنى لأنى كنت مشغوول جداً
وأتمنى ان ال Power Over Ethernet تكون فهمته كويس.
نرجع لموضوعنا تانى......
هقولك على مثال......وهشرح عليه النوعين ان شاء الله.
انت دلوقتى عند شبكة...فيها جزء شغال Wired عادى ومتوصلين على سويتش والسويتش دا متوصل براوتر عادى.....
وعندك 25 User تانين شغالين wireless....شغالين ازاى.....!!! ال Wired و عرفناه.....وقصته سهله......برده ال Wireless أسهل.
فى عندك حلين عشان تخلى الناس دى تشتغل Wireless.....وكل حل من دول ليه خصائص تختلف عن التانى وان كان ممكن يشتركوا فى خصائص معينة...ما علينا.
الحل الأول.....Autonomous AP.
يعنى ايه......!!!!!
انت دلوقتى ال 25 User دول متقسمين فى 5 أماكن مختلفة...وليكن فى 5 أدوار مختلفة......وعايز توصلهم مع بعض.
هتقوم رايح تشترى 5 AP وتحط فى كل دور AP توصل ال AP دى فى الأخر Wired بال Switch أو ال MLS فى ال Distribution Layer...عشان ال Connectivity مع الناس اللى شغالة Wired..وكمان عشان ال Vlans وكده...تمام.
دلوقتى جيت عايز تعمل Config لل AP اللى فى الدور الأول...
لازم تروح توصلها Console وتعملها Config....طيب وال AP اللى فى الدور التانى عايز أعملها نفس ال Config.....لازم تتطلع الدور التانى وتوصلها Console وتعملها Config...وعلى كده مع ال 5 AP.
دى حاجة.....
كمان عندك دلوقتى عايز تتطبق Policy جديدة على الناس اللى فى الدور الأول والرابع بس.....لازم تروح على كل واحدة وتعملها ال Config الخاص بيها....وعلى كده مع كل حاجة عايز تطبقها.
وأخر حاجة.....
لو فى اتنين عايزين يكلموا بعضهم وال اتنين دول شغالين Wireless..الترافيك هيمشى ازاى.........!!!!!
ال User الأول هيبعت ال Traffic على AP وبعد كده ال AP ترسل ال Traffic دا لل User التانى....
طيب ماهوا كان ممكن ال 2 User دول يرسلوا ال Traffic لبعض Over The Air مباشرة...صح...؟ لأنهم الاتنين شغالين Wireless..
لكن فى ال Autonomous AP كل AP مستقلة بذاتها.......
دا كده ال Autonomous AP........
======================================
نيجى دلوقتى للحل التانى.....Lightweight Access Point
هنتكلم على نفس المثال اللى فات....
دلوقتى أنت اشتريت ال 5 AP دول بس بدل هما Autonomous جبتهم Lightweight.....تمام,,,,وبعد كده أعمل ايه.....!!!!
هتوصلهم برده Wired مع ال Distribution Layer.....
وبعد كده هتجيب حاجة اسمها Wireless Lan Controller...وال WLC دا هوا اللى هيبقى مسؤل عن ال Centralized Management وكل حاجة تانية.....زى ال Security وال Deployment وال Configuration وال Control....يعنى أى حاجة عايز تعملها على ال 5 AP هتعملها من مكان واحد....(( زى لما تبقى فى ال Active Directory بتقدر تعمل كل حاجة على الشبكة منه ))
ونيجى دلوقتى لل Traffic هيمشى ازاى......
لو فى User عايز يرسل Traffic ل User تانى بس فى نفس ال Range معاه....هيرسل ال Traffic Over The Air عادى من غير ما يستهلك ال Resources بتاعت ال AP.....
ولو عايز يرسل Traffic ل User تانى مش معاه فى نفس Range ال AP....هيرسل ال Traffic لل AP وبعد كده ال AP ترسل ال Traffic.
باقى حاجة أخيرة....
بعد ما ضفت ال WLC وعملت ال Control بتاعك وكل حاجة تمام.
فى دلوقتى Link بين ال LAP وال WLC ...صح....؟
وطبيعى ان ال WLC هيبقى متوصل على ال Multilayer Switch فى ال Distribution layer......صح...؟
وهيبقى الشكل بالطريقة دى...

AP--------------------MLS-------WLC

AP--------MLS

AP--------MLS

ولما ييجى ال User يعمل Authenticate وي Join ال Network....يبقى الترافيك بالطريقة دى....
بيبقى فى Tunnel بين ال AP وال WLC.....عشان لو انت أخدت بالك من الشكل اللى فات...ان فى MLS فى الطريق بين ال AP وال WLC ودا معناه ان ممكن أى حد Plugged فى ال MLS يقدر يعمل Capture لل Traffic بتاع ال Wireless...ومن هنا كان لازم يبقى فى ال Tunnel دى....وال Tunnel هنا اتنين....
أول Tunnel بيعدى فيها ال Control Messages
وال Tunnel التانية بيعدى فيها ال Encapsulated Data....
وال اتنين Tunnel دول بتستخدموا برتوكولين......
البروتوكول الأول.....
Lightweight Access Point Protocol
والاختصار LWAPP.......
و البروتوكول التانى اسمه
Control And Provisioning Wireless Access Point Protocol
والاختصار بتاعه....CAPWAP.....
======================================
أتمنى أن أكون وضحت الفكرة كويس.....
وعلى فكرة.....
لازم تكون عارف... LAP Operation وكمان ال WLC Functions......
ولو ربطت المعلومات صح ما بين الحاجتين دول...وما بين الشرح اللى فوق دا...هتفهم كل حاجة صح...وهتلاقى كل حاجة واضحة أوى.
ولو فى أى حاجة تانية....أو فى الكلام اللى فوق دا مش فاهمها قولى وأنا أشرحهالك.......
وربنا يوفقك...
يارب.

يسلمو اخوي على شرحك اللي اكتر من رائع

الله يجعله في موازين حسناتك

وانا اذا وقف عليا شئ بسالك فيه

جزاك الله الف خير ودعواتكم اني انجح ان شاء الله كمان اسبوعين وبختبر

اقتباس:

---

المشاركة الأصلية كتبت بواسطة angel_boy

يسلمو اخوي على شرحك اللي اكتر من رائع

الله يجعله في موازين حسناتك

وانا اذا وقف عليا شئ بسالك فيه

جزاك الله الف خير ودعواتكم اني انجح ان شاء الله كمان اسبوعين وبختبر

---

================================================== ================
السلام عليكم.......
ان شاء الله تختبر وتنجح....
ربنا يوفقك..
يارب.

الله يعافيك شرح مبدع اتمنى تنزل مواضيع بالسوتش زي هذي وتسهل على نص المشوار

اقتباس:

---

المشاركة الأصلية كتبت بواسطة الفارس المتعلم

الله يعافيك شرح مبدع اتمنى تنزل مواضيع بالسوتش زي هذي وتسهل على نص المشوار

---

================================================== =======
جزاك الله خيراً يا أخى...
وأيضاً تابع معى فى هذا الموضوع الشامل لكل شروحات ال CCNP ومتجدد ان شاء الله....

https://www.arabhardware.net/forum/s...d.php?t=228130
وبالتوفيق ان شاء الله...
يارب.

بسم الله الرحمن الرحيم
شكرا جدا يا بشمهندس على شرحك الرائع
وبالمناسبه ال wireless من المواضيع الكرهتها من ايام الجامعه
الى الان والحمد الله :-))))

وبدعي ربنا ميكنش في ال ccie شرح لل wireless
بيسد نفسي :-))
ان شاء الله اتعالج قريب من المشكله دي
لان في ناس بتنصحني اخد ccna wireless
وده هيكون احسن علاج هيهيهي

--------
شكرا جدا على تسهيلك للمواضيع
وان شاء الله تجد ثمار اعمالك في كل خطواتك

السلام عليكم ورحمة الله وبركاته
وفقك الله يا اخي الحبيب :-))