محتااار فى شراء لاب توب !

السلام عليكم ورحمة الله وبركاته

يا جماعة انا ناوى اجيب لابتوب خلال الاسبوع ده بس محتااار جداً

شفت لاب توب Hp G62-B53 وهو كسعر كويس جداً بس الصراحة انا شفته ومعجبنيش شكله وحاسس انه مش بتاع ضغط شغل

وفيه Dell Inspiron N5010 i5 بس عيبه الهارد 320 والرامات 3 جيجا

وفيه Fujitsu AH530 وده اللى عجبنى فيه انه المانى !!

وياريت بقى يا جدعان لو حد يعرف لاب توب توشيبا لأنى دخت عشان الاقى الحاجة اللى عايزها وفى امكانياتى

انا الصراحة مش عايز اتنازل عن لاب بالامكانيات ديه
CPU : I5 - HDD : 500 - VGA : ATI
وكل ده بأقصى حد ليا 4200 جنيه :)

والمشكلة فى حاجات كتيير بشوفها ع النت بس للأسف مش بتبقى متاحة فى السوق لو حد يعرف ايه النظام لو جبته من اى موقع . يعنى بالنسبة للشحن وكده

اسوس
من افضل الماركات في اللاب توب علي الاطلاق بالنسبة لرأي الكثير من الفنين والمستخدمين
انا امتلك لاب اسوس وهو حتي الان رائع بدون اي نوع من المشاكل الحمد لله
يقال ان الديل والاتش بي من اكثر الماركات في الارتجاع بالنسبة لعيوب التصنيع هذا فقط ما انا سمعته بدون تجربة شخصية
يعني كلام غير مؤكد لكن الاسوس الافضل في كل شيء
المواصفات التي تريدها اخي في الاسوس موجودة بوفره في مصر مركز البستان التجاري وسوق العصر بأسعار من 3800 الي 4200
واتمني لك التوفيق في شراء الافضل ان شاء الله

شكراً safare

فى انتظار اراء باقى الاعضاء

أخي خليك على Dell Inspiron N5010 i5 بس الإصدار هارد 500 وكرت شاشة ati5650 وراماته 4
أما الموديل يلي أنت شفته ليس جيد

الديل أفضل لك ممكن تتعرف على موديلات عديدة من الموقع إيجبت لاب توب , الشحن خلال 48 ساعة والتوصل لأى مكان داخل مصر أو خارجها والدفع عند الإستلام وعند وجود اى مشكلة بالجهاز ..تتصل على أرقام إيجبت لاب توب بالموقع نفسه وتتطلب مندوب شحن يستلم منك الجهاز ويسلمه لك مرة أخرى بعد التصليح أو الإستبدال فى حالة مشكلة بالجهاز "عيب صناعة " وكل بالتلفون فقط

اقتباس:

---

المشاركة الأصلية كتبت بواسطة X_ANGEL

أخي خليك على Dell Inspiron N5010 i5 بس الإصدار هارد 500 وكرت شاشة ati5650 وراماته 4
أما الموديل يلي أنت شفته ليس جيد

---

DELL احسن فعلان من HP

اقتباس:

---

وفيه Fujitsu AH530 وده اللى عجبنى فيه انه المانى !!

---

إياك من Fujitsu ..
أنا عندي Fujitsu Siemens V5515 .. و بيسخن بدرجة فظيعه + البطاريه تعبانه جدا .. و ألمانى برضه!!!

السلام عليكم

طب ليه مفكرتش فىacer وبالمبلغ ده هتجيب المواصفات اللى انت بتقول عليها وازيد كمان ليه بقى

الاب الوحيد اللى ضمانه سنه على كل الاجزاء شامل البطاريه والشاحن وبشهادة اصحاب الشركات اقل نسبه اعطال ومرتجعات فى الفئة المتوسطة على الاطلاق وطالما انت بتتكلم فى الفئة المتوسطه يعنى مش هتدفع 15000 فيما فوق يبقى ده احسن اختيار ليك والهارد وير كله واحد فى الداخل وهتجيب راماته 8 جيجا بدل 4 فى dell او hp وبالامكانيات اللى انت قلت عليها وشاشته lLED ودى وجهة نظرى المتواضعه من خلال بعض المرجعات وربنا يوفقك وتجيب احسن حاجه
acer 5742 /5743/7544......
والسلام عليكم ورحمة الله وبركاته

ابعد عن الموديلات HP وبالنسبة للديل لو عاوز ديل ماتجبشغير XPS لانه ال Inspiron دي ماركة تعبانة جداااااا
لو حابب توجه لل Acer Or Asus وبالاخص الايسر ستجد مواصفات روعة بلسعر الي انت عاوزه وانا عن نفسي امتلك جهاز ايسر 5742G
Cpu 460m core i5
ram 4gb ddr3
vga nvidia 540 m
hdd 640 gb
display hd led
وسعره 4050