مصر-الاسكندرية (كيسة احترافية) في حدود 600-700 جنيه

- أقصى ميزانية محددة:750 جنيه
- استخدامك للجهاز:العاب+جرافيكس+نت+أفلام
- حجم الشاشة و الدقة (Resolution) التي تستخدمها: 1920*1080
- القطع التي تنوي شراءها:كيسة أحترافية تكون واسعة وكبيرة وبتقبل مراوح كتير و تكون متينة كنت عاوز أجيب NZXT Phantom بس للاسف مش موجودة في الاسكندرية و عاوز حاجة شبيهة لها
- القطع التي ستعيد استخدامها من الجهاز القديم: Intle Core I5 2500K + ASRock Z68 pro+ ATI HD 5670 1G + Cooler master V6
- ميعاد شراء الجهاز:N/A
- مكان الشراء:الاسكندرية
- محل سكنك:الاسكندرية

قم بزيادة الميزانيه قليلا واشترى


Cooler Master HAF 932 Full Tower
825 حنيه

طب أخي الكريم ما هي المراوح المرفقة مع الكيسة ؟؟؟ وهل بها فلاتر تراب؟

أنا تمكنت من رفع الميزانية و حاليا محتار بين 2 الأول هو Haf X و التاني هو Haf 932 و كنت عايز أعرف ايه الفرق مابينهم ؟ و هل فرق الامكانيات يستحق فرق السعر ؟؟؟

سيتم نقل الموضوع لقسم صناديق الحاسوب الشخصى سيفيدك الاخوة هناك بشكل افضل :)

لو هتوصل لمستوى ال Haf 932 يبقى أفضل منها هات thermaltake chaser MK1 ب 1000 جنيه

و لو هتوصل لمستوى ال HAF X ]بقى نصيحتي ليك هات Corsair Graphite 600t white ب 1200 جنيه
و ديه مراجعة شخصية ليها
https://arabhardware.net/forum/showthread.php?t=269265

اقتباس:

---

المشاركة الأصلية كتبت بواسطة boody_boo

لو هتوصل لمستوى ال Haf 932 يبقى أفضل منها هات thermaltake chaser MK1 ب 1000 جنيه و لو هتوصل لمستوى ال HAF X ]بقى نصيحتي ليك هات Corsair Graphite 600t white ب 1200 جنيهو ديه مراجعة شخصية ليهاhttps://arabhardware.net/forum/showthread.php?t=269265

---

طب أخي الكريم ممكن تقولي ايه سبب تفضيلك ل Corsair Graphite 600t white عن ال Haf X رغم اني شايف ان فيه مميزات كتير في ال Haf x زي الحجم الكبير و التهوية الأفضل و الهوت سواب للهاردات و حاسس ان 1200 كتير علي كيسة ميد تاور تاني حاجة هل فيه منها أي لوت تاني عير الأبيض؟؟

تفضيلي للكورسير لكذا سبب:
أولاً: موضوع التهوية فبتديك كذا أوبشن بين الجنب الزجاج او الشبكة اللي ممكن تركب عليها لحد 4 مراوح 120مم (ده غير إن فيها مروحتين 200 + مروحة 120)
ثانياً: الحجم معتقدش إن موضوع ميد تاور أو فول تاور هيفرق كتير لإن كده كده مفيش مستخدم عادي بيستخدم بوردة XL-ATX و الكيسة فعلاً واسعة جداً
ثالثاً: ترتيب الكابلات لا يمكن يكون أفضل من اللي بيتم في الكورسير .. معمول حساب كل سلك صغير في الكيسة عشان تعمل تهوية مثالية
رابعاً: التقفيل و جودة تصنيع الكورسير مثالية لأبعد الحدود
خامساً: تصميم الكيسة أنا عن نفسي شايفه أكتر كيسة بتجمع بين الأناقة و الروعة في الشكل الخارجي و الأداء و مميزات الكيسات الاحترافية
سادساً: فيها متحكم في سرعة المراوح غير موجود في الهاف (و عن نفسي اعتقد إن موضوع الهوت سواب ده بالنسبة ليا مش بيفرق كتير لإني مش بحرك هاردات كتير أو أجيب هاردات عندي) لكن بزود و أقلل سرعة المراوح حسب الحاجة و درجة حرارة الغرفة
سابعاً: بتدعم كل خواص الكيسات الفول تاور (أنا عن نفسي اختارتها بعد ما شوفت مقارنات و تقارير لكيسات كتير منهم الهاف إكس و الكوزموس و التروبر كمان)

هي آه الهاف اكس تأثير تبريدها ممتاز على كارت الشاشة لكن ضعيف على البروسيسور بالمقارنة بكيسات تانية أقل منها و ده من تقارير كتيييييييييييييييييييير

الهاف اكس أطول 4.2 سم و الكورسير اعرض ب 3 سم
الطول يفرق معاك في البوردة ال XL-ATX و العرض يفرق معاك في ال Cable management

الكورسير بيركب عليها كل أنواع المشتتات المائية المتاحة في الأسواق
و بيركب فيها أطول كارت شاشة متاح و لو فيه أطول هيركب بسهولة و تعمر كروس فاير أو SLI عادي جداً
بيديك مرونة في نقل cage الهارد ديسك العلوي تنزله تحت جنب أخوه و خلف الباور سبلاي و برضو بيتوفر ليه تهوية مناسبة جدا جدا جدا جدا

ممكن تجيب. haf 912 advanced. ب600

او 922. ب700

انا معايا haf 912

haf 912 مناسبة لتجميعتك ومو ناقصها شي:)

haf 912

وبالباقي ركبلها كام مروحة 120 مم فهي كافية جدا ;)

انا شايف ان ال Cooler Master HAF 912 Advanced كافية جدا جدا و هي ب 600 جنية..... انا عن نفسي الجهاز اللي هجيبو معدي ال 9000 جنية و شايف ان الكيسة دي كافية جدا جدا و بشهادة البائعين كلهم مع انهم بيبيعوا كل الانواع و المكسب فيهم اكتر

Cooler Master HAF 912 Advanced

الكيسة دي موجوده عند كومبيو ساينس ب 550 جنية

وعند هاي ايند ب600 جنية