عرض للطباعة
اليوم في جريدة المصري اليوم ورد هذا المانشيت
"ساعة ظلام: سوزان مبارك تشارك.. وجورج يطفئ أنوار البرج وعبدالعزيز يجلس فى الظلام.. ورواد الهرم تبادلوا القبلات"
https://www.almasry-alyoum.com/artic...8&IssueID=1360
معرفش ايه الدافع للتغني بالمسخرة التي تحدث في هذا الظلام
مع أنها صارت تحدث بشكل عادي جدا في "عز الضهر"
فرحانين قوي إن كازينوهات شارع الهرم اللي تعريفها في القاموس "بيوت دعارة مرخصة" روادها بيبوسو بعض في ساعة ضلمة؟
ده بيساعد على زيادة الاحتباس الحراري
الناس دي عايزة مننا ايه؟
الجزء المستفز من الخبر السابق ورد في آخر سطرين
وإليكم المزيد
في نفس العدد من الجريدة ورد هذا الخبر أيضا عن زيارة وزير الصحة لأحد الوحدات الصحية
"الجبلى لـ«طبيبة محجبة»: «هسلم عليكى بالعافية.. ومتخافيش إيدى مش نجسة»"
https://www.almasry-alyoum.com/artic...ticleID=204927
وأيضا الجزء المستفز يأتي في آخر سطرين بعيدا عن سياق الموضوع
واحدة ومتدينة مش عايزة تسلم على سيادته
يمسك إيديها بالعافية ويقولها إيدي مش نجسه؟
كويس إنه مباسهاش وقالها غاسل سناني بسجنال تو
هههههههه
شر البالية ما يضحك
اعتقد الرد الرسمي سيكون على الحدثين كالتالي :
يا عزيزي روق و خليك كول بلاش عقد و كلاكيع
هما باسو بعض و الصحافة لازم تنشر الحقيقة ولا عايزينا نسكت وتقولو الصحافة بتكب سطر و تسيب سطر
يا عزيزي انت عايز ايه نهزر معاكو ونسلم عليكو تزعلو نقول عليكو اهل الظلام و اصحاب ثقافة موت برضه مش عاجب
واللهي احنا مظلومين
انما ايه رايك في قمة الدوخة
-----------------------------------------
طبعا ما سبق ليس رأي بس كان محاولة لرفع الضغط عندك شوية و عليك بواحد عناب(كركديه) ساقع ثلج
وبعدين امال تعمل ايه لو قرأت اخبار اليوم او روزاليوسف واللهي و اللهي وانا عندي السكر ارتفع ل 320 لما قرائتهم مرة
وخفت اتصل بيهم اقولهم اي العك و المحلسة دي يقولولي معلش يا خويا بس 320 كثير اوع تتمسك رادار
إذا قرأت الصحف المسماة قومية تحس أنهم يعيشون في بلد غير التي نعيش فيها
وإذا قرأت البلاوي التي في صحف المعارضة تقول في نفسك "كل المصايب دي ولسه البلد موجودة؟"
دولتين مختلفتين جدا
لو عايز تطبق شعار روتانا على نفسك بس مش على عنيك "روتانا سينما مش هتقدر تقفل بقك ....... من الصدمة"
جرب تقرا مدونة الوعي المصري "مع تحفظي على كاتبها الذي يتعمد السفالة في الكثير من الأحيان في تناوله للأخبار"
بس عشان نكون موضوعيين
صحف القومية هي صحف الشاطر فيها من يستطيع تحويل قلمه الي عاهرة بضاعتها هي الكلمات والافكار وليس الجسد
اما العديد من صحف المعارضة تستهدف سياسة التهويل المبالغ فيه و لا ترى سوى السؤ في كل شئ وبعضها يخدم اجندات خارجية
عشان كده جريدة مثل المصري اليوم استطاعت ان تحقق في 5 سنوات ما لم يحققه الاخرين في عشرات السنين
بالطبع هناك صحف شاذة وتميل إلى التهويل
ما أتحدث عنه هو الصحف المشهورة والتي لها نصيب كبير من الجمهور مثل المصري اليوم والأسبوع
والمولودة الجديدة "الشروق"
والله الموضوع ده انا حس ت بيه اجاي اقرا الصحف القوميه " زياده في المعاشات , تخفيض سعر السلع , بناء كوبري جديد , الخ ..... "اقتباس:
المشاركة الأصلية كتبت بواسطة __eRa__
بعد كده في نفس اليوم في الصحف المعارضه " رشاوي في وزاره ... , دخول اغذيه مسممه , الخ .... "
مش عارف اصدق مين
فالواحد بعد كده احسن له يقرا ميكي بدل ما يوجع دماغه كل شويه .
المشكلة في مصر هي ال extreme في كل حاجة لا يوجد وسط و ان كان ليها بعض الايجابية
على راي الشيخ القرضاوي في رمضان اللي فات قال لعمرو اديب : مصر فيها الاحسن في كل حاجة خير وشر
افضل راقصة في مصر و افضل رجل دين في مصر و افضل عالم او طبيب في مصر و افضل نصاب في مصر