هل يستحق وجود نظام تشغيل للموبايل التضحية بالثري جي او حجم الشاشة ؟

السلام عليكم و رحمة الله و بركاته
انا ناوي اشتري موبايل جديد و محتار ما بين 3 موبيلات السعر قريب في الثلاثة و الامكانات متشابهة جدا مع اختلافات قليلة لكن جوهرية الموبيلات هي

samsung monte
https://www.gsmarena.com/samsung_s5620_monte-3117.php


samsung wave 525
https://www.gsmarena.com/samsung_s5250_wave525-3400.php


samsung galaxy 5 i5500
https://www.gsmarena.com/samsung_i5500_galaxy_5-3371.php


السامسونج المونتيه زي الفل عيبه ان ملوش اوبريشن سيستم لا بادا ولا اندرويد و ده عيبه الوحيد لكن في ثري جي و ده عيب السامسونج الويف ان مفهوش ثري جي اما الجلاكسي ففيه كل حاجة لكن عيبه الشاشة صغيرة

نرجع بقى لعنوان الموضوع انا حابب المونتيه جدا و عاوز اعرف ايه اللي الاوبريشن سيستم هيقدمهولي يستحق اني استغنى عن الثري جي او الشاشة الكبيرة ؟؟؟؟
يعني انا عارف ان في دعم للابليكاشن اكتر لكن برضه في ابليكاشن جافا !!! يعني من الناحية العملية هخسر ايه ... ايه الابليكاشن اللي ممكن احتاجها و مقدرش اشغلها ؟؟؟

المقارنة صعبة جداااااااااااا و لازم اخسر حاجة و مش عارف اضحي بايه ... انا مستعد استغنى عن الثري جي لو البادا يستحق علما باني هدفع كمان 100 جنيه زيادة

شكرا مقدما لتعاونكم

Galaxy 5 بدون نقاش , والنظام يستحق التضحية بكل شيء :D
يعني لو كانت المقارنة بين N8 و Galaxy 5 لنصحتك بالجالاكسي 5 !!

ونصيحتي تحاول تزود شوي وتجيب Galaxy Mini رح يحل كل المشاكل , فيه 3 جي + شاشة جيدة

اقتباس:

---

المشاركة الأصلية كتبت بواسطة omaar97

Galaxy 5 بدون نقاش , والنظام يستحق التضحية بكل شيء :D
يعني لو كانت المقارنة بين N8 و Galaxy 5 لنصحتك بالجالاكسي 5 !!

ونصيحتي تحاول تزود شوي وتجيب Galaxy Mini رح يحل كل المشاكل , فيه 3 جي + شاشة جيدة

---

طاب معلش عشان انا جديد في الموضوع لان انا موبايلي الحالي nokia 3310 ايه برضه اللي النظام هيقدمهولي ؟؟؟؟ يعني التطبيقات ... هو مش في برضه تطبيقات للجافا .. اه قد تكون اقل بس فيه تطبيقات للجافا ... يعني ايه اللي هخسره لو ضحيت بالنظام ايه اللي هيفوتني او ايه المشاكل اللي هتواجهني ؟؟؟
يعني انا مميزات المونتيه انا فاهمها و حاسسها و حاسس باللي هينقصني لما استغنى عنها زي الشاشة الكبيرة و الثري جي لكن انا لقلة خبرتي او بالاحرى انعدامها مش عارف ايه اللي هخسره لو استغنيت عن النظام
ولو استقريت على النظام فساعتها اختار البادا بشاشته الكبيرة من غير الثري جي و لا الاندرويد بشاشته الصغيرة و الثري جي
علما ان الشاشة اهم من وجود الثري جي لذا السؤال هيكون انهو اهم البادا و لا الاندرويد ... و السؤال ايه اللي هخسره في الاندرويد لو اخترت البادا و العكس الصحيح
و ال galaxy mini واضح انه ممتاز و هيحل كل المشاكل بس المشكلة ان انا كنت عامل حسابي في الفلوس على سامسونج ستار واي فاي اللي هو ب 770 و بعدين قلت مش مشكلة ازود 100 جنيه و اجيب المونتيه و بعدين دلوقتي كده انا هزود كمان 200 جنيه عشان اجيب الميني فكده الميزانية هتضرب :ah34:

اسف على الاطالة و الرغي الكتير بس انا مش فاهم حاجة خالص و الموضوع جديد عليا ... و املي في ربنا و فيكم كبير

الأندرويد ماركت فيه حوالي 500 ألف تطبيق ! وتطبيقاته يتم دعمها باستمرار وتتطور بعكس الجافا وتطبيقات الجافا قديمة ولا أرى شيء جديد ومعظمها بلا فائدة تذكر
هذا سهولة استخدام النظام + ثباته وسلاسته بالاستخدام + إمكانيات التحديث في الهاتف

اقتباس:

---

المشاركة الأصلية كتبت بواسطة omaar97

الأندرويد ماركت فيه حوالي 500 ألف تطبيق ! وتطبيقاته يتم دعمها باستمرار وتتطور بعكس الجافا وتطبيقات الجافا قديمة ولا أرى شيء جديد ومعظمها بلا فائدة تذكر
هذا سهولة استخدام النظام + ثباته وسلاسته بالاستخدام + إمكانيات التحديث في الهاتف

---

جزاك الله خيرا على مساعدتك
وانا ان شاء الله قدامي ثلاثة خيارات
- احاول ازيد الميزانية و اجيب ال samsung galaxy mini
- ازور اي معرض للموبايلات فيه امكانية تجريب الموبايل و اجرب ال galaxy 5 واشوف مقاس الشاشة مناسب ام لا
- لو فشل الخيارين السابقيين ارضى مؤقتا بال samsung monte لحد ما اخلص جيش و الاقي وظيفة و احوش و اشتري موبايل جديد بقى على مزاجي

المونتى فى عيب خطير هو عدم وجود لوحة مفاتيح qwerty يعنى لو قلبت الجهاز الكيبورد هتفضل العادية مش هتتحول لكاملة بس لو أنت مش غاوى نت على الموبايل يبقى مش مهم
على العموم جرب الgalaxy 5 الأول و الشاشة مش هتفرق كتير