طيب اقروا عن اينشتاين اكتر و هتعرفوا هو ليه عمل لغز زي ده ,,
مشكلة اينشتاين الاساسية مع علماء عصره انهم بيفترضوا افتراض ليس له اساس !! ,, يعن بيفرضوا الفروض وفقا للثواب اللي عندهم ,,
لو جبت السؤال بالانجليزية هتلاقي ان السؤال بيديك معطيات و في الاخر بيقول مين اللي بربي السمك ,,
هو بيشتتك عشان تبدأ تحل في المسأله و تنسى السؤال الاساسي ,, و هو مقالش ان حد بيربي سمك اصلا بس هو سأل سؤال في الاخر عشان متأكد انك هتفترض ان الشخص الاخير الذي لم يتم ذكر حيوانه الاليف هو اللي بيربي السمك !!
هو بيربي حاجة بس مش شرط تكون السمك ,,
يعني الفكرة الاساسية انه بيشتتك عشان تنسى السؤال الاساسي ,,
مثال بسيط ,,,
روح جنب صاحبك و اكتب على ورقة الارقام من واحد لـ سته - طبعا لازم صاحبك يكون شايفك و انت بتكتب الارقام - و قوله اختار رقم من غير ما تشاور على الورقة ولا حاجة ,, غالبا هيختار رقم ما بين 1 و 6 ,,, مع انك لم تشترط عليه انه يختار من الارقام المكتوبه ,,
مثال تاني ,,, فاكرين الخدعة الظريفة اللي كانوا بيعملوا الاجانب ,,
لما يكونوا بيكلموا واحد و يقولوا ليه
silk silk silk what does cows drink
فغالبا الشخ بيقول " milk " - لانه بيربط ما بين البقرة و الشيء اللي بتنتجه و متناسق مع سياق الجملة " silk - milk "
مثال تالت يمكن يكون معروف للمصريين اكتر ,,
طبعا الاب و الام ليهم دور كبير كبير في توعية و تثقيف الطفل و لازم يكونوا متفاعليم معاه و مفيش حاجة اسمه دا لسه صغير ,,
كان دايما والدي و والدتي يسألوني و انا صغير عن الغاز و كتير من الاحيان مش بقدر احلها بس فعلا كان ليها دور مهم جدا في بناء عقليتي :) ,,, - اللهم ارزقهم الصحة و طول العمر ,, و ارحمهم في الدنيا و الاخرة -
المهم ,, كان من ضمن الاسئلة و الالغاز اللي بيسألوها
" في مستشفى فيها حريق و في مدرسة فيها حريق .... عربية الاسعاف تطفي مين الاول ؟ "
طبعا احنا كنا بنغرق في التفكير يا ترى نطفي المستشفى اللي فيها المرضى و ناس مش هتقدر تتحرك ولا نطفي المدرسة اللي فهلا تلاميذ و ممكن ميعرفوش يهربوا من الحريق ,,, و نفكر و نفكر و ننسى اصلا السؤال اللي بيقول " عريبة الاسعاف تطفي مين الاول ؟ " ,,, هل يوجد عربية اسعاف بتطفي الحريق :D ؟
طبعا عربية الاطفاء هى اللي بتطفي الحريق بس احنا مفكرناش في السؤال كويس ,, :)
***************
كان في كتاب لاينشتاين جميل جدا يا ريت تقرأوه ,,, اسمه " العالم كما اراه " - " The World as I See it "
بس كدا ,, و السلام ختام ^_^