عرض للطباعة
السلام عليكم
دلوقتى انا عايز احدث الجهاز
h61 - pentium g2020
قولت هشترى i5 3470
الى لقيته كالاتى 1-ب1450 جديد
2-ب1000 tray
3-ب1400 tray
4- لقيت i7 3770وقالى فى رينج من 1600ل1650 tray
5-ب1200 tray
ديه العروض كلها الى لقتها
المشكلة انى مش عايز مستعمل وفى نفس الوقت ماعنديش ثقة فى الى بيقولى جديد دلوقتى
او الى بيقول tray ب 1000
عايز اعرف رأيكم
عليكم السلام ورحمة الله وبركاته
المعالج Intel Core I5-3470 Ivy Bridge 3.2GHz 6MB Cache Desktop Processor بـ 1280 جديد بالضمان عند شركة البدر جروب
والمعالج Intel Core I7-3770 Ivy Bridge 3.4GHz 8MB Cache Desktop Processor بـ 2100 جديد بالضمان عند نفس الشركة
وإن شاء الله الجديد عند الشركة دي ثقة فعلى حسب الميزانية أختار أحد المعالجين
رايي وفر وهات مستعمل ومش تقلق حتي لو خلصان ضمانه
المعالجات بتعيش واداءه بيفضل زي ماهو عبر السنين
شوف عرض لمعالج كويس i7 من الجيل التالت
وخد ضمان شخصي من البائع واختبر المعالج وشوف درجه الحراره وبس
معندكش ثقة في المستعمل ليه
خد عليه ضمان زي مانت عايز... وشوف الدنيا فيها ايه
ولو حبيت تجرب ......كلمني على الخاص او تليفونيا
اقتباس:
المشاركة الأصلية كتبت بواسطة محمد فاروق غازي
ممكن سعر المستعمل يبقى كاماقتباس:
المشاركة الأصلية كتبت بواسطة dx01
اقتباس:
المشاركة الأصلية كتبت بواسطة الـــســـيـــف
ماعنديش ثقة فى المستعمل لأنى ماتعملتش مع حاجة مستعملة قبل كدة وبعدين اغلب المستعمل بيبقى من عند اشخاص مش محلات
فامش ضامنه
انا عارف اختبارات البروسيسور والحالة القياسية بتاعته
بس انا عايز حاجة تقعد معايا فترة
إشترى مستعمل
فين محلات ممكن تبيع مستعمل مضموناقتباس:
المشاركة الأصلية كتبت بواسطة karim_hassan777
احنا ممكن نتكلم فى الموضوع ده كتير جدا لكن انا افضل الاكتفاء بالجماله الاتيه
من نعم ربنا علينا ان المعالج المركزى هو القطعه الوحيده فى الهاردوير اللى لو اشتغل معاك والجهاز فتح عمرك مايبقى انضحك عليه فيه بنسبه 99.9999999999999%
خصوصا فى الاجيال الحديثه لانه لم يعد يمتلك دبابيس بل منذ الجيل الاول اتذكر جميع معالجات انتل اصبحت تاتش يعنى غير معرض لالتواء او ضياع دبابيس منه
الا لو وقع وقعه تقيله على الارض دى حاجه تانيه ولذلك لا يوجد داعى للقلق من المعالج المستعمل
لو انا فى مكانك وبشترى معالج غير قابل لكسر السرعه وركبته والجهاز صفر صفاره الاقلاع بس كده خلاص اطمنت ان المعالج سليم والحمد لله طالما من الاجيال الحديثه
هيعيش قد ايه ؟ حاجه بتاعت ربنا كليا : انا بكلمك حاليا وربنا شاهد جمب منى معالج شغال بقاله 10 سنين 24/7 طول السنه مش بيفصل ابدا غير عشان ريستارت او كهرباء قاطعه
كل حاجه اتغيرت واتبدلت فيه الا هو واللوحه احتاجت صيانه فى مره بس للاسف اللى اخد الجهاز للتصليح صاحب المحل لبسه فى لوحه جديده
هو بانتيم 4 بس انا واثق لو دورت فى البيوت هتلاقى بانتيم وسيليرون واثلون وفينوم من ايام الحمله الصليبيه شغالين هرس الهرس
فمشتقلق من المعالج المستعمل خالص ولا تقلق من فتره عمره واهتم بس بحرارته دائما
اما لو المعالج كان قابل لكسر السرعه فدى نقطه تانيه لان للاسف فى ناس كتير بتفتح المعالج عشان خاطر تغيرله معجون وممكن الشك وارد هنا لان ناس كتير اتحرقلها معالجات بسبب الموضوع ده لان المعجون اللى استخدموه كان نوعيات سيئه جدا بس بردو مفيش داعى للقلق لان ببساطه المعالج اول مابيلاقى نفسه فى خطر اللوحه بترحمه وتقفله ولو انت شجاع جدا ولغيت خاصيه قفله عند 100C او 105C
هو هيقفل نفسه عند تقريبا 120C عشان يحمى نفسه
اما لا قدر الله لو مكتوبله بقى فهيبقى حته فحمنه بعدها " بلاش نفسر " :(
الواضح اننا اتكلمنا فى الموضوع كتير جدا بردو :)
اقتباس:
المشاركة الأصلية كتبت بواسطة Phenomenon
مش عارف اقلك ايه والله طمنتنى من الموضوع ده
بس كان عندى استفسار بسيط لما اشتريه من اشخاص او كدة بيدى ضمان اسبوع مثلا
انا اضمن ازاى انا جبت البروسيسور واختبرته ولقيت حرارته عالية جدا او على الاقل مش زى الحالة القياسية
انا اضمن ازاى انى ارجعه مثلا
موضوع تضمن ازاى انك ترجعه دى بصراحه مش هقدر افيدك فيها .. لو تاجر هياخده منك تانى عادى لانه مش خسران حاجه وهيبيعه لغيرك
اما لو عضو عادى وكان مزنوق فى فلوس او اتصرف فى تمنه فمفيش قدامك غير انك تبيعه . لكن تعالى نتكلم بالمنطق
انت روحت جربته عنده ولقيته مثلا مركب مشتت انتل المصنعى والحرارخ طبيعيه فى الضغط
او مثلا لقيته بينصحك بيقولك الافضل تركب مشتت حتى لو رخيص عشان خاطر معالجات I7-3770 + I7-4770 + I7-4790 مشهوره بارتفاع حرارتها بشكل ملحوظ
وانت تابعت معاه الامر ولقيت الامور طبيعيه جدا
فرجعت البيت لقيت درجه الحراره مرتفعه جدا يبقى انت محتاج مشتت فعلا والراجل معليهوش اى تحمل تانى لان الموضوع معروف وشائع
مع معالج الجيل التالت اتضح ان حرارته مرتفعه وغالبا راجع للوحه الام وكفائه عمل دائره VRM فى تنظيم الطاقه للمعالج وامداده بفولتيات قياسيه حسب احتياجه
ومع الجيل الرابع المعالج انتل زودته بمنظم FIVR او Fully Integrated Voltage Regulation بيتسبب فى ارتفاع حراره المعالج مع الضغط وواضح جدا انه فى احتياج مشتت
يعنى العمليه بسيطه جدا والملايين يقوموا بترقيه المعالج المركزى ولا يوجد اى قلق فى الامر
اكيد التاجر او صاحب المعالج هيقولك انا شغال على المشتت المصنعى والنتيجه كويسه او هينبهك ان المعالج محتاج مشتت
طيب ليه احيانا فى باتشات حرارتها اعلى قليلا من باتشات اخرى وناس مش بتحتاج مشتت خارجى اخر مع المعالج ؟
طبعا مش هقولك
لانى لو قولتلك ان السبب بيبقى فى خامه وجوده منظم FIVR المدمج بالجيل الرابع لانه لوحظ انه ليه انواع مختلفه ممكن تقلق اكيد
عملت زى Harley Quinn لما بتبلغ عن مكان جوكر لباتمان وهى بتقولوا مش هقولك انه مستخبى فى غرفه الشحن السريه :D
مش تقلق اخى
فى ناس بتقول الافضل ان درجه حراره المعالج للانويه جميعها تكون فى رنج متقارب من بعضه بفرق لا يزيد عن 10C بين اعلى لاقل درجه لبقيه الانويه
بس بصراحه انا مش مقتنع بهذا الامر كليا خاصه ان مفيش مصدر شرح او فسر السبب وغالبا مش هيكون فى فرق كبير بين الانويه وبعضها
لكن لسببين مش مقتنع : الاول وهو ان فى بيانات مبرمجه على مرورها من خلال النواه الاولى فقط فى عمليه الحسابات
السبب التانى يمكن بس يكون المعجون مش موضوع بشكل سليم ولكن السبب الاول اقرب للمنطق