مصر - باور سبلاى - 200ج- للتصفح
بسم الله الرحمن الرحيم
- أقصى ميزانية محددة: 200ج
- استخدامك للجهاز: للتصفح
- حجم الشاشة و الدقة (Resolution) التي تستخدمها: 1440×900
- القطع التي تنوي شراءها: باور سبلاى
- القطع التي ستعيد استخدامها من الجهاز القديم: لا يوجد
- ميعاد شراء الجهاز: 20-12-2010
- محل سكنك: مصر الجديده
--------------------------------------------
المعالج : AMD ATHLON 5600 X2 2.6GHZ
كارت الشاشه : NIVIDIA 6600 LE 256MB
الرامات : DDR2 2G KINGSTON BUSS 800
الشاشه :PHILIPS 19 INCH
الهارد : WD 1TB GREEN
البورده : GIGABYTE 770 DS3
هذا هو جهاز أختى و هى تستخدمه للتصفح على الإنترنت و مشاهده الأفلام فقط , و شغاله بباور تجارى , من يومين إشتريت هارد جرين 1TB علشان المساحه عندها قربت تخلص , فوجدت انه يحتاج باور ساتا و للأسف الباور التجارى لا يوجد به باور ساتا , فارجو أن ترشحوا لى باور ماركه محترمه فى حدود 200ج حيث ان إستخداماتها بسيطه للغايه
ألف شكر على الإهتمام
رد: مصر - باور سبلاى - 200ج- للتصفح
الله على الإلتزام في عمل الموضوعات :)
أنت مثال محترم يا شريف :)
أمامك حل محترم جداً
Cooler Master POWER 390
بسعر 180 جنيه فقط
و طبعا أنا لو مكانك هأقول له ب 220 :D :D
ما أجمل إستغلال جهل البنات بالتكنولوجيا :D :D
رد: مصر - باور سبلاى - 200ج- للتصفح
HEC 350W سعره فى حدود 150 جنيه بس تاكد انه يحتوى على مروحة كبيره 12سم باسفله ...
رد: مصر - باور سبلاى - 200ج- للتصفح
نسيت:
ده الرابط حق الباور ال 390 واط:
https://www.coolermaster.com/product...roduct_id=3746
طبعا هتلاحظ إن شكله مش ولابد, و لكن المهم أن فيه عدد 2 كيبل ساتا, و عدد 5 مخارج مولكس
هناك إختيار آخر, جربته شخصياً على جهاز بمعالج Phenom II X2 550 مفتوح الأنوية و لوحة أم Asus M4A785TD-V EVO و لم يشتكي قط, و هو المزود
Cooler Master Extreme Power Plus 350W
الميزة أن به كيبل 8 بن للبروسيسور !
و به عدد 2 كيبل ساتا, و عدد 5 كيبل مولكس.
و لونه أسوّد :)
https://www.coolermaster.com/product...category_id=27
رد: مصر - باور سبلاى - 200ج- للتصفح
اقتباس:
المشاركة الأصلية كتبت بواسطة محمد الجوهري
الله على الإلتزام في عمل الموضوعات :)
أنت مثال محترم يا شريف :)
أمامك حل محترم جداً
Cooler Master POWER 390
بسعر 180 جنيه فقط
و طبعا أنا لو مكانك هأقول لها ب 220 :D :D
ما أجمل إستغلال جهل البنات بالتكنولوجيا :D :D
ألف شكر على الإطراء و لكنى لم أفعل شيئاً يُذكر , بجد حضرتك بتحرجنى :o
باور كويس و جميل و ألف شكر على المساعده
اقتباس:
طبعا أنا لو مكانك هأقول لها ب 220 :D :D
ما أجمل إستغلال جهل البنات بالتكنولوجيا
مينفعش لأن والدى هو اللى هيدفع و مش هيدفع الا لما يشوف الفاتوره و السعر و التاريخ
تخيل حضرتك مره إشتريت له DSL FILTER من راديوشاك و أخذت الفاتوره بدون ما أخلى الراجل يكتب إسمه مكان ال CUSTOMER NAME رجعنى تانى علشان أغير الفاتوره و إلا مش هيدفعلى ثمن ال FILTER , فشكراً على النصيحه , أنا ممكن أظبط مع هاى إند و نتقاسم الأرباح ;)
اقتباس:
المشاركة الأصلية كتبت بواسطة moatez
HEC 350W سعره فى حدود 150 جنيه بس تاكد انه يحتوى على مروحة كبيره 12سم باسفله ...
عظيم جداً و لكن هل حضرتك تقدر تعرف أجيبه منين ؟ يعنى من أنهى محل بالظبط ؟ و بالنسبه للمروحه كيف أتأكد منها ؟ يعنى و أنا بأشتريه هل ينفع أفتحه و أشوفه ولا لأ؟ و ما هى الأنواع الأخرى التى يجب أن أأخذ حذرى منها ؟
و ألف شكر على إلإهتمام و المساعده
اقتباس:
المشاركة الأصلية كتبت بواسطة محمد الجوهري
ال COOLER MASTER 350 W أين أجده ؟
و الف شكر مره ثانيه على الجهد المبزول لمساعدتى !
رد: مصر - باور سبلاى - 200ج- للتصفح
اقتباس:
عظيم جداً و لكن هل حضرتك تقدر تعرف أجيبه منين ؟ يعنى من أنهى محل بالظبط ؟ و بالنسبه للمروحه كيف أتأكد منها ؟ يعنى و أنا بأشتريه هل ينفع أفتحه و أشوفه ولا لأ؟ و ما هى الأنواع الأخرى التى يجب أن أأخذ حذرى منها ؟
و ألف شكر على إلإهتمام و المساعده
غالبا هتلاقيه فى علبة BOX لكن اللى بينزل مع الكيسات الجاما اعتقد بدون مروحة باسفله وهتلاقى محلات بتبيعه بدون علبة OEM ....
عموما هو موجود فى شركة ماجيك ب 140 جنيه وتقدر تتاكد منهم عن وجود المروحة قبل الشراء :
https://www.arabhardware.net/forum/s...175139#closing
رد: مصر - باور سبلاى - 200ج- للتصفح
اقتباس:
تخيل حضرتك مره إشتريت له DSL FILTER من راديوشاك و أخذت الفاتوره بدون ما أخلى الراجل يكتب إسمه مكان ال CUSTOMER NAME رجعنى تانى علشان أغير الفاتوره و إلا مش هيدفعلى ثمن ال FILTER , فشكراً على النصيحه , أنا ممكن أظبط مع هاى إند و نتقاسم الأرباح
شئ ممتاز و الله, مش عيب أبداً إن الإنسان يحافظ على بيته و ماله بأي طريقة كانت طالما هو مقتنع بيها :)
بارك الله لك في السيد الوالد, و بارك الله له فيكم :)
اقتباس:
عظيم جداً و لكن هل حضرتك تقدر تعرف أجيبه منين ؟
و دي محتاجة سؤال يا عم شريف ؟!
أدخل على موضوعات الشركات و شوف مين عنده, و عموماً أنا كل ما أروح عند High End اول حاجة بشوفها هي الباورات الكولر ماستر, بشوفها قبل ما بشوف كريم نفسه :D
+
أستاذ معتز ... حياك الله :)
في رأيك الكولر ماستر أفضل أم ال HEC ؟
"الغرض من السؤال الإستزادة من العلم, جايز أنضم في يوم لفريق التجميعات "
رد: مصر - باور سبلاى - 200ج- للتصفح
تسمحلي ارد مستر جوهري
كنت قريت في احد المنتديات ان ال Hec افضل لانة في حالات الضغط يعطي خط امبير اعلي من ال CM مما يعطي كفائة و فاعلية افضل
رد: مصر - باور سبلاى - 200ج- للتصفح
اقتباس:
المشاركة الأصلية كتبت بواسطة محمد الجوهري
و دي محتاجة سؤال يا عم شريف ؟!
أدخل على موضوعات الشركات و شوف مين عنده, و عموماً أنا كل ما أروح عند High End اول حاجة بشوفها هي الباورات الكولر ماستر, بشوفها قبل ما بشوف كريم نفسه :D
+
أستاذ معتز ... حياك الله :)
في رأيك الكولر ماستر أفضل أم ال HEC ؟
"الغرض من السؤال الإستزادة من العلم, جايز أنضم في يوم لفريق التجميعات "
أنا مش لاقى خالص عند هاى إند إلا ال 390وات و عندهم كل الباورات معادا هذا الباور اللى هو coolermaster 350w
و شكراً مره أخرى على تعب حضرتك معاياً , و بارك الله فى حضرتك على الإهتمام بموضوعى
اقتباس:
المشاركة الأصلية كتبت بواسطة SiCoOo
تسمحلي ارد مستر جوهري
كنت قريت في احد المنتديات ان ال Hec افضل لانة في حالات الضغط يعطي خط امبير اعلي من ال CM مما يعطي كفائة و فاعلية افضل
ألف شكر على التوضيح بارك الله فى حضرتك
"هذه المشاركة بواسطة الهاتف الجوال"
رد: مصر - باور سبلاى - 200ج- للتصفح
اقتباس:
المشاركة الأصلية كتبت بواسطة EL-MARIACHY
للأسف الباور التجارى لا يوجد به باور ساتا , فارجو أن ترشحوا لى باور ماركه محترمه فى حدود 200ج حيث ان إستخداماتها بسيطه للغايه
ألف شكر على الإهتمام
السلام عليكم
الباور التجاري ماركة vesta به باور ساتا و سعره حوالي 50 جنيه و هو مكتوب عليه 1000 وات لكن طبعا قدرته لن تزيد علي 250 وات و مزود ب 2 مروحة(طبعا انا اعرف انه لا ينصح بانواع مزودات الطاقة التجارية لكني فقط اردت ان اوضح المعلومة مع الاخذ في الاعتبار انه يعمل بكفاءة علي جهاز للداونلود و التصفح يعمل 12 ساعة يوميا منذ عدة اشهر بدون مشاكل و الحمد لله).
