:: هااااام :: انا هاخد كورس MCSE وعاوز اعرف افضل مركز للتدريس من حيث الاداء والسعر ::

:: هااااام :: انا هاخد كورس MCSE وعاوز اعرف افضل مركز للتدريس من حيث الاداء والسعر ::

__________________________

السلام عليكم ورحمة الله وبركاتة

أولاً انا من سكان القاهرة بحلوان

واقرب مركز ليا هو مركز YAT المعادي

انا عاوز اعرف مركز يكون محترم والتدريس فيه يكون ممتاز وبرضه يكون سعرة معقول

ايه رأيكم فى مركز YِAT ؟؟؟؟

وياترى ايه نصايحكم قبل بداية الكورس لأنى واخد الموضوع بجدية .؟؟؟

وشكراً

هوة مركز كويس مش وحش بس نصيحتي قبل ماتروح تاخد القورص تكون فاهم شوية في الشبكات لأنك لو مش عارف حاجة مش حاتعرف تحدد الانستراكتور كويس ولا لا اما لو انت فاهم وعارف هاتعرف تحدد ان كان وحش او حلو

الاخ العزيز
الفرق موش كبير بين المراكز المشكلة اللى لازم تاخد بالك منها انك عمرك ماهتعرف كفاءة المدرب الا اذا
قرأت كويس قبل واثناء اكورس وشاهدت الفيديو التعليمى
لاتعتمد عاى اسم المركز لان المراكز الكبيرة فى مصر بدأت تبقى زى غيرها وتمن الكورس بيبقى غالى على الفاضى اهم حاجة اسال عن المدرب وسيبك من اسم المركز وهذه بعض اسماء المراجع
syngress (the best)
training kits
testout videos
cbt nuggets videos


good luck
eng che
MCSE security
MCT

اخى العزيز
نصيحة لوجة الله تاعلى لاتاخذ فى مركز يات لانة اسم كبير ايوة لكنة غير جيد على الاطلاق
ودة بيرجع لان ال instructor مش على المستوى المطلوب وكل اللى بيعملوة انهم بيادوا واجب وبيخلصوا منهج وخلاص وبالرغم من ذلك اسعارهم غالية اوى وبرجع برضة واقول ان ال instructor
فى الناحية العلمية مش بالقوة اللى تأهلهم انهم يعطوا الكورس دة بكفأة عالية ولذا انصحك اخى الكريم بالتالى:
1- مركز new horizon بس غالى جدا بس اقوى مركز على الاطلاق
2- مركز new vision ممتاز وسعرة كويس و instructor هايل بس فى المهندسين واكتوبر فقط

وبامانة والله دول اقوى مركزين على الاطلاق ودى خلاصة لف تقريبا لكل المراكز ويارب اكون افادتك

انا ارفض بشدة انى ارشح لك مركز او غيرة
فقط كما قال الاعضاء اقرا كويس عن الشبكات قبل الكورس
كل المراكز الان قبل ما يعمل بها انستركتور جديد لازم يعملوا لك اختبارات مش زى زمان
لاتهتم بعدد الساعات المعلن من المراكز و لاتقارن الفروق بينها
اهتم بانك تحضر اول محاضرة بدون دفع ولا مليم

انا انصحك بان يات مركز ********* لانى اخدت فية كورس ما فهمت منهم حاجة عايز تاخد mcse فى جامعة القاهرة انا بسمع انها ممتازة جدااا

اخي الكريم eslamshahin2009 لا يجوز أبدا الطعن في اي مركز تدريب
و ادراة النتدي لا تقبل الطعن بهذا الاسلوب ابدا
دائما يكون النصح للآخرين باسلوب بناء و متحضر كان يكفيك ان تخبر إدارة هذا المركز عن رايك و هم يتصرفوا
" الدين النصيحة " و اكيد كانوا اتخذزا الاجراء الازم ثم لو كان فرع معين مش كلهم هيبقوا كده
و ممكن يكون في الآخر انت الللي مش فهمت لانك مش متابع كويس

عموما الادارة تمنع ذكر اي مركز تدريب بطعن مياشر مثل هذا و لاا نقبل طبعا طعنا بدون دليل

نريد ان يكون هذا المنتدي الطيب منتدي بناء و ليس متدي هدام

أحسنت يا مشرفنا الكبير محمد

هذا الطعن يا أخي قد يسبب قطع أرزاق بعض الناس المسلمين، وقطع الأعناق ولا قطع الأرزاق

فلنحرص على الأخرين كحرصنا على أنفسنا.

أشكر الجميع وخصوصاً مشرفنا الحبيب محمد على هذه الملحوظة الهامة.

والله انا مش عارف اقولكم ايه انا فعلاً مبسوط من الردود بس انا اتشتت
اللى يقولى ده مركز كويس وبعدها صديقه يقول ده مركز مش كويس
طيب انا اعمل ايه ... دلوقتي ؟؟؟

انت تاخد قرار لواحدك انك تبدأ في القورص جرب شهر كدة لو لقيت نفسك فاهم مع الانستراكتور قالي في السنتر يبقي كويس اما لو لقيتوة وحش وانت مش قادر تتجاوب معاة او تفهم منة خلاص يبقي كويس ويكفيك شرف المحاولة وتبدأ من الاول في المزاكرة لواحدك علشان تأسس نفسك

دايما السؤال المكرر عن المراكز
و لكن
كل مرة لا نختلف على ان المدرب هو الاساس
لو قوأت الردود ستفهم ان اساس المشكلة هو المدرب
فكل من يشكر فى مركز يشكر على اساس المدرب الكويس (اذهب الى مركز 00000 فهناك مدربين كويسين)
او (انا ذهبت الى مركز 000000000 فرع 000000 و اخدت الكورس و مافهمتش حاجة من المدرب)



اخيرا
اسأل على المدرب

هو فعلاً مركز NEW HORIZONS كويس والمدربيين ال فيه كويسيين

هوة طبعا المدرب بيبقي هوة الاساس بس فية مراكز ماتقدرشي تجيب مدربين اي كلام علشان اسمهم زي نيوهورايزون وانا في بداية حياتي كنت اشتغلت مدرب في نيوهورايزون ولما لاقوا ان المعرفة عاندي مش بنسبة 100% قالولي الف سلامة هههههههههههههههههههههههه بس الكلام دة من زمااااااااااان هههههههههه

فى مركز اسمه سنرجى اخوانى ياترى كويس ولا ايه

والله لو انتا مستعد هيبقى كله واحد
لان اكيد المركز هيشرح كل الكورس
لو عندك استعداد تفهم هتفهم
وانصحك باقرب مركز منك
واكيد اتخرج منه كتير قبلك

أنا محتار بين شركة jupiter2000 وشركة New Horizons لاخذ كورس الـ mcse .

الشركة الأولى اخبرنى عنها من اثق فيه جدا والثانية لها سمعة ممتازة ورأيت أراء جيدة حولها هنا فى هذا الموضوع .

وقد اتصلت بالاثنين لمعرفة نظام الكورس عندهما فمال رأيى إلى New Horizons بعض الشىء .

الكورس عند نيو هورايزن مقسم إلى 9 مستويات ب7 امتحانات ومدة الكورس من 6 إلى 8 اشهر بعدد ساعات 340 ساعة تؤخذ على 3 أيام فى الاسبوع من الساعة 6 إلى 10 . تكلفة الكورس ككل 4400 جنيه مصرى .

اما الكورس عند جوبيتر 2000 فهو مقسم إلى 6 مستويات ومدة الكورس من 3 إلى 4 اشهر بعدد ساعات 127 ساعة تؤخذ على 3 أيام فى الاسبوع من الساعة 5.5 . تكلفة الكورس 3000 جنيه مصرى .

احتاج إلى رأيكم سريعا فأنا فى حاجة شديدة لاخذ هذا الكورس فى التوقيت الحالى لحاجتى اليه فى عملى .

روح مركز يات واسأل عن المهندس شعبة او ايهاب حلمي دول احسن اتنين يشرحوا MCSE يبقا حظك حلو اوي لو واحد منهم اللي هيديلك الكورس
روح اسأل هتاخد الكورس مع مين ولو واحد منهم هما الاتنين احجز بدون تردد
لو هتاخده مع المهندس شعبة بلغتي علي الخاص عشان ده اساسا كان زميلي وهوصيه عليك علي فكرة هو استاذي وهو اول من خلاني اتعامل مع جهاز كمبيوتر وجاري

أنا سألت بالفعل فى يات فرع مدينة نصر قبل هذين المركزين ولكن علمت ان الكورس عندهم بدأ من اول شهر يناير الحالى وسيستمر حتى اكتوبر القادم وتكلفة الكورس 4500 جنيه مصرى ، لهذا بدأت البحث عن مراكز أخرى غير مركز يات .

بالمناسبة فى أى فروع يات موجود المهندس شعبة والمهندس ايهاب حلمى ؟

فرع الدقي

يا اخي ليش ما تدرس ال MCSE بنفسك توفر فلوس ووقت ولي حتفهمه صعب انك تنساه لانك كلما تعبت وكسرت كورك المعلومات راح تسبط في راسك وبعدين الاعتماد على النفس فضيلة

خلاص يا جماعه مستر ايهاب حلمى احد عمالقة ال mcse فى مصر ترك يات نهائيا من سنه تقريباا
اللى موجود مستر شعبه فى فرع الدقى فعلا بس مش متأكد هو لسه معاهم ولا لا

الأخ Echosan عنده حق ادرسها بنفسك ووفر الفلوس لحاجه تانيه و انت عارف لو ذاكرتها من التيست اوت احسن مليون مرة من الكورس وهتوفرلك وقت وتتعلم كويس عشان فيها اي حاجه انت عاوزها وكل درس بيتشرح بيديك عليه لاب تعمله
وفر الفلوس لكورس CCNP مثلا او Storage شوف اللي انت عاوز تمشي فيه
يعني بمعني ادق خليهم لكورس صعب