كام سؤال في مجال شبكات سيسكو

السلام عليكم ورحمه الله وبركات
ازيكم اخوتي الاحبه
كنت عايز اسئل كام سؤال كدا معلش انا عارف واجع دمغتكو من تاني ولا تالت مشركه ليه في المنتدي الجميل دا

1-هي الشركات اللي ليها اكتر من فرع هما بس اللي بيستخدمو اجهزة الروترات والسوتشات الخاصه بسيسكو
ولا عادي لو شركه ليها فرع واحد يمكن تستخدم اجهزة الروترات والسوتشات الخاص بسيسكو

2-ولو يمكن ان الشركه اللي ليها فرع واحد دي تستخد اجهزة روترات وسوتشات سيسكو.
بتستخدمها ازاي يعني بتربط ايه بيها هي مش الاجهزة دي بتربط الفروع ببعضها بس
واللي بيربط اجهزة الشركه هي الناس النختصه بميكرو سوفت عن طريق السيرفر وكدا يعني

3- لو الاجهزة دي بتستخدم في البنوك هل بيبقي فيه في كل فرع سوتشات وروترات سيسكو ولا هوا فرع واحد بس اللي بيبقي فيه الاجهزة دي

4-ولو كل فرع بيبقي فيه سوتشات وروترات سيسكو هل بيبقي في كل فرع واحد متخصص في اجهزة سيسكو ولا هوا متخصص واحد بيمسك كل الفروع
وانا اسف اني بوجع دماغكو بالاسئله دي
بس معلش استحملو اخوكو الصغير
والسلام عليكم ورحمه الله وبركاته
في رعايه الله

والله لو كنت اعرف كنت فدتك
يارب تتقي اللي يسعدك

معقول فوق الـ60 مشاهدة ومفيش حد يعرف حجاة
ياريت حد يرد عليه
ودي اخر اسئله هسئلها والله بس حد يرد علي اسئلتي

السلام عليكم ورحمة الله وبركاته

اخى الكريم فى الحالتين ممكن يعنى مثلا لو شركة واحدة وعدد المستخدمين فيها كتير ومحتاج انك تقسمهم على حسب كل ادارة هتبقى محتاج مثلا تعمل اكتر من VLAN

ولو عايز تخلى مثلا ادارتين او اكثر يخاطبوا بعض فى الحالة دى محتاج راوتر او Multilayer switch او انك عايز High performance او Redundant topology

كل الكلام ده بيرتبط على السيناربو الهتحتاجه الشركة فاجهزة سيسكو متعددة

الاستخدام ولو فى حالة اكتر من فرع فهل يجب توافر فنى فى كل فرع ام واحد فقط يقوم بالاعمال كلها فى هذه الحالة يفضل ان يكون فى كل فرع فنى سيسكو فى حالة حدوث

مشاكل ولكن يمكن ايضا ان يكون شخص واحد يقوم بهذا العمل كله ولكن الافضلية للاولى

اقتباس:

---

المشاركة الأصلية كتبت بواسطة OnlyMe_OnlyU

انا رديت على حسب معرفتى
بالتوفيق باذن الله

---

شكرا اخي الكريم علي ردك الجميل هذا والوافي

ايوه بس انا اللي فهمته كده ان سيسكو عبارة عن البنية التحتيه يعني تربيط الفروع ببعضها او ال vlans
سؤالي بقي طيب بفرض انا راجل بتاع سيسكو وروحت الشركه عملت الفرع بتاعها وربطت كل حاجه والامور تمام
هل كده خلاص دوري انتهي ؟؟؟
يعني انا حاسس ان دور بتاع سيسكو زي كده دور الكهربائي مثلا وصل الكهرباء واتشغلت ف خلاص بيروح بيته

ياريت حد يفهمني ارجوكو

أعتقد عادى بيشتغلوا ع السيسكو ولكن على ما أعتقد بتتكلف عن الأجهزة العادية غير إن الكونفحريشن بتاعتها مختلفة فـبتكون صعبه ع اللى بيتعامل معاه فالشركات بتريح نفسها ومش بتتعامل معاه ومع ذلك ايضاً كبرى الشركات بتتعامل معاه لأنه الأفضل.

اقتباس:

---

المشاركة الأصلية كتبت بواسطة mohaworld

ايوه بس انا اللي فهمته كده ان سيسكو عبارة عن البنية التحتيه يعني تربيط الفروع ببعضها او ال vlans
سؤالي بقي طيب بفرض انا راجل بتاع سيسكو وروحت الشركه عملت الفرع بتاعها وربطت كل حاجه والامور تمام
هل كده خلاص دوري انتهي ؟؟؟
يعني انا حاسس ان دور بتاع سيسكو زي كده دور الكهربائي مثلا وصل الكهرباء واتشغلت ف خلاص بيروح بيته

ياريت حد يفهمني ارجوكو

---

نعم اخى الكريم

استنتاجكك صحيح ميه الميه

ده اسمه مهندس الربط وبيربط البنيه التحتيه

حتى ممكن ما يتحركشى من مكانه يعنى ممكن يكون بالسرفييس بروفيدر ك provider edge

والمهندس اللى شغال داخلى بالشركه يوصل الجهاذ فقط وميلمسوش

يا دوب يديلى اعدادات بسيطه

وبقيه الاعدادات مهندس الربط يقدر ايضا يعملها ل customer edge

وده من واقع الحياه العمليه من شركة تى داتا من فم مهندسين الربط اللى شغالين هناك


والقصه انك بتقعد كل يوم فى حال stand by تلفون يجيلك وانت بمركز الربط عن عطل فى مكان ما

وهكذا
تمنياتى بالتوفيق