استفسار بخصوص BENQ T2200HD
السلام عليكم
كنت اشتريت ال BENQ T2200HD
والصراحة شاشة ملهاش حل سواء فى الالعاب
او فى الافلام HD
السؤال بخصوص الكابلات الموجودة مع الشاشة
فى كابلين
DVI-D و D-SUB
ومن ساعة ما جبت الشاشة ومركب كابل ال D-SUB
جربت النهاردة وركبت ال DVI-D ولاحظت التالى
اول حاجة لاحظت ان الشاشة صغرت(بمعنى فى حدود للصورة)
حاولت اعدل الصورة من ال Geometry
لقيت الخاصية دى مش متفعلة
فركبت ال D-SUB
فمعنى الكلام دة اية؟؟؟ ولية ال Geometry مش متفعلة مع ال DVI-D ؟؟؟؟
رد: استفسار بخصوص BENQ T2200HD
- طالما حطيت ال DVI يبقى تشغل الشاشة على ريزولوشن 1920*1080 لأن هو دة اللى هيملأ الشاشة كلها ، أما الأقل هيخلى الكتابة مش واضحة وتحس ان الصورة ممطوطة.
رد: استفسار بخصوص BENQ T2200HD
اقتباس:
المشاركة الأصلية كتبت بواسطة Coolman4now
- طالما حطيت ال DVI يبقى تشغل الشاشة على ريزولوشن 1920*1080 لأن هو دة اللى هيملأ الشاشة كلها ، أما الأقل هيخلى الكتابة مش واضحة وتحس ان الصورة ممطوطة.
جربت كدة وللاسف كل حاجة صغرت اوى بطريقة توجع العين
رد: استفسار بخصوص BENQ T2200HD
- مش بتوجع العين ، أنت بس مش متعود على الشاشات ال LCD جرب تعمل كدة وتصبر على الموضوع دة مثلا أسبوع وهترتاح تلقائيا.
رد: استفسار بخصوص BENQ T2200HD
طبعا الافضل كبل الdvi-d لانة بينقل الصورة انقى واحسن وكمان هو مش بيحتاج تظبيط علشان كدة الخواص دية مش مفعلة هو بيتظبط لوحدة واحسن ريسوليشن هو 1920 *1080 لانة دة هو جودة hd وانت بس شوية وهتاخد علية وهيبقى طبيعى جدا
انا اول ماجبت الشاشة لقيت فعلا كل حاجة صغيرة بس فترة واخدت عليها
رد: استفسار بخصوص BENQ T2200HD
هى المسالة فعلا عايزة تعود علشان اخد على
الرزيلوشون الجديد
استفسار كمان
لية صورة الافلام بالرداءة دى؟؟؟؟؟
مع العلم ان الافلام دى على الشاشة القديمة ملهاش حل
اينعم انا لما جربت حاجة 720p على الشاشة لقيت الصورة تحفة
بس الافلام العادية كانت على الشاشة القديمة الصورة واضحة وجميلة
رد: استفسار بخصوص BENQ T2200HD
صورة الافلام العادية بتكون مش كويسة على الشاشات الكبيرة علشان ريسوليوشن الافلام وجودتها فى الاساس مش كويسة فلما بتزيد مساحة العرض بتظهر عيوب الصورة ... وطبعا بتظهر كويسة على الشاشة القديمة علشان الشاشة مساحتها اقل .
رد: استفسار بخصوص BENQ T2200HD
مبروك مقدما وربنا يعينك على الأسعار النار دية
رد: استفسار بخصوص BENQ T2200HD
سؤال جه فى بالى
اية اللى يحصل لو ركبت الكابلين بتوع الشاشة
كل واحد فى جهاز
تنفع الشاشة تشتغل بالكابلين؟؟؟
دة طبعا وانا مشغل جهاز واحد فيهم مش الاتنين مع بعض