أرجو المساعدة من اهل الخبرة لمشكلتي مع مزود الطاقة

سأعرض المشكلة باختصار ثم سأضيف بعض التفاصيل اخواني ...
هي عبارة عن مجموعة ملاحظات استنتجت منها ان العيب في مزود الطاقة وسأذكرها لكم

1) بعد عمل الجهاز بشكل طبيعي لمدة معينة بدأ يصدر صوت صفارة من اللوحة الام وللتفصيل اكثر عن الصوت فهو كان يصدر لمدة ثانية تقريبا بدون انقطاع ثم يختفي ويظهر مرة اخرى بعدها ببعض الوقت لنقل 20 ثانية مثلا , دائما كان يظهر اثناء تشغيل الالعاب فقط

2) لم تحصل مشاكل بسبب هذا الصوت المزعج صراحة فلم اهتم له وقلت سوف يختفي بعد مده ولكنه استمر لما يقارب الشهرين ثم اختفى

3) بدأت المشاكل بعد اختفاء الصوت بمدة فكان احياناَ الجهاز عند تشغيله لا تظهر صورة وقد اسمع صوت بدأ الويندوز ولا تظهر الصورة

4) اعتقدت ان المشكلة من كارت الشاشة فأعدت تثبيته جيدا ( اشيله واركبه تاني ) فأجد ان الجهاز يعمل , ولكني اكتشفت بعد تكرار الموضوع ان الجهاز يعمل بمجرد اعادة التشغيل كأن شيئا لم يكن

5) بدأت الشاشة تفصل اثناء تشغيل الجهاز اثناء اللعب اغلب الاحيان , فاعتقدت ان المشكلة ان الحمل كبير على الجهاز من الألعاب فكنت اتركه يرتاح , لكن الشاشة بدأت تفصل بعد ذلك في اي وقت ( اثناء مشاهدة فيلم مثلا )

6) حصل ما لم يكن بالحسبان واتحرق كرت الشاشة للاسف اكتشفت ذلك لانه عند التشغيل كانت البوردة تصدر صوت VGA ولما حاولت اصلح الكارت اكتشفت انه اتحرق , فسألت عن السبب قالولي دخل عليه تيار زيادة

7) حدث تضارب بين رامات الجهاز

8) حاجة اخيرة مش حاسسها طبيعية هيا اني لما بضغط على الزرار اللي خلف الباور سبلاي واخليه في الوضعية off واحط ايدي على مكونات الجهاز اشعر بكهربا ضعيفة خفيفة , وفي نفس اللحظه اغير وضع الزرار لـ on واتفاجأ بكهربا زيادة ساكنة اشعر بها ( زيادة ملحوظة ) , وطبعا الجهاز بيكون مش شغال في الحالتين !!!

مواصفات جهازي كالتالي :
Mother : GA-945PL-S3P
VGA : before xfx7600gt , now chainteck 8600gt ddr2
RAM : 2*1 512 ddr2 kingstone , bus 667
processor : intel 3 giga 2*2 mega cash dual core
PS : gamma 300watt

عملت كشف على اللوحة الام ( بالمرة يعني ) عشان كنت احيانا اطفي الجهاز يشتغل لوحده وعدلت المشكلة دي وبقت بتحصل نادر جدا حاليا

انا اشتريت كرت شاشة جديد وشغال الجهاز لحد دلوقت مفهوش مشاكل بس انا خايف جدا من الباور سبلاي عشان صوت الصفارة اللي انا اهملته معدش بيظهر فانا مش عارف هل معنى كدا ان مفيش مشكلة ؟؟!!

اخواني افيدوني انا حاسس ان الباور اللي عندي بيدخل تيار زيادة بس انا مش متأكد فأرجوا منكم انكم تقولولي ازاي اتأكد فعلا ان البارو سبلاي هوا المشكلة وازاي احلها مع ان الصفارة لما كانت بتظهر كان الباور يعتبر لسه جديد , فيه ناس قالولي ممكن يكون في مشكلة في اللوحة الام وانا كنت هتجن :( (BB)

في انتظار ردكم اخواني