محترفى عرب هاردوير ممكن طلب

انا اخدت comptia n+ عن طريق شرح المهندس الجليل بارك الله فيه وجزاه الف خير والاخ لومارك برضو عشان كان شارح المقدمه ومرض..واختبرت واجتزتها..الان احب اخبركم عن تطلعاتى وطموحاتى اريد ان اكون محترف شبكات وسكيورتى الاتنين وايه المطلوب اكثر لبيئه العمل فى مصر لدى الشركات الكبرى وشركات الاتصالات مثلا
ارجو ان ترتكونت تانى باسم كودااا ده قديم من اول ماعملتم الموقع بس مش عارف مبحبش ادخل به
اعندى ابولى لتحقيق طموحى فى وقت قصير واكيد هيكون بفضل الله وفضل عرب هاردوير ومحترفينه
هل اخد ccna .mcsa.mcitp.ccna security.ethil hacer
لو الترتيب ده صح وهل ينفع اخدهم بالترتيب ده ولا ايه نصائحكم وايه ال يغنى عن كورس فيهم واخد كورس اكثر تقدماا ارجوو من الخبراء كل محترف يكتبلى ارائه..لان المشوره نصح بها نبينا عليه افضل الصلاه والسلام...وجزاكم الله عنا كل خير ..على فكره انا

اخوكم محمد حسنى

اهلا بك اخ محمد
ده اقتباس لرد البشمهندس العزيز عادل عن افضل مسار لدراسه السيكيورتى

اقتباس:

---

المشاركة الأصلية كتبت بواسطة عادل شبل

وعليكم السلام ورحمة الله وبركاته
أولا عشان تدخل المجال ده لازم يكون عندك خبره بمجال ال IT والشبكات تحديدا يعنى على الاقل تكون دارس CCNA + Linux essentials +microsoft servers ومش شرط ميكروسوفت المهم تكون عارف يعنى ايه DNS او DHCP او غيرها من السرفرات المهم دى القاعده اللى تدخل بيها المجال ده_ وبعد كده انت هتحدد المسار اللى هتمشى فيه يا اما:
1-الحمايه
يبقى حضرتك هتدرس بعد كده CCNA Security ثم CCNP Security ثم CISSP
2-الهاك
وهنا هتدرس شهادات متخصصه فى الاختراق وتفاصيله مثل CEH ثم ECSA أو GPEN وغيرها من الشهادات فى هذا التخصص
لكن يبقى السؤال يا ترى ندرس شهادات الحمايه ولا شهادات الاختراق؟
قبل المناقشه لازم نعرف ان شهادات الحمايه قد تتعرض للحديث عن الهاك والاختراق لكن بدون خوض فى التفاصيل او طريقة تنفيذ الاختراق _ يعنى لو هيتكلم عن ال DoS attack هيقولك ان ده هجوم بيحاول يوقع السيستم وخلاص كده لكن بيركز على طرق الحمايه منه وتفاصيل تنفيذها
كذلك فى الجانب الاخر شهادات الهاك لا تتحدث عن الوسائل الدفاعيه الا فى احيان قليله جدا زى ما يتكلم عن snort وغيره لكن تركيزه اكتر على الهجمات وطرق تنفيذها لكن مش بيعرفك ازاى تظبط firewall او IDS او الكلام ده هو فقط بيقولك لو عاوز تحمى نفسك من الهجوم ده استخدم HIPS او NIPS
وهنا تأتى الاجابه على السؤال انه علينا ان نبدأ بشهادات الحمايه لسبب واحد وهو ان مفيش شركه محتاجه هاكر مش قادر يحميها لكن قادر يخرب بس
تفتكر انا لو صاحب شركه هاعمل ايه بقدراتك الاختراقيه وانت مش عارف تعمل اعدادات للفايروول او تراقب السيستم او غيره من المهام المفروضه عليك كمهندس أمن المعلومات الا اذا كنت طبعا شغال فى مكان وانت متخصص فقط فى ال pen testing
ولكن طبعا انا عارف انك عاوز تتعرف على الهاكنج كهوايه قبل ما تكون للشغل او غير الشغل وعشان كده بقول انه افضل مسار فى دراسة هذا المجال هو الخلط بطريقه معينه كالاتى
بعد دراستك للدوره التمهيديه اللى هى CCNA + Linux essentials هتدرس الاتى
CCNA Security
ثم
CEH
ثم
CCNP Security
ثم
CISSP
ولو عاوز تكمل يبقى تعود للتعمق فى شهادات الهاك وتكمل فيها زى ECSA/LPT وغيرها لحد ما توصل لشهادة الماستر لو لسه فيك جهد
بس حاول تخلى دراستك فى نطاق شهادات ونطاق دراسه عشان تفهم انت بتعمل ايه و ايه اللى بتنفذه وكفايانا كلمة من الشرق على كلمه من الغرب _ كل الموجود فى منتديات الاختراق والهاك موجود اكتر منه الف مره فى الكتب _ بس فين اللى يدرس؟
وكمان مش عاوزك تتعشم فى شهادة CEH وتكبرها اكبر من اللازم دى مجرد بوابة دخول للمجال زى بالظبط CCNA وبرده ما تتهاونش فيها لأنها مش سهله وفى نفس الوقت مش صعبه _ يعنى بلاش تحسسنى انها أملك ولا تتهاون بيها زى ما بشوف وبسمع انه ناس بتشرحها فى أسبوع ولا اقل كمان ومش عارف ازاى بيعمل كده انا شخصيا الطالب بيطلع عينى وبنقعد ندرس فيها اكتر من شهرين
عموما خلص بس الكورس التمهيدى الأول وبعد كده ربنا ييسر

---

اذن باختصار الترتيبه هى :)
ادخل تخصص CCNA
بعدها Linux essentials
بعدها CCNA Security
بعدها CEH
بعدها CCNP Security
بعدها CISSP
بالتوفيق ان شاء الله

اشكرك جداااا معالى الباشا بس احب الفت نظرك ان عاوز الم بين adminstrator and security هل ينفع ..الطريق ال رسمتهولى اظن انه للسكيورتى فقط طب ايه رايك كولكشن بحيث اكون محترف انشاء الله فى الشبكات والسكيورتى ومع اخذ فى الاعتبار اكتر شهادات لها وزنها فى الشركات والمطلوبه ..ولو مينفعش الم بين الاتنين ايه رايك فى الاكثر طلبا بين السكيورتى واالهندسه الادمين استراتور ..وهل شهادات سيسكو افضل من مايكروسوفت ولا الافضل اخد الافضل فى سيسكو والافضل فى مايكروسوفت عشان انشاء الله هبتدى من اليوم

بالنسبه للى انت عاوزو هتضيف عليهم دورة واحده وبعدها باذن الله هتكون System And Network Security
هتضيف دورة الــ MCSE Security
وبكده هتكون الممت بكل اللى انت عاوزو
بس فى سؤال هنا هل انت فادر على انك توفق ما بين كل ده ؟
وما مدى استعدادك ؟

انشاء الله لان احب المجال ده من زماان وعلمت نفسي بنفسي حاجات كتير واستخدامى للانترنت كان من بدايات دخوله مصر ايام موافقه رئاسه الوزراء والباس وورد واليوزر وشاشه دوس الحاجات ده وصيانه الكمبيوتر وتصميم فيديوهات وتوصيل شبكات بسيطه كل ده بسبب حبى للمجال وليس فقط بالنسبه لى شهاده اخدها للعمل بها بل حباا لتعلم الافضل باسس جيده واكتساب خبرات من خبراء امثالكم...بالنسبه للكورس ال قولتلى اضيفه هل اضيفه للترتيب ال اخبرتك به ام ال اقترحت بها عليا....شكرااا معالى الباشا واوعدك انشاء الله هستمر وهاخدهم واكيد الفضل لله ولكم

الترتيبه اللى حضرتك ذكرتها هى هى اللى موجوده فى الرد
لكن اعتقد من الافضل انك تضيف هذا الكورس للى تم اقتراحهم عليك لانه منظم اكثر وفيه مجموعة شهادات وخبرات اكتر
وبالتوفيق ان شاء الله ولو عندك اى استفسار تفضل بطرحه وباذن الله ستجدنا موجودون للرد عليك

شكرااا جزيلا