اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
السلام عليكم ورحمة الله وبركاته
اولا كل عام وأنتم بخير بمناسبة عيد الأضحى المبارك، أعاده الله علينا وعليكم بالخير واليمن والبركات، وتقبل الله منا ومنكم صالح الأعمال
بدون شرح مفصل
طبعا الاخوة الاعضاء عارفين بالى حصل (بما حدث سابقا) المهم كلمت استاذ محمد خليفة عشان اعرف بموضوع الشاشة يوم الخميس الى فات قالى انتظر ليوم الاربعاء طبعا لم يرد اى حدث يوم الاربعاء وعليه اتصلت باستاذ محمد خليفة صباح اليوم وقالى الشاشة وصلت وعند ايمن زغروف (الشاشة لم تستبدل بواحدة اخرى جديدة ولكن تم تغيرر البوردة على حد قول محمد خليفة ) (بعد عدة مكالمات)
استاذ محمد قالى الشاشة هستلمها بعد اعتذار رسمى (علما انا لسه مشوفتش الشاشة ولا جربتها وكنت مسملها شغالة بس بيطلع منها ريحة شياط) بس من الحقائق التى تذكر ( الشاشة بدون فاتورة ووصل البيان ليس معترف به كافاتورة)
وعليه كالاتى
اقدام اعتذار رسمى لــــــ (محمود راجح) و (ايمن زغروف)
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
بصراحة بعد ما قريت كل الردود فى الموضوع الاصلى انا شايف انك اكتر واحد اتضررت فى الموضوع حتى لما احتديت على صاحب المحل انا شايف ان كان معاك حق بسبب انك عمال يتلعب بيك من كل الاطراف .... لكن على كل حال انت اللى تستاهل علشان اخترت انك تشترى شيئ بفاتورة مضروبةمن غير اسم محل ولا رقم تليفون ولا ختم معتمد ( مجرد بيان ) .... على كل حال محدش بيتعلم ببلاش لأنك برضه بعد كل ده اخدت شاشة مفتوحة ومتغير ليها البوردة يعنى مبقيتش تساوى نص تمنها
وبصراحة انا شايف ان الاولى بالاعتذار هما الناس اللى فضلوا يلعبوا بيك ايام وشهور ... وانا اسف على كلامى لو كان جامد على كل الناس
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
الاعتذار كان واجب من الاول يا كريم ومعتقدش ان حقق كان هيضيع مع الناس دى
الاخ محمود والاخ ايمن
وبتوفيق للجميع
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
انت قدمت اعتذارك يا كريم
لما تستلم الشاشة جربها كويس وقولنا ايه الاخبار
و ده درس كلنا بنتعلم منه ان محدش يشترى حاجة غير لما يتأكد من اوراقها كاملة
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
السلام عليكم اهل المنتدى الكرام كل سنة و انتم بخير - انا اسف جدا للإخوة الكرام و لكن فعلا ده رأى
1- بلاش التحيز الشديد للاخ محمود لانه اساس المشكلة و انه فعلا اتلاعب بكريم و كان احسن له انه يرجع الفلوس من الاول و مكسب الناس احسن من كنوز الارض و لا حد يقول عليه نصاب
2- اولا الاخ محمود غلطان بشدة فى الى حصل - المشتري ليه دعوة بمحمود مش الاخ زغروف و بالتالى زكر الاخ زغروف كان خطأ
3- الاخ محمود عليه الاعتذار ايضا و بشدة لانه السبب اساسا فى المشكلة دى
4 - ضيعت حقك يا كريم لانك من الاول ما وضعتش حد قاطع يا الشاشة يا الفلوس و فى الاول و الاخر محمود تاجر و للاسف اختار المكسب القريب
و دى كلمة حق لان الكل متحامل على كريم و كأن محمود معصوم من الخطأ و ده درس لينا طالما بنتاجر و بنتعامل بمبدأ التجارة بتاعت اليومين دول مس التسامح
اللهم ان كنت مخطئ فإنه منى و العفو و المغفرة منك فجد على بما هو منك يا ارحم الراحمين
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
الاعتذار من شيم الكبار أخ كريم وإن كان كثير من الإخوة هنا قد لاموا عليك غضبك وبعض الألفاظ التي قلتها في حق محمود ( هو سبب المشكلة وكان في يديه حلها بسهولة) فالعجب أنهم لم يعدلوا في تحاملهم الكامل عليك والعدل يقول أنك إن كنت مخطئا في بعض الألفاظ مرجعها إلى الغضب وإلى التجاهل (والتلاعب إن شئت) فعلى كل من أخطأ أن يعتذر سواء أنت أو محمود او اي مشارك في هذه المهزلة فلا أحد فوق النقد وبطلوا بقى التعامل مع الناس بطريقة الأهلي والزمالك وأن فلان لا يخطئ وأنه محترم و و و و .. فالحق أحق أن يتبع... وعلى من يقول أنك أخطأت بأخذ جهاز بدون فاتورة أقول وهل ائتمان الناس أصبح جريمة وهل كلمة الشرف أصبحت المستحيل الرابع ... خاصة أنكم تمدحون في أناس يأعينهم مما يشجع الناس على ائتمانهم ... ثم بعد ذلك تلقون اللوم على المعتدى على حقه ... أمر عجيب
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
يجب علي كل شخص يشتري اي شيء ان يأخذ الحرص
بالفعل هم اخرجوك عن شعورك و انا لو مكانك و دوخوني شهر و نصف هعمل زي الي انت عملته و اكتر
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
كبرت في نظري استاذ كريم بعد اعتذارك , لقد اطلعت علي الموضوع الاصلي بالكامل , ولك عذرك لانك انتظلرت فترة طويلة
اما بالنسبة الي لاستاذ محمد انه يطلب منك الاعتذار قبل استلام الشاشة فهذا نوع من انواع لي الذراع ولا يصح بالمرة
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
اقتباس:
المشاركة الأصلية كتبت بواسطة master2014
كبرت في نظري استاذ كريم بعد اعتذارك , لقد اطلعت علي الموضوع الاصلي بالكامل , ولك عذرك لانك انتظلرت فترة طويلة
اما بالنسبة الي لاستاذ محمد انه يطلب منك الاعتذار قبل استلام الشاشة فهذا نوع من انواع لي الذراع ولا يصح بالمرة
عندك حق فعلا ده اسلوب مش كويس خالص في التعامل وهتتاخد عليهم كلهم محمود وايمن ومحمد خليفه
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
و الله يا كريم انت اللى صعبان عليا فى الموضوع ده كله..
( انت اللى غلطان وانت اللى صبرت و اتحملت و انت و انت وانت....)
و الاعتذار هنا طبيعي جدا.. و ارجو التوفيق بين كل الاطراف..
واديكو اتعلمتم سواء كريم او محمود..
وعجبني رأي Tech Merchant
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
فعلا هذا لوي دراع
اعتذر قبل ما هتاخد الشاشه
طب مش معتذر الا لما اخد الشاشه
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
لا حول ولا قوه الا بالله معقوله الناس مش فاهمه لحد دلوقتى يا اخوانا الموضوع ان ايمن بيعمل خدمه لكريم خدمه خدمه وبما ان التوكيل مش تحت امر ايمن الشاشه اتاخرت كريم عمل الموضوع ده ياريت محدش يتسرع ويكتب كلام مش فاهمه ايمن بيعمل خدمه لكريم كان ده جزاته البهدله على النت هو ومحمود راجح وكريم تفهم ده واعتذر للناس ياناس افهموا
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
هتكلم بطريقه ابوك هيبيع البيت يا معلم سلطان ايمن قال لكريم علشان بيتك بعيد انت فى وسط البلد وانا فى المرج والشاشه من شركه فى عين شمس خدمه منى هوديلك الشاشه الضمان حلو كده الكلام واضح يا ابو السلاطين ايه اللى حصل بقه الشاشه التوكيل اخرها كريم عمل موضوع يتهم الناس بالسرقه والنصب حلو كده يا معلم الراجل عرف انه اتسرع وغلط فى الناس اعتذر اعتقد كلامى مفهوم كده يا ابو السلاطين
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
انا شايف ان كريم كان اعتذر بعد ماخد الشاشه مش قبل الشاشه
ثانيا الاعتذار كان المفروض منه هو شخصيا ولا يكون مجبر عليه من قبلك اخى محمد ( يعنى اعمل اعتذار وخد الشاشه )
دى كلمه وتنويه حبيت انى اضيفه وكل عام وانتم بخير
رد: اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )
اقتباس:
المشاركة الأصلية كتبت بواسطة ™PoWeR
انا شايف ان كريم كان اعتذر بعد ماخد الشاشه مش قبل الشاشه
ثانيا الاعتذار كان المفروض منه هو شخصيا ولا يكون مجبر عليه من قبلك اخى محمد ( يعنى اعمل اعتذار وخد الشاشه )
دى كلمه وتنويه حبيت انى اضيفه وكل عام وانتم بخير
كلام في الجون