الرامات عندي بتعمل Conflict إية الحل؟؟!!

السلام عليكم

رمضان كريم إخوانى الكرام

أرجو أن تقبلونى كعضو معكم في هذا المنتدى الرائع

ومشكلتى هي أننى قمت بشراء جهاز كومبيوتر جديد بمواصفات :-
MSI P45 Platinum motherBoard
CPU 3.0/6m cash Intel E8400
RAM Kingstone 4*2048= 8 giga ram buss 800
VGA PowerColor X1950pro ATi 256
Case Omega Zodiac
Normal Power Sipply
Zalamn CPU Cooling Fan

الرامات مكونة من ، 4قطع *2جيجا KingStone Bus 800 ، الاربع قطع KingStone وكلهم buss 800 وكلهم بسعة 2 جيجا للرامة الواحده

--ولقد قمت بتنزيل نسخة ويندوز 64 bit لكي يقوم الويندوز بفرائة الـ8 جيجا رام كاملين

-- بس المشكلة ان الجهاز بيعمل ريستارت عشان الرامات بتعمل كونفلكت (على ما أعتقد) ، ولما بشتغل برامتين بس يعني 4 جيجا رام مبيعملش كونفلكت

--ملحوظة :- الهارد Data عادى وليس Sata . والباور سبلاي عادى كما ذكرت سابقا .

ومن بعض الاقتراحات في مشكلتى :-

--بعض الناس يقولون ان ممكن الـPower Supply مش قادر يقوّم الجهاز وممكن يكون بيكنسل رامة وهوا بيشغل فبالتالي بيؤدى للكونفلكت بتاع الرامات ، ويقترحون عليّ بشراء Power Supply محترم من نوع كويس مثل الـHec بطاقة 600 وات مثلا.

--وفي رأي اخر بيقول جرب بهارد ساتا ، وشوف إية اللي هيحصل

--وفى رأي اخر بيقول ، غير الرامات دى لنوع Hyper-X

--وفي ناس بتقول ظبط التايم بتاع الرامات ، بس انا مش بعرف

--ووفي رأي اخر جديد بيقول إعمل ابديت للـBios

إنتو إية رأيكم ؟

وأخيرا إكتشفت حاجه جديدة ،وهي ، لما بركب 7 جيجا رام بس ((3 رامات بسعه 2 جيجا و رامة بسعه 1 جيجا = 7 جيجا رام)) ، وبالتالى مش بيتقرو Dual Channel مفيش Conflict بيحصل ولا الجهاز بيعمل ريستارت ولا حاجه ، يبقى كدا من إية ؟ الرامات مش متوافقة مع بعضها وللا إية؟ او في مشكلة لما بيشتغلو Dual Channel رغم انهم زي ما انا قولت قبل كدا كل الرامات Kingstone وكلهم buss 800 وكلهم نفس السعه 2 Giga

أنتظر ردوكم أخوانى
وشكرا لكم مقدما :)

ربما الخطا من اللوحة انتظر لحين نزول تحديث لبيوس اللوحة .. او لاتفعل خاصية dual channel.

الرام الي شلتها وحطيك مكانها الرام 1 جيجا
رجعها وشيل وحده ثانية وركب الــ 1 جيجا وجرب .. ممكن المشكلة تكون من الرام الي شلتها الــ 2 جيجا

اقتباس:

---

المشاركة الأصلية كتبت بواسطة mido963214

--بعض الناس يقولون ان ممكن الـPower Supply مش قادر يقوّم الجهاز وممكن يكون بيكنسل رامة وهوا بيشغل فبالتالي بيؤدى للكونفلكت بتاع الرامات ، ويقترحون عليّ بشراء Power Supply محترم من نوع كويس مثل الـHec بطاقة 600 وات مثلا.
:)

---

طبعا المشكلة في البور سبلاي تغيرة سيحل المشكلة تماما

تحياتى

إعمل ابديت للـBios

ارفع صورة من برنامج CPU-Z عن تبويب المعالج والرامات والتواقيت .

على الأغلب المشكلة من أحد قطع الرام , تأكد منهم وحدة وحدة . وبالنسبة للبورسبلاي الرامات لا تستهلك الكثير منه فلذلك هو مستبعد ولكن ممكن يسبب مشاكل لكرت الشاشة اذا كان تجاري وضعيف .
أيضا تحديث البيوس ممكن يحل بعض المشاكل ..

اقتباس:

---

المشاركة الأصلية كتبت بواسطة data

ربما الخطا من اللوحة انتظر لحين نزول تحديث لبيوس اللوحة .. او لاتفعل خاصية dual channel

---

أخى الكريم data شكرا على اهتمامك وردك اولا
ثانيا هذه المشكلة هي هي نفس مشكلة جهازى الثاني المختلف تماما عن الجهاز الاول الذي ذكرتة في بداية الموضوع بالاعلى،
جهازى الثانى مكون من M.B GigaByte AMD بروسيسور 2.4/2m cash AMD رامات 4*1024 KingStone bus 667 باور سبلاي عادى ، وبردو الرامات كلهم من نفس النوع KingStone و كلهم نفس السعه 1024 للقطعة الواحده وكلهم نفس الـbuss ،
وكذلك لما بغير إحدى الرامات برامة 512 من اي نوع اخر وباص مختلف يشتغلو وميحصلش اى كونفلكت ولا ريستارت ،
بس لما بركب الاربع رامات عشان يبقوا 4 جيجا بيتقروا Dual Channel و تبدأ المشاكل من الريستارت والكونفليكت.

فلا اعتقد ان الخطأ من اللوحة الام كما تقول لان نفس المشكلة في جهازى القديم والجديد مع اختلاف المذار بورد في الاتنين ،
ولكن ماذا تقصد بـ((لا تفعل خاصية الـDual Channel)) هل من الممكن إستخدام الاربع رامات المتشابهين تماما وإلغاء خاصية الـDual Channel

اقتباس:

---

المشاركة الأصلية كتبت بواسطة ibrahim83

الرام الي شلتها وحطيك مكانها الرام 1 جيجا
رجعها وشيل وحده ثانية وركب الــ 1 جيجا وجرب .. ممكن المشكلة تكون من الرام الي شلتها الــ 2 جيجا

---

شكرا جزيلا على اهتمامك وردك ،
لكن فعلا انا قمت بتجربة جميع الرامات على حدى لكن لا يوجد اى عيوب او أخطاء بهم ، متاكد تماما أنهم يعملون وبكفاءة والحمدللة

اقتباس:

---

المشاركة الأصلية كتبت بواسطة alayoubi

ارفع صورة من برنامج CPU-Z عن تبويب المعالج والرامات والتواقيت .

---

صورة لتبويب المعالج

https://img392.imageshack.us/img392/...6547712vr8.jpg

صورة لخصائص الماذربورد

https://img369.imageshack.us/img369/...4501860sj9.jpg

صورة من تبويب الرامات العامة ،
شئ غريب جدا ومحير ،
لو دققتو في الصورة هتلاقو مكتوب 7 جيجا رام ومكتوب في نفس الوقت Dual channel ،
طب تيجي إزاى ،
انا جايبلكم جنبها صورة من خصائص My Computer وشوفو بنفسكم ،
مكتوب 7 جيجا رام ،
أنا مركب 3 رامات بسعة 2 جيجا = 6 جيجا والباص بتاعهم 800 لكل قطعة ، وعدد واحد رامة بسعة 1 جيجا والباص بتاعها 667 ، إزايي تيجي Dual Channel

https://img392.imageshack.us/img392/...9158897ul6.jpg

صورة لكل رامة على حدى من برنامج Cpu-z ولاحظو الرامات الثلاث الاولى مختلفين عن الرامة الأخيرة

https://img392.imageshack.us/img392/...2179156iq2.jpg

ملحوظة :- انا لا أعرف اي شئ عن تظبيط توقيت الرامات او كسر سرعة البروسيسور والفيجا ، لأنى مبتدأ

اسف للإطالة وأنتظر ردودكم

اقتباس:

---

لو دققتو في الصورة هتلاقو مكتوب 7 جيجا رام ومكتوب في نفس الوقت Dual channel ،
طب تيجي إزاى ،

---

بداية بما أن أحد الرامات بتردد 667 يجعل باقي الرامات يعملوا بنفس التردد 667 وهو أقل تردد وعلى هذا الأساس يتم تفعيل خاصية Dual Channel بغض النظر عن أحجام كل قطعة رام .

وهذا مثال آخر لقطعتين رام مجموعهم 3 جيجا ومفعل معاهم خاصية Dual
https://i33.tinypic.com/14kjqj7.png

المهم : ركز معايا في النقطة ديه , أولا شيل الرامة الأخيرة الي حجمها 1 جيجا وضع مكانها رامة 2 جيجا الي مش راكبة حاليا.
بعدين بدل بين الرامة الأولى والتانية وشغل الجهاز وارفع صورة عن تبويب Memory فقط حتى أتاكد من التواقيت وأعلمنا بالنتيجة .

وان ما اشتغلت العملية دية نزل آخر تحديث للبيوس بتاريخ 19-8-2008 من هنا :
https://global.msi.com.tw/index.php?...1&prod_no=1479

اولا شكرا على اهتمامك وردك
ثانيا انا هحاول المحاولة بتاعت تبديل وتغيير الرامات زي ما انتا قولتلي بالظبط
وهجيبلك صور من توقيت الرامات
بس المشكلة انى لما بركب الـ8 جيجا رام الويندوز بيغلبني على ما يخش ، شوية يرستر في نص التحميل وشوية يغيب وميخشش ويندوز خالص ، بس انا هحاول لحد ما يخش معايا وأجيبلك الصور اللى انتا طلبتها على الفور

أهلا أخي الكريم

خلاص اذا الوضع مغلبك لما تركب الــ 8 جيجا مع بعض ركب 6 جيجا بس وارفع الصورة وبعدين نزلت ملف البيوس من اللينك الي قلتلك عليه بنفس التاريخ 19-8-2008

عملية التحديث للبيوس سهلة لكن تحتاج شوية تركيز ,, المهم تتأكد من الموديل الصحيح MS-7512 ونوع البيوس AMI وده بعد ما تفك الضغط عنه هتلاقي ملف .txt وممكن تقرأ ملف الــ Doc والمهم فيه الجزئية AMI BIOS Flash Procedure علشان تاخد فكرة عن العملية .

المهم : تحتاج ديسك فلوبي وبعدين تفرمته من داخل الويندوز مع اختيار نسخ ملفات النظام عليه .
ملف البيوس الي نزلته من النت هيبقى اسمه كده بعد ماتفك الضغط عنه 7512v13 انسخه عالدرايف C وسجل اسمه عورقة لأنك هتحتاجه .

كده كله تمام ,, هتحط الديسك في الفلوبي درايف وتعمل ريستارت للجهاز بحيث يقلع الجهاز منه .
لما توصل للأشارة A:\ ادخل على الدرايف C يعني تكتب C وبعدين : وبعدين Enter ,, وبعدين تدخل عالفولدر بتاع الفلاش الي نسخته عليه بانك تكتب Cd 7512v13
وفي النهاية وانت هنا C:\7512v13 تكتب C:\7512v13> AFUD4234.exe وبعديها العمليه هتبدأ .

اقتباس:

---

المشاركة الأصلية كتبت بواسطة alayoubi

بعدين بدل بين الرامة الأولى والتانية وشغل الجهاز وارفع صورة عن تبويب Memory فقط حتى أتاكد من التواقيت وأعلمنا بالنتيجة

---

اخي الكريم
انا عملت زي ما انتا قولتيلي بالظبط
ان احاولت لحد ما الجهاز ما دخل بالـ8 جيجا رام
وحصلت على النتائج والصور التالية اللى انتا طلبتها مني

صورة للجهاز ، لما دخل ويندوز وقرى الـ8 جيجا كاملين -.-

https://img119.imageshack.us/img119/...3860723so7.jpg

ودي صورة للتبويب العام للرامات

https://img119.imageshack.us/img119/333/34699535qg2.jpg

ودي صورة غريب ة لاحظتها لما دخلت بالـ8 جيجا رام ولما كانو مقريين كاملين لقيت احد سلوتات الرامات كأنو فاضي او مش متركب فيه رامة ، رغم ان الجهاز كان قاري الـ8 جيجا رام كاملين زي ماهو باين في الصورة فوق ، بص

https://img119.imageshack.us/img119/...0047469hn9.jpg

بس لما عملت ريستارت وشغلت برنامج Cpu-z تانى لقيت كل حاجه طبيعية الرامات الـ8 جيجا مقريين في الويندوز ، وفي البرنامج كل الرامات مقرية وشغاله عادي غير الصورة اللي فوق دي كان في رامة مش مقرية


، ولما انا جربت بـ6 جيجا بس اداني نفس نتايج الـ8 جيجا

المهم:
انا فعلا نزلت تحديث البايوس اللى انتا اديتهوني

اقتباس:

---

المشاركة الأصلية كتبت بواسطة alayoubi

المهم تتأكد من الموديل الصحيح MS-7512

---

متأكد تماما ان الموديل صحيح وهو MS-7512 ، بس منين أتاكد إن نوع البايوس AMi

اقتباس:

---

المشاركة الأصلية كتبت بواسطة alayoubi

تحتاج ديسك فلوبي وبعدين تفرمته من داخل الويندوز مع اختيار نسخ ملفات النظام عليه

---

تمام التمام الفلوبي موجود ومسألة عمل فرمتة من داخل الويندوز للديسك سهلة مع اختيار نسخ ملفات النظام

اقتباس:

---

المشاركة الأصلية كتبت بواسطة alayoubi

ملف البيوس الي نزلته من النت هيبقى اسمه كده بعد ماتفك الضغط عنه 7512v13 انسخه عالدرايف C وسجل اسمه عورقة لأنك هتحتاجه

---

كلام جميل انا عملت كل اللى انتا قولت علية بالحرف الواحد وكتبت اسم الملف في ورقة

اقتباس:

---

المشاركة الأصلية كتبت بواسطة alayoubi

كده كله تمام ,, هتحط الديسك في الفلوبي درايف وتعمل ريستارت للجهاز بحيث يقلع الجهاز منه .
لما توصل للأشارة A:\ ادخل على الدرايف C يعني تكتب C وبعدين : وبعدين Enter ,, وبعدين تدخل عالفولدر بتاع الفلاش الي نسخته عليه بانك تكتب Cd 7512v13
وفي النهاية وانت هنا C:\7512v13 تكتب C:\7512v13> AFUD4234.exe وبعديها العمليه هتبدأ

---

**لما اعمل ريستارت للجهاز هيخش الويندوز مباشرة من عن طريق الفلوبي درايف ويقف مباشرة عند ألاشارة A:/

**أخش على الدرايف C بأنى أكتب C: Enter
**وأخش على الفولدر بتاع الفلاش اللي انا نزلتو من النت على الفلوبي عن طريق كتابة Cd 7512v13
**هيدخلني مباشرة على الفولدر 7512v13 الموجود بالفلوبي ديسك ، وهيبقى المؤشر ساعتها واقف على C:/7512v13_
**أكتب مباشرة AFUD4234.exe وأترك الجهاز لحد ما يخلص لوحدو

هذه هي الخطوات اللي انا هعملها ان شاء الله بس حبيت أراجع مع حضرتك علشان اول مرة أعمل الكلام دا وخايف من أي غلطة ، عشان مفيش اي حاجه من الجهاز تنحرق :) ، لأن اي غلطة في أبديت البيوس بتحرق وتبوظ الدنيا زي ما كلنا عارفين .

لو في اي غلطة في الخطوات ارجوك تدلني عليها علشان أصلحها ،

وأنا هنتظر من حضرتك رد تقولي فيه اوك الخطوات مظبوطة علشان أول ما هشوف الرد بتاع حضرتك هتكل على الله علطول وأبدأ أعمل أبديت للبيوس

أنتظر ردكككك

اخ ميدو جرب تعمل تحديث للبايوس لأحدث نسخه متاحه هذي نقطه.
النقطه الثانيه جرب تبدل اماكن الرامات لديك ,
وجرب ان تركل كل رامه بكل شق من شقوق الذاكره وجرب جميع الاحتمالات مثل ان تضع اثنان في اول شقين ثم تجرب تحطهم في الشقين الاخرين ثم تجرب تحط رامه في الشق الاول ورامه في الشق الرابع ثم تجرب رامه بالشق الثاني والاخرى بالثالث ....الخ جرب كل الاحتمالات وشوف.

النقطه الثالثه , انا ايضا َ اشك في مسأله الباور سبلاي ولربما كانت صحيحه ولكن اعطي هذا الاحتمال نسبه 60% فقط.

النقطه الرابعه لو تقدر تجرب هذي الرامات عند جهاز صديق لك وتشوف هل يحصل تعارض ومشاكل ام لا سيكون امر جيد .

طيب قبل ما نراجع عملية البيوس ,, أنا شاكك في السلوت الأول Slot 1 يكون فيه مشكلة ممكن يكون سببه شوية غبار فك الرامة الي عليه وامسح سنان الرامة الذهبية بفوطة جافة وبعدين انفخ على الشق بتاعها كويس ولو عندك Blower منفاخ الكهرباء يبقى كويس ,, دي الخطوة الأولى وممكن تعمل نفس الكلام لباقي الشقوق .

الخطوة الثانية : التواقيت مش مظبوطة وهتعدلها من البيوس ,, بعد ما تدخل عالبيوس دور على حاجة تخص الرامات لحد ما تلاقي حاجة اسمها زي Memory Timing أو حاجة شبيها بيها .
المهم : عالأغلب هتلاقي القيمة المقابلة ليها Auto غيرها لـ Manual وغير القيمة الي اسمها
Cas Latency CL = 5 بدل 6 بعدين سيف كل حاجة واخرج من البيوس Exit & Save

نرجع لتحديث البيوس : في حاجات بسيطة هتتعدل ومهمة جدا .

اقتباس:

---

متأكد تماما ان الموديل صحيح وهو MS-7512 ، بس منين أتاكد إن نوع البايوس AMi

---

بالنسبة للموديل ونوع البيوس واضحين بالصورة ديه وملف txt الي بالفولدر كمان موضح نوع البيوس :
https://img369.imageshack.us/img369/...4501860sj9.jpg
كده تمام .

اقتباس:

---

**لما اعمل ريستارت للجهاز هيخش الويندوز مباشرة من عن طريق الفلوبي درايف ويقف مباشرة عند ألاشارة A:/

---

طبعا والفلوبي ديسك داخل الدرايف مش هيخش الويندوز نهائي وانما هيدخل عالفلوبي ويقف زي ما انت قلت عند A:/ طبعا لازم تكون مظبط الــ Booting من داخل البيوس علشان يقرأ منه أول حاجة , تمام كده .
طبعا لو احتجت تدخل عالبيوس علشان تظبط الـ Booting بعد ما تشغل الجهاز أما تفضل تدوس DEL أو F1 أو F2 حسب نظام البوردة لحد ما يدخل عالبيوس .

اقتباس:

---

**أخش على الدرايف C بأنى أكتب C: Enter
**وأخش على الفولدر بتاع الفلاش اللي انا نزلتو من النت على الفلوبي عن طريق كتابة Cd 7512v13
**هيدخلني مباشرة على الفولدر 7512v13 الموجود بالفلوبي ديسك ، وهيبقى المؤشر ساعتها واقف على C:/7512v13_
**أكتب مباشرة AFUD4234.exe وأترك الجهاز لحد ما يخلص لوحدو

---

السطر التاني : الملف أساسا حجمه كبير ما يجيش عالفلوبي , زي ما قلت أنا بالأول هتنسخه عالدرايف C بعد ما تفك ضغطه واتأكد ما يكونش فولدر جوة فولدر تاني يعني دبل كليك عليه تخش عالملفات على طول علشان ما تزيدش الخطوات وانت بتحدث البيوس وممكن تغير اسم الفولدر لأي اسم سهل زي test مثلا.

السطر الأخير : هنا في تعديل مهم جدا وهو بالخطوة الأخيرة .
وانت هنا C:\7512v13>
هتكتب AFUD4234 A7512IMS.130 بدون .exe ومع مسافة بينهم .
A7512IMS.130 هو ملف تاني ومفيش مسافة بين (.) و 130
يعني هيبقى كده :

C:\7512v13> AFUD4234 A7512IMS.130
وانتر
وما تدوس أي حاجة واستنى لحد ما العملية تخلص نهائي وبعديها اطفي الجهاز وبعدين شغله تاني وادخل عالبيوس ودوس :
Load Optimized Defaults علشان ترجع البيوس للأعدادت الافتراضية الجديدة واخرج منه وسيف كل حاجه . وبس

سجل الحاجات دي كمان عالورقة وطبعا لو غيرت اسم الفولدر لــ test مثلا هتغير كلمة 7512v13 في جميع الأوامر .

وأي سؤال أنا جاهز وبالتوفيق .