محتاج مساعدة في موبايل اندرويد بسعر الف جنيه مصري

ميزانية الموبايل الف جنيه مصري لكن هيتم الشراء من بره فيعني مثلا لو الموبايل هنا بالف ونص هنقول علي سعر بره هنقص ال 400 ل 500 جنيه الفرق

المتطلبات كاميرا 5 ميجا بيكسل علي الاقل

النظام اندوريد ويفضل انه يكون من الموبايلات اللي تقبل التحديث او علي الاقل يكون النظام اللي عليه سريع وسلسل وسهل

يكون تاتش طبعا والشاشة تكون نقية وظاهرة ويفضل انها تكون مضادة للخدش وتستحمل وفي نفس الوقت الاستجابة سريعة

الصوت يكون نقي وعالي او علي الاقل متوسط ميكونش واطي

يقبل انه يتزود ليه كروت ميموري ويكون المساحة الداخليه ليه معقولة مش اقل من 4 جيجا لو ليه او علي الاقل يكون فيه مكان لكارت ميموري اركبه عليه

البروسيسور يكون 800 لما فوق علشان علي الاقل يكون سريع

البطاريه علي الاقل تقدر تكمل يوم مع الكلام الكتير والتصوير اللي هيكون علي فترات متباعدة يعني

يكون في واي في ويكون فيه بلوتوث وطبعا كاميرا ثانية تكون جودتها معقوله ويكون فيه مدخل يو اس بي فيرجن 2

دي تقريبا كل الامكانيات اللي انا عايزها فيه منتظر ارئكم ومقترحاتكم

اعتقد xperia mini سيكون جيد بالنسبه لك

samsung galaxy mini 2 الإكسبريا مينى أفضل ولكن به عيوب مصنع مثل زر الباك والهوم يعلق لما حرارة الجهاز تزيد لأنهم بيعملو باللمس الحرارى وغير كده البطارية ضعيفة للغاية على عكس الجالكسى مينى 2 هوا أقل فى البروسيسور والرام بس أفضل من ناحية خلوه من عيوب المصنع والبطارية ممتازة والكاكميرا 3.2 بس جيدة جدا .وتقبل مرورى

اقتباس:

---

المشاركة الأصلية كتبت بواسطة PeruRegistan

samsung galaxy mini 2 الإكسبريا مينى أفضل ولكن به عيوب مصنع مثل زر الباك والهوم يعلق لما حرارة الجهاز تزيد لأنهم بيعملو باللمس الحرارى وغير كده البطارية ضعيفة للغاية على عكس الجالكسى مينى 2 هوا أقل فى البروسيسور والرام بس أفضل من ناحية خلوه من عيوب المصنع والبطارية ممتازة والكاكميرا 3.2 بس جيدة جدا .وتقبل مرورى

---

انت لسه برده :D

تمام شكرا لكل اللي ردوا بس اسعار الموبيلات دي كام الف ونص ولا الف جنيه مصري لانه الميزانية هتبقي الف ونص مصري تقريبا
لاني هشتري من بره فبالتالي هيبقي في فرق 500 جنيه عن الاسعار اللي هنا

فيه جهاز من سونى هينزل قريب هيبقى فى حدود 1500 على حسب كلام زرق الله اسمو sony xperia miro فيه تقريبا كل حاجة انت عايزها لو ممكن تستنى لحد ما ينزل بره شوفو و ده رابط المواصفات بتاعته
https://www.gsmarena.com/sony_xperia_miro-4831.php

فى Sony Ericsson Live With Walkman بحوالى 1000 جنيه و هو عنده 1GHz و رام عالية و ريزوليوشن مناسب لشاشته و سعره و هو اندرويد و هيتحدث لICS باذن الله.

اقتباس:

---

المشاركة الأصلية كتبت بواسطة ahmedehab95

فى Sony Ericsson Live With Walkman بحوالى 1000 جنيه و هو عنده 1GHz و رام عالية و ريزوليوشن مناسب لشاشته و سعره و هو اندرويد و هيتحدث لICS باذن الله.

---

موجود فين بالسعر ده ؟؟؟

اقتباس:

---

المشاركة الأصلية كتبت بواسطة tahagamal

انت لسه برده :D

---

أيوه انا لسه بردو فى مشكلة فى كده:mad:

اقتباس:

---

المشاركة الأصلية كتبت بواسطة karem_love

موجود فين بالسعر ده ؟؟؟

---

فى فودافون ب1000 جنيه لكن مش عارف لسه موجود العرض او لا و فى ب1200 جنيه ادخل هنا و اضغط على شراء جديد https://www.mob4me.com/%D8%B3%D9%88%...th_Walkman.htm

معلش ملاحظتش انك هتحيبه من بره , ده سعره على موقع سوق فى السعودية ب750 ريال يعنى حوالى 1125 تقريبا نفس سعر اللى فى مصر https://saudi.souq.com/sa-ar/sony-er...t19-4624885/i/