يا جماعة الحقوني بمشتت احترافي
يا جماعة انا عندي المكونات دي
amd phenom II x4 955 be
gigabyte ga--ma 785gt-ud3h
gamma 350 watt
حرارة البروسيسور عندي 46 في حالة الخمول و 60 في حالة تشغيل الالعاب
و اقصر حرارة ليه وفقا للشركة المصنعة هي 62
مع العلم اني مش كاسر سرعة و ولا في اي مشاكل خالص
حتى السليكون محطزط بس ممكن المكان الي انا عايش فيه هو السبب
عاوز مشتت احترافي جامد يقللي الحرارة ويخليها طبيعية و ياريت بسرعة قبل ما يتحرق
الميزانية حوالي 400 جنيه
و لو في حاجة للرامات ياريت تفيدوني
رد: يا جماعة الحقوني بمشتت احترافي
ماتخفش ده طبيعى لو البروسيسور قديم
لو الميزانية 400 جنية زودها وهات cm v8 ب 450
او ممكن اقل ال ocz vendetta ب 270 مش فاكر اوى
بس ال 2 جامدين جدا
اكيد ارشح الاول
تحياتى
رد: يا جماعة الحقوني بمشتت احترافي
لو تستنى شهر ينزل ال cm hyper 212 plus ..اخر سعر ليه هو 270 جنيه .. الكثير من الاعضاء قاموا بتجربته واشادوا بادائه الممتاز فى مقابل سعره
رد: يا جماعة الحقوني بمشتت احترافي
يا جماعة البروسيسور مش قديم .....انا لسه جايبه من يومين بالظبط
عموما شكرا بس انا عاوز اعرف هل ده خطر؟
رد: يا جماعة الحقوني بمشتت احترافي
الحرارة ليست خطرة , حسّن تدفق التهوئة بالصندوق فقط .
رد: يا جماعة الحقوني بمشتت احترافي
لا مش خطرة اوى
وهوه ايه موديل البروسيسور؟
عموما زى ما قلتلك ocz vendetta حيشد معاك ولو تزود ال v8 رائع
رد: يا جماعة الحقوني بمشتت احترافي
موديل البروسيسور
amd phenom II 955 black edition
و لسه جايبه من يومين
و مروحة التبريد بتاعته بتعمل 6500 لفة مع الالعاب و الحرارة بتوصل 60 في خلال 5 دقائق
عموما انا ان شاء الله ناوي اجيب المشتت الي حضرتك قلت عليه ......بس عاوز اعرف هل المشكلة من حاجة تانيه؟
رد: يا جماعة الحقوني بمشتت احترافي
بص انا برضوه بعانى من صداع المروحة الاستوك
لكن هوه العيب من سخونة الجو اولا وثانيا ان المروحة الاستوك برضوه تعبانة نسبيا
علشان كده اولا لازم مشتت احترافى
ثانيا (اختيارى) تكون الكيسة جيدة التهوية علشان برضوه بقية المكونات
وانت نويت علي ايه بجى:D
رد: يا جماعة الحقوني بمشتت احترافي
اه صحيح ومبروك عليك البروسيسور يا معلم
رد: يا جماعة الحقوني بمشتت احترافي
متشكر اوي يا صديقي hazemsagherh
و ان شاء الله انا نويت على ال v 8
بس سؤال اخير
هل وصول الحرارو ل 60 درجة في خلال 5 دقائق ليس خطرا عليه
انا بصراحة خفت اكمل لعب و طفيت الجهاز و لما بشغله مش بلعب و كمان بشغل energy saver بس مبينفعش مع الالعاب
لان الالعاب بتستهلك كل طاقة البروسيسور
انا خايف بس لان شركة amd مكتوب فيها ان اقصى حرارة للبروسيسور هي 62 درجة
https://products.amd.com/en-us/Deskt...?id=618&id=682
رد: يا جماعة الحقوني بمشتت احترافي
مانا بقلك الاستوك دايما زبالة جدا
عموما شوف ال v8 موجود ولا لا علشان مش متأكد ان لسه مخلصش
وبصراحة لو نويت عليه اوعى تستغنى عنه لانه حيفرق مووووووووووووووت عن الاستوك مع اى بروسيسور
رد: يا جماعة الحقوني بمشتت احترافي
الحرارة مش عالية للدرجة اللي انت خايف منها و لا داعي للقلق 62 مرتفعة لكنها ليست خطيرة
اولا المعجون الحراري بياخد من عده ساعات الي عدة ايام حتي يعمل بالشكل الطبيعي
ثانيا جرب الاول تحسين تدفق الهواء داخل الكيسة
انت محتاج علي الاقل مروحة تدفع الهواء الي داخل الكيسة في المنطقة السفلية
و اخري في المنطقة العلوية تطرد الهواء الساخن بخلاف مروحة الباور سبلاي
و اغلق جانب الكيسة اذا كنت فتحه لتحسين تدفق الهواء
ثم بعد كده فكر في مشتت احترافي اذا كنت تنوي علي كسر السرعة و امامك شهر لضبط الاوضاع حتي ينزل
cm hyper 212 plus
سعره ممتاز و اداءه رائع
رد: يا جماعة الحقوني بمشتت احترافي
جرب انك تقلل الفولت الى 1.1875 من البيوس واستحالة الحرارة تكون بالشكل ده مع تقليل الفولت ومفيش اى مشكله البروسيسور هيشتغل زى الحصان على الفولت ده ودرجة الحرارة هتقل معاك جامد ولو عايز تعليه شوية خليه 1.2125
رد: يا جماعة الحقوني بمشتت احترافي
انا عندى البوسيسور ده بقاله 3 شهور و ده درجه حرارته العاديه المهم تاكد ان الفولت بتاعه 125 مش اقل و خلى بالك انا لما كنت بخليه 125 كان بيرسترت لان هو اعلى من كده المهم خليه 130 مش 140 و هيقل درجه حرارته 3 درجات تقريبا احسن من مفيش و بالنسبه للمشتات هى بتعتمد على درجه حراره الغرفه لو عايه بلاها مشتات و افتح الكيسه و حط امامها المروحه كده هتقل 3 درجات كمان يبقى المجموع 6 62-6 =56در جه فى الضغط
رد: يا جماعة الحقوني بمشتت احترافي
لو عاوز مشتت هات Vendetta 2 لو مش ناوى على كسر سرعة و اداءة ممتاز و سعرة لو ب 300 جنية يبقى توكل على الله و لا داعى لل V8 !
ال V8 سعرة عالى بسبب شكلة عكس اغلبية المشتتات بيبقى شكلها وحش !
لو يهمك الشكل هات ال V8 !
لو ميهمكش هات الفانديتا