عرض للطباعة
السلام عليكم ورحمة الله وبركاته جميعا
اخواني الكرام كيف اعرف موديل المذربور عندي ورقم السكيت اذا صار ما عندي لها سيدي ولا كتاب يعني هل فيه طريقه من خلال البيوس والا الوندز
السؤال الثاني اذا صار عندي كرت صوت والا كرت شاشه وشلون اعرف موديله علشان اديبله درايفره الخاص فيه
وياليت ياليت تدلوني على موقع عربي فيه درايفرات
ولكم مني الف شكر
السلام عليكم
هلا فيك اخوي :)
اولا بالنسبه لنوع الموذر بورد فارسلتلك برنامج بالمرفقات وهو cpu-z سهل جدا بس ادخل عالبرنامج وطق على قائمه ال mainboard لتعرف الأسم
ورقم السكيت في الحقيقه ماادري شنو تعني بها بس اذا كنت تعني بها السوكيت للموذر بورد جم رقمه :
1 يا انك تاخذ اسم الموذر بورد وادش على شركته لتعرف مواصفاته
2 او عمليه نظريه اي اذا كان المعالج عندك بانتيوم4 2.4 فما فوق يعني السوكيت عندك بالموذر هو 478 ومادري شنو بعد الأنواع لكن تقدر تكتب اسم معالجك او نوع الموذر بورد والأخوان انشالله راح يساعدونك بالسوكيت :cool:
بالنسبه لمعرفه اسك الكرت واسم كرت الصوت
فهو تذهب الى start ثم RUN وتكتب
dxdiag
فيظهرلك مربع حوار
تطق على display فيظهر اسم ومعلومات كرت شاشتك
تطق على sound فيظهر لك اسم ومعلومات كرت الصوت
وابخصوص موقع عربي للدرايفرات فانا لا اعرف يمكن الأخوان اهني عندهم يقدرون يعطونك
لكن انا اعتمد على جلب الدرايفر من موقع الشركه نفسه واذا ما حصلته اكتب اسم الدرايفر بال Google.com وطق بحث فيظهرلي عده مواقع بها الدرايفر
وانشالله اكون افدتك ولو لجزء بسيط :)
وشكرا
نوع المقبس أو السوكت تحصله أيضا في CPU Z عند ال Package
اذا ما كان كرت الشاشة مثلا معرف ,, استخدم برنامج HWInfo لمعرفة أسماء الكروت ...
CPU Z غير دقيق لمعرفة موديل المذربورد , أضمن طريقة انك تلاقيه مكتوب على المذربورد نفسه ..
مشكورين اخواني الكرام وما قصرتوا والله
الف شكر
حياك الله اخوي :)
الاخ blackfox:
شكراً على البرنامج.
الموديل مكتوب على اللوحة الام ... اذا لم يكن عندك برامج
المسألة حلت لكن ماذا لو كان المودم داخلي كيف تعرف اسمه خاصة اا كان نظام التشغيل لا يتعرف عليه ؟
;)
الله لا يهينك اخوي ابغى برنامج HWInfo
ياليت ترسله لي
العفو حبيبي Disaster Master
محب الهارد وير
انشالله الأعضاء اييبولك البرنامج اقرب وقت :)
ومشكورين
تفضل أخي ...
https://www.hwinfo.sk/files/hw32_132.exe
الف شكر لكم جميعا
السلام عليكم يا شباب
انا عندي الكمبيوتر عطلان و لازم اغير المذربور شلون اعرف اي مذر بورد لازم اشتري
و كيف اعرف موديلها
و مشكورين
وعليكم السلام
حسب المعالج والذاكرة الي عندك .
نزل برنامج Lavalys Home Edition ( ابحث بجوجل على Download Lavalys home edition ) وستجد فيه معلومات وافية إن شاء الله .
أذكر في قائمة باسم Summary فيها مواصفات الجهاز بشكل عام , أرفق لنا صورة منها .
مشكور على الرد السريع و لكن لن استطع تنزيل البرنامج لأن الكمبيوتر عطلان و الصراحه ما اعرف مواصفاته هل هناك طريقه او ارقام على المذر ببورد تعرفني مواصفات المعالج وو الذاكره و اذا كان هناك ارقام فأي منها لأنها كتيره
و شكرا
ما تذكر أي معالج كان يستخدم ؟
بإمكانك ترفع المشتت عن المعالج وتشوف بنفسك .
كذلك دور على اللوحة نفسها ممكن تحصل الموديل مكتوب عليها بشكل واضح .