درجه حراره الـhd 3650 + مشكله في المروحه ....
السلام عليكم جميعا ...
انا عندي GIGABYTE ATI HD 3650 512MB ....
النهارده مره واحده كده لقيت صوت المروحه بقه عالي جدا ف فكيت الكارت ابص عليه لقيت ريشه منه اتكسرت دي مفيش مشكله ... نضفت الكارت و المروحه من التراب و ركبته لقيت الصوت برضه عالي جدا ف اضطريت اني افصل الباور بتاع المروحه خالص من علي الكارت لأن صوتها لا يطاق بصراحه ....
دلوقتي درجه الحراره بعد نص يوم شغل مثلا بتوصل من 55~61 مع عدم اللعب استخدام عادي من انترنت و افلام و تشغيل الـProgDVB لكارت الدش ف هل درجه الحراره دي كده عاليه اوي ولا لسه ف الامان ؟؟؟
لو عايز اقلل تردد الكارت شويه بحيث انه يقل من درجه الحراره و خاصه اني مش بلعب خالص الايام دي ف مش محتاج الكارت بكامل طاقته يادوب محتاجه علي قد الاستخدامات السابق ذكرها ف هل ممكن يفرق ف درجه الحراره ؟؟؟
https://i54.tinypic.com/k3n40g.png
في انتظار ردكم و جزاكم الله كل خير ....
رد: درجه حراره الـhd 3650 + مشكله في المروحه ....
عليكم السلام
الحرارة ليست خطرة اخي , وكون البطاقة من الفئات الدنيا فلا قلق من الموضوع .
لكن لا بد من تركيب مروحة صغيرة على الكرت لتجنب الحرارة بأوقات الذروة في الصيف .
رد: درجه حراره الـhd 3650 + مشكله في المروحه ....
انا شايف ان المشكلة مش انك تقلل التردد هو انك تغير المروحة لازم تعالج المشكلة من اساسه وسهلة ومش حتكلفك كتير لان هما منزلينه بمروحه يعني من غيرها حيسخن وممكن لوقللت التردد ممكن تلاقي مشاكل تانيه ممكن فيديوهات متشتغلش تبص تلاقي الجهاز هنج ولازم ترستر والخلاصة انصحك تغير المروحه وبلاش حكاية تقليل التردد لانها غير مجدية .
رد: درجه حراره الـhd 3650 + مشكله في المروحه ....
اقتباس:
المشاركة الأصلية كتبت بواسطة Extreme2
عليكم السلام
الحرارة ليست خطرة اخي , وكون البطاقة من الفئات الدنيا فلا قلق من الموضوع .
لكن لا بد من تركيب مروحة صغيرة على الكرت لتجنب الحرارة بأوقات الذروة في الصيف .
ان شاء الله الكارت مش هيقعد اصلا للصيف هغيره برضه بعد كام شهر كده و اجيب كارت اعلي شويه ... حاليا مش بلعب خالص تقريبا - PES 2011 فقط و مش كتير - ف مش محتاج كارت من فئات عليا ... بمعني اخر ممكن استخدم الكارت ده لحد لما يبوظ بعد كده اجيب واحد جديد و خلاص برضه من الفئه الدنيا .... خاصه ان الشتاء داخل و الجو هيبقي اطلف شويه
الكارت اللي معايا ده اصلا واخده من التوكيل بعد حدوث مشكله ف الكارت القديم و غيرولي الكارت القديم بالكارت الجديد ده من حوالي 5 شهور تقريبا و زودولي الضمان سنه يعني الكارت لسه برضه ف الضمان لكن مفيش وقت اوديه بصراحه....
حاليا انا علي طول مراقب درجات الحراره عند كام كده يبقي زياده اوي علشان ابقي عارف برضه ...
اقتباس:
المشاركة الأصلية كتبت بواسطة محمد حسن احمد
انا شايف ان المشكلة مش انك تقلل التردد هو انك تغير المروحة لازم تعالج المشكلة من اساسه وسهلة ومش حتكلفك كتير لان هما منزلينه بمروحه يعني من غيرها حيسخن وممكن لوقللت التردد ممكن تلاقي مشاكل تانيه ممكن فيديوهات متشتغلش تبص تلاقي الجهاز هنج ولازم ترستر والخلاصة انصحك تغير المروحه وبلاش حكاية تقليل التردد لانها غير مجدية .
متفق معاك طبعا ف ان حل المشكله من الاساس يكمن في تغيير المروحه و ممكن ما تتكلفش حاجه اصلا لو هعملها ف التوكيل لكن المشكله ف ضيق الوقت ... مفيش وقت اني افك الكارت و اوديه التوكيل و اروح تاني اجيبه + اني مش هينفع استغني عن الكمبيوتر ف الوقت الحالي .....
رد: درجه حراره الـhd 3650 + مشكله في المروحه ....
مبدئيا الحرارة عادية ..:) ومافيش خطورة
ثانيا طالما الكارت شغال معاك ..حاول بس تغير الفان الموجودة على الكارت وفى بدايل كتير فى السوق
هية اينعم مش زى اللى جاية مع الكارت بس بتأدى الغرض ...:)
رد: درجه حراره الـhd 3650 + مشكله في المروحه ....
اقتباس:
المشاركة الأصلية كتبت بواسطة S@M
مبدئيا الحرارة عادية ..:) ومافيش خطورة
ثانيا طالما الكارت شغال معاك ..حاول بس تغير الفان الموجودة على الكارت وفى بدايل كتير فى السوق
هية اينعم مش زى اللى جاية مع الكارت بس بتأدى الغرض ...:)
مادام مفيش قلق و الدنيا ف السليم يبقي ان شاء الله ف اقرب فرصه هحاول اني اغير المروحه بتاعت الكارت لأن بصراحه الموديل ده أصيل معايا و ابن ناس :D و ما عملش اي حركاته قله غير بعض سنه و 7 شهور من الاستخدام ووديته Gamma وغيروهولي بواحد تاني خالص
رد: درجه حراره الـhd 3650 + مشكله في المروحه ....
درجه الحراره طبيعيه بس مادام الكارت به مروحه يبأه لازم تركبله مروحه لانك ماتضمنش أى حد يعد على الجهاز ويشغل لعبه تقيله ولا حاجه فخليك فى الامان أحسن
لو مالقيتش نفس نوع المروحه ممكن تجيب أى مروحه صغيره وتركبها على المشتت بمسامير أو بسلك
رد: درجه حراره الـhd 3650 + مشكله في المروحه ....
اقتباس:
المشاركة الأصلية كتبت بواسطة Gomaa108
درجه الحراره طبيعيه بس مادام الكارت به مروحه يبأه لازم تركبله مروحه لانك ماتضمنش أى حد يعد على الجهاز ويشغل لعبه تقيله ولا حاجه فخليك فى الامان أحسن
لو مالقيتش نفس نوع المروحه ممكن تجيب أى مروحه صغيره وتركبها على المشتت بمسامير أو بسلك
كلام سليم ميه في الميه . وطبعا ده لمصلحتك لان مش كل يوم الواحد بيشتري كرت .