يا مصر هانت وبانت كلها كام يوم
يا مصر هانت وبانت كلها كام يوم
نهارنا نادي ونهار الندل مش باين
-------- :ah4: :ah4: --------
الدولة مفضلتش منها إلا حبة شوم
لو مش مصدق تعالي علي الميدان عاين
----
ياناس مفيش حاكم إلا من خيال محكوم
واللي هيقعد في بيته بعدها خاين
----
اللي هيقعد كأنه سلم التانين
للأمن بأديه وقاله هما ساكنين فين
----
وصلت لضرب الرصاص علي الخلق في الميادين
حتى الجثث حجزوها اكمنهم خايفين
----
يا مصر أصبحنا أحياء وميتين مساجين
فاللي هيقعد في بيته يبقى مش مفهوم
واللي هينزل الهي حارسه صاين
----
يا مصر هانت وبانت كلها كام يوم
نهارنا نادي ونهار الندل مش باين
-------- :ah4: :ah4: --------
نهارنا نادي وبأيدينا علي فكرة
الصبح عنده فضول راح نعمل إية بكرة
----
إيده علي الباب وخايف يلمس الأكرة
ادخل يا أستاذ براحتك والبلد حرة
----
إحنا زهقنا نشوف الصبح من برة
ادخل وخرج بقايا العتمة بالمرة
الناس دي حرة وجنود الأمن مضطرة
----
ياصبح طلعت روحنا لجل تيجي ياخي
طالعين نجبيها أهوا فى كل حارة وحي
----
حتى ولو ضربونا بالرصاص الحي
شوف المداين كدة مفروشة خلق وضي
----
دايما مفاجأة ودايما وقتها معلوم
الحكم لينا وليك الحق يامداين
----
يامصر هانت وبانت كلها كام يوم
نهارنا نادي ونهار الندل مش باين
-------- :ah4: :ah4: --------
ياصف عسكر بدال الدرع شيلوا اتنين
خمسة و عشرين يناير ياشباب فاكرين
----
كان فيه انجليز و وزير الداخلية تخين
كان عنده بردو عساكر زيكم جامدين
----
سابهم يموتوا علولا لو سأل فيهم
كانوا شبهكم اساميكم اساميهم
----
ياعسكري البهوات اللي بتحميهم
ممكن يردوا عليك لما تناديهم
----
يا عسكري أنا أصلي بس بستغرب
لو لاقي تأكل وتشرب قوم ياعم اضرب
----
اضرب عشان الوزير من ضربتك يطرب
لكن هتشتغل اية لما الوزير يهرب
----
أما الشديد القوي القادر أبو القادر
برميل تلامة نشر علي مصر من الآخر
----
لو شفته معددة تكتب ادب ساخر
ثابت يقول للهرم ياكابتن اتاخر
ولم يزل معتقد ان الهرم هيقوم
----
ادي الحجر والبشر قايمين ياسيدي القوم
والدين هيترد ياللي عشت متداين
----
يامصر هانت وبانت كلها كام يوم
نهارنا نادي ونهار الندل مش باين
-------- :ah4: :ah4: --------
ده حكم أسرة ولا خوفو ولا خفرع
ولا وجع بطن يتعالج بزيت خروع
----
عمل مسوجر بعيد عنك ولايطلع
جربنا فيه كل شىء ملقينا شىء ينفع
----
مطلعش بالأدوية جربنا ألف طبيب
ولا بعطارة شيوخ ليهم بلح وزبيب
----
ولا بجحفل مغولى وضرب بالقباقيب
عمل مسوجر وسفلي شغل تل أبيب
----
وشغل أمريكا متغلف وختمة عليه
ضيف زارنا ياعم من غير دعوة لابس بيه
----
قعد 30 سنة ومبيقولش قاعد لية
والنية يديها لابنه النابغة بعديه
----
ويقول قضا وقدر بين البشر محتوم
قولناله طيب ومين قال للقدر معلوم
وش عرفك يافخمتك بالذي كان
يامصر هانت وبانت كلها كام يوم
نهارنا نادي ونهار الندل مش باين
-------- :ah4: :ah4: --------
الفيديو كامل للقصيدة
