هل تنصحوني ان اركب الجهاز بي نفسى ؟

السلام عليكم و رحمة الله و بركاته

انا ان شاء الله نازل انهاردة اجمع الجهاز و مش عارف انا اشتري كل قطعة من محل شكل (عشان الاسعار:D) واجمع بــ نفسى انا فى البيت ؟
مع العلم ان الامكانيات كلها انا واخدها من المنتدى العظيم ده و سألت عليها كتير
و ان شاء الله هكتب الامكانيات اما اجى بأذن الله بس انا عايز نصيحة :rolleyes:
تنصحوني انى اركب الجهاز بنفسى حتة حتة و انا دراستى فى الهارد وير
ولا اخلى اللى اشتري منه هو اللى يركبهولي احسن انا مش عارف اعمل ايه :(
بس انا قلقان من منطقة Power LED & HDD LED & Power Switch و الحجات دى فا مش عارف اعمل ايه
يا تري سهل هقدر اركبهم ؟؟
مع العلم البوردة Msi 770-G45 او Asus M4A88T-M/USB3 مش عارف انهى فيهم لسة حسب الفلوس :rolleyes:
و البروسيسور phenomII x4 955 3.2ghz
انا اسف انى طولت عليكم بس انا طالب النصيحة مش اكتر :rolleyes:

والله ولي التوفيق ...

لو بتعرف تركب المعالج كويس جدا يعنى ليك خبره فيه وفكيته وركبته قبل كدا يبقى ركبها كل الباقى سهل
والمهم تعرف كابلات الباور اللى طالعه بتركب فى البورده زى كابل الباور بتاع الجهاز والريستارت
لكن لو مالكشى خبره فى تركيب المعالج ركبه عن داى محل من اللى هتشتشرى منه
بالتوفيق ومبروك مؤدما

اقتباس:

---

المشاركة الأصلية كتبت بواسطة XCURSE

لو بتعرف تركب المعالج كويس جدا يعنى ليك خبره فيه وفكيته وركبته قبل كدا يبقى ركبها كل الباقى سهل
والمهم تعرف كابلات الباور اللى طالعه بتركب فى البورده زى كابل الباور بتاع الجهاز والريستارت
لكن لو مالكشى خبره فى تركيب المعالج ركبه عن داى محل من اللى هتشتشرى منه
بالتوفيق ومبروك مؤدما

---

شكراً يا باشا اوي اوي على الرد:ah4:
لا انا الحمد لله اعرف اركبة بأذن الله بس انا قلقان من الحجات التانية بس :(

انا افضل انك تركب بنفسك لانه هيك انت راح تتعلم اكثر واكثر

ولا تخاف بس توكل على الله واشتغل

اما Power LED & HDD LED & Power Switch

كل سلك مكتوب عليه وظيفته

والماذربورد يجي معها كاتالوج هيفيدك كتير بالاسلاك دي

الحجات التانية لايوجد منها اي خوف يعني hdd و led لو ما ركبوش صح مش حيعملوا مشكلة

كل الحكاية انهم مش حيشتغلوا....بشوية محاولات اكيد راح يمشوا معك

انا رأى انك تخلى اى متجر يركبهم لك و تريح دماغك علشان اى خطا فى تركيب وصلات البور ممكن يحرق اجزاء فى الجهاز لاقدر الله

حاول تركب بنفسك عشان تتعلم .
الموضوع أسهل مما تتوقع .

من الافضل انك تخلى صاجب المحل يركبهم عشان لو فى عيب فى قطعة من القطع معيبوبة تتغير فى الحال
ولو عاوز تتعلم تفك وتركب يبقى لما تروح مع نفسك
بس يبقى عن علم بانك ازاى تركب وتفك
ولو متعرفش ده مش عيب

لو عندك جهاز قديم اتعلم فيه الاول
انا بعرف اركب لكن لما بروح اشترى جديد بخلى صاحب المحل هو الى يركب عشان لو فى حاجه مش شغاله
يغيرها وانا واقف والاهم انك تستلمه منه شغال عشان يبقى هو متحمل المسئوليه دى
ولا مانع لو انت عندك جهاز قديم تتعلم طبعا التركيب لكن الجديد عشان الضمان خليه على ميئوليه صاحب المحل طبعا من غير تفكير