فكره جديده لتركيب مراوح إضافه فى الباب الجانبى لصندوق Gigabyte Setto 1000 و ما شابهه

فكرة رائعة ;)
شكراً أخي الجوهري
تم التقييم

مثل كيستي بس انا ثرمال وان شاء الله بسوي مثلك

بالنسبه للي تحت هي تدخل ولا تشفط

انا فيه وحده بس تشفط من ورا

الله يكرمك يا جوجو علي الشغل الجبار ده

وليك تقييم يا كبير ;)

شكرا محمد على مشاركتنا هذه التجربة الممتازة

Mr.pOPo
shaker3
The.Hulk
MSAB
0hasan0
M7mD-
Tarekforall

إخوانى و أحبائى الأعزاء
جزاكم الله خيرا
و مشكورين على المرور و الردود المشجّعه
و تقييماتكم شرف كبير لى

اقتباس:

---

طريقة جميلة جدا و انشاء الله اجربها في ال nvidea edition اللي عندي و ارفع الصور

---

اقتباس:

---

فكرة جامدة طحن
وانا عندى الكيسا الجاما وهجربها ان شاء الله

---

فى إنتظار تجاربكم مع الحراره إن شاء الله
لعل الطريقه تكون مفيده معكم

اقتباس:

---

طيب وبالنسبه للى معندوش الكوز ده يعمل ايه

---

كــــــــــــــــوز ؟؟
What is the meaning of KoooZ ?
:D:D:D

بص يا برنز أحمد
ممكن ساعتها يركب مروحه بس

اقتباس:

---

عارف أنها فاتتك بس فكرتك بيها ومش عايز تقييم طب خلاص أن مكنتش تحلف

---

تلميذك يا أستـــــــــــاذ
و شكرا على التقييم

اقتباس:

---

مش المشتت بتاع البروسيسر بيطرد الهواء للخارج

---

لا طبعا
حط إيدك على المشتت كده من فوق
و شوفه بيطلع هوا ولا بيسحب

أقول لك : بلاش

إعمل زى مانا بعمل
قرب منديل ورق من المشتت و شوفه هيسحبه ولا هيطرده
بس على مسئوليتك :D:D

مروحه المشتت بتسحب هواء بارد لدفعه على الجزء المعدنى فيه
و بالتالى فانت بتوفر لها بالمروحه الزياده تيار هوائى أشد كثافه
و أكيد هيبقى أفضل

اقتباس:

---

الكومبيوتر لحس دماغى

---

مش لوحدك :D

اقتباس:

---

الله ينور جوهرى! بس لو المشتت بتاعى احترافى اكيد مش حينفع

---

الله ينور عليك يا صاحبى
إيه القَصَه الجامده دى .... الظاهر انك حنيت للجيش تانى :p

لو المشتت إحترافى أعتقد انك مش هتحتاج لهواء بارد من بره
و لو احتجت هيبقى فى الباب من تحت ... عند كارت الشاشه

اقتباس:

---

العم سمعة الله يسامحه بقى

---

ردك يغنى عن ألفين تقييم ... مش مجامله على فكره :)

اقتباس:

---

- طيب واللى معندهوش Air Duct أصلا يعمل أيه ؟؟؟

- شغل على مياة بيضاء يا جوهرى ، الله ينور

---

فادى بك
شغل على ميه بيضا إيه بس يا عم ؟؟
الشغل ده يا عزيزى جزء من اللى انا اتعملته منكم
يا راجل د انا عندى ملف من سنتين كل اما أحب أتفرج على شغل نضيف أفتح و أشوفه
فاكر الملف ده ؟

https://i41.tinypic.com/a14z6b.jpg

اقتباس:

---

المروحتين انته مشغلهم سحب هواء بارد الي داخل الكيسه صح

---

نعم , هم بالفعل كذلك
لان فيه مروحتين للطرد
المروحه الخلفيه + مروحه الباور صبلاى :cool:

اقتباس:

---

بس انا اعمل ايه مفيش عندنا اي مراوح 80 سم خالص ولا كوز من ده علي راي ميدو

---

الراجل اللى لا بيسأل ولا بيفتح الميل علشان نسأل عليه
يا محمد هتلاقى المرواح ال 80 دى فى كل مكان , د فى زحل ممكن تكون موجوده
و تمنها 5 جنيه بس

اقتباس:

---

يا جوهري يا جامد
انا هاتجنن و اعمل الفكره ديه من زمان
بس تقدر تقول الكسل و كمان مكنتش مقتنع اني ممكن اركب مروحه علي ال air duct
انت جمدت قلبي

---

تشكرات أفندم
اعمل الفكره و جمد قلبك و ورينا النتيجه يا وحش ( بفتح الواو و تسكين الحاء :D)
و لو عاوز تجمد قلبك أكثر , إشرب ماونتين ديو ... ( ده نوع كاكولا , مش بروسيسور كور تو ديو :p )

اقتباس:

---

طول عمرك عبقري يامحمد يا جوهري
الصراحه انت خليت الكسيه setto 1000 زي الكيس الي 700 و800 جنيه.

---

تسلم يا مستر حاتم
أمال لو شفت بقى لما رشتها إسود فى إسود ؟؟
كلفتنى 6 جنيه بحالهم ...... تخيل :mad:

اقتباس:

---

مثل كيستي بس انا ثرمال وان شاء الله بسوي مثلك

بالنسبه للي تحت هي تدخل ولا تشفط

انا فيه وحده بس تشفط من ورا

---

أخى فصولى
الإثنين لادخال الهواء البارد
لانه مثلما تفضلت و ذكرت هناك مروحه فى الخلف للشفط للخارج


ملحوظه :

الموضوع و التصوير ليسو بالمستوى الذى يليق بكم و بالمنتدى
و كنت أنوى عمله على هيئه مشاركه واحده فى موضوع الأسعار فى السوق المصريه
و لكننى آثرت عمله فى موضوع جديد حتى تعم الفائده

اقتباس:

---

الله يكرمك يا جوجو علي الشغل الجبار ده

وليك تقييم يا كبير

---

إين عمـــــــى

نورت الموضوع

تقييم ؟ ..... أى تقييم ؟ .... هو فين التقييم ده ؟ ... كده يا إين عمى ؟:(

الله ينور يا جوهرى

انا لما عملت رفع ميدانى للابعاد و الاطوال :D لقيت ان عندى الكيسة ممكن يركب فيها مروحة 10
هل فيه مراوح 10 ولا اللى موجود 8 و 12 بس ؟!؟

تسلم اخي محمد , شغل 100\100 :)
تم القبض على عمك سمعه لحين تهريب التقييم و اطلاق سراحه بعد ذلك :D

مشكور اخي محمد على طرح تجربتك, انا مشكلتي الغبار والاتربه مع المراوح فهي تزيد الطين بله ومع المشتتات الكبيره نوعا ما الوضع يصبح اسواء واسواء "الكيسه Aurora 570 وكنت انوي عمل نفس مشروع فادي من زمان بس ذكرت السبب الي وقفني من تنفيذه" :mad:

الله عليك يا ريس انا عملت بالضبط زى ما انت قولت بجد بجد ......استااااااااااااااااااااااااااااااز......:ah7 :

درجه الحراره فرقت 9 درجات بالضبط...طبعا روعه جداا...واخيرا...عرفت فايده المدعو (( كوز )) اعتقد بضم الكاف :rolleyes:

:)

تسلم ياغالى واحلى تقييم

فعلا فكرة جامدة جدا
تم التقييم

مش فااااااااااهم اي حاجة :ah50:

مووووووضوع كفاءة والله وجاي فى وقته ..... تسلم يا جوجججو :D

فكره روعه يا استاذ محمد... نفس الكيسه عندى بس انا مركب مشتت فانديتا فمش هينفع اعملها ... و ليك احلى تقييم على الافكار المتجدده

اقتباس:

---

الله ينور يا جوهرى

---

إزيك يا هندسه ؟ عامل ايه ؟
نورت الموضوع

اقتباس:

---

هل فيه مراوح 10 ولا اللى موجود 8 و 12 بس ؟!؟

---

بصراحه ما حصلليش الشرف برؤيتها قبل كده ولا سمعت عنها
عادى , غير الكيسه خالص :D

اقتباس:

---

تم القبض على عمك سمعه لحين تهريب التقييم و اطلاق سراحه بعد ذلك

---

:D:D
كفايه نورك أخى نواف
شرفت الموضوع و شرفتنى

اقتباس:

---

انا مشكلتي الغبار والاتربه مع المراوح فهي تزيد الطين بله ومع المشتتات الكبيره نوعا ما الوضع يصبح اسواء واسواء "الكيسه Aurora 570 وكنت انوي عمل نفس مشروع فادي من زمان بس ذكرت السبب الي وقفني من تنفيذه"

---

بارك الله فيك أخى العزيز يَزَنْ
التراب أمره محير فعلا
لن تتخيل اننى أضع قطغتين من القماش الناعم فى قفص الأقراص الصلبه
و من الممكن أن أقوم بمسح الكيس مرتين يوميا !!!
لأنى فاتح الغطاء طول الوقت ولا أتحمل رؤيه الكيس و عليها أتربه من الداخل
فأقوم بمسح أرضيه الكيس بالقماشه

طبعا ستتسائل : كيف تزيل الغطاء بعد وضع المراوح ؟
أقول لك : المراوح عملت لمده 10 دقائق فقط و بعدها لم أتحمل الصوت
فقمت بنزع الغطاء الجانبى تماما

فكرت أن اقوم بعمل مفتاح لعمل المراوح خارج الكيس و لكننى خشيت من حدوث " قَفله " تودى بحياه الجهاز

اقتباس:

---

الله عليك يا ريس انا عملت بالضبط زى ما انت قولت بجد بجد

---

طيب و قسماً بالله انا ما عملت الموضوع ده إلا لما شفت ردك فى موضوع الأسعار
و قلت أنا مش هأرد هناك , أعمل موضوع منفصل أحسن
و علشان كده ياريت تعتبر الموضوع ده إهداء خاص ليك

اقتباس:

---

(( كوز )) اعتقد بضم الكاف

---

:D

Stokon .. مشكور على المرور أخى الكريم

جوليانو ... مش بتذاكر ليه يا إبنى ؟ :p
يا إبنى ذاكر .. باقى 95 يوم بس على الإمتحانات ....
يا إبنى دى فرصه العمر و مش هتتكرر تانى ...
أقول ايه بس ... تعبت :mad:
يا إبنى ......... ربنا يوفقك

اقتباس:

---

نفس الكيسه عندى بس انا مركب مشتت فانديتا فمش هينفع اعملها ... و ليك احلى تقييم على الافكار المتجدده

---

بارك الله فيك يا أستاذ أحمد
كلمه الأفكار المتجدده فكرتنى ببرنامج زمان كان بييجى على القناه السادسه ( أيام العز بقى )
إسمه ... أفكار ذكيه ...... حد سمع عنه ؟

بخصوص الفنيديتا .. عندى لك حل ممتاز
هات المشتت و هأديلك الغطاء بتاعى و مش هآخد أى فرق :D

طيب و قسماً بالله انا ما عملت الموضوع ده إلا لما شفت ردك فى موضوع الأسعار
و قلت أنا مش هأرد هناك , أعمل موضوع منفصل أحسن
و علشان كده ياريت تعتبر الموضوع ده إهداء خاص ليك

الله عليك ...والله على زرقك...والله على مصر وولادمصر....:ah7:

اخوك حسن على