مشكلة فى الكمبيوتر لا يعمل الا لما اشيل و احط الفيشة فى الكهرباء اكثر من مره !

[ahmed2018]

أخي العزيز أنت أول شخص في العالم بأكمله يصف مزود Seasonic بهذا الوصف

في الواقع Seasonic هو المصنع الأول على العالم في الخبره الهندسيه و التكلفه الصناعيه بتصنيع مزودات الطاقه

إذا أرادت أي شركه أخرى أن تنتج مزود طاقه للفئه الحماسيه لأتجهت لواحد من إثنان Seasonic / SuperFlower و هم رقم 1 لكن هذا لا يعني عدم وجود مصانع اخرى

لكن Seasonic يستحيل وصفه بهذا الوصف و هذا ليس للدفاع فقل ما شئت عنها و لكن احاول توضيح الامر لك

و مكثفات الطاقه التي تشير إليها هي بقدرة تحمل 125C و من تصنيع Nippon Chemi Con المصنع الأول على العالم في تصنيع

مكثفات الدوائر الإلكترونيه لأية دوائر إلكترونيه و لكن هذا لا يعني أيضاً استحالة تعرضها للتلف او بعض الأخطاء المصنعيه

على كل حال توضيحك للمشكله في النهايه فهو امر مستبعد على مزود الطاقه لأن لو في مشكله في المزود مش هيشتغل فتره و فتره تانيه لا و لو عاوز تطمئن جرب المزود في جهاز اخر

او اشتري مزود طاقه اخر حتى و لو تجاري لغرض التجربه

إذا إتضح انها مشكلة باور فهذا للأسف لأن حظك سيء فقط و ربما عيب مصنعي او ربما استهلاك المزود كان قاسي جدا و على فترات متواصله من العمل

لكن شخصياً اعتقد من خلال وصفك الأخير انها مشكله متعلقه بشرائح البيوس ذاتها في اللوحه الأم او هناك مشكله تقنيه في دائرة طاقة اللوحه الأم

اما من خلال وصفك في امر الضغط على مفتاح تشغيل المشترك فهذا لأن المشترك نوعيه رديئه و وصلاته الإلكترونيه بالداخل من النوعيات الرديئه التي ربما هي " ساحت و لمست في بعضها "

او مشكله في كهرباء الشقه نفسها او غرفتك

نعم Seasonic يحترق احيانا و يتوقف عن العمل و لكن في الحقيقه هو أفضل مزود يمكنك الإعتماد عليه

لكن في النهايه اتعجب من امر البيوس نفسه لانك بتقول تحميله من جديد ينهي المشكله و لكن بعد فتره تعود

إذن هو امر متعلق بتخزين المعلومات وربما حجر البيوس او شرائح البيوس ذاتها

جرب تشتغل بدون حجر البيوس وشوف كده ايه هيحصل

طيب اية رايك اخى ان كل الناس بتقول هردات westren digital افضل هردات و انا كل لما اشترى هرد ويسترن ميعمرش سنتين على بعض و لما جبت هرد seaget الحمد لله بقالة فترة كبيرة اكتر من 5 سنين فى جهازى القديم و جهازى الجديد تقريبا 4 سنين

[ahmed2018]

اخى الكريم برجاء الالتزام باقصى حجم للخط وهو 3 ....اخى البور السيسونك من افضل الباورات واكثرها اعتماديه فى فئتها .....ثانيا لا بد من تحديد المشكله اولا فهل لو غيرت الباور عندك تنتهى المشكله نهائيا ؟ حينئذ الباور هو المشكل 100% + يفضل عدم فتح الباور بشكل خاص حرصا على سلامتك حتى لو لك فكره عامه بالالكترونيات فى رأيى المتواضع +لن تجد قطع غيار لهذه الباورات تحديدا لذا يصعب اصلاحها ....بجانب تجربه باور اخر ...هل انت الان على وضع كاسر لسرعه البروسيسور عندك ؟

انا بكتب بخط كبير علشان دقة الشاشة عندى 1080 الكلام بيبان صغير جدا
-بالنسبة للاوفر كلوك للبروسيسور مش عامل اوفر كلوك !

[ahmed2018]

و احينا مشكلة اخرى اجى اشغل الجهاز يشتغل و بعدين يفصل بعد لما يشتغل بى 5 ثوانى و بعدين يشتغل عادى !

[Yasser]

رأيى المتواضع الاستعانه بفنى ليحسم الخلاف ويجرب احتمالات "البيوس / دوائر البورد / مزود الطاقه/ تفريغ شحنه فى الكيس او اى من المكونات " او يحدد العيب قبل ان تشك انت لاقدر الله فى مشتركك الكهربى / كهرباء الشقه وانتظر افاده الاخوه والخبراء .

[ahmed2018]

رأيى المتواضع الاستعانه بفنى ليحسم الخلاف ويجرب احتمالات "البيوس / دوائر البورد / مزود الطاقه/ تفريغ شحنه فى الكيس او اى من المكونات " او يحدد العيب قبل ان تشك انت لاقدر الله فى مشتركك الكهربى / كهرباء الشقه وانتظر افاده الاخوه والخبراء .

انا بفكر اعمل test للبور سبلاى ذى كده اشوفة بيقوم وله لا لما يتقفل و يتفتح اكتر من مره !
https://www.youtube.com/watch?v=co2RizQ8U2k

[ahmed2018]

الاختبار بالسيلك الاخضر مع السلك الاسود ارضى
و ممكن يشتغل بدون حمل او بحمل
و طبعا لازم اوصل بسيلك معزول علشان البور سبلاى ميفرغش شحنة كهرباء من مكثفات البور فى جسمى
المهم الجهاز دلوقتى شغال كويس لو ظهرت المشكلة تانى هبقى اجرب اوصل مروحة حمل و اوصل طرفين البورسبلاى ببعض الاخضر و الاسود الية وصلين فى المذربورد و هطفى و اشغل البور اكتر من مرة للتاكد لو علق مره وحده او اكتر يبقى البورسبلاى هغيرة
بس مش عارف السعر فى حدود كام دلوقتى لو مثلا 1200 واط ؟ يعمل كام و النوعيات الجيدة الان ؟

[Black_Spy]

بما ان الباور Seasonic اعتقد صعب يكون العيب منه لانه من الماركات الاولي وله شهره كبيره فى العالم كله

من كل المشاركات اللى فاتت ممكن المشكله تكون غالبا من البورده نفسها عندك طالاما بتشحن بايوس يتظبط شويه ويرجع تاني

حاول تجرب بورده تانيه على جهازك لو مثلا تروح لفني صيانة وتجرب عنده بورده تانيه

[ahmed2018]

بما ان الباور Seasonic اعتقد صعب يكون العيب منه لانه من الماركات الاولي وله شهره كبيره فى العالم كله

من كل المشاركات اللى فاتت ممكن المشكله تكون غالبا من البورده نفسها عندك طالاما بتشحن بايوس يتظبط شويه ويرجع تاني

حاول تجرب بورده تانيه على جهازك لو مثلا تروح لفني صيانة وتجرب عنده بورده تانيه

مهو لو بوردة دى مشكلة كبيرة دى جايبها من 2013 يعنى مفيش زيها دلوقتى و انا الية مجمع الجهاز سعتها بنفسى مركب كل القطع
لو بوردة ده معناه انى احدث جهاز تقريبا
يبقى هجيب بروسيسور و رامات و مذربورد
و لو عاوز جهاز محترم يبقى مش اقل من 7 او 8 الف جنية و من غير كرت شاشة و هاردات و كيسة و بورسبلاى
بس فى حاجة انا عندى البروسيسور تبريد مائى و الجو حر جدا و معنديش تكيف عندى مروحة سقف هل ده السبب ولونى اشك لان درجة حرارة البروسيسور طول الوقت فى الاستخدام العادى لا تزيد عن 45 درجة و مفصلش خالص بسبب ارتفاع الحرارة و البروسيسور هو intel i7 3770k و مش عامل اوفر كلوك ! هل درجة 45 درجة للبروسيسور خطر فى الاستخدام العادى بدون العاب او شئ بتبقى من 45 الى 42 درجة مرة وصلة 50 درجة بس كانت حرارة الجو سعتها 40 درجة و رطوبة عالية و دلوقتى البروسيسور حرارتة 43 درجة !
و متهيقلى لو مشكلة حرارة هيفصل اثناء التشغيل !
لكن هو مبيفصلش اثناء التشغيل !
المشكلة تقريبا فى شئ ما فى البوردة بيلمس الطرف الاخضر من السيلك مع الارضى يقوم مدى طاقة للجهاز يشتغل ممكن يكون ترانزيستور سويتش مثلا ؟

[ahmed2018]

باختصار المشكلة
دلوقتى مثلا عاوز اشغل الجهاز
ادوس ذرار بور ميفتحش افضل ادوس بسرعة سعات يفتح و سعات لا
اروح طافى مفتاح مشترك الكهرباء يعنى فاصل الجهاز من الكهرباء خالص و ادوس مفتاح المشترك تانى الجهاز يفتح لوحدة تانى بدون ان ادوس مفتاح البور فى الكيسة !
و افضل بقى فاتح الجهاز 8 ساعات شغل بدون مشاكل و اشغل العاب و برامج عادى و مفيش لا ريستارت ولا بيطفى لوحده اجى اعمل قفل للجهاز و اجى اشغلة بعد فترة القية مش راضى يشتغل علق تانى وهكذا