samsung monte سعره بين 800 و 850 جنيه
https://www.gsmarena.com/samsung_s5620_monte-3117.php
السلام عليكم و رحمة الله و بركاته.
شباب، محتاج نصيحتكم فى موبايل فى حدود 700-800 جنيه.
اهم المميزات اللى محتاجها تبقى فيه:
1- كاميرا و تصوير فيديو جيدين.
2- سعة جيدة لتخزين الصوتيات و الاستماع لها من خلال السماعات.
بالطبع مش لازم تكون السعة موجودة عند الشراء لأن الموبايلات فى الرانج دا ساعات مبيجيش معاها ميمورى علشان سعرها مايزيدش. اهم حاجة انه يبقى الموبايل له قابلية انه يبقى فيه ميمورى ذات سعة جيدة.
شكراً لكم.
samsung monte سعره بين 800 و 850 جنيه
https://www.gsmarena.com/samsung_s5620_monte-3117.php
ممكن تشوف نوكيا C5 تقريبا من فتره كان بـ 850 جنيه و فيه وايرليس وكاميرته 5 ميجا بيكسل و موبايل كويس
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
طيب يا شباب، لو كان الاتنين دول هما احسن اتنين فى الفئة السعرية دى، ترشحوا ليا ايه؟ هو هيبقى استعمال حريمى مش ليا :D
تعديل: @ MF88
انهى C5 تقصد بالظبط؟ :D
لأن الظاهر ان فى كذا حاجة C5
شباب... محدش عنده اى ترشيحات اخرى؟
سونى اريكسون txt pro ب 850 جنية
https://www.gsmarena.com/sony_ericsson_txt_pro-3983.php
شكراً على النصيحة يا شباب.
انا خلاص و صلت لتلات خيارات، ياريت ترشحولى الاحسن منهم و يكون بالترتيب من الافضل للإسوأ مع ذكر السبب:
1- Samsung S5620 Monte سعره 850 جنيه
2- Samsung S5230W Star WiFi سعره 710 جنيه
بمقارنة الموبايل التانى مع الاول ملقتش فرق غير ان الاول بيدعم ال 3G و التانى لأ، لكن الاتنين كاميرا 3.15 ميجا بيكسل، و الاتنين بيدعموا ل 16 جيجا ميمورى، و الاتنين فيهم وايرليس. لكن مكتوب ان السامسونج ستار مفهوش الجاك 3.5 بتاع السماعات، هل دى وحش و لا لأ؟ و هل بيجى مع الستار سماعات و لا لأ؟ و هل هى كويسة؟
3- Samsung Corby سعره 550 جنيه.
ايهما أفضل و لماذا :D؟ شكراً
Samsung S5620 Monte
دة احسن واحد عشان التاتش capacitive اما الستار resistive يعنى اللمس افضل فى المونتى
تانى حاجة 3g
المونتى فية gps
الستار مفهوش جاك 3.5
الذاكرة الداخلية فى المونتى اكبر من الستار
اما الكوربى الفرق بينة وبين المونتى
شاشة الكوربى اصغر بروسولوشن اقل
الكاميرا 2 ميجا مقابل 3.2 فى المونتى
مفهوش 3g
فشوف انت احتياجاتك اية واشترى اللى يعجبك
بس راى سيبك من Samsung S5230W Star WiFi
فية الاصدار الجديد منة بشاشة capacitive للى هو ستار 2
Samsung S5260 Star II سعرة 660 جنية
الفرق بينة وبين المونتى 3g و gps
يبقى كدة الترتيب
Samsung S5620 Monte
Samsung S5260 Star II
Samsung Corby
بس لية مفكرتش فى سونى اريكسون txt pro ؟؟؟؟ :D
جزاك الله خير اخى خالد، بصراحة حضرتك كدا ساعدتنى كتير. انا بالفعل كنت بسأل على Samsung S5230W Star WiFi علشان اشوف جودة التاتش لأنها مهمة جدا بالنسبالى و مكنتش اعرف المعلومة اللى حضرتك قولتها بتاعت ال Capacitive.
فدلوقتى حضرتك ذكرت النسخة الجديدة منه، اللى هيا Star II، الشاشة بتاعته جاية بخاصية ال Capacitive زى المونتى و كمان بيجيى ب 3.5 جاك للسماعات و نفس قدرة الكاميرا اللى فى المونتى، و ان الفرق بينه و بين المونتى بغض النظر عن السعة الداخلية هو دعم المونتى لل 3G و ال GPS. و الاتنين دول مش هيستخدموا خالص بالنسبة للعايز التليفون، بس كنت عايز اتأكد من وظيفة ال 3G، إيه هيا؟
فكدا ان شاء الله السامسونج ستار 2 مناسب جدا للإستخدامات اللى انا عايزه ليها، لأنى مبحتاجش ال GPS و لا ال 3G. بس عايز اسأل عن السبب اللى مخلى النسخة الستار الاحدث أرخص من الأقدم؟ و هل فعلا دعم المونتى لل GPS و ال 3G مغليه 200 جنيه عن الستار 2؟ و لا المونتى فيه حاجة تانية مذكرنهاش؟
آسف على الاسئلة الكتير لكن الموبايل مش ليا، و اللى طالبه ميزانيته محدودة فعايز اجيبله انسب حاجة بالنسبة للميزانية بتاعته و بالنسبة لإستخداماته.
انا كنت اقترحت بالفعل ال txt pro لكن معجبهوش.
شكراً كتير على مساعدتك
وظيفة 3g هيا بتمكنك بالاتصال بالكاميرا التانية و سرعة النت بس راى ملهاش اى لزمة لان الموبايل فية wifi
بصراحة مش عارف اية اللى مخلى الستار القديم اغلى بس متهيالى السبب انة خد شهرة والناس كلها عارفاة وانت عارف الشعب المصرى لما بيصدق يعرف موبايل تلاقى الشعب كلة شايلة :eek:
الفرق الوحيد بين المونتى والستار 2 3g و gps والمساحة الداخلية شوف المقارنة دى
https://www.gsmarena.com/compare.php...&idPhone2=3718
انتظر راى الاخوة يمكن حد يكون لية راى تانى
صحيح :D:D
طب دلوقت انا عندى سؤال اخير بخصوص الستار 2.. لما قرأت التعليقات اللى على موقع GSMARENA بالنسبة للستار 2، لاقيت فى ناس بتشتكى ان فى تطبيقات معينة لما بتيجى تفتحها، يظهرلها رسالة بتقول "Not enough memory". التطبيقات دى زى تطبيق متصفح الانترنت لأنه بياخد ميمورى خصوصاً لما بتكون بتتصفح موقع تقيل. فأنا عايز اسأل هل الميمورى اللى يقصدها هنا هى رام الجهاز؟ لأن الجهاز مش مكتوب انه فى رام. و فى الحالة دى (عدم وجود رام فى الجهاز) هل يقصد الذاكر الداخلية اللى هيا 30 ميجا؟
لأن لو كان يقصد الذاكرة الداخلية فبسيطة، مجرد انى اخلى كل حاجة تبقى على الميمورى و اسيب ال 30 ميجا دول للتطبيقات. ايه رأيك فى الكلام دا؟
شكراً كتير على تعبك معايا
المفضلات