الى السادة المشرفين يرجى الغلق لحل المنازاعات
الامر مش مواضح بالنسبه لى هيتضح غدا ان شاء الله
وانى متوقف فى كل كلمه قلتها
محمود راجح انا من ضم اللى تعاملو معاه فى حاجات كتير جداً بالاف الجنيهات الفلوس عندو تزيد ماتنقصش
ومن أمن الناس اللى شوفتها يمكن فى حياتى راجل عارف ربنا وأكيد يعنى محمود مش هيعمل كدا عشان شاشة دا أكيد وواثق منو 100%
دى شهادة حق لازم اقولها . لاى محاولة تشويه سمعة الراجل الاضمن والأمن فى البيع والشراء .
السلام عليكم
انا اتعاملت مع ا/ محمود راجح
و هو راجل محترم و بيحترم شغله جدا
و اللي فهمته من الموضوع ان المشكله عند التاجر الاساسي
لاني اعتقد انه بيبيع بفاتورة غير معتمدة عشان الضرائب
بس هو اما مضبط مع حد في التوكيل او بيحاول يضبط و من هنا المشكلة جت
التوكيل عايز فاتورة معتمدة و التاجر لم يعطي فاتورة معتمدة
الصراحة في توكيلات محترمة جدا بتتعامل بالسيريال اللي علي المنتج عشان ما تعملش مشاكل مع التاجر و العميل هو اللي يحتاس
اولا بلاش اى كلمة نفاق لاى طرف
ثانيا الناس دى تجار مع بعض و المفروض اننا ملناش اى دعوه بالمشاكل اللى بينهم
ثالثا المفروض ان المشرفيين يقفلوا الموضوع ده من اساسه عشان مش عضو عادى اللى عامله ده واحد تاجر و ممكن يكون بيضرب فى تاجر تانى عشان سمعة التاجر التانى يبوظ
اولا صاصاحب الموضوع خلقة ضيق اوى
ثانيا الاخ محمود راجح شهادة حق انا اتعملت معا كتير والله انا لو عايز منة قطعة ممكن ابعتلة الفلوس وهوا يبعت القطة برحتة سنة اتنين لان فعلا الفلوس عندة تزيييييييييييييييد مش تقل انا مش عارف انتا ازاى تتهمة بالسرقة وانتا اشتغلت معا قبل كدة مش فاهم دى
على العموم محمود من الناس المتفهمة جدا ومتسامح بس الاعراض مفيهاش تسااااااااامح دا من وجة نظرى حلوة بيتجرو فى المسروق دى على كدة يكتب فىالعرض موجود شاشة 24 بوصة من غير ضمان علشان مسروقة
اولا لو مسروقة الى هيحصل كا التالى شاشة للبيع من غير ضمان
واشرب من البحر مش لازم يقول شاشة وضمان والحبشتكنات دى لو مسروقة مش هيدور على 100 جنية زيادة للضمان مثلا
بجد لازم تعتزر للاخة قبل اى شئ وعلى فكرة الشاشة تروح فى دهية بس محرفت الاخ محمود بالف شاشة
وشكرا وارجو انك تتفهم كلامى جيدا
السلام عليكم
استمعنا لكافة الأطراف, و إن شاء الله يتم البت في الأمر بعد الظهيرة.
الأخ محمود راجح: شكراً لك على الرد و التوضيح, جزاكم الله خيراً.
الأخ أيمن زغروف: شكراً لك على التوضيح, مرحباً بك.
الأخ محمد خليفة: شكراً على الشهادة, جعلها الله في ميزان حسناتك.
أرجو من الأخ كريم توضيح ما سيحدث معه في التوكيل عبر إرسال رسالة خاصة لي.
و أياً تكن المحصلة النهائية فالأمر لم ينتهي بعد, على الأقل بالنسبة لنا. لابد من إعطاء كل ذي حق حقَه!
لم أتلق أية رسائل لا من صاحب الموضوع و لا من غيره, أرجو تزويدي بآخر المستجدات لكي يتم البت في الأمر ... شكراً لكم
استلمت رسائل من الأخ المحترم أيمن و الأخ المحترم محمد خليفة حول الأمر, و ذكروا في الرسالتين أن الشاشة أصبحت الآن في الضمان و أن الموضوع تم حله مع الأخ كريم.
السؤال موجه للأخ كريم, هل الأمر كذلك؟ و هل تأكدت أن شاشاتك في الضمان و أنها غير مسروقة؟
برجاء التريث قبل الرد لأنها لو كانت كذلك فإنك تكون اتهمت الإخوة الكرام بالنصب بدون وجه حق!
ربنا يصلح الامور وكريم ياخذ حقه ويعتذر للاخ العزيز محمود راجح والاخ ايمن
fffffffffffffffffffffffffffffffffffffffffffffffff
ربنا يعوض عليك
يا أخ Tyfoor
لما كتبت موضوع ونشرت معلومات مسيئة للأخ محمود راجح اللي أنا اتعاملت معاه أكثر من مرة وأشهد له بالخلق والشرف في التعامل
لماذا لم تقم بالرد كما قال لك الأخ المشرف محمد الجوهري حتى الآن..؟!!!
لماذا لا تكتب المستجدات ؟!!!!المشاركة الأصلية كتبت بواسطة محمد الجوهري
الاخوة الأعزاء بيقولوا أن الشاشة أصبحت الآن في الضمان.. فما هو ردك؟
رجاء قبل كتابة أي مواضيع بيع من طرفك .. توضيح هذه الأمور ..
فإذا كان لديك الوقت لكتابة مواضيع بيع في المنتدى فالأولى كتابة رد هنا لتوضيع الأمور
لأنك طعنت في شرفهم ويجب على المخطئ الإعتذار لو ثبت اتهامه للآخرين زوراً
هل فترة أسبوع منذ كتابتك هذا الرد غير كافية؟
ألم تتأكد حتى الأن؟
لا يكفي غلق الموضوع فقط.. لو كانوا أخطئوا فعليهم الاعتذار لك علناً
وإن كنت حضرتك تسرعت وأخطئت.. فجلّ مَنْ لا يسهو ولا يخطيء .. ويجب على حضرتك الاعتذار لهم علنا كما اتهمتهم بالاتجار في الأشياء المسروقة علناً
ربنا يهدي الجميع
ياجماعه والله انا ليا راي اننا نكون محضر خير بلاش نشكك استاذ كريم محترم وبرضه استاذ محمود راجح محترم وانا كان ليا شرف التعامل معاهم هما الاتنين والواضح انه حصل سوء تفاهم فقط زي ماكنت متوقع لان كلتا الشخصيتين بعيدين ولله الحمد عن اي شبهه ورايي ان الموضوع يغلق واعفاء استاذ كريم من اي حرج واحساسي انه قد تم الصلح بالفعل مابينهم ( ده مجرد اعتقاد ) ...
بارك الله فيك أخي جون2006
قمتُ بإغلاق الموضوع في المرة الأولى حتى لا يتحول لساحة تشفي من قبل البعض, و ساحة أحاديث جانبية عن الأخ محمود و الأخ أيمن من قبل آخرين.
و انتظرت رد كل الأطراف على الخاص فلم يرد عليّ إلا الأخ أيمن و الأخ محمد خليفة, و لم أتلقى أي رد من الأخ كريم صاحب المشكلة.
الأخ كريم قام بعمل موضوع يبدو من عنوانه أنه وقع بين عصابة من الأشرار المحتالين, لكن بعد بيان الموقف منهم من خلال مشاركاتهم اتضح أنه هو من تسرع
و أساء للأخ صاحب محل بيع الأدوات المنزلية و هو ما أدى لتأخر الشاشة في الضمان أو بمعنى آخر عدم استيفاءها لأهم شروط دخول الضمان و هو الفاتورة.
كل من سيدخل الموضوع سيصيبه اليقين بأن الإخوة المذكورين نصابون, و هذا غير حقيقيّ, لذا وجب وضع مشاركة توضيحية من جانب الأخ كريم, ثم وضع اعتذار
لمن اتهمهم بالنصابين هنا على العام.
لا يمكن أن يمر الموضوع هكذا مرور الكرام بمجرد غلقه أو حذفه حتى من قبل المشرفين, الموضوع له أبعاد أخرى تتعلق بسمعة تجار يتخذون المنتدى سوقاً لهم.
و تشجيعا و تقديراً منّا لهؤلاء سنحرص على إعطاء كل ذي حق حقه.
ما زلنا بانتظار رد الأخ كريم
نحترم رأيك للغاية يا سيد محمد, لكن تعالى نتخيل إن فيه عضو جديد داخل لأول مرة المنتدى و شاف الموضوع و وصلته فكرة إن الشباب دول نصابين, هل تتخيل إنه ممكن يفكر يشتري منهم تاني؟
كان يمكن إعفاء الأخ كريم من أي حرج أو اعتذار في حال تم الأمر على الخاص أو تمت الشكوى بمعرفتنا -نحن الإدارة- لكنه قام بوضع موضوع على العام و في قسم البيع مخالفاً بذلك العرف و القوانين.
و لم أقم بحذف موضوعه أو اخفاءه حتى لا يُساء الظن بي, و إنما تركته هكذا و لم أرد حتى تظهر الحقيقة.
و بعدين الاعتذار مش عيب, ده من شيم الرجال يعني
كل عام و الجميع بخير
معلش ياجدعان لحظة غضب
اسؤ احساس لما الواحد يحس انو اتنصب عليه هو المفروض كان يستني لما الموضوع يوصل لحيطه سد وبعد كده كان يكلم الاداره
انا برضو قبل كده غلط في شركه محترمه هنا في المنتدي بسبب الصيانه برضو بس اعتذرت ليهم لما فهمت الموضوع
الواحد عند الغضب يلاقي نفسه بيعمل موضوع وبيسئ للشركه او شخص دون تفكير بس الكلام بيكون خرج خلاص
ضوابط المشاركة
المفضلات