معايا 17 الف مصري وعايز اجيب كومبيوتر ياريت تساعدوني

[beta90]

دلوقت يا جماعة اللي في ايدي 11.5الف مصري علشان الكومبيوتر الجديد والباقي ممكن يبقي معايا لحد 17 الف الامكانيات اللي انا عايزها دي
1-اول حاجة عايز الجهاز amd يعني اعلي حاجة في ال amd لو فيه اعلي من 9950 ياريت تقولولي وكان في حاجة في ال amd اسمها business class مش عارفها ايه بس ياريت توضحوهالي

2-ال m.b عايز احسن حاجة لل amd زي اللي فيها 790 gx احسن نوع ليها

3-كارت فيجا ميقلش عن 1 جيجا ويكون ati علشان طبعا البوردة اللي فيها 790 gx فيها croos fire

4-كارت صوت يكون كرييتف ويكون اعلي حاجة ف ال x-fi ويكون كويس جدا في الالعاب وتسجيل الصوتيات وكويس في تشغيل الموسيقي الافلام ويكون ليه وحدة خارجية يعني غير كارت الصوت بيبقي فيه حاجة تانية بتتحط في الكيسة (لحد دلوقت مش عارف انهي موديل اللي يناسبني)

5-الرامات تكون كويسة جدا برضو لان انا مش عارف التوقيتات بتاعة الرامات دي بتعمل ايه لكن سمعت ان احسن شركتين هما ocz و corsair وعايزها تكون بنظام تبريد علشان الرامات متسخنش

6-الكيس قد يكون لبعض الناس امر مش مهم لكن بالنسبالي مهم يعني انا عايزة كلة المونيوم يعني مفيهوش بلاستيك زي الكيسات التعبانة وعلشان ناوي اجيب مشتت للبروسيسور وكارت الفيجا يعني عايز اضمن افضل تهوية هوائية للكيسة وبسمع ان احسن شركتين هما thermaltake و zalman

7-الشاشة بأي حال من الاحوال متقلش عن 22 بوصة وتكون بتدعم high difinition يعني يكون ليها سلك high definition ويكون زمن يفضل 2 مللي/ث

8- الهارد ديسك عايز حاجة تكون class a علشان انا شوفت كل الويسترن اللي في مصر كلة class b و مكتوب عليه كدة كمان لكن انا عايز اجيب حاجة class a ويكون 1 tb يعني 2*500 واهم حاجة انة ميقلش عن 10000 rpm

9- الدي في دي امرة مش صعب يعني الواحد شايف ان كلة قريب من بعضة

10-كنت عايز اجيب افضل مشتت حراري مع مروحة او من غير يعني ال zalman ال cnps 9700 عجبني لكن في منة نسخة لونها اسود ايه الفرق ما بينها وما بين اللي لونها اورانج + ان انا شوفت ال thermal right 120 extreme ولقيت منها برضو انها في منها لون اسود وعجبتني وكان فيه فرق ما بينها ومابين اللي لونها سيلفر يعني يا جماعة ايه رأيكم في المشتتين دول وانهي واحدة اللي اخدها + ان لو اللي هاخدها التانية اللي هي ال thermalright يبقي افضل نوع مراوح ليها ايه وافضل نوع معجون حراري

11-خلي بالكوا بس يا جماعة ان في الفين جنيه علي جنب علشان الصب ووفر logitech z5500
وياريت تقولولي الحاجات دي اجبها دلوقت ولا استني لحد 2009 لما amd تنزل حاجة احسن علشان انا عايز حاجة من amd تبقي كويسة جدا ومتشكر يا جماعة علي المساعدة واتمني الرد في اسرع وقت وشكرا

[Mubarak]

والله يا أخي فرحتني، أنا ظنيت معاك 17 ألف مصري يشترون أجهزة كمبيوتر، قلت حخش معاك بزنس

اللي أنصحك به أن تنتظر نزول مذربورد AM3 وبعدها تنطلق، لأني اعتقد العمر الافتراض للوحة AM2+ ستنتهي بعد سنتين أو أقل حتى وسيتم التوقف عن بيعها، هذا ما اظنه.

لذلك انصحك تنتظر لنزول AM3 وفي تلك اللحظة سنقوم باقتراح الرامات المناسبة لذلك الوقت والاجهزة المناسبة لذلك الوقت.


وإذا بعض الاخوة عنده رأي ثاني حياه الله.

[م و ع أهل البيت]

وياريت تقولولي الحاجات دي اجبها دلوقت ولا استني لحد 2009 لما amd تنزل حاجة احسن علشان انا عايز حاجة من amd تبقي كويسة جدا ومتشكر يا جماعة علي المساعدة واتمني الرد في اسرع وقت وشكرا

السلام عليكم

يمكنك أخي مدام الميزانية موجودة اخذ معالج انتل اكستريم - يا أخي معالج ما عليه كلام -

و تحياتي ...

[beta90]

والله يا باشا لو تحب ندخل بزنس اوك انا ادفع 17 الف وانتا تدفع 117الف$ مش مصري كمان هههههههههه شفت بقي ازاي ان انا ضحيت تسلم يا باشا علي ردك السريع لكن معندكش فكرة ان ال am3 هينزل امتي

[alayoubi]

السلام عليكم

يا ترى ايه استخداماتك للجهاز ؟ وليه اخترت الجهاز يكون من amd بالذات ؟
طبعا السب ووفر و الشاشة هيخدوا جزء كبير من الميزانية ..

طبعا في حاجات مش موجودة بمصر مثل الرامات والمشتت والهارد فلازم تعمل حسابك بالشحن والجمرك .

[Mezoxin]

في رايي دي أحسن تجميعه ممكنة بالمبلغ المذكور لو كان استخدامك games , في بعد القطع مش متوفرة دلوقتي و حتنزل بعد العيد

[hisoo]

يا ناس اتقوا الله فى ناس بتاكل من المزابل وانت عايز تجيب ب17000 الف كمبيوتر للترفيه .
لا حول ولا قوه الا بالله

[Dr.Ahmed_Yehia]

يا ناس اتقوا الله فى ناس بتاكل من المزابل وانت عايز تجيب ب17000 الف كمبيوتر للترفيه .
لا حول ولا قوه الا بالله

ياخى ربنا يكرموا ويجيب جهاز باغلى من كده كمان ومتنساش ان فيه ناس بتصرف ملايين لترفيه مش 17 الف وناس تانية ذى مابتقول مش لاقية تاكل بس هى ده سنة الحياه

[Dr.Ahmed_Yehia]

1-اول حاجة عايز الجهاز amd يعني اعلي حاجة في ال amd لو فيه اعلي من 9950 ياريت تقولولي

على فكرة فيه processors كتير اعلى من 9950 AMD phenom بس برده سعرها مرتفع جدا فيوجد مثلاَ 8354 Quad-Core AMD Opteron وده اعلى بروسيسور على وجه الارض وسعره حوالى 3800 $ يعنى 22 الف جنيه تقريبا

[beta90]

يا ناس اتقوا الله فى ناس بتاكل من المزابل وانت عايز تجيب ب17000 الف كمبيوتر للترفيه .
لا حول ولا قوه الا بالله

والله يا استاذ hisoo انتا اثرت فيا بكلامك دة انما معني كدة مثلا اني لو معايا فلوس ما اشتريش مثلا الحاجة اللي انا بحبها
اولا انا مجنون كمبيوتر يعني بحب اجيب الحاجة الاحدث واستني عليها علي الاقل 3 سنين او اربعة عبال ما اغيرها تاني علشان كدة انا اخترت الجهاز يكون بالمبلغ دة وكما ذكرت فوق وقلت ان انا مش معايا المبلغ كامل يعني معايا 11.5 الف يعني ولسة الباقي ممكن يوصل لحد 17 الف لو الحاجة تستاهل علشان انا مش عايز الجهاز علشان الترفيه بس انا عايزة علشان حاجات تانية كتير مع الترفيه........اما بالنسبة لاستخدامات الجهاز ايه فأستخدامات الجهاز كلاتي
قابلية انه يشغل برامج التصميم وبكفاءة عالية + اغلبية الوقت الجهاز يكون مفتوح 24/7 بدول تعب يعني اكيد طبعا مش هسيبة الشهر كلة يعمل كدة لكن انا هريحة مثلا في اليومين ساعتين بس
قابلية انه يشغل الافلام ال hd وبدول اي خلل وقابلية انه يسجل الصوت من مصدر ما (كاسيت ,ميكسر,ميكروفون....الخ) وبدون اي خلل برضة
اما يا باشا لمعالج opteron مش دة تقريبا معالج للسيرفرات يعني قصد دة انا ماليش دخل بيه يعني حلو عليا المعالج العادي حتي لو معايا فلوس كفاية اجيبة هلاقي الاخ hisoo عايز يقيم عليا الحد يعني مش هتهني بالجهاز قبل ما اشتريه حتي ههههههههههه
وبالنسبة للحاجة لو هشحنها من برة ايه انظمة الضمان اللي ممكن الاقيها وعلي فكرة يا جماعة المشتت ممكن الاقيه هنا في مصر لاني شفت موضوع واحد لقي المشتت ال zalman لكن ياريت توضحوا ايه الضمان من برة وخصوصا اني ممكن اجيب الحاجة دي من امريكا ايه النظام في الجمرك لو حد كان في بعثة وجاي ومعاه الهارد والرامات
وهل الحاجة دي لو عرفت اجبها من مصر هتكون class a ولا هتكون class b زي الهاردات الويسترن
واسف علي الاطالة وارجو التوضيح

[beta90]

بالنسبة يا جماعة لانتل انا مش بفضلة لاني جربت بصراحة ال amd athlon x2 5200 هو قديم لكن عجبني بصراحة علشان كدة انا قولت اجيب الجهاز amd وبصراحة علشان هو مش غالي مقارنة بأنتل يعني انتوا ايه رأيكوا

[!! NoMeRcY !!]

معلش استحمل انتا بتحب AMD ولازم تستحمل .. بس احمد ربك الهجوم من عشاق انتل كان خفيف

بعدين بصراحة صار الاشي زائد عن الحد .. يعني الراجل بدو معالج AMD ليش العروض المنهاله من شركة انتل أو اصحاب اسهم الشركة ان صح التعبير

عنجد اشي مقزز .. خليتو الواحد يحس انو عندو معالج لا يصلح للاستعمال :mad:

[Mezoxin]

معلش استحمل انتا بتحب AMD ولازم تستحمل .. بس احمد ربك الهجوم من عشاق انتل كان خفيف

بعدين بصراحة صار الاشي زائد عن الحد .. يعني الراجل بدو معالج AMD ليش العروض المنهاله من شركة انتل أو اصحاب اسهم الشركة ان صح التعبير

عنجد اشي مقزز .. خليتو الواحد يحس انو عندو معالج لا يصلح للاستعمال :mad:

أنا أقول ما هو أفضل من في رايي و بصراحة أنا لست منحاز لأي شركة لأن لا تربطني بها أي فائدة لأقوم بالدعاية لها و لكن ابني رايي على أساس المقارنات الموجودة . و ما الذي تصفه بالشيء المقزز ؟؟

[Planet Hemp]

Mezoxin باشا
ما تأخدش فى بالك
الاخ ابراهيم متحيز ل AMD
بس هو لايقصد اى اهانة
وكل سنة وانت طيب

[Mezoxin]

Mezoxin باشا
ما تأخدش فى بالك
الاخ ابراهيم متحيز ل AMD
بس هو لايقصد اى اهانة
وكل سنة وانت طيب

و حضرتك طيب يا باشا