طلب بسيط

[SmAsH_HaCkEr]

السلام عليكم و رحمة الله و بركاته

عندي طلب بسيط

عندي جهاز ASUS P4S8X

جبت له كارت شاشة GeForce FX 5200

وبروسيسور 2.8 كاش 1MP

بس بعد ما ركبتهم

الجهاز يشتغل فترة و يعمل ريستارت لوحده :mad: :ah34:

هل المشكلة من الباورسبلاي ؟؟ :confused:

ولو المشكلة منه اجيب واحد عامل ازاي كام وات يعني

وشكرا مقدما

السلام عليكم

[salab]

طب هو بيعمل ريستارت بس ولا بيجبلك سعات شاشة زرقاء؟انتا بعد ما ركبت البروسيسور اتأكدت انك ركبت الIntel cooler بطريقة صحيحة ؟و كام وات الباور سبلاى اللى عندك؟

[Eng.MinaEdward]

يا ريت نوع البور سبلاى و كام وات و شارية بكام ومن امتى و جاى فى الكيسة ولا لوحدة و لو جاى فى الكيسة نوعها اية و بكام و شاريها من امتى؟؟؟؟؟؟؟

[SmAsH_HaCkEr]

اولا شكرا علي تواصلكم السريع

ثانيا انا جايب الجهاز سنة 2005 :eek:

كيسة قديمة بس غيرتلها الباورسبلاي من حوالي سنة كدة :D

و مش عارف الباورسبلاي كام وات بس كنت جايبه بحاجة و ستين جنيه باين 65

اصل انا مش بفهم في الاجهزة قوي يعني فكنت بجيب و خلاص بس شكلي ابتديت افهم في الاجهزة بعد ماعرفت الموقع ده بصراحة

والجهاز بيعمل ريستارت فجأة مش بيجيب شاشة زرقاء فجاة كدة تبص تلاقي الجهاز بيبدا من الاول


بس و شكرا علي السرعة في التواصل انا قولت افتح الموضوع بكرة بعدة عشان الاقي ردود بس بصراحة :ah7:

[salab]

بصراحة الموقع رائع أنا ده أول يوم ليا فيه بس مع ان سنى صغير 15 سنة:D اكتسبت خبرة كبيرة من المواقع الاجنبية لان أنا من صغرى و أنا بحب كل حاجة ليها علاقة بالكمبيوتر .عموما أنا عند جهاز من اللى عندى شغال ب أبو 65 جنيه ده بس الجهاز قديم جدا و كارت الشاشة فبة قديم على ما أظن ان أبو 65 ده هو الللى عامل المشكلة بس أنتا بعد ما غيرت البروسيسور ركبت المبرد بتاع البروسيسور قويس ؟

[SmAsH_HaCkEr]

بصراحة الموقع رائع أنا ده أول يوم ليا فيه بس مع ان سنى صغير 15 سنة:D اكتسبت خبرة كبيرة من المواقع الاجنبية لان أنا من صغرى و أنا بحب كل حاجة ليها علاقة بالكمبيوتر .عموما أنا عند جهاز من اللى عندى شغال ب أبو 65 جنيه ده بس الجهاز قديم جدا و كارت الشاشة فبة قديم على ما أظن ان أبو 65 ده هو الللى عامل المشكلة بس أنتا بعد ما غيرت البروسيسور ركبت المبرد بتاع البروسيسور قويس ؟

المبرد اللي هوا الكوولر اللي بيجي مع المروحة ؟؟

لو هو يبقي اه عشان المروحة انتل كبيرة كدة موجود الكوولر فيها من تحت

بس كويس ان انتا ليك في الحاجات دي ولسة عندك 15 سنة

انا اكبر منك بكتييييييييييييييييييييييييييير :ah38:

عندي 16 سنة :D

[salab]

دور على أى استيكر على الباور سبلاى مكتوب عليها هو كام وات ممكن يكون لو أبو 65 مش أبو 64 تلاقى ورقة مكتوب عليها:D.أبو 65 اللى عندى 450watt فا أظن بتاعك حا يكون فى الحدود ديه و أنا مشتريه من حوالى 3 سنين أو أكتر

[salab]

بس بصراحة الموضوع فى الاغلب يا الباور سبلاى مش مستحمل أو ان البروسيسور يكون حرارته عالية نزل البرنامج ده و قول ايه درجة الحرارة عشان لو طلعت قويسة يبقى احتمال كبير الباور سبلاى ده لينك لتنزيل البرنامج هو ببلاش و ما فيهوش فيروس :cool: https://download.softpedia.com/dl/59...peedfan438.exe

[SmAsH_HaCkEr]

دور على أى استيكر على الباور سبلاى مكتوب عليها هو كام وات ممكن يكون لو أبو 65 مش أبو 64 تلاقى ورقة مكتوب عليها:D.أبو 65 اللى عندى 450watt فا أظن بتاعك حا يكون فى الحدود ديه و أنا مشتريه من حوالى 3 سنين أو أكتر

شوف يا معلم لقيت ستيكر مكتوب عليه الاتي

Input AC 230V

وستيكر تاني مكتوب عليه

MODEL : ATX-450W

بس بصراحة الموضوع فى الاغلب يا الباور سبلاى مش مستحمل أو ان البروسيسور يكون حرارته عالية نزل البرنامج ده و قول ايه درجة الحرارة عشان لو طلعت قويسة يبقى احتمال كبير الباور سبلاى ده لينك لتنزيل البرنامج هو ببلاش و ما فيهوش فيروس :cool: https://download.softpedia.com/dl/59...peedfan438.exe

دي الصورة





انا هاخش انام دلوقتي و جاي بكرة ان شاء الله

عشان لو سالت تاني ماتستناش رد دلوقتي اوك

السلام عليكم

[salab]

الحرارة تمام أنا عندى اقتراح رجع كارت الشاشة القديم و شوف حا يشتغل قويس ولا لا اذا اشتغل قويس اعرف ان ده الباور سبلاى مش مستحمل

[Marine]

في اكتر من سبب ممكن يكون البروسيسور مش متثبت كويس

الباور سبلاي ضعيف

[salab]

مهو اذا رجع كارت الشاشة القديم و اشتغل قويس يبقى الباور سبلاى

[Marine]

كلامك صح

[SmAsH_HaCkEr]

شكرا علي تواصلكم السريع بس انا كدة كدة عاوز اغير الباور سبلاي اصلا يعني

انا عاوز بس نصيحة اجيب باورسبلاي نوعة ايه و سعره كام عشان ميتضحكش عليا

بس هي المشكلة ان البروسيسور لما باجي مثلا افك ضغط لعبة كبيرة او ارفع قاعدة بيانات علي السيرفر الشخصي (localhost) بيسخن لدرجة 50C و بيرسم جنبه نار كدة و الكوولر زي ما تقول كدة اختفي :eek:

بس انا عاوز اغير الباورسبلاي و هاجيب كوولر جديد والبروسيسور متثبت كويس

عاوز بس نصيحة نوع الباورسبلاي


ومعلش طولت عليكم

وشكرا تاني

[Eng.MinaEdward]

HEC 350W 165 LE
و لو حبيت تزود لقدام هات
OCZ StealthXSream 500W = 400 LE
بس ماعتقدش انك هاتحتاجة اوى و بردو اسال هنا فى الموفع