ياريت حد يفيدنا يا جماعة علشان انا نفس الكلام .. من اسكندرية و مش عارف ايه احسن مكان اجيب منه
ده غير ان عندي سؤال كمان اذا سمح لي صاحب الموضوع .... ايه احسن حاجة ممكن اجبها في حدود ميزانية قدرها 3000 ؟؟؟
السلام عليكم
انا نازل كمان شويه اشترى لاب توب ديل انسبيرو 1564
و انا من اسكندريه
بس مش عارف اروح اشترى منين عشان يكون نضيف و ضمان الوكيل
ياريت حد يقولى اروح فين ؟
ارجو الرد فى اقرب وقت
ياريت حد يفيدنا يا جماعة علشان انا نفس الكلام .. من اسكندرية و مش عارف ايه احسن مكان اجيب منه
ده غير ان عندي سؤال كمان اذا سمح لي صاحب الموضوع .... ايه احسن حاجة ممكن اجبها في حدود ميزانية قدرها 3000 ؟؟؟
انت مش كمان من اسكندرية بس انت برده عايز جهاز فى نفس السعر بتاعى :ah7:
انا بعد لما لفت كتير و كتير بصراحه ملقتش غير dell inspiron 1564 core i3
فى منه بكارت شاشه انتل و فى اغلى شويه بكارت شاشه ATI
و الجهاز ده جميل جدا عن تجربة الناس
بس ناقص بس نعرف نشترى منين عشان يكون مضمون و ضمان كويس:ah2:
ايدي على كتفك ..... ولو اني سامع من الناس هنا ان التوشيبا احسن .... بس اسعاره في السقف ...
ياريت حد يفيدنا .. نجيب منين في اسكندرية علشان الضمان ؟؟؟؟؟؟؟؟
سواء Dell او Toshiba
صحيح .... الـ dell inspiron 1564 core i3
عامل كام ؟ و شوفته فين ؟؟؟
صحيح طبعا التوشيبا كماركة احسن بس فرق السعر كبير شوية :rolleyes:
و الديل مش قليلة برده
و ديه امكانيات الديل
Inspiron 1564 - CORE TM I3-330M
PROCESSOR 2.13 GHZ / 3MB
2GB RAM- H.D 250GB
15.6" SCREEN
VGA ATI 4330 512MB
DVDRW,Camera,BLUETOOTH,WIRELESS
و ده شفته فى سموحة عامل 3350 و شنطه هدية
بس انا مش مطمن لسموحه مش عارف ليه
ايه ده يا جدعان محدش عارف ولا ايه
حقيقى انا مش من اسكندرية فماقدرش افيدكم
و لكن الاستاذ فادى coolman4now من اسكندرية و هو راجل محترم و جدع و ممكن تراسلوه على الخاص و هو يقولكم إن شاء الله
و بخصوص
dell inspieron 1564
فهو جهاز كويس جدا بالنسبة لسعره و لكنه لا ينفع للالعاب الثقيلة و الجرافيكس
- ربنا يكرمك يادكتور محمد ، دى شهادة أعتز بيها.
- شباب ، الديل دة كويس جدا وسعره رائع جدا جدا بالنسبة لأمكانياته.
- أنصحكم تجيبوا اللى فيه فيجا ATI لأن اللى فيه فيجا أنتل تعبانة جدا جدا إلى أبعد حد ممكن تتخيلوه.
- بالنسبة للشركات المعقولة ، هتلاقوا شركة اوتو فى كمبيو مول فى رشدى ، أول ماتطلع السلم على الشمال مش على اليمين ، لأن اللى على اليمين برضو أسمهم أوتو بس ناس حواة وهيطلعولك عيوب الدنيا فيك وهيقلولك عيب مستخدم ، وضمانهم شئ جدا جدا ، أول ما يقبضوا الفلوس تلاقيهم بيكلموك بمنتهى القرف.
- المهم شركة أوتو المحترمين على الشمال ، اللى شغال هناك باشمهندس عماد ، ودة راجل محترم جدا وجدع ، أسألوا عليه.
- فيه أيضا شركة الحمد ، هتلاقوها فى الديب مول الدور الخامس فى رشدى قريبه من كمبيومول ، برضه ناس محترمين جدا جدا.
- خلوا بالكم برضة لما تنزلوا ، هتلاقوا لابتوبات محطوط عليها أستيكر من ورا Re-certified أو هتلاقوا Over Stock أو مكتوب Redeeming Stock أو أى عبارة فى نفس المضمون ، بتبقى فيها عيب معين زى خدش فى منطقة ما ، أو أى عيب أخر ، بيبقى سعرها أقل كتير من الجديدة.
- لو اللى بيبيعهالك مقللش السعر جامد وفهمك بصراحة أنها معاد أعتمادها من المصنع يبقى تبعد عنها أفضل.
- بالتوفيق يا شباب ، أى أستفسار انا موجود.
[CENTER][B][SIZE=2]You think that you're strong, but you're weak[/SIZE][/B]
[/CENTER]
- ملحوظة تانية بعد قراءة الموضوع كله ، اللى محتاج لابتوب علشان يلعب عليه ، أنصحك تشترى جهاز عادى.
- اللابات اللى فى مصر عموما بينزل منها الفئات الدنيا والمتوسطة ، والفيجات فيهم مش جيدة للألعاب غير الألعاب الخفيفة وألعاب الفلاش والفيفا وكدة ، لكن كلعب تقيل مفيش لاب فى مصر ينفع.
- فيه لابات للألعاب فى مصر ، بس نادرة جدا وسعرها فلكى جدا ، كنت شفت واحد فى كارفور ACER Timeline Series كان فيه فيجا HD4670 وهى فئة متوسطة بس معقولة وتشغل ألعاب جيدا ، ولكن سعره كان فلكى ، حوالى 10500 جنية بس. :D
- اللابتوب للشغل أو للتصفح والأستخدام العام والأفلام وكدة ، اللى بيدور على ألعاب يبقى يشترى جهاز عادى.
[CENTER][B][SIZE=2]You think that you're strong, but you're weak[/SIZE][/B]
[/CENTER]
الف شكر يا استاذ فادي ... و الجهاز غالبا علشان شغل ... لأن الجيمز ماتحلاش غير على PC
أنا أحب اشكر استاذ فادى على ذوقه و اخلاقه العالية
و أضيف على كلامه , إن لمحبى الألعاب فيه اجهزة توشيبا و إتش بي بكروت ATI 4650 و دى كروت جيدة جدا للألعاب ما شاء الله
و أسعارها فى حدود 5000-6000 جنيه او اقل
زى
Toshiba Satellite A500-13F
HP Pavilion DV6-1370
سؤال اخير معلش .... الضمان كله واحد بتاع الشركات دي ولا ايه احسن ضمان علشان ابقى عارف ؟؟؟
المفضلات