عايز تموت ازي!!!!!

**mawkely** · 17-03-2008, 10:55

اختارلك موتة حلوة *

عاوز تموت شهيد ؟

ياتعدي شارع فيصل ............ ... ياتسوق على الدائري بالليل

عاوز تموت م الجوع ؟
ياتتجوز بنت حلوة غاويه نيو لوك ............ ...ياتسافر تعمل شوبينج في لبنان

عاوز تموت م الحسره ؟
ياتتفرج على جلسات مجلس الشعب ....يا تتناقش مع ابنك في القيم والأخلاق

عاوز تموت م الغيظ ؟
ياتتفرج على افلام اليومين دول......... ياتتفرج ع قنوات الفيديو كليب

عاوز تموت م الزهق ؟
ياتدخل على النت من التليفون .... ياتستنى دورك في عيادة الدكتور الكبير من غير واسطة

عاوز تموت من ال هبل ؟
ياتسمع الأغاني الشبابية .......... ياتسمع برنامج شبابيك في دريم

عاوز تموت مخنوق ؟
ياتروح تجدد رخصة العربية ......... ياتتفرج على الفضائية المصرية

عاوز تموت مفروووس ؟
ياتتفرج على اعلانات التليفزيون ............ ياتتفرج على ستار اكاديمي

عاوز تموت مرعوووووب ؟

ياتسأل على سعر الشالية في مارينا ....... ياتروح تحلل المياة الى بنشربها

عاوز تموت مشهور ؟
ياتغني وصوتك وحش ............ ياتعمل نفسك سفاح المعادي

عاوز تموت مليونير ؟
يا تدي دروس لثانوية عامة ............ . ياتنتج فيلم لهيفاء وهبي

عاوز تموت ورا الشمس ؟
ياترشح نفسك في انتخابات الرئاسة ............ ياتشتم في الحزب الوطني

عاوز تموت منكد ؟
ياتتفرج على قناة الجزيرة ....... ياتحاول تفهم ايى الى بيحصل في العراق

عاوز تموت م الحزن ؟
ياتفكر في افضل وسيلة للإستفادة من مرتبك........ ياتقنع ولادك بالمذكرة والتفوق

عاوز تموت ف حالك ؟
بطل تعترض على البالي بالك
منقول من الاميل

**mohamed2121** · 17-03-2008, 13:03

هى دى خفة الشعب المصرى حتى فأصعب المهن
والله ضحكت بس من كتر مازهقت وأتخنقت وأتفرست وأهبليت وأترعبت واتنكدت
خلاص فضلى بعض الشىء وابقى فمكان تانى ؟؟

**mawkely** · 17-03-2008, 14:59

المشاركة الأصلية كتبت بواسطة mohamed2121

هى دى خفة الشعب المصرى حتى فأصعب المهن
والله ضحكت بس من كتر مازهقت وأتخنقت وأتفرست وأهبليت وأترعبت واتنكدت
خلاص فضلى بعض الشىء وابقى فمكان تانى ؟؟

اانا معك والله مارايت في حياتي مثل الشعب المصري في الخفه والله ماتعصب بس لو مش مسدق خش علي مواقع النكت
او يمكن اني لافهم كل كلام دول اخليج
واعجبني
عاوز تموت ورا الشمس ؟
ياترشح نفسك في انتخابات الرئاسة ............ ياتشتم في الحزب الوطني