تقرير عن Toshiba Satellite A500-1F4

**firefox** · 08-07-2010, 00:56

السلام عليكم ورحمة الله وبركاته

اخوانى الكرام اعضاء ومشرفين وزائرين المنتدى الرائع عرب هاردوير ابشركم بانى الحمد لله وبعد صلاة الاستخارة وفقنى الله لشراء الجهاز الرائع Toshiba Satellite A500-1F4 والشكر لله اولا ثم لمنتداكم الرائع واخص بالشكر الدكتور محمد جزاه الله عنا خير الجزاء

والله اكتر من واحد اشترى الجهاز من اعضاء المنتدى وكنت منتظر احد يعمل تقرير عنه عشان اشتريه بس للاسف يبدو انهم كانو مشغولين والحمد لله وبعد التوفيق من الله قررت اتوكل على الله واشتريه واعمل انا التقرير عنه :D

طبعا دى اول مرة اعمل تقرير عن جهاز كمبيوتر ونص المعلومات اللى هتلاقوها هنا انا مش فاهمها بس حبيت انقلها لكم انتو اكيد هتفهو احسن منى :ah27:
اشتريت الجهاز من كارفور بسعر 5777 جنيه مصرى وعليه عرض شنطة هدية +dock station

نيجى بقى للصور

]دى العلبة بتاعة اللاب وطبعا تقيلة :ah32:

=======================================

ودى محتويات العلبة بالاضافة الى اللاب عبارة عن اللابتوب + علبة صغيره تحتوى على كتيبات + كابلات + الشاحن

ومفيش سيديهات فى علبة اللاب توب خالص ولا حتى ديفيديهات

================================================== ==========

وده طبعا اللاب

================================================== ==========

ودى الشنطة الهدية :p

رأيى فيها : اى كلام ضعيفة جدااااااااااا
بس دى هدية برضه والهديه لا ترد

================================================== ==========

وده شاحن اللاب :ah3:

================================================== ==========

ودى صورة الهدية التانية dynadock station from toshiba

ودى عبارة عن جهاز يحتوى على اكسسورى بورتس وسلوتس باختصار :D

يعنى فيه 6 USB ومخرج للصوت واخر للمايك واخر للشاشة واخر للشبكة واسيبكم مع الصور

دى محتويات ال dock statiuon

كالعادة شوية كتيبات وشاحن وكابلات الى جانب شيئين غريبين تم التعرف على واحد وباقى واحد لم اسطتع التعرف عليه :ah34:
====================================

الشىء الغريب الاول

معقولة دى اسطوانة تعريفات للدوك ستيشن انا مش مصدق عنيا اخيرا شفت اسطوانة تعريفات
انا انبهرت جدا لما لقيت اسطوانة التعريفات دى بعد الصدمة الاولى لعدم وجود اسطوانات للابتوب
يعنى ايه اشترى لاب وميجيش معاه اسطوانات دا انا لو اشتريت مجلة بيجى معاها اسطوانات :ah8:
وطبعا هتقولولى مش لازم اسطوانات تعريفات ولا حتى ريكفرى الريكفرى موجود على الهارد وفيه التعريفات هقولكم كلامكم مظبوط بس انا افضل تيجى الحاجة معاها اسطواناتها افضل من ان المستخدم هو الللى يعمل التعريفات بنفسه والركفرى بنفسه........... صح؟

=======================================

نيجى بقى للشىء الغريب التانى :ah38:

دى حاجة غريبة لقفيتها فى علبة الدوك ستيشن بس مش عارف فايدتها ايه او بتتركب فين حاولت اركبها فى القاعدة بتاعة الدوك ستيشن معرفتش وبائت محاولاتى جميعها بالفشل ولم اعرف ايه وظيفتها بالظبط ؟؟؟؟

يمكن تكون بديل عن الاسطوانات الناقصة !!!!!!!!!

ودى بعض صور للدوك ستيشن من جميع الاتجاهات

ودى صور الشاحن بتاع الدوك ستيشن

================================================== ==========

ودى بعض للصور للابتوب والبطارية والسلوتس المختلفة الموجودة فيه و الريموت

اضغط هنا لمشاهدة با قى الصور

===========================

نيجى بقى للحاجات المهمة اللى انا مش فاهم فيها حاجة ياريت اللى يفهم يقوللى ايه اللى مكتوب فى الصور اللى جاية دى بتاعة برنامج ال cpu و GPU يعنى النتايج حلوة ولا نص نص ولا مش حلوة :eek:

اولا برنامج ال CPU-Z

ثانيا برنامج GPU

يارب تكون النتايج حلوة ............ يارب ولد يارب ولد :D

وعندى بقى استفسارين الاول عن الهارد بسمع صوت تكتكة ضعيفة منه فهل هذا طبيعى مع العلم ان برنامج التوشيبا بتاع الهارد بيقول كل شىء تمام

والثانى عن الهارد برضه :D اولا الهرد حجمه 320 جيجا ليه الوندوز قاريه 300 جيجا بس وفين بقى ال 20 جيجا الباقية فهل هذا طبيعى ام انا الهارد 300 جيجا فقط وانا اتنصب عليا مع العلم ان نسخة الوندوز 64X

وفاضل اختبارات الالعاب بس للاسف انا حاليا معنديش غير NFS most wanted وشغالة تمام التمام على ال high
وان شاء الله لما اجربه على العاب تانية هقولكم

واخويا جرب عليه سيلك روود على الاعدادات العالية فى كل حاجة هنجت وبقت بطيئة واضطر انه يقلل الاعدادات
عشان تبقى playable

تقييمى للجهاز :
اولا المميزات
plenty of slots
amazing sound compared to other laptops
16" screen wide screen
مشغله اكتر من 12 ساعة فى اليوم ومفيش مشاكل حرارة ولا غيره
بوجه عام رائع

العيوب :
مش حاسس بامكانياته على الرغم انه i5 ,4 g ram ,1g vga الا انه ساعات بحس ببطىء فى استجابته وكمان بياخد وقت كتير اوى فى بداية التشغيل بسبب برامج توشيبا الكتيرة اللى ملهاش لاازمة toshiba warrenty reminder
toshiba hdd monitor
toshiba webcam app
toshiba notification t
toshiba eco
الخ

وده تقييم الوندوز ليه

درجات الحرارة باستخدام برنامج ايفرست :
1- بعد التشغيل مباشرة باستخدام الكابل مباشرة (بعد ازالة البطارية)

================================================== =

2-بعد التشغيل مباشرة باستخدام البطارية وفصل الكابل

==============================================

3- بعد 30 دقيقة من العمل العادى (تصفح) على البطارية

=================================

4-بعد ساعة من العمل العادى (تصفح) على البطارية

==============================================

5- بعد ساعتين الا ربع من العمل العادى (تصفح) على البطارية

وشكرا والسلام عليكم
واى سؤال انا تحت امركم

**Dr Mohammad** · 08-07-2010, 02:18

ما شاء الله لا قوة إلا بالله
ربنا يرزقك خيره و يكفيك شره و بوفقك لاستخدامه فيما يرضيه

واخص بالشكر الدكتور محمد جزاه الله عنا خير الجزاء

العفو أخى الحبيب , أنا لم افعل شيئا

الجهاز ممتاز ما شاء الله و أنا باعتبره من افضل الخيارات تحقيقا للسعر مقابل الآداء بالإضافة لمناسبته لمجبى الالعاب

التقرير ممتاز و سيتم اضافة الموضوع لمكتبة المواضيع المميزة بالقسم ( بس مستنيين نتائج الالعاب و مش هنسيبك غير لما تحطها :D )

الاسطوانات لم تعد تأتى مع الأجهزة منذ زمن و يمكنك عمل الريكفرى على اسطوانات ببرنامج الريكفرى المدمج مع الجهاز
و التعريفات يمكن الحصول عليها من موقع الشركة

بالنسبة لموضوع التكتكة فبتحصل على طول و للا فى اوقات معينة ؟
أعتقد لو صوتها ضعيف مفيش مشكلة إن شاء الله , أما لو كانت عالية فممكن ترجع للتوكيل

اما موضوع السعة فده شئ طبيعى جدا منذ بداية تصنيع الكمبيوتر

الفكرة ان شركات التصنيع بتعتبر الجيجا بايت 1000 كيلو بايت
بينما الويندوز بيقرأ الجيجا بايت 1024 كيلو بايت
و من هنا جاء الفرق , و لا يوجد أى فرق من حيث القيمة
و هذا شئ طبيعى فى جميع وسائط التخزين

برنامج ال CPU-Z و GPU-Z يعرضا المواصفات الرئيسية عامة
و الجهاز كما قلت لك من قبل مواصفاته ممتازة ما شاء الله
و بانتظار نتائج برنامج ال 3D BENCHMARK فهو مؤشر قوى لآداء كارت الشاشة

و ارجو أن تضع لنا درجات الحرارة باستخدام برنامج EVEREST فى الأوضاع التالية :
1- بعد بداية التشغيل مباشرة .
2- بعد العمل العادى بدن ضغط لمدة نصف ساعة و ساعة و ساعتين (و الجهاز يعمل على البطارية و الشاحن غير موصل) .
3- بعد اللعب لمدة نصف ساعة و ساعة (بدون توصيل شاحن ايضا) .

و جزاك الله خيرا
و مبارك عليك الجهاز

مع تقييم الموضوع

**eslamgm** · 08-07-2010, 14:17

ممتاز جدا
توشيبا هو التوب
في اللاب توب

**karem_love** · 08-07-2010, 21:41

ممكن اعرف ايه الدوك ستيشن ده

**eslamgm** · 09-07-2010, 03:09

المشاركة الأصلية كتبت بواسطة karem_love

ممكن اعرف ايه الدوك ستيشن ده

ده جهاز جديد بييجي مع اللاب توب الحديث
بتوصل عن طريقه اي حاجه للاب توب
اسكانر - برنتر - هارد - كيبورد - شاشه
اي شيء
بيسهل الشغل كتير

**karem_love** · 09-07-2010, 12:06

شكرا يا eslamgm على التوضيح

**xman_1020** · 09-07-2010, 18:40