مراجعتى الشخصيه عن التحفه الفنيه Nokia X2 ومقارنتهه ب N73

[Mostafa Gomaa]

بسم الله الرحمن الرحيم

حقا انه تحفه فنيه رائعه ولا تحكم عليه حتى تراه عن قرب
Nokia X2 يجمع بين الشكل الانيق والامكانيات المتوسطه الغير مبالغ فيها والسعر الرائع









https://yfrog.com/4jnokiax2topred604x604p

بعد متعه وعذاب مع N73 انتقلت الى X2 نعم متعه وعذاب

المتعه فى :
1-كاميرا ال N73 بها أوضاع كثيره وتشبه الكاميرات الاحترافيه
2-المحمول كان متين واستحمل معايا كتير جداااا طبعا لانه فنلندى
3-احتواء الفلاش على تقليل احمرار العين
4-خاصية ال Auto Focus
5-احتوائه على ال 3G وPDF Reader و Quick Office ودول قلما استخدمتهم
5-شاشه كبيره وواضحه من كل الزوايا

اما عيوبه اللى خلتنى انتقل ل X2 :
1-سمكه كبير نسبيا لانه بيكون بارز فى جيب البنطلون وعرضه لانه يتخبط
2-الماوس اللى كان بيعلق ويخنقنى واللى مش عملى اطلاقا بالذات فى الالعاب والنت
3-الزراير الفضى اللى كانت لازم ولابد انها تتقشر ويصبح شكله مستعمل من 100 سنه
4-وزنه تقيل نسبيا
5-السماعه والكابل المشط اللى كانم بيعلقم ويخنقونى
6-انتشار المحمول بطريقه تخنق بمعنى الكلمه مما جعلته يغلب ال 3310

كل هذه الاسباب جعلتنى انتقل الى Nokia X2




من أول ما وضعت أصابعى عليه وانا حزنت جدا على Nokia N73 لانى حسيت ان الكاميرا تعبانه جدا وده غير صحيح لان الشاشه هى اللى تعبانه ولازم علشان تشوف الصوره كويس لازم تشوفها بشكل عمودى

المهم نتكلم عن نجم اليوم ال X2



مميزات ال X2
1-شكل أنيق وألوان جذابه
2-وزن خفيف تقريبا 83 جرام
3-سمك 1 سم تقريبا وهو ممتاز جدا
4-سماعات مرتفعة الصوت
5-تصميم ظهر المحمول بشكل مقوس حتى لا يكتم الصوت عند وضعه على ظهره
6-زراير شيك وفى منتهى الشهوله
7-احتوائه على زراير Music Player
8-احتوائه على هوائى داخلى للراديو
9-كاميرا 5 ميجا بكسل برزليوشن جبار 2592*1944
10-سوفت S40 سهل وبسيط وخط واضح يناسب جميع الاعمار بعكس ال S60
11-فتحة Micro USB مثل Nokia N97 سهلة التركيب وسريعه جدااا
12-يقبل ميمورى حتى 16 جيجا
13-بيركب عليه أى سماعه عاديه 3.5 مللى زى سماعة الكمبيوتر
14-غطاء البطاريه ألومونيوم وليس بلاستك
15-فلاش قوى للكاميرا
16-امكانية تشغيل الفلاش كمصباح ضوئى بالضغط على *
17-سعر بسيط فى متناول فئه كبيره
ملحوظه انا من المحله وحصلت عليه ب 835 ويبدو انه اتنصب عليا:D
18-يأتى بمتصفح Opera Mini وهو غايه فى الروعه مع مواقع الانترنت
19-OVi Store اللذى يحتوى على تطبيقات وألعاب و ثيمات مجانيه وغير مجانيه على النت وتنزيل مباشر على المحمول
20-امكانية ظبط فيديو كنغمة رنينى حيث يعرض الفيديو عند أى اتصال
21-الزراير لا تصدر صوت مطلقا عند النقر عليها
22-عرض الصور بطول او بعرض الشاشه
23-اللون الاسود فى احمر لا يحتوى على اى ألوان فضيه
24-ملمس ناعم جدا
25-شحن عن طريق ال USB

عيوب X2
1-زاوية روئة الشاشه صغيره جدااااا
2-عدم احتوائه على 3G
3-البطاريه ضعيفه الى نسبيا
4-لا يأتى بوصلة يو اس بى ولا بميمورى
ملحوظه :لقد دفعت 90 جنيه اضافيه لاحصل على كابل أصلى بسعر 35 وميمورى 4 جيجا بسعر 55
5-الزراير سهلة اللمس
6-يجب تحديث السوفت حتى يعمل بشكل سليم
7-عدم وجود أوضاع بالكاميرا وعدم وجود Auto Focus

كل العيوب ده نظرا لسعر المحمول الرخيص ويمكن تلاشى معظمها

ملحوظه :هذه المراجعه خاصه بى ولا سيمح نقلها فى أى موقع آخر وأنا أهديها لجميع أعضاء عرب هارد وير
جميع الصور من موقع نوكيا وذلك لعدم استطاعتى على تصور المحمول لانى بصور بيه

[coolhero]

شكرا على المراجعة المتميزة اخى

و تم التقييم

[Dr Mohammad]

مراجعة ممتازة و الجهاز مواصفاته جيدة مقابل سعره
ربنا يرزقك خيره و يكفيك شره
تم التقييم

[Mostafa Gomaa]

شكرا على المراجعة المتميزة اخى

و تم التقييم

ألف شكر على مرورك الطيب وعلى التقييم

[Mostafa Gomaa]

مراجعة ممتازة و الجهاز مواصفاته جيدة مقابل سعره
ربنا يرزقك خيره و يكفيك شره
تم التقييم

آمين يارب

ربنا يخليك ويبارك فيك ويدخلك الجنه بغير بحساب

شكرا على التقييم

[same7mousa]

عامل معاك ايه في المكالمات لما بتفتح الاسبيكر بتسمع بوضوح صوت الأغاني و لا لأ
أنا جبته ب 765 من شهر تقريبا و كنت عملت تقرير برده بس يبدو انك ما شوفتوش
https://www.arabhardware.net/forum/s...95#post1506695

[Mostafa Gomaa]

عامل معاك ايه في المكالمات لما بتفتح الاسبيكر بتسمع بوضوح صوت الأغاني و لا لأ
أنا جبته ب 765 من شهر تقريبا و كنت عملت تقرير برده بس يبدو انك ما شوفتوش
https://www.arabhardware.net/forum/s...95#post1506695

الجهاز صوته واضح والحمد لله وانا قرأت الموضوع بتاعك قبل ماعمل موضوعى على طول والوصوت بتاعه عالى والحمد لله وانا النقطه ده مش بتهمنى أوى بس انا حاسس ان صوته اعلى من ال N73
يمكن صزت المكالمات أقل سنه

عموما انا الجهاز بتاعى صناعه هندى جايز بتاعك يكون صينى او من كتر التراب السماعه اتسدت

[UNIVERSE]

يبدو انه جهاز جيد نسبيا
ولكن لي
عيوبه اكثر تطغي على حسناته
واهمها لا يوجد 3g
وبطاريته ضعيفة هذ

[DR ! ZERO]

أولا مبروك التليفون و تتهنى به ان شاء الله و تقرير جميل .

ثانيا ليه مفكرتش تجيب ال Samsung Star ؟ مش فاكر موديله بالظبط بس كنت اسمع انه فى حدود 700 جنيه ، أينعم مفيهوش 3G برضو و لا WLan و أكيد صوته أضعف ، لكن برضو تليفون تاتش و بسعر أقل .

[HaMsiK]

سيكون موبايلي الجاي ان شاء الله بعد ما ضاع N97 MINI مني كانت ايام :ah8::ah8:

[UNIVERSE]

اخي dr zero
ليس التاتش ميزة في كل الاجهزة فالجهاز التاتش يحتاج لعناية خاصة وهو ليس عمليااا مع الجميع
انا براي x2 افصل منه

[V for Vendetta]

كل سنه وأنت طيب يا سيد مصطفي
وألف مبروك وربنا يباركلك فيه ان شاء الله
فعلا الكاميرا مميزه جدا بالنسبه لجهاز بهذا السعر

[optimus prime]

مبروك على الموباي وتم تقييم التقرير
فعلا يا زيرو التاتش مش عملي لكل الناس وانا اولهم بصراحة لو تاتش سكرين هيبوظ مني ف تاني يوم ودا الي خلاني اتوجه للي معايا دلوقتي

[ea_11]

كلامك رائع

والله اشتريت الموبيل دة لأخويا الصغير من 4 ايام..
وزعلان ومش طايق نفسة وعامل اضراب في البيت كمان..

كان عاوز Nokia N95 يلا بقا عيال آخر زمن..

والله الواحد لما كان عنده 13 سنة كان ماسسك 3310 وماشي بيقول يا ارض ما عليكي الا انا :D :D

[Mostafa Gomaa]

يبدو انه جهاز جيد نسبيا
ولكن لي
عيوبه اكثر تطغي على حسناته
واهمها لا يوجد 3g
وبطاريته ضعيفة هذ

أخى الفاضل جهاز ب 800 جنيه لايمكن أن يجتمع به كاميرا 5 ميجابكسل مع 3G يجب أن تضحى بأحدهما فى سبيل الاخر أنا ماكنتش بستخدم ال 3G فى حاجه والنت سرعته على الموبايل الجديد زى ال N73 بالظبط مش فارقه

واذا حبيت ال 3G عن الكاميرا فامامك ال 6120 ب 800 جنيه تقريبا وبه 3G وكاميرا 2 ميجابكسل

أولا مبروك التليفون و تتهنى به ان شاء الله و تقرير جميل .

ثانيا ليه مفكرتش تجيب ال Samsung Star ؟ مش فاكر موديله بالظبط بس كنت اسمع انه فى حدود 700 جنيه ، أينعم مفيهوش 3G برضو و لا WLan و أكيد صوته أضعف ، لكن برضو تليفون تاتش و بسعر أقل .

والله انا كنت محتار بينهم جداااااا بس زى ما الاخ الفاضل قالك التاتش مش عملى وانا عايز حاجه عمليه فى أسوأ الظروف

وبعدين انا ليا ابن عمتى كل ماجى أتصل بيه يفتح عليا ومايردش ويرجع يقولى معلش أصل الموبايل تاتش وبيفتح لوحده ومع ذلك ممكن أجيب ان شاء الله حاجه فى المستقبل بس يكون امكانياتها حلوه علشان استمتع بكبر الشاشه وخصوصا لما أركب Wi Fi