انا كنت مشترك مع شركة فى الانترنت وكان شغال كويس لحد ماشتريت جهاز جديد يوم ماجبته لقيت النت بقى بيفصل كتييير كل نص ساعة مرة او مرتين، وجربته بعدها على اكتر من جهاز تانى ولابتوب وراوتر وكان بيفصل برضه
وبعدين غيرت الشركة ولقيته بيفصل بس عالجهاز الجديد ومش عارف المشكلة اللى فيه ايه؟
بورت lan اللى فيه buit-in
وجربته على راوتر فيه كابل usb ولقيته بيفصل برضه يعنى العيب مش من بورت اللان
ممكن المشكلة تكون من ايه؟
هل ممكن تكون من الباور صابلاى ولا الرامه ولا ايه بالظبط؟؟؟؟؟؟
التعديل الأخير تم بواسطة unexpected ; 02-04-2012 الساعة 07:26 سبب آخر: تصغير حجم الخط
ما هى أسم الشركة التى قمت بالأشتراك بها ؟ و ماهو موديل المازربورد بالكامل و نظام التشغيل ونوعه (32bit | 64bit)
الاخ الكريم فصل المشكلة وحدد هل الجهاز ام الشركة لانو مشكلتك دي في الغالب بتكون في الراوتر او الموديوم adsl بتاع isp عشان كدا وضح وانا بعتقد انو الرامات مالها خص الموضوع لو في الجهاز حايكون موضوع اوبشن عشان كدا حاول تحدد وجهتك او تصور لو ممكن
وفي حل انشالله
التعديل الأخير تم بواسطة houka_al_saher ; 07-04-2012 الساعة 22:01
المشكلة بالتفصيل الممل:
كنت مشترك فى النت مع شركة Te Data وكان النت شغال كويس جدا لحد ماجبت جهاز جديد بالمواصفات دى:
اسم المازر بورد: Gigabyte
Model Name: GA-H55M-S2
CPU Name : SOLO
نوع الرامات وحجمها: 2GB Kingston - DDR3
Power Supply: 350 W
نظام التشغيل : windows 7 - 32 Bit
اول لما شغلته لقيت النت بقى بيفصل كل نص ساعة دقيقتين ويرجع تانى ، قلت يمكن الموضوع صدفة وملهوش علاقة بالجهاز الجديد،
وكلمت الشركة كذا مرة عشان الاقى حل ، كل مرة يقولولى اغير حاجة ، غيرت الراوتر وغيرت الكابلات ونزلت نسخة الويندوز كذا مرة ، وجربت على الجهاز التانى وعلى لابتوب
لقيته لسه بيفصل برضه المشكلة زى ماهى.
لحد مازهقت لغيت الاشتراك واشتركت فى فودافون:
لقيت نفس المشكلة برضه هى هى ، بس جربت جهاز تانى غير اللى انا قايل مواصفاته فوق ، لقيت النت اشتغل كويس ومفصلش خالص لفترة طويلة.
فقلت اكيد المشكلة فى الجهاز اللى انا جبته ،بس مش عارف ايه المشكلة؟
التعديل الأخير تم بواسطة houka_al_saher ; 07-04-2012 الساعة 22:02
برجاء ذكر رقم ال Rev الخاص بالمازربورد وستجده مكتوب على الطرف السفلى الأيسر للمازربورد أو على الأستيكر الموجود على العلبة.
كل الرغي الفات ممنوش فائده و المازر بورد ملهاش دعوه بالكلام ده كله
المهم حضرتك النت لما يقطع الروتر بيعيد التشغيل من جديد؟
ياعني اللومض اللفي الروتر بتطفي و تشتغل؟
عشان لو ديه مشكلتك يبقى العيب من الروتر.
أو الضغط على الشركه مش أكتر و ديه بتواجه أى مصري لسه شاري الأنترنت.....
لعَنِت تي إي داتا :ah7:
على ما أعتقد أن تي إي داتا النت كان بيقطع كل شويه أول ما أشتركت (95 جنيه في الشهر أو 140)
و ده طبيعي جداً لأن كل المصريين عندهم أبو 95 جنيه.... و 140 جنيه
امال ليه بيشتغل كويس على مازر بورد والتانية يقطع فيها؟واشمعنى المشكلة محصلتش غير لما شغلت الجهاز الجديد؟
بالنسبة للراوتر لما كنت مع te data كانت لمبة الانترنت هى اللى بتفصل ساعة مالنت يفصل ،
انما دلوقتى فى فودافون مفيش لمبة بتفصل خالص سواء على الراوتر بتاعى (D-Link) ، او راوتر الشركة (Huawei)
لقيته بيفصل عندك و اشتغل في جهاز تاني كويس يبقي العيب في مخرج اللان يا نجم ، جرب كارت لان خارجي اخر وشوف المشكله هتستمر ولا لأ وى لو انتا تبع TeDaTa ادخل على الموقع و حمل برنامج اسمو SuperSupport
التعديل الأخير تم بواسطة ahmed_capaca ; 09-04-2012 الساعة 17:13
تمام بس يستحسن لو جربته علي كارت لان علي مخرج pci عادي " من اللي لونهم ابيض علي البورده "
فرأيي الشخصي حاول تحدد المشكلة الاول فين عشان تلاقي الحل بمعني تاني اقسم المشكله علي جزئين " كاسه " و " راوتر و سلك نت " .. جزئية الراوتر اعتقد من ردودك مش منه المشكله و السلك معلش هتتعب و ارجه مره تانيه .. جزئية الكاسه و اعتقد هي دي اللي فيها المشكلة هتنزل نسخة علي نضيف و يستحسن ماتكونش نفس النسخه اللي انت جربت عليها و ظهرت معاها المشكلة و يفضل لو ماكانتش نسخة معدله بمعني نزل نسخة سيرفس باك تو فاضيه مش ملعوب فيها او نسخة سيفن كويسه .. استمرت المشكله يبقي هات كارت لان حتي لو مستعمل من اي حد صاحبك علي مخرج بي سي اي و اتاكد انه اتعرف تمام و رستر الجهاز و سمي و جرب وان شاء المشكله تتحل
المفضلات