معلش مقدرتش أمسك نفسي

[crypt76]

نقلاً عن موقع "حصراوي"

صرح السيد صرصار الغيط نطاط الحيط وزير خُراجية جمهورية الكنيف المعتبرة اليوم فيما بين تصريحاته الصريحة المريحة أم ريحة أن الكنيف على مدى 50 عاماً بذل كل غالي ونفيس فيس فيس في سبيل القضية الفلسطينية (معلش دي مش هغير اسمها علشان دي على راسي من فوق) كما قال إن الكنيف حريص على توفير كل احتياجات الشعب الفلسطيني الشقيق أياً كانت، ولكم أن تتخيلوا ما يمكن أن يجود به الكنيف!

معلش عندي كلمتين محشورين في زوري من زمان
في إيه؟
ليه كل شوية نتنطط على الناس (والناس هنا هيا الشعوب العربية كلها قاطبة مقطبة مستقطبة) وندعي إن أفضالنا مغرقاهم؟

يا أخي إلي يعمل خير في حد (على فرض انه عمل خير يعني) ويفضل يطنطن بيه يبقى ولا مؤاخذة بني آدم Low (وترجمها انت للعربي براحتك حبيبي)
ولا احنا بنعمل كده زي الست العجوز الشمطاء الي بلغت من العمر أرذله وعمالة تحكي في أمجادها وصولاتها وجولاتها وهيا لسه نغة صغيرة علشان الناس تبصلها وتحن عليها بكلمة "لا يا حبيبتي انتي لسه زي القمر"؟

احنا أولاً عاملين زي ولاد المليونير إلي بعد ما مات بددوا ثروته ومرمغوا بسمعته وسمعتهم الطين وقعدوا على الرصيف يحكوا ويتحاكوا في أمجاد بابا المليونير!

ثانياً إن كنا عملنا حاجة لأي دولة عربية (وأقصد الخليج تحديداً) فقد كان كله بتمنه، يعني بعتلي واحد يعلمني وأنا دفعتله أجره تمام التمام وكرمته آخر كرم ومجبتوش غصب عنه يعني، ده هو الي كان بيحلم أصلاً تجيله الفرصة علشان ييجي عندي، يا شيخ اتقي الله ده كل شبابك بيحلموا لحد دلوقتي ييجوا عندي علشان يكونوا نفسهم ويتنيلوا يتجوزا ويعملوا الي عمرهم ما هيعملوه ولا بعد 100 سنة في الكنيف.

ثالثاً: نطلع فوق شوية؟ إيه فضلنا على لبنان؟ الناس فضل عندهم حرب أهلية 15 سنة معملناش لهم حاجة ودلوقتي مخاصمين نصهم والحدق يفهم
يمكن يكون لنا فضل بس في استقطاب الفنانات الحلوين المقلوظين والمساعدة في زيادة شهرتهم.. ونعم الفضل يا طنط!

رابعاً: فلسطين؟ تعالى احكيلي عن فضلك يا جميل... في 48 ضيعنا نص فلسطين وقامت دولة اسرائيل (وعلى فكرة احنا رحنا نحارب علشان كنا لسه بنفهم وعارفين ان الدور هيكون علينا، يعني كنا بندافع عن نفسنا)
في 67 رحنا رقصنا واتبسطنا وانضربنا وضيعنالهم القدس وغزة وسيناء والجولان!
أما في 73 فمعلش لو قلت دخلنا الحرب علشان فلسطين تبقى بتضحك على نفسك
دي كانت حرب كنيفية خالصة وانت دخلت تحرر أرضك الي اتاخدت منك وبس
لأ والجميل إن الدول الي سيدتك بتعايرها دلوقتي وقفت معاك في حربك (فاكرين سلاح البترول؟)
أما في عهد الزغلول المنور المتربع فمحدش شاف خير لا بره ولا جوه... لأ وكمان أخرتها صاحبنا العدو وزغزغناه وظبطناه واديناله غاز وعاملناه أحسن معاملة، ده احنا حتى بنبنيله جدار فولاذ من حديد عز علشان نحمي حدوده..

بصوا أنا هسكت أحسن وهدخل أنام
وآسف لو موضوعي ده خنق حد
ولكم كامل حرية الحذف

[one-zero]

هههههههه ننام احسن لان السيد ابو الغيط كلامه لا ينفع غير في الغيط

[GHOSTEID0]

كالعاده كلام حكومى و دبلوماسى
فكرنى بكلام بوش عن حبه للعرب و العراقيين و قيام دوله فلسطينيه

اختلف معك استاذ هيثم فى حاجه :

و هيا ايام 48 56 67 73 كانت مصر فيها رجاله و كان فيه ناس زى عبد الناصر عايزه تعمل وحده للعرب مش مهم ايه الهدف منها
لكن المهم انها كانت عايزه تعمل وحده للعرب
لذلك مانوا بيساعدوا كل العرب

اما دلوتى فمصر فالكنيف كل هدفها خدمة اسرائيل و امريكا
و سلملى على اشقائهم الفلسطيين

[HuLkY]

فولا فولا بارومبلا, فاكر ؟.

لا تعليق! لك تقييم يا معلم , ابوس ودنك رد على مكالماتى يا كريبت!

[المبرمج المصرى]

1-موضوع رائع وتم التقييم
2-يارب الكلام ده يحرك فينا شئ ونحاول نغير كل الأخطاء اللى نقدر نغيرها

[Mubarak]

باختصار هذه هي وظيفة وزراء الخارجية في العالم العربي.

[crypt76]

صباح الخير

hulk العزيز، أنا هكلمك النهاردة، معلش اعذرني الدنيا ملخبطة هنا شوية

عزيزي ghosteid أولاً أنا لا أنكر أبداً بسالة وشجاعة وبطولة قوات هذه البلد في حروبها
فهي في نهاية الأمر كانت جهاداً ضد معتد
ولكن ما أنكره هو السبب المعلن ومحاولات الأحفاد الساقطين التربح من أمجاد أجدادهم

ثانياً جمال عبد الناصر كان حلمه الرئيسي هو أن يكون الزعيم، وقد ساند حركات التحرر في العالم العربي
لكي يحقق هدفين، أولهما إخراجها من تحت نير الاحتلال لكي يصبح له على المدى الطويل الفضل في ذلك
ويرسخ تلك الفكرة في أذهانها فتعترف له بالزعامة بالتبعية
ثانيهما هو أنه كان يحلم بأن يصبح الكنيف قوة إقليمية كبرى
ولكي يتقدم الكنيف ويتطور ويصل إلى مرحلة الصدارة ومد النفوذ يجب أن يكون محاطاً بالحلفاء والمناصرين
المؤمنين بأهدافه ومبادئه لكي يستطيع أن يخطط وأن ينفذ تلك الخطط معه
يعني بالبلدي كده لما أساند بلد في كفاحه ضد الاحتلال حتى يتحرر
ويصل الثوار فيه (الذين تحالفت منذ البداية معهم) إلى سدة الحكم أبقى أنا ضمنت إن دول معايه
ومن هنا انبثقت فكرة الوحدة والقومية العربية، وهي نتيجة محمودة لا أنكر ذلك
ولكن أهدافها المعلنة ليست كأهدافها الباطنة

وزراء الخارجية مش هم بس المشكلة
أهم دول على الأقل تابعين لحكوماتهم، والجميع يعرفون أن ما يأتي عن طريق الحكومة إما أن يكون كذباً أو تضليلاً أو عمالة
لكن المشكلة الرئيسية في الفرد نفسه!

يا جماعة الخير، كل من يقرأ هذا الموضوع من أية دولة عربية رجاءً رجاءً رجااااااااااااءً تذكروا
نحن شعب حكومته لا تمثل أي رأي من آرائه بالمرة
لا تأخذونا بذنبهم واعلموا أننا شعب محتل خانع مغلوب على أمره مضروب على قفاه
ولكننا معكم بقلوبنا ونحبكم لأنكم أخواننا، والغبي منا فقط هو من يسلم أذنه وعقله وقلبه
لأحاديث النزاع التي تتفنن حكوماتنا في نشرها لزرع الشقاق بيننا
وهو بالضبط ما يريده ويأمرهم به أسيادهم.

[vip-acc]

ثانياً جمال عبد الناصر كان حلمه الرئيسي هو أن يكون الزعيم، وقد ساند حركات التحرر في العالم العربي
لكي يحقق هدفين، أولهما إخراجها من تحت نير الاحتلال لكي يصبح له على المدى الطويل الفضل في ذلك
ويرسخ تلك الفكرة في أذهانها فتعترف له بالزعامة بالتبعية
ثانيهما هو أنه كان يحلم بأن يصبح الكنيف قوة إقليمية كبرى
ولكي يتقدم الكنيف ويتطور ويصل إلى مرحلة الصدارة ومد النفوذ يجب أن يكون محاطاً بالحلفاء والمناصرين
المؤمنين بأهدافه ومبادئه لكي يستطيع أن يخطط وأن ينفذ تلك الخطط معه
يعني بالبلدي كده لما أساند بلد في كفاحه ضد الاحتلال حتى يتحرر
ويصل الثوار فيه (الذين تحالفت منذ البداية معهم) إلى سدة الحكم أبقى أنا ضمنت إن دول معايه
ومن هنا انبثقت فكرة الوحدة والقومية العربية، وهي نتيجة محمودة لا أنكر ذلك
ولكن أهدافها المعلنة ليست كأهدافها الباطنة



.

الغايه لا تسقط الوسيله مهما كانت يا اخي الحبيب

وليس معنى اني ساعدتك بهدف شخصي ان تسقط وتنكر مساعدتي لك

واذا كان الناس اللي بطنطن بالخير اللي عملتو ناس low

ايضا الناس اللي بينكرو الجميل ناس low اوي

وعموما لا ادافع ابدا عن ما حدث فهذه جريمه لا ينكرها الا ناكر للحق جبان

ولكن ليس بيدي ولا حتي بايدي الشعب وحتي الحكومات ليس بايديهم شيء

الامر فوق الجميع يا اخي

[crypt76]

الغايه لا تسقط الوسيله مهما كانت يا اخي الحبيب

وليس معنى اني ساعدتك بهدف شخصي ان تسقط وتنكر مساعدتي لك

واذا كان الناس اللي بطنطن بالخير اللي عملتو ناس low

ايضا الناس اللي بينكرو الجميل ناس low اوي

وعموما لا ادافع ابدا عن ما حدث فهذه جريمه لا ينكرها الا ناكر للحق جبان

ولكن ليس بيدي ولا حتي بايدي الشعب وحتي الحكومات ليس بايديهم شيء

الامر فوق الجميع يا اخي

بل إن الغاية لا تبرر الوسيلة (إلا عند ميكيافيلي)

لنفرض مثلاً أنني ساعدتك بأن أخذتك في سيارتي لكي تذهب إلى البنك
وتسحب قدراً من المال لتعطيني نصفه كسلفة، فهل يمكن أن آتي في يوم وأقول لك "فاكر لما وصلتك البنك؟"

أنا أخدت مصلحتي منك وأنت أخدت مصلحتك، يعني خالصين

ثانياً، رغم كل ذلك فهم لم ينكروا الجميل (إن اعتبرناه جميلاً)
بالله عليك انت قولي لو كل يوم جارك جالك يقولك "أنا سلفتك كباية سكر من 10 سنين، فاكر ولا لا؟ هه؟ فاكر لما عملت بيها الكيكة ومدتنيش حتة؟ فاكر؟" لو جارك فضل يعمل كده مش هتنفجر في وشه وهيبقى لك رد فعل معاكس بأن تقول له "ما أنا سلفتك بعدها 5 علب سمنة وسلفتك لما اتزنقت واديتلك تبرعات وبنيتلك مدن يابني، ارحمني بقى!"


في النهاية وبدون الخوض أكثر من ذلك في مين ساعد مين (تاني، ده إذا كان في حد ساعد حد) المفروض إني لما أخويا يحتاج حاجة أديهاله وأتوقع منه المثل وبدون ما حد فينا أبداً يفكر مين عمل جميل في مين.

[vip-acc]

كلام مرسل ولا يوجد هناك وجه مقارنه

مع احترامي

[SyrianCyclone]

نقلاً عن موقع "حصراوي"

صرح السيد صرصار الغيط نطاط الحيط وزير خُراجية جمهورية الكنيف المعتبرة اليوم فيما بين تصريحاته الصريحة المريحة أم ريحة أن الكنيف على مدى 50 عاماً بذل كل غالي ونفيس فيس فيس في سبيل القضية الفلسطينية (معلش دي مش هغير اسمها علشان دي على راسي من فوق) كما قال إن الكنيف حريص على توفير كل احتياجات الشعب الفلسطيني الشقيق أياً كانت، ولكم أن تتخيلوا ما يمكن أن يجود به الكنيف!

معلش عندي كلمتين محشورين في زوري من زمان
في إيه؟
ليه كل شوية نتنطط على الناس (والناس هنا هيا الشعوب العربية كلها قاطبة مقطبة مستقطبة) وندعي إن أفضالنا مغرقاهم؟

يا أخي إلي يعمل خير في حد (على فرض انه عمل خير يعني) ويفضل يطنطن بيه يبقى ولا مؤاخذة بني آدم Low (وترجمها انت للعربي براحتك حبيبي)
ولا احنا بنعمل كده زي الست العجوز الشمطاء الي بلغت من العمر أرذله وعمالة تحكي في أمجادها وصولاتها وجولاتها وهيا لسه نغة صغيرة علشان الناس تبصلها وتحن عليها بكلمة "لا يا حبيبتي انتي لسه زي القمر"؟

احنا أولاً عاملين زي ولاد المليونير إلي بعد ما مات بددوا ثروته ومرمغوا بسمعته وسمعتهم الطين وقعدوا على الرصيف يحكوا ويتحاكوا في أمجاد بابا المليونير!

ثانياً إن كنا عملنا حاجة لأي دولة عربية (وأقصد الخليج تحديداً) فقد كان كله بتمنه، يعني بعتلي واحد يعلمني وأنا دفعتله أجره تمام التمام وكرمته آخر كرم ومجبتوش غصب عنه يعني، ده هو الي كان بيحلم أصلاً تجيله الفرصة علشان ييجي عندي، يا شيخ اتقي الله ده كل شبابك بيحلموا لحد دلوقتي ييجوا عندي علشان يكونوا نفسهم ويتنيلوا يتجوزا ويعملوا الي عمرهم ما هيعملوه ولا بعد 100 سنة في الكنيف.

ثالثاً: نطلع فوق شوية؟ إيه فضلنا على لبنان؟ الناس فضل عندهم حرب أهلية 15 سنة معملناش لهم حاجة ودلوقتي مخاصمين نصهم والحدق يفهم
يمكن يكون لنا فضل بس في استقطاب الفنانات الحلوين المقلوظين والمساعدة في زيادة شهرتهم.. ونعم الفضل يا طنط!

رابعاً: فلسطين؟ تعالى احكيلي عن فضلك يا جميل... في 48 ضيعنا نص فلسطين وقامت دولة اسرائيل (وعلى فكرة احنا رحنا نحارب علشان كنا لسه بنفهم وعارفين ان الدور هيكون علينا، يعني كنا بندافع عن نفسنا)
في 67 رحنا رقصنا واتبسطنا وانضربنا وضيعنالهم القدس وغزة وسيناء والجولان!
أما في 73 فمعلش لو قلت دخلنا الحرب علشان فلسطين تبقى بتضحك على نفسك
دي كانت حرب كنيفية خالصة وانت دخلت تحرر أرضك الي اتاخدت منك وبس
لأ والجميل إن الدول الي سيدتك بتعايرها دلوقتي وقفت معاك في حربك (فاكرين سلاح البترول؟)
أما في عهد الزغلول المنور المتربع فمحدش شاف خير لا بره ولا جوه... لأ وكمان أخرتها صاحبنا العدو وزغزغناه وظبطناه واديناله غاز وعاملناه أحسن معاملة، ده احنا حتى بنبنيله جدار فولاذ من حديد عز علشان نحمي حدوده..

بصوا أنا هسكت أحسن وهدخل أنام
وآسف لو موضوعي ده خنق حد
ولكم كامل حرية الحذف

مواضيعك أخي الكريم دائما ذات نكهة خاصة , لك مني كل التقييم

[باحث عن المعرفة]

لو استطيع اعطاءك أكثر من تقييم متتالي يا crypt76 لفعلت

[sir.7atem]

انا اكره الحكومة ليس الشعب الفلسطيني فقط من يعاني من الحكومه المصرية كلنا نعاني من حكماتنا ولكن هل يقبل اي شخص ان يقال علي وطنه كنيف اي الحمام اي المراحيض مصر ليست كنيف يا عزيزي ارجو تغيير الاسم مقالتلك جميله عاده الاسم
مصر هتفضل غاليه علينا زي اي شخص في العالم بلده غاليه عليه و هذا حقه الجزائري الجزائر غاليه عليه الفلسطيني بلده غاليه عليه الامريكي بلده غاليه عليه كل انسان بلده غاليه عليه ارفض اي بلد تسمي بالكنيف الا اسرائيل في النهاية مافيش وطن كنيف في حكومات احتلال للشعوب

[S@M]

زهقنا من كتر الكلااااام خلاص ...ولا حياة لمن تنادى ....

كلهم ذى ماية البحر ..كتيرة جدا لكن عمرها ماتروى

شكرا يا عزيزى على الموضوع .

[crypt76]

سيدي الفاضل حاتم

أولاً، التورية التورية التورية
ثانياً، بلدي بحبها ولا لا؟ لو مبحبهاش مكانش أي حاجة من دي فرقت معاية
ثالثاً، الوطن أو البلد عبارة عن أرض وشعب وحكومة، الأرض بحبها أكيد بكل ما فيها وفي تاريخها، أما الشعب والحكومة... أنت رأيك إيه؟ (بغض النظر مين فيهم إلي شوه مين)
رابعاً، بعد ما ناكل خضار وفواكة مروية بمياه المجاري فأعتقد أن الكنيف اسم رفعة وليس حطة.

عامة لما تتغير وترجع جنة تاني سأسميها جمهورية الفردوس الخضراء