المشاركة الأصلية كتبت بواسطة Goldsmith
حرام عليك هتخليني أكتب كتير أوي، اتفضل يا سيدي:
معلش .. الطيـبات لله :D
الويندوز بيحتاج ميموري عشان يقدر يشتغل، والويندوز مسئول عن تخصيص مساحات من الميموري إللي هي الرامة بتاعت حضرتك لكل برنامج شغال أو سيرفس أو للويندوز نفسه عشان تشتغل
في حاجة اسمها page file
وده ليه مسميات كتير منها:
swap file
swap disk
virtual memory
دول كلهم حاجة واحدة
انا حليت مشكله الرامات دى
بانى ركبت فلاش ديسك 4 جيجا
وشغلت خاصيه الريدى بوست مؤقتا
Readyboost >>> هنـــا
لغايه ما أظبط الرامات بتاعتى :D
المهم زفت الطين ده عبارة عن إيه وبنحتاجه ليه؟
رووق كده عشان اعصابك :D
الرامات مساحتها محدودة، فلما بتفتح حاجات كتير ممكن الويندوز يتزنق وميلاقيش مساحة لكل الحاجات دي
أو الويندوز أثناء عمله بيحتاج يعمل إعادة ترتيب لمحتويات الرامة
ساعتها بيلجأ للملف ده وده ملف بيكون موجود في الرووت بتاع الc
ولو قولت يعني إيه
رووت هولع في نفسي:D
ما انت لو كنت كتبتها بالانجليزى مكنتش سالتك :D
في البارتشن بتاع السي من برة مرمي كدة يعني من غيبر فولدر
اسمه pagefile.sys
طبعا ملف نظام محمي مش بتعرف تمسحه وبيكون مخفي
طبعا كل لما الرامة تكون كبيرة الويندوز مش بيحتاج يعمل العملية دي كتير
والجهاز بيكون أسرع لأن الويندوز مش بيستنى لما يشيل حاجة من الرامة عشان يحط حاجة غيرها عشان تقدر تشغلها وهكذا
ولما تحب ترجع للحاجة الأولانية الجهاز يهنج لحد لما الويندوز يرجع كل حاجة زي ما كانت
وطبعا كل ده قراية وكتابة في الهارد ومن الهارد، يبقى طول ما انت بتعمل حاجة على الجهاز المفروض انها مهمة بسيطة جدا الهارد بيكون شغال بأقصى سرعة ليه طول الوقت
وطبعا العملية دي مرهقة جدا للهارد وبتخليه يسخن وده بيقصر عمره
باقي بس معلومة صغيرة عاوز أقولهالك، زمان قبل اختراع ال virtual memory ده لما كان بيحصل ان لارامات تتملي الويندوز كان بيطلعلك رسالة ويقوللك إنه محتاج إنك تقفل شوية حاجات عشان تفضيله مساحة من الرام
إنما دلوقتي الأنظمة الجديدة (متهيقلي من بعد ويندوز 95) بقت بتلجأ للهارد وتخزن عليه بيانات من المفترض انها تخزن على الرام
يا ريت أكون قدرت أوضح الفكرة
يا باشا احنا متشكرين جدا جدا
وكل سنه وانت طيب
والسنه الجايه نشوفك فى اى حتــه :D
نيجي للجزئية التانية بتاعت أشيل الحاجات منين، دي بسيطة خالص يا سيدي
افتح قائمة start
هتلاقي شريط بحث تحت كدة اكتب فيه الكلمتين دول ودوس enter
turn windows features on or off
جارى عمل اللازم
وجزاك الله خيرا :D
المفضلات