ارجو المساعده فى اختيار هاتف ذكى

[A7MD10]

بسم الله الرحمن الرحيم

ارغب فى شراء هاتف ذكى smart phone و بصراحة انا محتار جدا مش عارف اختار اى نوع

انا كنت ناوى اشترى i PHONE لاكن بعد ان اطلعت على مميزاته و عيوبه ادركت انه هاتف فاشل (((( فى نظرى مع احترامى لكل محبيه ))))

المهم انا محتار جدا مش عارف اختار ايه :ah34:
- البوكيت بى سى قرأت عنه كلام مش كويس برضه بخصوص WINDOWS PHONE 7 انه طلع نظام تشغيل فاشل و عقيم
- النوكيا قاله ان نظام Symbian اللى بتشتغل بيه هيتنهى دعمه و غير كده هو مش نظام تشغيل قوى كباقى الانظمة الاخرى
- الاندرويد يقال انه غير مدعوم بشكل كافى و فى مشاكل ايضا

انا مش عارف اختار ايه ارجو من احد الخبراء ترشيح جهاز موبايل جيد مع ذكر نظام تشغيله و الشركه المصنعه له و موديله و سعره و امكانياته

بالنسبة للامكانيات اللى ارغب فيها فى الجهاز

1 الكاميرا ممتازة و بيشغل صيغ كتيرة من الفيديوهات و الموسيقى ايضا و بيسجل فيديو و صور طبعا

2 يكون فيه بلوتوث طبعا و ممكن ادخل بيه نت من شبكة وايرليس عادية بدون استخدام شريحة الموبايل

3 نظام تشغيله قوى ويكون سهل كده زى النوكيا ((( معلش اصلى متعود عليها :ah50)) و يخلينى استفاد بكامل قدرات الجهاز (((( مش زى الاى فون عقيم كده )))) و مدعوم بقوة بالبرامج المجانية يدينى حلول كتيرة لانى مش هشترى الجهاز و ادفع فيه مبلغ و افضل طول عمرى اصرف عليه برامج

4 انا سمعت انه فيه اجهزه ممكن تشتغل بنظامين تشغيل جنبا الى جنب (((( Windows Mobile و Android زى الكمبيوتر المكتبى )))

5 تكون امكانيات الهارد وير بتاعت الموبايل كويسة و تستحمل الشغل ((( يعنى ميكونش فى اعطال و عيوب مشهورة ودى هيعرفها اكتر اصحاب الخبرة )))) ويستحمل يعنى مش من اول خبطة بالسلامة

6 يكون الجهاز ليه توكيل محترم فى مصر و يكون ليه تصليح لو لاقدر الله جراله حاجة بكرة و بعده

7 يكون بيقبل كروت ميمورى و ذاكرته كبيرة و البطارية بتاعته ممتازة و خاصية التاتش فيه ممتازة

من الاخر كامل متكامل هارد وير و سوفت وير

[ehab7bob]

htc hd2

[A7MD10]

htc hd2

شكرا اخى العزيز على ردك ممكن احادثك على الياهو لاعرف منك مميزات هذا الهاتف

[Amira62]

شكرا اخى العزيز على ردك ممكن احادثك على الياهو لاعرف منك مميزات هذا الهاتف

السلام عليكم
اخي لماذا لاتكون المشاركه هنا ؟؟ليستفيد منها الجميع
وشكرا لكم

[anistoona]

+1
htc hd2
يمكنك مراجعة مواصفاته ( ومقارنته بأي هاتف ذكي آخر ) على الرابط التالي :
HTC HD2
سعره جديد حوالي 3000 جنيه ..
يمكنك تركيب نظام أندرويد كامل في كرت الذاكرة وتبدل بين الويندوز والأندرويد وقتما تحب
واذا كنت في حاجة إلى معلومات أكثر عن هذا الهاتف يمكنك فتح الرابط التالي :
كل ما يخص الأسد HTC HD2

مميزات نظام الويندوز موبايل 6 :
- دعم الويندوز المكتبي له ، حيث يوجد برامج يمكنك من إجراء مكالمات ، إرسال رسائل ، تصفح الموبايل من الكومبيوتر المكتبي.
- نظام مرن من غير أي قيود " بخلاف الأيفون و الويندوز موبايل 7 " لا يوجد أي قيود في استخدام البلوتوث أو وصلة اليوإس بي في نقل واستقبال أي ملف تريده.
- يمكنك تصفح كل جزء في الموبايل حتى ملفات الريجستري الخاص بنظام ويندوز موبايل نفسه.
- عند تشبيك الموبايل بالكومبيوتر المكتبي يمكنك الدخول على النت عن طريق الكومبيوتر المكتبي " مفيد في تحميل التحديثات المطلوبة للبرامج المثبتة في الموبايل بدون استخدام شبكة المحمول لتوفير التكلفة".
- ويمكنك فعل العكس " الدخول على النت من الكومبيوتر المكتبي عن طريق الموبايل" سواء باستخدام كابل اليوإس بي أو باستخدام شبكة الواي فاي - حيث أنه يمكنك تحويل الموبايل إلى روتر وايرليس - مفيد عند استخدام اللابتوب مع هذا الموبايل في الأماكن النائية.
- كل شيء ممكن تتخيله في جهاز محمول موجود في هذا الموبايل ما عدا واللاعة السجاير وصاعق الكهربي ومفتاح الشقة ، حتى أنه يمكنك تشغيل ألعاب البلاي ستيشن 1 على هذا الموبايل ( عن طريق تثبيت برنامج Fpsece) الموجود في رابط الموقع أعلاه .
- عند تفعيل خدمة ( My phone ) يمكنك قفل الموبايل في حالة سرقته حتى لا يستفيد السارق من الموبايل - علي وعلى أعدائي - وإذا دفعت إشتراك بسيط في هذه الخدمة ، فيمكنك من تحديد موقع الموبايل في حالة ضياعه وجعله يرن بأعلى صوته حتى ولو كان معمول على الصامت.

هذه بعض المميزات، ولكن يعيب هذا النوع من الهواتف :
- سرعة نفاذ البطارية ( البطارية لا تصمد أكثر من 24 ساعة بالإستخدام الإقتصادي )
- وكأي موبايل محترم صوته معتدل وليس مثل أصوات الموبايلات الصينية ( اللي ممكن تصحي بيه شارع بحاله) .
- حجمه كبير وثقيل ( في ناس بتعتبر ده عيب وفي تانيين بتعتبره ميزة )
- الكيبورد حساس زيادة عن اللزوم ( يمكنك تحميل لوحة مفاتيح أكثر عملية من الموقع أعلاه )
- الكتابة على لوحة المفاتيح في شاشات اللمس ( تاتش سكرين) ليست بسهولة الكتابة على لوحة مفاتيح الحقيقية في جسم الموبايلات العادية.
- بالرغم من أن كمية البرامج الخاصة بنظام الويندوز 6 أقل بكثير من الأنظمة الأخرى ، لكن كل البرامج الموجودة تفي بأي شيء قد تحتاجه ، ما عدا برنامج الخريطة الفلكية الموجودة في هواتف أندرويد و برنامج الكشف عن أعطال السيارة عن طريق تسجيل صوت المحرك الموجود في موبايلات الأيفون ولعبة الطيور الساخطة ( الموجودة في كل من الأيفون والأندرويد)
- شبكة فودافون المصرية لا تدعم هذا النوع من الهواتف ، فإذا كنت تريد أن تستفيد بكل مميزات الهاتف يجب عليك استخدام شريحة الإتصالات ..
هذا كل ما أعرفه عن الأسد ( HTC HD2 ) أرجو أني قد أفدتك

[A7MD10]

السلام عليكم
اخي لماذا لاتكون المشاركه هنا ؟؟ليستفيد منها الجميع
وشكرا لكم

و عليكم السلام و رحمة الله و بركاته
انا عايز اتكلم مع شخص يكون له خبرة كبيرة بمجال الهواتف الذكية لانى عايز اشترى جهاز بس خايف ادبس فى جهاز وحش :ah1:لانى معلوماتى عن هذة الاجهزة كمعلوماتك عن اللغة السينسيكريتية :ah50:و اعتقد الحديث على الياهو بالصوت هيكون افضل و اقدر استفسر عن كل حاجة بشكل وافى

ياريت لو فى حد متخصص يكون جرب عدة انواع من الهواتف الذكية يكلمنى على الياهو لكى استفاد منه

و شكرا لافضل منتدى هاردوير عربى