هيا المروحة اللى عندك أصلية ولا الأنواع العادية اللى منتشرة فى السوق ؟
السلام عليكم ورحمة الله وبركاته .. ارجو المساعدة ضروري جدا في شراء مشتت قوي لمعالج x4 955 .. الحقيقة انا تعبت مع مروحة المعالج ده والحرارةسيئة جدا بتوصل لـ 60 في وضع الخمول وحوالي 66 في عند التحميل بالرغم من ان عندي الحمد لله كيسة احترافية NZXT LEXA S .. ارجو المساعدة في شراء مشتت مناسب يريحني من مشكلة الحرارة دي
هيا المروحة اللى عندك أصلية ولا الأنواع العادية اللى منتشرة فى السوق ؟
الى صاحب الموضوع انصحك بالمشتت
Cooler Master Hyper TX3
او Cooler Master Hyper 212 Plus
الاتنين اكثر من ممتازين
Cooler Master Hyper TX3 السعر 120
Cooler Master Hyper 212 Plus السعر 170 جنيه
وعايز نصحتى خد الCooler Master Hyper 212 Plus
لان الافضل وعن تجربه شخصيه
بالنسبه لمكان الشراء فهو مول سوق العصر فى روكسى شركه ماكسسم هاردوير او شركه هاى اند
بالنسبه للملحقات المشتت بيجى معاه كل حاجته من براكى التركيب الى معجون التبريد الى مروحه التبريد وعلى فكره معجون التبريد الى معاه ممتاز جدا رغم انه قليل بس رائع جدا
بالتوفيق فى الشراء
بالتوفيق فى الشراء بس خد بالك و أنت بتحط المعجون حط نقطة واحدة صغيرة فى النص
و ركب عليها المشتت وثبته و أعمل عليه ضغط 15 دقيقة ببرنامج prime95 وقولنا أيه الأخبار
طيب معلش هتعبك معايا .. ممكن تقول لي درجات حرارة المعالج بتاعك مع المشتت ده اد ايه ؟؟ ويا تري لازم الغرفة تكون مكيفة لان انا مش حاطط تكييف وعاوز حاجة تكون كويسة في الحر اللي احنا فيه ده ؟؟ ولو فيه اي نصيحة تانية يبقي كتر خيرك .. معلش تعبتك معايا
بيتهياقلى أنه مش مركب المشتت عنده هوا كان بيقترح عليك نوعين جيدين و بسعر معقول
فركب أنت المشتت اللى يعجبك منهم و قولنا أيه الأخبار
أو أستنى أراء الأخوة اللى جربوا
طيب هل فيه حاجات تانية احسن حتي لو اغلي شوية ؟؟
لا ياخى تربو المشتت عندى وانا مركبله مروحه زياده
المشتت الى عندى نوعه Cooler Master Hyper 212 Plus +2 fans ودرجه الحراره عندى على معالجى جميع الانويه فى الخمول مابين 37 الى 40 وكام فوق ده كله كاسر سرعه البرسيسور الى 3.6 من اصل 2.8 يعنى لو وقفت الكسر درجه الحراره بتقل
فمتقلقش المشتت معرف بقوته وانا كمان معنديش تكييف بس تبريد الكسيه عندى هوه الى مساعد كمان فى درجه الحراره
اه فيه احسن منه كمان والمنافس الاقوى ل Cooler Master Hyper 212 Plus هو Zalman CNPS10X Performa وده سعره عامل 270
ممكن تتطلع على المشتتات الى فى الصفحه https://www.********.com/subcat.php?sub=133 وتختار الافصل بس انا شايف اكتر من الCooler Master Hyper 212 Plus ملوش اى لزمه لانك مش هتكسر سرعه فال Cooler Master Hyper 212 Plus احسن خيار ليك سعر واداء
الف شكر علي المساعدة يا جماعة
والله ياخى تيربو انا غلطان والله بجد انى شلت صوره التوقيع الى كنت عملها كنت كات فيها بالنص كده Core i7 860 2.8Ghz/8M Over Clock 4.30 وده اعلى حاجه وصلت لها بثبات مع انى فيه هنا اعضاء كتير جدا شككوا فى قوه البرسيسور والمنصه كلها عموما على انها تعانى من عدم الاستقرار بعد الكسر الى فوق 4.0 ولكن انا الوضع مختلف بالنسبه لى تمام وهو
لعده اسباب منها
1- اول حاجه الحمد الله توفيق من الله عرفت اوصل الى محدش عرف يجيبه مع البروسيسورده بالزات على المنصه دى
2- تانى حاجه الباتش عندى ممتاز جدا حيث اننى كاسر الى سرعه 3.6 والفولت المستخدم تخيل اققل حتى من الفولت الافتراضى الى المفروض يشتغل عليه الى هوه 2.8
3 ثالث حاجه ودى سببها البورده الرائعه جدا والى اعتبرها ممتازه جدا فى الموضوع ده
4- رابع حاجه المشتت لانه بجد محترم جدا واثبت كفائه عاليه جدا معايه وزى مقولت فوق انى درجه الحراره عندى فى الخمول بتوصل مابين 37 الى 40 وفى الضغط مبتعديش 57 والكلام ده كان من فتره طويله مشعارف دلوقتى لو عملت ضغط تقريبا بتوصل ل 60 اقصى شى وده اعتقد بسبب المعجون التبريد لانه تقريبا بقاله اكتر من 8 شهور مغيرتوش
الخلاصه انى انا مرتاح جدا على سرعه 3.6 ومكفيه كل احتياجاتى مش محتاج فشخره يعنى انى اكسر ل 4.0 او اكتر انما بالنسبه للكسر ل 4.3 كان رقم قياسى ليه مش اكتر ده غير كده كله فى صلحى بالنسبه للكسر بعد 40. فيما فوق لانى هحتاج ازود الفولت ودرجه الحراره هتعلى بس هو ده كل الموضوع
معلش طولت عليك فى الكلام بس كنت علشان اوضحلك وجه نظرى المتواضعه
تقبل مرورى اخوك Black007
المفضلات