dell أفضل لأن كارت الشاشة بتاعه أعلى من ال hp و كمان علشان فيه usb 3.0
السلام عليكم
محتار بين جهازين هما :-
dell-inspiron-n5110
https://egyptlaptop.com/dell-inspiron-n5110.html
والتاني
HP ProBook 4530s
https://h10010.www1.hp.com/wwpc/me/e...9821.html#null
https://www.waffar.com/index.php/ele...ook-4530s.html
والأدمين بتاع egyptlaptop.com رشحلي الـ HP
ممكن تشوفة ردو عليا في تاني مشاركه هنا :-
https://egyptlaptop.com/laptopbrandsandmodels.html
بس هو كان بيتكلم عن الجهاز ده :-
https://egyptlaptop.com/hp-probook-4530s-1.html
وده راماتو بتزيد عن إللي في الموقع الأصلي بي 2 جيجا , لكن باقي المواصفات هي هي زي موقع HP
وانا معظم شغلي عليه هيكون ان شاء الله solidworks واوفيس و "شوية العاب, بس مش كتير ,
ومش لازم تشتغل على الإعدادات العالية"
والسيستم إللي هنزلو أكيد هيكون windows 7x64
ده بجانب ubuntu
فكنت عاوز اعرف أيهم أفضل بشكل عام ؟
وايهم أفضل بالنسبه لكارت الفيجا , وهل موضوع الـ DDR5 إللي في الـ HP هيفرق معايا كتير ؟
وهل كروت الفيجا الـ ATI بيعمل مشاكل مع انظمة اللينكس؟ ولا الموضوع ده ممكن يتعالج؟
وهل في جهاو أفضل منهم يكون HP أو Dell في حدود نفس السعر؟ أو ازيد بقليل؟
شكرا ومتأسف علي الإطاله وعدم الترتيب
اخوكم سامر
dell أفضل لأن كارت الشاشة بتاعه أعلى من ال hp و كمان علشان فيه usb 3.0
شكرا لك أخي احمد علي ردك ,
شكرا لك أخي احمد علي ردك ,
ومعاك حق في موضوع الـ Usb ,
بس متهيألي الفرق في كارت الفيجا مش جامد !
وخاصتا إني مش جيمر في الأساس ,
وإني كارت الفيجا في الـ HP 1جيجا dedicate (DDR5)
متهيألي يعلو البونص بتاعو عندي شويه
ومداخلتك أكيد تسعدني ,
مستني رأيك وباقي أراء الأعضاء
حتى لو انت مش جيمز , الديل افضل !
وكمان الـCore i7 من الـDell Inspiron N5110 بـ5000 جنيه يعني فرق 500 جنيه عن الاتش بي !!
شكرا لك أخي علي ردك
بس أنا فعلا كنت هجيب الديل (وخاصتا إني سمعت إني الجهاز مدعوم بالكامل من لينكس), والت ازود شويه واجيب حاجه أحسن !
بس لو اتفقنا إني الديل أفضل , هيفرق كتير موضوع الـ i7 م i5 معايا ؟ لأني كدا هزود 1000 جنيه عن الميزانيه إللي كنت حاتطها :rolleyes:
شكرا لك
هيفرق معآك دلوقتي وفى المستقبل , يعني الـi5 هيشتغل تمام لأنه ثنائي النواه , اما الـi7 فهو ربآعي النوآه !
يعني معآك لـWindows 8 والمواضيع دي !
واهم حاجه انه هيفرق جداً فى solidworks والكلام ده !
بالتوفيق !
شكرا لك أخي بس أنا أعتقد إني كفايه علي الـ i5 ,
وخاصتا إني أقصي حاجه ممكن احتاجها مع برامج التصميم لسنه 2012 هي :-
Intel® Pentium® 4, 2 GHz or faster, Intel® Xeon®, Intel® Core™, AMD Athlon™ 64, or AMD Opteron™ processor, or later
بس ياريت تفدني بالنسبه للديل وتعاملو مع اللينكس ؟ في مشاكل في التعاريف ؟ وخاصتا كارت الفيجا؟
و بالنسبه لكارت الوايرليس , عامل إيه ؟ وممكن تأدر تعرفلي التشبه بتعتو نوعها إيه ؟
وأكون شاكر ليك
مقدرش افيدك للأسف فى موضوع اللينكس , واعتقد صعب !!!!
عندي حل افضل انك تجيب لابتوب متنصب عليه اللينكس اساسي !
ممكن تلآقي واحد فى Egyptlaptop ..
بالتوفيق !
شكرا لك أخي MPIXAPP
تم شراء الجهاز والحمد لله ,
https://egyptlaptop.com/dell-inspiron-n5110.html
بس الهارد 640 بدل 500
والفضل يرجع لله ولك بأني رسيت علي الديل ,
والشكر موصول للأخ oMaR4eVeR صاحب الموضوع (مراجعة شامله للجهاز Dell Inspiron N5110 + التعريفات + فيديو خاص )
ودي وتقديري لشخصكم الكريم
مبروووووووك عليك اللابتوب الرآئع , ياريت تقولنا رأيك فيه ؟!
LENOVO IDEAPAD Y50-70 | Intel Core i7 4720HQ | NVIDIA GeForce GTX 960M 4GB GDDR5 | 16GB DDR3 1600MHz Dual Channel | 1TB Hybrid SSHD | Windows 8.1 64-bit
اخي خد الديل وانت مغمض ضمان وقوة وجودة بلا منازع:D
أنظر جيداً إلى عينيها...أنها لن ترضى بالفشل أبداً
[SIGPIC][/SIGPIC]
الله يبارك فيك أخي الكريم ,
والجهاز بشكل عام ممتاز , واقدر ائلك تقريبا كل اللميزات إللي سمعتها عنو صحيحه ,
بس اكتر حاجه لحد دلوقتي اتبسطت منها (وكان عن غير قصد) هي كفائة الجهاز بعد العمل ساعات طويله ,
يعني زي ما انت عارف , لما بتجيب هارد ديسك جديد شوف بياخد منك وقت أد إيه , تقسيم وتسطيب سيستم ونقل داتا ,
زيد علي دا كلو تعريفات الجهاز إللي بدون مبالغه تعدت 2 جيجا , تحميل "طبعا مش الـ 2 جيجا كلهم مستخدمين , بس عشان أوصل لأحدث تعريف !
يعني كنت متفاجئ إني الجهاز شغال ما يقرب من الـ 15 ساعه :eek: وأنا مش واخد بالي ,
بس طبعا كنت بحطو علي حاجه عدله , أو بحط حاجه تحتو مرتفعه سنه الناحيه الشمال , علشان التبريد , وده كان بيفرأ كتير , لحد أما اجبلو كولر كويسه
وإن شاء الله بعد أما اعيش معاه أكتر اكيد هيبأ لي مداخلات اكتر ,
لكن في حاجه بتحصل معايا غريبه شويه , وياريت تألي بتحصل معاك ولا لأ
في الناحيه الشمال من التاتش باد , بسمع صوت خفيف علي فترات متباعده , اعتقد إنو صوت الهارد ,
او زي صوت نسخ الداتا في الهارد الـ IDE ,
والصوت ده مجرد لحظات وبيختفي , والصوت ده مش مرتبط بحاجه معينه , يعني ممكن أكون بتصفح نت وبرضو بسمع الصوت ده,
والصوت ده واطي جدا , وتقريبا مش مسموع , ومبخدش بالي منو , إلا لما اكون حاطط إيدي علي اللاب :confused:
مع العلم إني الهارد شغال تقسيم وفرمات (ntfs-ext4-ext2-swap) ونسخ بدون أي مشاكل ,
حتي عملت عليه سكان ومفيش أي مشاكل ظهرتلي
وربنا يستر
منتظر ردك
الف مبروك على الديل وربنا يباركلك فيه
انت جايبه بقى بأى مواصفات
هيا دى ؟
https://www.********.com/product.php?id=10008
طب جايبه بكام بقى ومنين ؟؟
ومستنين بقيه انطباعاتك عن الجهاز
المفضلات