شراء Patriot Pyro 60GB SATA III

[grove4life]

السلام عليم ورحمة الله وبركاتة .
انا اتصلت بشركة QDS النهاردة وقالولى ان القرص ال Patriot Pyro 60GB SATA III موجود وهينزل سعرة النهاردة بليل .
وجة كمان النسخة ال 120 جيجا .
فانا كنت عايز اعرف هل هو كويس وافضل من ال او سى زاد الاجيتى ولا مش افضل .
انا مقبل على الشراء اليومين دول .
يوم الجمعة باذن الله هيتم الشراء لو هو افضل .

يا ريت نصايحكم علشان انا بقالى فترة طويلة نفسى اشترى اس اس دى .

جزاكم الله خيرا .
انا عارف اننا رفعت كذة موضوع فى حتة الاقراص بس والله الحيرة والناس كل شوية تخوفنى فياريت حضرتكم تنصحونى .
جزاكم الله خيرا مرة اخرى .

[grove4life]

https://patriotmemory.com/products/d...d=1113&type=17
دة اللينك بتاع القرص .

[master2014]

المقارنه تكون في الشريحة السعرية وبما انه لم يتم معرفة سعره بعد فلا يمكن المقارنه ايهم افضل من ناحية السعر مقابل الاداء

اما من حيث الافضليه في الاداء بينه وبين ال OCZ فالاخير لهو الافضلية

[wella1000]

طيب وإيه اخبار ال Wildfire....؟؟؟

[grove4life]

الاسعار ال 60 جيجا ب 850 جنية
و ال 120 جيجا ب 1300 جنية .

[master2014]

الاسعار ال 60 جيجا ب 850 جنية
و ال 120 جيجا ب 1300 جنية .

فرق الاداء بينه وبين ocz في الاداء طفيف لحساب ال ocz اذا كان الوكيل جيد فعلي بركة الله

[grove4life]

باذن الله ناوى على ال 120 جيجا .
الوكيل QDS >

جزاك الله خيرا

[mohamedelm]

للاسف سعرة غالى جدا :ah34:

سعره بره 110 دولا يعنى هنا اغلى 200 جنية

نسفى بقى اشتريه بس للاسف الوكيل بيغلى جدا فى سعره على الرغم من حجمه الصغير فى الشحن

[ZEX]

الفرق بين القرصين مش كبير مع الافضليه للاجيلتى
اذا كان الفرق بين سعر القرصين بالنسبالك مش كبير يبقى الاجيلتى

و استنى رأى مشرفنا برضوا :ah7:

[tarekforall]

القرص من الفئة المتوسطة ومع هذا السعر من الصعب أن أنصح بشراءه.
سعر القرص بمساحة 60 جيجابايت غير عادل بالمرة. ولا أنصح به مع هذا السعر.
سعر القرص بمساحة 120 جيجابايت اذا كان 1300 جنيه فهو ليس مرتفع الثمن ولكن يجب أن تعلم أنه قرص متوسط الأداء.
بوجه عام لا أنصح بالأقراص التي تحتوي على ذاكرة فلاش الرخيصة (Async). لأنه فارق السعر بينها وبين تلك التي بذاكرة أفضل قليل، ولكن مصر وضع مختلف فلا مجال للاختيار هنا.

[master2014]

بوجه عام لا أنصح بالأقراص التي تحتوي على ذاكرة فلاش الرخيصة (Async). لأنه فارق السعر بينها وبين تلك التي بذاكرة أفضل قليل، ولكن مصر وضع مختلف فلا مجال للاختيار هنا.

نعم مشرفنا طارق يعيب هذه النوع من الذواكر الاداء الضعيف مع البيانات الغير قابلة للضغط ولكن كما ذكرت الفرق بينها وبين ال OCZ Vertex 3 حوالي 700 جنية:eek:بالرغم ان فرق السعر عالميا اقل بكثير

[mohamedelm]

سعر 60 جيجا نزل 50 جنية فى نفس اليوم

السعر الان 800 جنية

ما زلت محتار فى شرائه ام اشترى الاجيلتى مع فارق 150 جنية (الان)

شاهدت مراجعات كثيره ووجدت فرق ليس بقليل فى الاداء بيه وبين اقرانه فى نفس الفئة السعرية

سؤال : كلنا بشترى SSD بسبب سرعة الاستجابة الكبيرة جدا مقارنة بالهاردات العالية ... مما يؤدى لسرعة كبيرة وملحوظة فى فتح البرامج والويندوز
فهل هناك اهمية لسرعة النقل مع ملاحظة استخدام هارد عادى ثانوى معه سيقلل باى حال من الاحوال من سرعة النقل ...... اعتقد لن تفرق كثيرا

[master2014]

اخي الفارق بينهم في سرعة القراءة يكاد يكون معدوم وهذا هو الاهم بالنسبة الي سرعة فتح الويندوز والبرامج اما سرعة الكتابة فالفرق بينهم لن يكون له تاثير ملحوظ في الاداء واظن ان 150 جنيه ليس مبلغ قليل مقابل فرق غير ملحوظ في الاداء وانتظر راي باقي الاخوة

[mohamedelm]

الظاهر ان النهاردة يوم SSD

Corsair Force Series™ 60GB -- 850

أعتقد ان ده أفضل الاختيارات الان


وكمان يوجد


Corsair Force Series™ 120GB -- 1350

Corsair Force Series™ GT 120GB -- 1650 LE

[tarekforall]

بعد مراجعة أسعار السوق بالخارج بدقة وجدت أن الأسعار بمصر سيئة للغاية لجميع أقراص SSD بالسوق ولن أشتري قرص بهذه الأسعار. وبالتالي نصيحتي هي عدم الشراء :cool: ان استطعت.

للعلم فقط أقراص متحكم SandForce الجديد (مساحات 120 جيجابايت أو أقل) هي كالتالي:
الأقراص بذاكرة رخيصة منخفضة الأداء هي:
OCZ Agility 3
Corsair Force 3
Patriot Pyro

الأقراص بذاكرة جيدة وأداء جيد جداً:
OCZ Vertex 3
Corsair Force GT
Patriot Pyro SE
ADATA S511

أفضل الأقراص
OCZ Vertex 3 MAX IOPS
Patriot Widfire

الأداء للأقراص بنفس نوع الذاكرة والمتحكم تقريباً متساوي.
أرجوكم اقرأوا هذا الموضوع.