أتوسل إليكـــم !!

[sadola]

سعيد بالتعامل مع حضراتكم ومع منتدى متميز زي ده , واسف على ازاعجكم ,


كل الموضوع , اني لسه جايب من شهرين " sony vaio i3 vpceb42fm "
وبسمع :
1- صوت "صفارة - تيـــــــــــــــــــــــــــت- بسيطة أوي نسبياً ومستمرة طوال تشغيل اللاب " خارجه من اللاب .. , وأقدر اسمعها من جميع الاتجاهات في اللاب .,
لكن الصوت عاملي أزعاج وتوتر لانه "حاااد جـــــداً" رغم انه واطي جداً ومحدش يعرف يسمعه في الدوشة .

و2- "خروشة بسيطة أوي أوي" من على الشمال اادام وغير مستمرة طوال تشغيل الجهاز - بسمعها على فترات متقطعة يعني -, وبتتناسب مع "لمبة الهارد" اللي بترعش على طول دي ..

(~مع العلم اني بسمع الشكوتين دول لأن الغرفة اللي انا قاعد فيها هاديه أوي أوي ~ )

----------------------------لكن الجهاز شغال بكفائة عاليه ومفيهوش أي مشكلـــــــــــــــــــــــة ---------------------------------------

ولاحظت :
- ان أنا لما بضغط (أحيانــاً) على زرار من زراير الماوس ان "الصوت بيختفي" لغاية ما اشيل أيدي من عليه , وترجع الزنة تـــاني !!!
- وأن انا بسمع " لغوشة بسيطة " أوي كده بتخرج برده من الهاند فري لما بوصله في الجهاز ومش بكون مشغل أي صوتيات .!!
-------------------------------------------------------------------------------------------------------------------------
كل الموضوع ان انا عندي (عقدة) من أي صوت بيخرج من اللاب غير ( صوت المروحــة / أو صوت الـDVD لما بيزعق) ,

وده لأني كان عندي لاب -dell i5- , كان بيطلع منه صوت "تكته عاليه الا حد ما نسبياً " من على شمال اللاب من أدام..!
والبعض أفتوا انه عادي , والبعض الاخر قالي دي ميديا الهارد هتبوظ
لحد ما اتخنقت من اللاب وبعته للأسف وجيبت مكانه الــi3 !!!! (
----------------------------------------------------------------------------
فأرجوك , أتوسل اليك , انهيلي الوسوسة دي وريحني , وخصوصاً ان انا مش لاقي حد محل ثقة أو خبرة أسأله السؤال ده , وقولي أرجوك بعد ازنك:

هل اللاب بيطلع منه صوت غير صوت المروحة والـ DVD ؟!!!!!
صوت تكتكتــه , صوت زنه , صوت وشوشة بسيطة ,
أي صوت حتى ! وطمني أرجوك

وخصوصا صوت الزنة دي , لأني والله ودني أتأذت , وضغطي بيعلى من الاصوات اللي ترددها عالي دي لأنه بجد صوت مستفز ! (,

والمشكلة أني كل ما أروح لحد يكون المحل عنده فيه دوشه , ولا يسمع الزنة ولا يسمع الخروشـة , ويطلعوني مجنون والله (
ولو حد سمعها , بيقولي عادي ياعم مادام الجهاز شغال كويس !!!
----------------------------------------------------------------------------

وأسف حقيقي على الازعاج وعلى الاستفاضة في الشرح , بس انا حبيت أشرحلك الموقف كله عشان تعرف تشخص المشكــلة .. وتفيدني ,

سلام عليكم , ربنا يبارك فيكم

[MPIXAPP]

بدون توسل ولا اى حاجه

اعتقد المشكله من الهآرد , ريح نفسك وروح بيه التوكيل.

[sadola]

بدون توسل ولا اى حاجه

اعتقد المشكله من الهآرد , ريح نفسك وروح بيه التوكيل.

هارد برده !!!!!
يعني هو ياربي كل لاب يقع تحت أيدي لازم يطلع فيه حاجة !!!
يا أخواننا والله انا لا باخده معايا في حته , وحاطه في البيت على طول , ليه كل المشاكل دي بتقابلني ؟!! , واشمعنى مشكلة الأصوات اللي بتطلع من اللاب دي , وبرده حضرتك بتقولي هارد !! ((
دي لو كانت مقصوده تتعمل فيا مكنتش هتبقى بالشكل ده يا اخواننا والله ((((((((((((((((((((((((((((((((

وكل ما اشكي لحد يقولي عادي ! كل اللابات لو ركزت فيها هيطلع منها صوت , دي مش عارف اسمها الابرة بتاعت الهارد وهي بتلف على الاسطوانة , والتاني يقولي أصل الجهاز وهو شغال لازم يطلّع اصوات عشان يبين انه شغال ,!! مبقتش عارف أعمل أيه وربنا !!!

[MPIXAPP]

لو كنت سألت فى المنتدى قبل عملية الشراء كنا شرحنالك لابتوب كويس , لابتوبات سوني مجرد ماركة فقط لكنها لا تتميز باداء وخامات جيده.
لو الصوت باين اوي وديه التوكيل , لو خفيف وتقدر تستحمله خلاص.

[HishamShafai]

لسة جايب samsung RF511 S06 به أعلى مواصفات و أحلى حاجة فيه الهدوء إللى يغيظ بالمقارنة بجميع اللابات التى تعاملت معها و خصوصا الHP وحش جداا فى الحرارة و صوت المروحة العالى إللى شغالة على طول ولا أجدعها دسك توب

[rehab mohsen]

انا عندى سونى فايو vpceh26ea >>> وعندى صوت بسيط جدا زى كده كركبة وبحس انة طالع من الهارد .. وبسمعه لما اقرب اوى اوى اوى من البورد بتاعت اللاب ,ومقترن برده بلمبة التحميل ... بس الجهاز شغال زى الفل وانا برده i3 ومفيهوش اى مشاكل .. اعتقد ان صوت الخروشة البسيطة دى عادى ممكن تكون حركة الهارد والله اعلم .. انا بشغل الجهاز 24 ساعة تقريبا واغلبها العاب عالية ولابيسخن ولا بيحصل منة اى مشكلة ..... حضرتك ممكن تروح التوكيل وتخلية يعملك check على الجهاز كلة من باب انك سامع الاصوات دى ومش بتظهر غير فى المكان الهادى مش هيعتروضوا واسأل ناس محترفة ومتخصصه واللى يعرف هنا فى المنتدى ياريت يفيدنا ...
وتقريبا توكيل سونى فايو IBS ..

[sadola]

لسة جايب samsung RF511 S06 به أعلى مواصفات و أحلى حاجة فيه الهدوء إللى يغيظ بالمقارنة بجميع اللابات التى تعاملت معها و خصوصا الHP وحش جداا فى الحرارة و صوت المروحة العالى إللى شغالة على طول ولا أجدعها دسك توب

والله حضرتك أنا والدي جايب لاب سامسونج برده . بجد بأمانه أنا مشوفتش في حياتي لاب بالهدوء ده ,
حتى المروحة مش بتطلع صوت !!
بسم الله ما شاء الله

[sadola]

انا عندى سونى فايو vpceh26ea >>> وعندى صوت بسيط جدا زى كده كركبة وبحس انة طالع من الهارد .. وبسمعه لما اقرب اوى اوى اوى من البورد بتاعت اللاب ,ومقترن برده بلمبة التحميل ... بس الجهاز شغال زى الفل وانا برده i3 ومفيهوش اى مشاكل .. اعتقد ان صوت الخروشة البسيطة دى عادى ممكن تكون حركة الهارد والله اعلم .. انا بشغل الجهاز 24 ساعة تقريبا واغلبها العاب عالية ولابيسخن ولا بيحصل منة اى مشكلة ..... حضرتك ممكن تروح التوكيل وتخلية يعملك check على الجهاز كلة من باب انك سامع الاصوات دى ومش بتظهر غير فى المكان الهادى مش هيعتروضوا واسأل ناس محترفة ومتخصصه واللى يعرف هنا فى المنتدى ياريت يفيدنا ...
وتقريبا توكيل سونى فايو IBS ..

ألف ألف شكر ليكي , ربنا يجازيكي خير ,
وان شاء الله هعمل اللي حضرتك قولتي عليه ده وربنا يقدم اللي فيه الخير ..

[hisoo]

لو كنت سألت فى المنتدى قبل عملية الشراء كنا شرحنالك لابتوب كويس , لابتوبات سوني مجرد ماركة فقط لكنها لا تتميز باداء وخامات جيده.
لو الصوت باين اوي وديه التوكيل , لو خفيف وتقدر تستحمله خلاص.

يا راجل هدانى الله واياك ده كلام غير مبنى على ادله او اشياء موثقه يعنى حضرتك راجعت منتجات سونى فى الللابات ووجدت الاعطال بيها كثيره او فى مرتجعات من هذه الماركه او هناك على النت من تكلم فى هذا الموديل .
رجاء الرد يكون مبنى على علم ولا نطلق الاجابات كده جزافا ثم ماهو الللاب اللى هترشحه ذو الجوده العاليه والخامات الرفيعه ديل مثلا ولا توشيبا ولا HP ,
استاذى صاحب الموضوع الللاب جيد جدا وليس هناك بد من الذهاب الى التوكيل لمراجعه ما قلت وان شاء الله الوكيل شركه محترمه وتعلم ان من يقدم على شراء منتجات سونى فايو هم اناس متميزين وان شاء الله الموضوع سيحل .

[MPIXAPP]

يا راجل هدانى الله واياك ده كلام غير مبنى على ادله او اشياء موثقه يعنى حضرتك راجعت منتجات سونى فى الللابات ووجدت الاعطال بيها كثيره او فى مرتجعات من هذه الماركه او هناك على النت من تكلم فى هذا الموديل .
رجاء الرد يكون مبنى على علم ولا نطلق الاجابات كده جزافا ثم ماهو الللاب اللى هترشحه ذو الجوده العاليه والخامات الرفيعه ديل مثلا ولا توشيبا ولا HP ,
استاذى صاحب الموضوع الللاب جيد جدا وليس هناك بد من الذهاب الى التوكيل لمراجعه ما قلت وان شاء الله الوكيل شركه محترمه وتعلم ان من يقدم على شراء منتجات سونى فايو هم اناس متميزين وان شاء الله الموضوع سيحل .

مشكلة لابلات سوني ان اسعارها مبالغ فيها جداً ! ومفيش حد ينكر كده!