ارجو المساعدة فى شراء لاب توب من 3000- 4000 جنيه بسرعة قبل العيد
السلام عليكم ورحمة الله وبركاته
ارجو من الاخوة الاعضاء وذوى الخبرة المساعدة فى شراء لاب توب سعره من 3000-4000
المواصفات المطلوبة
1-عاوز لاب توب يستحمل يشتغل على الاقل 12 ساعة يوميا
2-يشغل احدث الالعاب بسرعة فائقة (بدون تهنيج)
3-لوحة مفاتيحه عادية زى الكمبيوتر زى ما موجود بديل مش عاوز زى لوحة اتش بى وده اهم شى اللوحة
4-يكون ما بيسخنش بسرعة عشان اعرف اشغله كتير يعنى زى مطلوب رقم 1 تقريبا
5-مش لازم يكون معاه ويندوز والصوت مش لازم يكون عالى كده كده بحب اوطى الصوت خالص
6-يكون فيه بلتوث وواى فاى وواير ليث وكاميرا نت
7-يعيش كتييير معايا مش عاوز واحد يبوظ بعد اول سنة وانا استخدامى كويس يعنى لو هو كويس هيعيش معايا
مستنى الردود بس بسرعة عشان عاوز اشتريه قبل العيد يعنى فى حدود الاسبوع ده
ملحوظة قبل كده عملت موضوع مماثل ونصحونى الاعضاء بلاب توب
dell inspiron n5110 core i5
سالت عليه فى اغلب المحلات عندى ما لقتوش بس لقيت لاب توب زيه فى المواصفات
اسمه dell inspirion 15R
ده هو هو ولا شبهه بس ولو فى حاجة احسن منهم يبقى افضل عشان قرايت
مواضيع كتير بتتكلم عن عيوب N5110 بس لو حد جربه ومتاكد انه كويس يقول
ومستنى ردكم بسرعة عشان الحق اسال عن اى جهاز تقولو عنه
واقلكم عن الاجهزة الى الاقيها عشان تقولو رايكم
ملحوظة : انا من مصر من محافظة سوهاج والاسعار هنا قد تزيد 100 او 200 جنيه عن الاسعار فى مصر لان جهاز مكتوب عليه 3600 فى اغلب المواقع على النت لقيته هنا ب3800 فيا ريت مراعاة الزيادة فى السعر لما تقولو على اى لاب
الديل 15R بيفرق كتير عن N5110 إلي مليان مشاكل
بص يا سيدي أفضل حاجة قصادك هي دي
https://www.eg@prices.com/product.php?id=15729
شيل ال@ وإعمل نسخ ولصق
وأفضل ليك إنك تجيبه من القاهرة لأنه بيكون أضمن وبيكون ليك حق إسترجاع 14 يوم لو كان الجهاز بيه مشكلة
ده عامل 4000 بالضبط وضيف خمسين جنيه بتوع المواصلات وعلى فكره ده أرخص سعر نزل للموديل ده وهو حيلبي كل إحتياجاتك إلي فوق
شكرا جدا على الردالمشاركة الأصلية كتبت بواسطة Khaled Khattab
الجهاز الى حضرتك قلت عليه نفس مواصفات n5110 بظبط كل حاجة بالارقام حتى لكن الفرق بس فى كارت الشاشة
الجاهز بتاع حضرتك كارته Ati والn5110 كارته نيفيدا بس مش عارف انهى اقوى بس فى فرق كبير فى السعر 400 جنيه كل ده عشان كرت الشاشة
هههههههههههه حرام عليك ياراجل أنصحك تقرأ كام موضوع بالمنتدى قبل وضع موضوعك الأول للعلم بالشيء
إختلاف تام بين الجهازين حيث أن 5520 لا يسخن مثل 5110 وأيضاً البروسيسور من الجيل الثالث يتفوق على بروسيسور 5110 إلي من الجيل الثاني وكرت الشاشة أقوى من كرت شاشة 5110 وسماعاته أفضل بكثير من 5110 والرامات باص 1600 مش 1066 إلي موجودة في 5110 والشاشة بتاعها الإضاءة افضل وإلخ إلخ إلخ
صاحب الموضوع طلب الرأي في 5110 وأنا أمتلك الجهاز و هو ممتاز و يستحمل العمل فترات وموضوع الحرارة ليس بالدرجه التي تؤثر على عمله.
ملحوظه رامات 5110 1333 وليست 1066
ملحوظه أخرى keyboard في 5520 ليست كامله كما طلبت.
عامة 5520 ممتاز لو موافق على الإختلافات عن طلبك.
يبقى إنت جبت الموديل القديم إلي فيه بروسيسور 2410 مش 2430 أو 2450 يا دوك
أنا شفت كمية موديلات من الإنسبيرون N5110 كلها كانت بلا إستثناء كانت بتولع في الصيف لما الواحد يفضل يلعب عليه وكمان النقطة المهمة فيه ألعاب مثل Bioshock بكامل أجزائها لا تعمل على كرت 525 من نيفيديا على الرغم من التحديث يقول إنها حتشتغل والرامات باص 1333 في الموديل 2410 أما باقي الموديلات فهي باص 1066 واتأكد من البيوس
وبالنسبة للكيبورد دي مش حاجة تخلي الراجل مش يشتري اللاب وزي ما إنت قلت 5520 ممتاز
ملحوظة أنا واحد صاحبي بيشتغل في BDl ومش حتصدق كمية اللابات المرتجعة من الموديل ده قد إيه لدرجة إن BDl كانت على وشك فسخ العقد مع ديل
انا كتبت فوق ان اهم حاجة انا طالبها بعد الجودة طبعا ان اللوحة تكون كاملة فشكرا لحضرتك انك قلتلى انها مش كاملة فى الجهاز5520
وبالنسبة لللاب ما حدش رد عليا فى حكاية انى ما لقتش هنا عندى فى محافظتى N5110 لقيت جهاز نفس مواصفاته بس اسمه 15R وكنت عاوز اعرف ده يشبه بس ولا هو هو يعنى اسمه تغير فقط ولو احسن منه اوك هو بيتباع عندى 3850 جنيه
وشكرا لحضرتك للمشاركة
وشكرا لخالد خطاب
انا دخلت على موقع لاب توب مصر ولقيت جهاز عجبنى بس يختلف عن الجهاز الى حضرتك ذكرته فى كارت الشاشة فقط
الجهاز الى حضرتك ذكرته كارت الشاشة بتاعه ATI والجهاز ده هو هو بس كارته INTEL انهى احسن ادى رابط الجهاز الى بقول عليه
https://egyptlaptop.com/dell-inspiro...-graphics.html
وده تقريبا هو الى انا شفته عندى ب3850 الراجل كاتب عليه فى العرض DELL INSPIRON 15R
RAM 4 PROSECCEOR IC5 VGA 1G INTEL
فكده معناه انى الاسعار كويسة هنا صح
التعديل الأخير تم بواسطة el.maestro ; 13-08-2012 الساعة 09:45
لأ, غلط
لأن كرت الشاشة الانتل اخره فى الألعاب
Most Wanted 2005
لأنه مدمج مش خارجى
أما جهاز خالد خطاب
فبيشغّل Crysis 2
على
High
ب 29 إطار
و Dirt 4
على
High
ب 36 إطار
التعديل الأخير تم بواسطة McLaren ; 13-08-2012 الساعة 10:06
شكرا لمساعدتك بس الجهاز الى قايل عليه خطاب عالى السعر عن الى معايا انا عاوز واحد فى حدود 3500 اكتر حبة او اقل اللاب الى بيقول عليه بيتباع ب4200 هنا وصعب اسافر اشتريه بس كارت نفيديا بتاع n5110 كويس وبيشغل الالعاب الى حضرتك قلت عليها ولا لا وبيشغل نيد فور سبيد 2012 ولا
ومستنى ردك
ممكن أنصحك بده كبديل عن الانسبيرون
Fujitsu LifeBook A531
ده ألمانى وممتاز عن تجربة
وامكانياته زى ال n5110 بضبط
ويزيد عليه أن الكرت شاشة بتاعه 1 جيجا مش بيسحبها من الرام
(nividia 525m 1GB Dedicated Ram)
وده بيشغّل
NFS The Run
كويس عن تجربة
و Crysis 2
على 25 إطار
وحرارته ممتازة
وسعره عندنا 3500 جنيه
وفي برضو ده
aspire-5755g
بكرت شاشة أعلى من الفوجيتسو 540m
وده يقترب من كرت الشاشه بتاع جهاز خالد خطاب
بيشغّل Crysis 2
على 27 إطار
وهارد 640 جيجا
وثمنه عندنا 3600
https://eastasiaeg.com/p/1051/aspire...-640g-w-7-blue
فشوف كده وربنا يوفقك
بس أبعد عن الكروت الإنتل خالص لو عايز تلعب
أولا...أنا آسف جدا على التأخر في الرد
ثانيا...أنا الجهاز بتاعي( ci7 (2670,انا متأكد أن راماته 1333 8 جيجا.
موضوع مشاكل الجهاز هي كثيره ولكن يجب أن تأخذ في حساباتك نسبة المبيعات منه ..فمثلا لوبيعت منجهاز 1000 وحده ورجع منه 30 جهاز ده يعتبر أقل من لو بيعت من جهاز 100 ورجع منه 10 (الجهاز مبيعاته أعلى مبيعات لاب توب في مصر...على حسب معلوماتي من الشركات الت أعرفها وليست إحصائية رسمية للأمانه)
اللاب معايا زي الفل ولكني لا ألعب عليه كثيرا لأحكم على جزئية الألعاب ولكن حرارته من واقع العمل به على برامج كثيرة تعتبر معقوله.
أنا مازلت عند رأي أن 5220 ممتاز ونصحت به ناس كثيره.
أنا كنت فاكرك بتكلم على الآي فايف فعلاً الآي سيفن راماته 1333
وكلامك صح يا باشا بس هو مشكلته الوحيدة درجة الحرارة مع الألعاب المكثفة وأيضاً سماعاته بتضرب بعد مدة سنة أو أكثر شوية ومش عارف ليه
هوة ياباشا انا عندى البروسيسور 2430 فى الكور اى فايف وباص الرامات 1333 (665.6*2 بال cpuz )وبتوصل الحرارة مع باتلفيلد الجديدة ماكسمم 82 83 وفى جو حر ولو فية تكيف ممكن تبقة ماكس 80 اللينوفو بتوصل ل 85 بنفس كارت الشاشة يبقة فين بيسخن اوى الناس واخدة وجة نظر سيئة على الاب دة مع انة مش بطال اوى كدة يعنى ثم انا شايف ان درجات حرارتة معقولة مش وحشة عيبة الوحيد بالنسبة ليا اضائة الشاشة اللى مش ولابد اوى من الزوايا وملحوظة دة مش الجديد انا شارية شهر 1 اللى فات على فكرة
شكرا لحضرتك على الرد بس انا مش عاوز اجيب غير ديل او اتش بى مش بثق فى اى جهاز تانى الا وكنت جبت سامسونج كله بيشكر فيه وما حدش اشتكى منه انا عاوز لاب ديل اخره 3800 هو ممكن الى قال عليه خطاب بس لو لقيته هنا ب4 الاف بس وزيى ما قلت مش هقدر اسافر
وشكرا لكل الى رد على موضوعى
بس انا عندى استفسار لو الجهاز الى بوقل عليه وحش الى هو n5110 أمال ليه اكبر نسبة مبيعات وناس كتير كاتبه عنه فى منتديات كتير وليه هنا مراجعة شاملة خاصة بيه لو جهاز وحش ما حدش كان جابه بالعدد فانتم كده حيرتونى انا الاضاءة بتاعة الشاشة مش مهمة عندى كده كده بحب اخليها مضلمة والصوت ساعات بطفيه يعنى لو واطى عادى مش فارقة لكن اهم حاجة الكفاءة فى الباقى
وكل سنة وانتم طيبين
ضوابط المشاركة
المفضلات