أولاً مستحيل تجيب أب ثانياً لو تقدر تزود لغاية 5200 وتجيب 5520 كور آي سيفن يكون أفضلك ومش تقلق الجهاز خاماته عالية وتقدر تزود ليه الضمان لغاية 3 سنوات في الضمان يعني حيعمر معاك كتير
السلام عليكم ورحمة الله وبركاته
كنت عايز اشترى لاب توب فى حدود 5000 جنيه بكتير
بس حاجة تستحمل وتعيش
فحطيت توشيبا فى اول حساباتى وبعدها سونى
بعد لف ودوران لقيت توشيبا امكنيات حلوة وسونى امكنيات اقل وديل اعلاهم فى الامكنيات
فاحترت اكتر
اجيب امكنيات وخلاص ولا اجيب لاب يعيش احسن لان بقلق من الديل والاتش بى والابات دى الى هيا منتشرة اوى عشان رخيصة تقريبا
وهل السعر دا ينفع يجيب حاجة ابل ولا مستحيل
المهم ان اللاب توب هيكون استخداماته
فى النت والميديا اكتر حاجة
فتنصحونى بايه بالله عليكم
المكان مدينة العبور فلذلك الشراء سيكون من كارفور العبور
أولاً مستحيل تجيب أب ثانياً لو تقدر تزود لغاية 5200 وتجيب 5520 كور آي سيفن يكون أفضلك ومش تقلق الجهاز خاماته عالية وتقدر تزود ليه الضمان لغاية 3 سنوات في الضمان يعني حيعمر معاك كتير
و 5520 تبع شركة ايه
عموما انا مليش دعوة بالضمان
انا عايز لاب توب يستحمل مش كل يوم اروح بيه الضمان
حتى لو هتنازل فى الامكنيات شوية
انا كاتب ان الاستخدام نت وميديا فالافضل انى اجيب حاجة نضيفة
لانى من سنة جبت لاب توب لينوفو امكنيات عالية وندمت ندم رهيب بعد ما لقيته اتبهدل وبطاريته بقت ضعيفة جدا جدا
فياريت تنصحونى بحاجة كويسة جدا وبلاش تهتمو بالمظاهر زى بروسيسور كام ورامات اد ايه لان كل دا ملوش اى لازمة فى مقابل ان اللاب توب معمول من الورق
لو عاوز حاجة نضيفة وخامتها كويسة وحرارتها قليلة بس عيبها الوحيد حيكون البطارية مش بتقعد أكتر من ساعتين حيكون
Dell 15R SE 7520 الكور آي فايف وهو عامل 5400 أو 5300
وعندك السوني برضه بس درجة حراراة السوني أعلى من درجة حرارة الديل ده بإعتبار إنك بتشغل أفلام إتش دي على الإثنين
عيبه الوحيد هو البطارية وصوته حيعجبك قوي قوي
تروح التوكيل وتعمل إكستند للوارنتي
Extended Warrenty لمدة سنتين إذافيتين وحيكلفك تقريباً 600 جنيه
نهار اسود 600 جنيه عشان ضمان ملوش 30 لزمة
يا جماعة لسا محدش فادنى على اللاب توب الى اشتريه
مش عايز ديل
فين التوشيبا يا جماعة
انتم محسسنى انى بقولكم عايز لاب توب ب 2000 جنيه ليه منفضنلى كدا يا شباب
يا ريت حد يعرفلى ايه اقوى لاب توب مش مهم الامكنيات يا جماعة من الاخر اللاب توب لبنت يعنى مش هيفرق معاها الفيجا والجيمز والحجات الكتير دى
عايز لاب توب ميبهدلش وميتجرحش وميتفكش كدا من بعضه والوانه متطلعش بسهولة
لو انت مش عايز العاب .. فممكن تشوف لاب سوني ... شوف اللاب ده
https://egyptlaptop.com/sony-vaio-vpceh3aea-black.html
لو عايز توشيبا ... ممكن تشوف اللاب ده
https://egyptlaptop.com/toshiba-sate...55-s9520d.html
طبعا من وجهة نظري السوني افضل لكن كارت الشاشة بتاع التوشيبا أعلى ...والسوني اغلى حوالي 700 جنيه
التعديل الأخير تم بواسطة al_mougahed ; 22-09-2012 الساعة 13:56
خلاص خليك في السوني بس ابعد عن التوشيبا خالص لأن خامات الديل أفضل من التوشيبا والسوني إلي حتجيبه
شوف إلي يعجبك وهاته
والأفضل مادام لبنت بقى تجيبهولها سوني علشان خفيف وخاماته مناسبة
المفضلات