الليسن المؤقت لاهل دبي من 17 الي 21 سنه .. الف مبروووووووك ..!

[dxbboy77]

السلام عليكم اخواني

قبل فترة سمعنا ان قانون انك تملك الليسن لين ال 21 سنه

بس طويل العمر الشيخ فزاع .. خل الليسن المؤقت من 17 الي 21 سنه

من هنا


وهذي الصورة تدل علي المقطع بالضبط



غدا رايح اروح كلداري لتعليم السياقه .. واشوف اذا الخبر صحيح ولا ..!!

بس اتوقع 99 % صح لان في موقع شرطة دبي .. !!

[hamza934]

السلام عليكم
ان شاء الله بالتوفيق.. في انتظار النتيجة

[الوسيم المحظوظ]

الله يوقهم


ويحرسهم يا رب

[azzozy]

عندنا 18 سنة تاخذ رخصة قيادة رسمية .
ان شاء الله قريباً ابروح اخذ الرخصة قريباً وكفاية مخالفات ومطارادات .pls: pls:

[ZERO ONE]

ياريت يكون عنددنا هل قانونه في البحرين
على الأقل نرتاح من الطلعة الساعة 4 الفجر وتهريب المفتاحWink:

[dxbboy77]

خبر جديد .. اليوم قالولي اياه

ان القرار رايح يصير في بداية السنه الجديدة

اي 1/1/2007 .. اسف .. هذا اليوم اجازة

اي 2/1/2007

ورايح احاول اعرف اذا في شروط معينه .. ام هو مثل الليسن

يعني لو مسكك الرادار .. او عبرت التقاطع والاشارة الحمراء .. الحوادث .. ينسحب الليسن ..!!

وننتظر حتي 21 سنه ..

انا لو حصلت الليسن بمشي علي 25 - 30 Km .. علي شارع الشيخ زايد والخطوط السريعه ..!!

الله المستعان ..

ومشكورين اخواني علي مروركم الكريم .. والله لا يحرمنا منكم ..

[ZERO ONE]

.

انا لو حصلت الليسن بمشي علي 25 - 30 Km .. علي شارع الشيخ زايد والخطوط السريعه ..!!

الله المستعان ..

ومشكورين اخواني علي مروركم الكريم .. والله لا يحرمنا منكم ..

اي نعم نعم الا اذا سقت السكايلن GTR راح يكون هناك كلام ثانيWink:

[فلوبي]

الفرق بين الليسن المؤقت والذي بعد 21 سنة

هو ان المؤقت الذي يكون من 18 ل 21 لابد من تجديده كل سنة

اما الذي في عمر 21 فان صلاحيته 10 سنوات

الجديد هنا هو السماح بعمر 17 سنة بالحصول على الرخصة

واذا ما تزعل مني يا اخي dxb فانا لا اؤيد هذا القرار

بسبب تهور الكثيرين بهذا العمر

[dxbboy77]

اي نعم نعم الا اذا سقت السكايلن GTR راح يكون هناك كلام ثاني

انا ناوي علي اني اخذ الليسن اول .. وبعدين استخدم المواتر الي في البيت ..

وبعد ما اخلص من الدراسة .. اخذلي موتر .. " في خاطري نيسان بترول وعليه هيدرز بس ..!! "

الجديد هنا هو السماح بعمر 17 سنة بالحصول على الرخصة

واذا ما تزعل مني يا اخي dxb فانا لا اؤيد هذا القرار

بسبب تهور الكثيرين بهذا العمر

اخوي فلوبي ... وايد ناس انصدموا .. وما توقعوا ..

من قالوا 21 سنه امي فرحت وقالت احسن .. بس من قلتلهم 17 انصدمت ..!!!!!!!!

لاني الحين انا اسوق المواتر واضغط ضغطططططططط .. بس اذا كان وياي الوالد .. ما اعرف اسوق بالمرة ..

يركب وياي .. لالا مناك .. شوي شوي .. شوف يمين .. لا تتقرب وايد من السيارة .. تلقاني ما اعرف اسوق ..

الله المستعان ..

[AD1]

الفرق بين الليسن المؤقت والذي بعد 21 سنة

هو ان المؤقت الذي يكون من 18 ل 21 لابد من تجديده كل سنة

اما الذي في عمر 21 فان صلاحيته 10 سنوات

الجديد هنا هو السماح بعمر 17 سنة بالحصول على الرخصة

واذا ما تزعل مني يا اخي dxb فانا لا اؤيد هذا القرار

بسبب تهور الكثيرين بهذا العمر

100% :up:

[dxbboy77]

وايد ناس مش متقبله الفكرة

اما من جهتي ... ولاني محتاج الليسن .. اقول قرار صائب

ولو يخلوه 15 سنه بعد ok .. علشان نطلع علي راحتنا .. ونغير جو .. ونتمشي

الحريه قادمة .. سأكون من اول المقدمين ..

[الخلف]

بالبحرين عدنا من 18 والرخصة رسمية، قبل أكثر من 5 سنوات طلعت إشاعات انهم راح يزيدون العمر إلى 21 سنة ولكن ما صار أي شي...

وقبل سنة يمكن لقيت المدرب اللي دربني قال بخلون سيارات امتحان السياقة جير أوتوماتك بدل عادي مع بداية السنة ( يعني المفروض بداية 2006 ) ولكن أشوف إلى الحين ما غيروا حسب ما نسمع من اللي يتدربون حالياً :D

[Cross Fire]

ان شاء الله ربنا يوفقك اخي dxbboy77 وتطلع الرخصة

بس على شرط تكون رزين فى السواقة

وربنا يكرمك ان شاء الله

[dxbboy77]

مشكور علي مرورك اخوي الخلف

بس الي انا عرفته ان المؤقته تجددها كل سنه بمبلغ 100 درهم + 10 دراهم اجراء المعاملة

ولما تصير 21 سنه لازم تسوي فحص عيون وتسلم التقرير ويتم تجديد الرخصة كل 10 سنوات اي بعد ال 21 سنه .. 31 سنه

----------
ان شاء الله اخوي كروس فاير

مشكورين اخواني علي مروركم و علي ردودكم الطيبة ..

[dxbboy77]

للرفع ..!!