المساعده ضرورى جدا فى شراء لوحه للمعالج phenom 2 X4 955

**leomessi** · 22-12-2011, 11:16

فيه واحد صاحبى عنده البروسيسور phenom 2 X4 955 مع لوحه اسيوس M5a88-m

https://www.asus.com/Motherboards/AMD_AM3Plus/M5A88M/

و الجهاز شغال 100 100 بس درجة الحراره عاليه شويه عن المتوسط فى الخمول و فى الضغط و كمان صوت المرحه بتاعة المشتت الاصلى عالى جدااااااااااا و عدد لفات المروحه يتعدى 3000 لفه .

بعد السؤال اتضح ان السبب فى ده هو اللوحه لانها بشريحه 880 كما انها رخيصه ( 600 جنيه ) و بالتالى تبريدها عادى .

فياريت ترشحولى لوحه تكون :

1- تبريدها كويس غير تبريد اللوحه m5a880 و مش بتخلى حرارة البروسيسور بتزيد و صوت المروحه عالى

2- تكون usb 3 و sata 3 و فيها كارت شاشه مدمج

3- طبعا تكون متوافره فى مصر

و ياريت سعرها بالمره

ارجو المساعده

**beutimind** · 22-12-2011, 11:34

لو صاحبك عاوز يشوف حل للحرارة البروسيسور خليه يجيب مشتت كويس يكون مستوى ازعاجه قليل
لان حرارة البروسيسور ملهاش علاقة بالبوردة
البروسيسور رباعى وطبيعى جدا ان تكون حرارته عالية خصوصا amd

**leomessi** · 22-12-2011, 11:54

اقل مشتت ب 180 جنيه و من سؤالى لاقيت ان البروسيسور بتكون حرارته اقل مع اللوحات العاليه ذات الشريحه 990FXA .

و حكاية انه عشان رباعى فحرارته لازم تكون عاليه شوف X6 1090 حرارته اقل مع انه سداسى و كمان core i4 2400

**beutimind** · 22-12-2011, 11:59

عموما اللى اعرفه ان فى معالجات من AMD أصدار C2 واصدار c3
,والفرق بيكون فى استهلاك الطاقة وبالتالى درجات الحرارة
عموما لو درجات الحرارة فعلا بتفرق فى المعالج من نوع البوردة ياريت تبعتلى اى رابط فى شرح للموضوع ونتايج
وخد بالك برضه ان ال CORE I5 دقة تصنيعه 32 نانو
وال AMD 45
يعنى الانتل اقل فى الحرارة واستهلاك الطاقة

**unexpected** · 22-12-2011, 12:18

يا غالي ممكن سبب مشكلة الحرارة من المعجون مش موضوع بشكل صحيح وايضا ما وضع التهوئة داخل الكيسة وهل المشتت مركب الاربع ارجل باحكام هل المعالج كاسر سرعة؟؟؟
وربما يكون عندك الفولت عالي ومن المعروف الفولت العالي يسبب حرارة عاليا.
مبدئيا اريد منك صورة من برنامج cpu-z وبرنامج HWMonitor

**leomessi** · 22-12-2011, 12:50

يعنى افهم من كلامكم ان اللى حصل مع صاحبى ده حاله فرديه و استثنائيه ولا هو ده الطبيعى مع البروسيسور و البورده دول ؟

حاقولكم على حاجه انا جربتها شخصيا . انا كان عندى لوحه جيجا بايت ga-ma890 و دى كان ثمنها 850 جنيه وقتها و كنت مركب عليها phenom 2 X2 555 و درجة حرارته 27 درجه و عدد لفات المروحه 1700 لفه .
ركبت نفس البروسيسور فى نفس الكيسه بس على لوحه اسيوس m4a88 درجة الحراره بقت 37 و عدد اللفات 2700

**unexpected** · 22-12-2011, 13:40

المشاركة الأصلية كتبت بواسطة leomessi

يعنى افهم من كلامكم ان اللى حصل مع صاحبى ده حاله فرديه و استثنائيه ولا هو ده الطبيعى مع البروسيسور و البورده دول ؟

حاقولكم على حاجه انا جربتها شخصيا . انا كان عندى لوحه جيجا بايت ga-ma890 و دى كان ثمنها 850 جنيه وقتها و كنت مركب عليها phenom 2 X2 555 و درجة حرارته 27 درجه و عدد لفات المروحه 1700 لفه .
ركبت نفس البروسيسور فى نفس الكيسه بس على لوحه اسيوس m4a88 درجة الحراره بقت 37 و عدد اللفات 2700

حاليا طبق ما طلبتة منك وتاكد من كل شيئ واخبرني في النتيجة

**leomessi** · 22-12-2011, 13:59

المشكله انى بسال عشان لسه حاشترى يعنى مش معايا جهاز فيه مشكله و عايز حلها .

طب يا ريت اى عضو عنده البروسيسور ده يقولى تجربته ايه و نوع اللوحه اللى راكب عليه