المشرفين والاعضاء إستفسار عن مستقبلي الشخصي

[abdalaha]

ارجو من كل واحد يدخل يترك نصيحته او خبرته او اي معلومه عنده ولكم جزيل الشكر انا طالب في معهد الالسن العالي للكمبيوتر ونظم المعلومات ودي اخر سنه ليا ان شاء الله وعندي 20 سنه وخلال ال3 سنين بتوع المعهد ما استفتدتش اي حاجه ومش فاهم اي حاجه انا بستخدم الكمبيوتر زي اي واحد هاوي وفاضلي 9 شهور وان شاء الله اتخرج وطبعا هتخرج وانا معنديش اي خبره ولا فهم في اي حاجه انا دلوقتي قدمت في دوره icdlوهبدء فيها وباخد دوارات انجليزي في الجامعه الامريكيه ودلوقتي ناس كتير قالولي علشان تنجح وتشتغل كويس لازم تاخد mcse هي دي الي فيها النجاح وانا طبعا معنديش اي خبره ولا فهم لاي حاجه وو الله العظيم نفسي انجح وافرح امي وابوي بي ويفتخرو بي بس انا مش عارف اعمل ايه انا تايه اووي اوي ومحتار ومش لاقي اي حد يقف جمبي يساعدني ويدلني كل الي حوالي همهم في مصلحتهم محدش بينصح حد وانا نفسي حد ابن حلال يقف جمبي وقولي اعمل ايه mcse ولا ايه ولا ايه انا مستعد اموت نفسي واتعلم وانا فاضي اصلا وبجد انا مش عارف اعمل ايه علي العلم اني ضعيف في الانجليزي وبكره العلمي وكنت ادبي ياريت حد يساعدني وياخد بايدي ربنا يكرمكم علي الموقع الجميل ده واتمني ان يكون فيه افاده للكل وطولت عليكم بس بجد انا بكتب كل كلمه وانا في منهي الحزن لاحساسي بالفشل والضياع وشكرا ورمضان كريم وياريت اي عضو يدخل يترك النصيحه والرائ وشكرا جزيلا

[ahmedscondo]

ياباشا ضايع ايه ده انت يدوبك لسه فى سنة رابعه وانت بتقول لسه متعرفش اى حاجه

انما الناس اللى متخرجه بقالها سنين ومش لقين شغل انت تقول الحمدلله

انت احسن من غيرك

وبتقول عايز MCSE

نصيحه منى ابدء بكرس بسيط الاول مثل A+

ويعديه N+

مش تدخل كده على MCSE

[gouda2000]

ياباشا ضايع ايه ده انت يدوبك لسه فى سنة رابعه وانت بتقول لسه متعرفش اى حاجه

انما الناس اللى متخرجه بقالها سنين ومش لقين شغل انت تقول الحمدلله

انت احسن من غيرك

وبتقول عايز MCSE

نصيحه منى ابدء بكرس بسيط الاول مثل A+

ويعديه N+

مش تدخل كده على MCSE

انا بئوئيد كلام ahmedscondo ده لو عايز تخش مجال الشبكات و تكون معلوماتك منظمة ومرتبه
ورينا الهمه بقى شد حيلك يا بطل
ربنا معاك

[abdalaha]

بس انا عايز افهم المتطلبات الي المفروض تبقي في اي واحد عايز يتعلم الشبكات زي اللغه والتفكير والحاجات دي

[Scorpion007]

بس انا عايز افهم المتطلبات الي المفروض تبقي في اي واحد عايز يتعلم الشبكات زي اللغه والتفكير والحاجات دي

اعزرنى . ان استوجب علينا ان نخبرك بتلك النقاط .. فانت لاتعلم ماذا تريد

[Mo0o0o0o0ra]

انا خريجة علوم كومبيوتر و درست فورا MCSEو الحمدلله استوعبت الموضوع و قرات الكتب بضمير صحيح اني تعبت في الاول بس بعد كده الامور مشيت معايا تمام و طبعا لا انكر فضل المنتدى العظيم و مساعدة كثير من الاعضاء الفضل لله ثم للمنتدى انا مش عايزاك تقلق و اتوكل على الله اي حد حابب يتعلم شبكات او اي علم يقدر يتعلم و ان شاء الله تمشي فيها
اذا كانت قدراتك العقلية ما تقدر تدلرس ذاتيا فما شاء الله مصر مليانه معاهد على اعالى مستوى تقدر تاخد فيها دورة
انا اخذت دورة لكن في الامارات
كتير من اعضاءالمنتدى دارسين المنهج ذاتيا و البعض الاخر واخدين دورات شوف الي يناسبك و احنا معاك اسأل و دور و قرر ..................الله معاك

[bkbk20032003]

والله انا بأيد كلام الاصدقاء بس انت ممكن تبدأ قورص MCSE علي طول انا لية واحد صاحبي كان زيك كدة بالظبط ويمكن مايعرفشي حاجة في الكمبيوتر واخد القورص مع محاضر شاطر بس ابدأ بقورص الاكس بي هايغطيلك كل حاجة ويضربلك حاجات كتير خش وماتخفشي وانت قولت انك ناوي تتطحن نفسك يالا ورينا بقي خلينا نقولك مبروووووووووووووووك علي اول امتحان فيها

[abdalaha]

متشكر جدا ياجماعه وبجد الموقع ده جامد جدا بس برضه في حاجه انا مستواي في الانجليزي مش كويس بجانب ان في ناس بتقول اخد الاول +a + n وانا اصلا مش عارف ايه هما دول وناس بتقول اخد ال mcse علي طول معلش انا متقل عليكم بس نفسي حد يوضحلي اوي علشان انا عايز ابدء علشان اخلص قبل ماتخرج وانا مستعد بس افهم طبيعه الشبكات. مثلا زي الفيزياء والاحياء ولا ايه وصعبه من ناحيه ايه محتاجه قدرات معينه يعني ولا ايه انا تايه تايه فهموووووووووووووووووووووووني وكل سنه وانتم كلكم طيبين

[D.D.T]

قبل متبدي انت عايز تتخصص اية في الكمبيوتر بالضبط في مليون تخصص في حاجة معينة بتحبها يعني زي البرمجة او الشبكات ومنها نوعين (هاردوير وسوفت وير) او قواعد بيانات او التصميم في منة نوعين ( تصميم مواقع وتصميم جرافيكس وفلاش) ولا اية بالضبط حدد انت بتفهم في اية وعايز تتخصص في اية عشان متجيش تدرس حاجة متعجبكش وتندم وتقول كنت بضيع وقت وفلوس في الفاضي بعد متحدد دي هنبقي ننتقل للجزء التاني

[bkbk20032003]

لا انت لو ناوي تخش في مجال الشبكات تبدأ احسن بقورص N+ ودة بيتكلم عن مباديء الصحيحة في الشبكات ودة تأهلك بعد كدة لأختيار انك تخش في عالم ميكروسوفت ولا عالم سيسكو والاتنين دول اكبر شركتين في عالم الشبكات وبالأخص سيسكو اما A+ دية بتتكلم عن الصيانة بتاعة الكمبيوتر وهية مفيدة جدا اما انت لو ناوي تتعب شوية خش خد MCSE زي ماقولتلك وابدأ بتراك الاكس بي صدقني هايفيدك في جزء كتير صيانة وجزء بسيط شبكات علشان تنجز وقت معاك بس محتاجة شوية تركيز جاااااااااااااااااااامد ومزاكرة كتيييييييييييييير

[abdalaha]

بالنسبه لي انا بحب ايه فا انا مش فاهم المجال اصلا علشان اعرف احب ولا اكره انا دلوقتي هبدء ال icdl وبعد كده هشوف هعمل ايه هو بس انا عايز اعرف حاجه هي الشبكات دي زي الكيمياء والفيزياء وكده وصحيح لازم الي ياخدوها يكونو مهندسين وموضوع اللغه وبرضه عايز اعرف رايكو في icdl ولو مدخلتش مجال الشبكات ممكن اعمل ايه والف شكر علي الاهتمام يا جماعه وربنا يكرمكم

[ahmedscondo]

متقرنش ICDL بىMCSE

فرق كبيرررررررررر جدااا

بالنسبة انك مش بتحبه ومش فاهم المجاله يبقى هتدخل فيه ازاى

ياباشا الواحد بيحاول يمشى فى طريق يكون بيحبه ولو انت بتحبه هتلقى الموضوع سهل بالنسبه ليك

انما اللى بتقول ده صعب طيب بص جرب ICDL وبعدين قرر شوف هيبقى ايه ظروفك فيها

لاحظ انك لو بتدرس mcse معنها هندسة شبكات وحط تحتيها ميت خط

[abdalaha]

انا فكرت في كلمه هندسه شبكات بصراحه اتخضيت يعني انت رايك اني اخد icdl وبعدين اشوف طب لو خدت ال icdl وخلصتها هتفيدني ولو مقدرتش ادخل في مجال الشبكات ده اعمل ايه علشان اشتغل في حته كويسه مع العلم ان الرزق بيد الله ولكن احنا بناخد بالاسباب وربنا يكرمك انت وجميع الاعضاء ويكرمنا جميعا يارب

[ahmedscondo]

انا فكرت في كلمه هندسه شبكات بصراحه اتخضيت يعني انت رايك اني اخد icdl وبعدين اشوف طب لو خدت ال icdl وخلصتها هتفيدني ولو مقدرتش ادخل في مجال الشبكات ده اعمل ايه علشان اشتغل في حته كويسه مع العلم ان الرزق بيد الله ولكن احنا بناخد بالاسباب وربنا يكرمك انت وجميع الاعضاء ويكرمنا جميعا يارب

ونعمه بالله انت جبت الخلاصه الارزاق بيد الله

بالنسبة ICDL طبعا بتنفع مفيش حاجه مش مبتنفعش

بص بالنسبة انك تتجه فى ايه دى صعب شوية

ده بيبقى اختيارك انت لان ده مستقبلك وصعب حد يحدده ليك

انت شوف الحياه ماشيه ازاى وحاول بقدر الامكان تمشى فى الطريق

بس بشرط تكون حابب الموضوع مش بشرط كسب المال

الاول خليك حبك لشغلك وبعدين كسب المال

انا عارف ان كتير بيفكر فى موضوع المال بس هى بتبختلف من وجة نظر ونظر

وربنا يوفقك فى حياتك ومتقلقش خير ان شاء الله

وطالما انت نفسك تبقى حاجه هتوصل ان شاء الله متقلثش

[Scorpion007]

يا جماعة انتم بتنصحوة ازاى ب A+ و N+ هو اساسا اختار الشبكات على كلام الناس اللى حوالية ومش عارف طبيعتها

بس يا اخ كونك انك تقول عاوز تخلص قبل ما تتخرج .. انا عاوز ااقولك انك حتى بعد ما تتخرج وبعد ما تشتغل هتكون لسة بتزاكر وكل شوية فى جديد يعنى مش شوية كلام هتشوفهم وتفهمهم وسلامات
المشوار دة طويل وعاوز واحد لية نفس من الاخر وروحة طويلة .. العملية مش كوسة ولا بنشترى طماطم

انا مش بعقدك لكن افهم انت داخل فى اية وما تمشيش ورا كلام حد

انت فى مصر انزل وشوف اى مركز تبع الجامعة احجز برمجة واحجز مقدمة شبكات واحجز جرافيك وتصميم مواقع
انت لو كنت خريج حاسبات او هندسة او علوم كمبيوتر كنت قدرت تحدد بسرعة طريقك لانهم بيدرسو مناهج بتسهلهم الاختيار فيما بعد علشان كدة انا عاوز تتفرج وتحجز وتشوف بعد ما تخلص المقدمة فى الكورسات اللى فاتت هتكون ميولك فى اية

افهم يابنى مش كل حاجة شبكات شبكات . ما البرمجة فيها شبكات بردة و تصميم وتطوير المواقع بردة شغل شبكات .. فشبكات دى كلمة عامة اوى ..

وخد برايى وانزل احجز الحاجت اللى قولتلك عليها وهتكون اسعارها معقولة لانها هتكون مقدمات على الاقل هتساعدك وتخليك تختار مش الناس اللى تختارلك ..واللى يختارك دة اساسا مش فاهم ومتخلف عقلانيا
لانة هوة اش عرفة انت ممكن تمشى فى اية ولا ما تمشيش فى اية

كل اللى ااقدر اقولهولك انك علشان تدخل فى مجال ال IT وتختارلك مجال منة انت صانع قرارك والاختيار لك
وبطل انا ضايع والكلام دة .. انت 20 سنة وخلصت دراسة وعاوز تبدا فى مرحلة متطورة مش هتبدا من الاول .. المعهد بردة بيديلكو حاجات كويسة وتفيدك فحاول تركز فى السنة الاخيرة والحق لو مش فاهم حاجاة من اللى فاتك شوف دكتور ولا معيد عندكو يفهمك لانك بعد كدة مش هتلاقى حد يشرحلك نظرى لما تتخرج ...