محتار بين مجالات الاي تي وطالب مشورتكم ضروري جداااااااااااا

[mohaworld]

السلام عليكم
انا هخش ف الموضوع علطول

انا اخوكم محمد من اسكندرية خريج تجارة 2010

كنت ومازلت مدمن وعاشق للكومبيوتر

ومريت علي حاجات كتير كهوايه وكممارسه مش اكتر
زي البرمجة بلغة البي اتش بي
والداتابيز طبعا ماي سكول
وتصميم المواقع بالسي اس اس والاتش تي ام ال
والجرافيك كنت بحب جدا الثري دي ماكس والافتر افكت وليا اعمال بيهم علي قدي
ومريت علي الشبكات ودرست شهادة مايكروسفت وجزء من شهادة سيسكو

يعني انا عاوز اقول ان ليا احتكاك بكل مجالات الكومبيوتر

المهم عشان مطولش عليكو بعد ما اتخرجت انا كنت ناوي علي مجال الاي تي لكرهي الشدييييييييييد لتجارة والمحاسبة وربنا يعلم عديت منها ازاي

المهم انا تعبت جدا ومازلت لاني مش عارف احدد المجال اللي هكمل فيه

يعني قلت ف الاول برمجة عشان ممكن ف يوم م الايام اكبر بيها او افتح مكتب او اعمل برنامج او موقع ينقلني نقلة تانيه
بس للاسف البرمجة كهوايه غير خالص البرمجة كشغل
الموضوع ممل لاقصي درجه وطويـــــــــــــل اوي وعاوز واحد بيعشق البرمجة فعلا ودماغه عاليه اوي
وانا مش كده للاسف

ف بعد تجربة 4 شهور مع البرمجة ملقتش نفسي فيها
اخري وكبيري اوي اعمل مواقع بي اتش بي مع نفسي كده كهوايه

قلت خلاص اشوف مجال تاني
فكرت ف الشبكات بس رجعت قلت لالالا ف ساعتها
طبعا لان تقريبا نص شباب مصر ليهم ف الشبكات وغير كده الوظائف الكبيره ف الشبكات بتروح لخريجي هندسه اكتر وخصوصا في الخليج

قلت يبقي خليني ف الثري دي ومجال الجرافيك

وبالفعل نزلت دروس كتيييير اوي للثري دي ماكس والافتر
ولسه هبدأ لقيت كذا موضوع عن ان المجال دا محتاج وسايط لو عاوز تشتغل ف قناة فضائيه او لو هتشتغل ف شركة دعايه لازم تكون جامد اوي اوي يعني خبرة كبيره وشغل جامد جدا ف اجلت شويه الدخول ف المجال دا ولسه مبدأتش فيه

ومتبقاليش غير مجالين

واحد اللي الاوراكل المحاسبي بس للاسف اقل رقم ف كورساته 18 الف ج
ويعالم هلاقي ساعتها ولا لأ ويعالم اصلا هاحبه ولا لأ دا غير ان شغل روتيني وانا بحب التجديد وبحلم اني لما اتوظيف اتوظيف ف حاجه اقدر اكسب منها بره اطار الوظيفة

متبقاش غير مجال اخير اللي هو تصميم المواقع

انا الحمدلله كويس فيه وعارف سكته ازاي بس فيه مشكله صغيره مجنناني
انا دورت كتير ف مواقع التوظيف مبلاقيش ف المجال دا مرتبات كويسه حتي لو خبره
يعني متتقارنش بالبرمجة والجرافيك وسقفها صغير ومعروف للجميع
غير كده ياتري هقدر مثلا اكسب من المجال دا ف خارج اطار الوظيفه
يعني هل دا مجال يبني مستقبل ويفتح بيت ؟؟ رغم الالاف اللي فاتحين شركات تصميم واستضافة

بجد انا تعبان جدا وعشان كده كتبت لحضراتكم كل دا وانا عارف صدعتكم وطولت جدا جدا بس والله دا من عشمي وحتي لو مردتشوش يكفي اني استفدت من المنتدي دا كتير اوي

ياريت تقولولي ومن الللي حكتهولكم اعمل ايه وتنصحوني بايه انا واقف ادام حاجاتين الجرافيك كثري دي وتصميم المواقع وممكن برمجة بالبي اتش بي
وحضراتكم شايفين احسن مجال ف كل دول اللي فيه رواتب كويسه واللي ممكن من خلاله اشتغل شغل خاص واكبر بيه

اسف للاطاله مره تانيه وربنا يجازيكوا خير يارب

[redmap]

عندك 3 مجالات يا اما اوراكل ودي صعبة ودراستها صعبة جدا بس انا اعرف خريجين تجارة اتخصصوا واشتغلوا فيها
او الجرافيك وانا رأيي انك تدرسه لأنه مجال ممتع وممكن تبدع فيه ولما بتشتغل بيشوفوا تصميماتك مش بيبصوا للشهادات خالص
أما تصميم المواقع فكل الناس بتصمم دلوقتي فمش هتلاقي حاجة تتميز بيها
ربنا يوفقك

[الفقير الي الله]

بسم الله

بص يا اخي الفاضل

انا لما قريت موضوعك افتكرت اني انا الي كنت كاتب الموضوع دة مش انت .. هاهاها

انا بردوا تجارة بس قديم شوية مش كتير يعني
وزيك بكره حاجة اسمها حسابات وارقام

ابتدي موضوع الكمبيوتر يتحول من هوايا عندي لمجال عمل

اشتغلت فكل الحاجات الي انت كتبتها ..

واستقريت اخيرا علي الشبكات .........
اخدت تراك mcse2003 واشتغلت في شركة كمبيوتر متوسطة
كنت في الاول مش متخصص يعني هاردوير شوية وشبكات شوية وبمسح الكراسي والمكاتب شوية
بتاع كله يعني .....

لكن استحملت ودي نصيحة ليك انك لازم تعرف انك مش هتلاقي الدنيا وردي من بداية الطريق ...

المهم نرجع لموضوعنا

1 - البرمجة في مصر مجالها وشغلها ورواتبها حلوة
2 - الشبكات في مصر مجالها وشغلها ورواتبها حلوة ( ومقصدش الشبكات الي انت بتتكلم ان نص شباب مصر بيعملها الي هيه كابل نيتورك ويوصل شبكة في انترنت كافيه ) انا اقصد الشبكات كتخصص سواء ميكروسوفت او سيسكو ...... شغل فحت مش زي ما انت فاكر .......
وبعدين مش عيب ابدا ان مجال من المجالات يكون فيه عدد كبير ... بالعكس دي ميزة علشان انت بمجهودك وتميزك تبان عن غيرك .. وبردوا سيبك من موضوع ان خريجي هندسة هما الي بياخدوا الوظائف في الشركات الكبري لان مش كله بيعتمد علي الاختيار دة ...
3 - التصميم في مصر مجاله مش كبير ومعرفش حاجة عن الرواتب بتاعته ( بس ممكن ببساطة لو انت احترفت وبقي مجال شغلك تعمل موقع علي الانترنت وتكسب منه اضعاف اضعاف الي المبرمج او بتاع الشبكات بياخده )

واخيرا هنصحك بحاجتين

اولا : صلي استخارة ... وخد قرار واضح
ثانيا : بردوا خد قرار واضح ومتضيعش وقتك في التوهان لاني ضيعت سنين كتيرة في التوهان دة ..
شوية هنا وشوية هنا وشوية هنا وفي الاخر ولا رحت هنا ولا هنا ..... وضاعت فترة علي كدة
فلازم تعرف انت رايح فين .. وترضي بيه .. وبعدين تسال ربنا ييسرلك ويعينك

والله الموفق والمستعان

[dramz]

زى ما قالك الاخ الفقير الي الله

انا كمان بصراحه لما قريت الموضوع انى انا الى كاتبه انا كمان متخرج بس مش من كليه لا انا من دبلوم وكملت معهد خاص كده
لان الموضوع معايا هوايه وبعدين اتحولت لواحد عايز يشتغل ويبتكر ويكبر .
فى نقطه تانى كده انا كمان بحب الاى تى والشبكات الاتنين بنسبة لى انا تمام اوى ومش كل الناس بتخشها وبتنجح فيه لأن الى بيجتهد بس هو الى بيفوز فى الاخر ومجال الشبكات بيكبر فى مصر بطريقة كبيرة ولما يطلع واحد او اتنين بيفهمو فيها كويس هيفرقو .
وانا لسه لغايه دلوقتى مأخدتش كورسات بفلوس انا فى حاجات كده بخدها فى المعهد دى تعبتر مرجعه ع الى فى دماغى وكمان باخد كورسات بس ع النت دى فرى زى A+ N+ وبعديهم ان شاء الله لو ربنا وفقنى هاخد كورس اسمه MCSE دا تخصص الشبكات بقى وبصراحه فى ناس حطط كورسات فرى وبتشرح احسن من الاماكن الى هتاخد فيها الكورس بلأمانه والله زى الاستاذ الكبير أحمد جوده الى بيدرس كورس A+ & MCSE بجد الانسان دا حببنى اكتر ما كنت حابب المجال دا بشرحه وسلسته وكل حاجه بيقولها بما يرضى الله ومحدش ينساله الشكر والدعاء ليه .

من الاخر يا اخ صدقنى مش هتلاقى حاجه تنفعك زى الصيانه و الشبكات ودى نصيحه من اخ صغير

وانا الحمد لله نسيت جدول الضرب :D

[mohaworld]

عندك 3 مجالات يا اما اوراكل ودي صعبة ودراستها صعبة جدا بس انا اعرف خريجين تجارة اتخصصوا واشتغلوا فيها
او الجرافيك وانا رأيي انك تدرسه لأنه مجال ممتع وممكن تبدع فيه ولما بتشتغل بيشوفوا تصميماتك مش بيبصوا للشهادات خالص
أما تصميم المواقع فكل الناس بتصمم دلوقتي فمش هتلاقي حاجة تتميز بيها
ربنا يوفقك

جزاك الله خيرا يا اخي علي ردك وفعلا الاوراكل حاولت فيها كتير بس صعبة اوي ومحبتهاش

[mohaworld]

بسم الله

بص يا اخي الفاضل

انا لما قريت موضوعك افتكرت اني انا الي كنت كاتب الموضوع دة مش انت .. هاهاها

انا بردوا تجارة بس قديم شوية مش كتير يعني
وزيك بكره حاجة اسمها حسابات وارقام

ابتدي موضوع الكمبيوتر يتحول من هوايا عندي لمجال عمل

اشتغلت فكل الحاجات الي انت كتبتها ..

واستقريت اخيرا علي الشبكات .........
اخدت تراك mcse2003 واشتغلت في شركة كمبيوتر متوسطة
كنت في الاول مش متخصص يعني هاردوير شوية وشبكات شوية وبمسح الكراسي والمكاتب شوية
بتاع كله يعني .....

لكن استحملت ودي نصيحة ليك انك لازم تعرف انك مش هتلاقي الدنيا وردي من بداية الطريق ...

المهم نرجع لموضوعنا

1 - البرمجة في مصر مجالها وشغلها ورواتبها حلوة
2 - الشبكات في مصر مجالها وشغلها ورواتبها حلوة ( ومقصدش الشبكات الي انت بتتكلم ان نص شباب مصر بيعملها الي هيه كابل نيتورك ويوصل شبكة في انترنت كافيه ) انا اقصد الشبكات كتخصص سواء ميكروسوفت او سيسكو ...... شغل فحت مش زي ما انت فاكر .......
وبعدين مش عيب ابدا ان مجال من المجالات يكون فيه عدد كبير ... بالعكس دي ميزة علشان انت بمجهودك وتميزك تبان عن غيرك .. وبردوا سيبك من موضوع ان خريجي هندسة هما الي بياخدوا الوظائف في الشركات الكبري لان مش كله بيعتمد علي الاختيار دة ...
3 - التصميم في مصر مجاله مش كبير ومعرفش حاجة عن الرواتب بتاعته ( بس ممكن ببساطة لو انت احترفت وبقي مجال شغلك تعمل موقع علي الانترنت وتكسب منه اضعاف اضعاف الي المبرمج او بتاع الشبكات بياخده )

واخيرا هنصحك بحاجتين

اولا : صلي استخارة ... وخد قرار واضح
ثانيا : بردوا خد قرار واضح ومتضيعش وقتك في التوهان لاني ضيعت سنين كتيرة في التوهان دة ..
شوية هنا وشوية هنا وشوية هنا وفي الاخر ولا رحت هنا ولا هنا ..... وضاعت فترة علي كدة
فلازم تعرف انت رايح فين .. وترضي بيه .. وبعدين تسال ربنا ييسرلك ويعينك

والله الموفق والمستعان

شفت بقي طلع كلامي جاي عالجرح اهو :D
انا مش عارف اشكرك ازاي علي ردك واهتمامك بجد ربنا يوفقك ويكرمك من حيث لا تدري ولا تحتسب
بص هو انا هقولك حاجه بالنسبة للشبكات انا كنت وصلت لنص منهج ccna
وكان فاضلي 3 تراكات بس ف mcse
بس كحب تعلم مش دراسه بالورقة والقلم
ولما اتخرجت كان اول تفكيري اني طالما وصلت للكم دا من المعلومات خلاص اذاكر اكتر وامتحن واخد الشهاداات
بس فعلا لقيت مجال الشبكات وانا بخص ف كلامي mcse منتشرة بصروة غير مسبوقه
يعني كأنها icdl وتقدر تدخل علي المنتدي هنا وتشوف كام الف واحد حاصل عليها وكتب انا نجحت ف الشهادة كذا
ربنا يكرمهم كلهم يارب ويزيدهم بس مجال الشبكات ودا رأيي الشخصي المتواضع مبتحسش فيه بانك مميز غير بعد مثلا 7 سنين ف المجال
لسبب اني لو قلت انا اخيرا خدت شهادة كذا طب ما في زيي مليون واحد ف مصر معاه
لما اقول انا اعرف اتحكم ف السيرفر طيب ما فيه مليون واحد يعرف وفي الاحسن مني دا غير بقي ان فعلا سيسكو مرتبطة ببتوع هندسة اكتر خصوصا فروع معينه زي ال فويب او السيكيوريتي

اما البرمجة ف ميزتها كبيره وعيبها كبير يعني ميزيتها ان التميز فيها سريع اوي واسئل اي واحد مبرمج شاطر ف شركه هتلاقيهم مدلعينه اخر دلع في سبيل انه ميمشيش ويسبهم دا غير انك ليك مصدر رزق خارجي يعني تعمل برامج وتبيع او ربنا يكرمك وتبرمج موقع يضرؤب معاك ضربة العمر اما عيبها بقي ف الصبر الرهيب وانك لازم تكون حاببها
وحابب الاكوااااااااااد وقرف الاكوااااااااد وعندك استعداد تقضي كل ايامك تتعلم لان مجال زيه زي غيره بيتطور بسرعه

اما التصميم ف انا متفق مع الاخ فوق ان كتيييير اوي بيعرفوا يصمموا دا غير التصميمات الجاهزة اللي ف كل مكان المجانية والغير مجانية بس يبقي مجال كويس خصوصا لو اتربط صح بالبرمجة يعني شاطر ف الاتنين ولو بنسب

[mohaworld]

زى ما قالك الاخ الفقير الي الله

انا كمان بصراحه لما قريت الموضوع انى انا الى كاتبه انا كمان متخرج بس مش من كليه لا انا من دبلوم وكملت معهد خاص كده
لان الموضوع معايا هوايه وبعدين اتحولت لواحد عايز يشتغل ويبتكر ويكبر .
فى نقطه تانى كده انا كمان بحب الاى تى والشبكات الاتنين بنسبة لى انا تمام اوى ومش كل الناس بتخشها وبتنجح فيه لأن الى بيجتهد بس هو الى بيفوز فى الاخر ومجال الشبكات بيكبر فى مصر بطريقة كبيرة ولما يطلع واحد او اتنين بيفهمو فيها كويس هيفرقو .
وانا لسه لغايه دلوقتى مأخدتش كورسات بفلوس انا فى حاجات كده بخدها فى المعهد دى تعبتر مرجعه ع الى فى دماغى وكمان باخد كورسات بس ع النت دى فرى زى A+ N+ وبعديهم ان شاء الله لو ربنا وفقنى هاخد كورس اسمه MCSE دا تخصص الشبكات بقى وبصراحه فى ناس حطط كورسات فرى وبتشرح احسن من الاماكن الى هتاخد فيها الكورس بلأمانه والله زى الاستاذ الكبير أحمد جوده الى بيدرس كورس A+ & MCSE بجد الانسان دا حببنى اكتر ما كنت حابب المجال دا بشرحه وسلسته وكل حاجه بيقولها بما يرضى الله ومحدش ينساله الشكر والدعاء ليه .

من الاخر يا اخ صدقنى مش هتلاقى حاجه تنفعك زى الصيانه و الشبكات ودى نصيحه من اخ صغير

وانا الحمد لله نسيت جدول الضرب :D

هو ايه الحكايه للدرجادي انا مشكلتي مشهورة هههههه :D
ربنا يوفقك يا اخي وبشكرك علي النصيحه وعلي ردك واهتمامك
جزاك الله خير

[الفقير الي الله]

طيب شوف
ريح دماغك واشتغل ميكانيكي هاهاها
بهزر معاك اوعي تزعل

اخي الفاضل كل مهنة وكل تخصص فيه المميزات وفيه العيوب
مفيش حاجة كلها مميزات ولا فيه حاجة كلها عيوب

وانت لو فضلت تقول اصل الناس كتير واصل واصل
عمرك ما هتعمل حاجة

دة لو حتي جيت تفتح كشك هتقول ما ناس كتير فاتحه اكشاك ومش هتعمله

لذلك عليك بصلاة الاستخارة وتتوكل علي الله عز وجل
( ان الله لا يضيع اجر من احسن عملا ) خليك فاكرها دايما

وربنا يوفقك لكل خير