أهلا وسهلا Nehalem Core i7 Family :)

[HuLkY]

شكرا Hulky و أسفين لأنا تعبناك بالأسئلة

مفيش أى تعب , أنت تأمر يا باشا

وشكرا على الخبر الجامد ياجامد

ده انت اللى جامد يا عبد الله

[core 2 extreme]

زيادة في الاداء 20 الى 50%شيء مذهل الصراحة

معالج nehalem بتردد 2.66 اسرع من معالج penryn بتردد 3.2 :eek:

كما يقول الموقع ما فعلته intel ب amd سنة 2006 مع معالجات core 2 duo فعلته بنفسها الان


الظاهر انوا تقنية ht امتصت قدرات الانوية بالكامل ، هذا كمان بيقول انوا الاختبارات اللي سواها

ما استفادت من متحكم الذاكرة المدمج بالشكل المطلوب ، حيث حصلت amd بسبب هذه الميزة على زيادة 20% في الاداء في معظم الاختبارات

في المحصلة يبدوا ان انتل لم تجري تغييرات كبيرة او مهمة على المعمارية باستثناء Imc & ht

لكن كما يبدوا فان تقنية ht قد صنعت لوحدها تقدما كبيرا لانه وكما ظهر في احد الاختبارات بعد تعطيل multithreaded ان التقدم الكبيرفي الاداء كان بسببها

[| Fusion |]

موضوع جامد يا Hulky, و دا المتوقع منك

بس انا شايف انه انتظار ال Nehalem في الوقت الحالي انتظار غير موفق, او الانتظار هيطول شوية , لانه اول فئة من فئات ال Nehalem هتنزل (آخر هذا العام) هي ال BloomField و دي اعلى فئة او Ultra-High-End و هيكونوا كلهم Quad Core, و بالتالي اسعارهم هتكون عالية جدا + انه ال Socket بتاعهم هيكون اسمه Socket 1366 + هيكون داعم رامات DDR3 فقط و اللي اسعارهم غالية جدا دلوقتي + ال X58 Chipset بورداتها برضو هتكون غالية !!

و هتنزل بعدها بفترة (اول العام القادم و في اخبار بتقول هتنزل الربع الثالث من 2009) الفئة الأقل شوية و هي الLynnfield و دول هيكونوا بسوكيت تاني اسمه Socket 1160 و دا السوكيت اللي هيكون منتشر جدا لانه هيضم البروسيسورز ال High End - Mainstream و بالتالي هيخدم شريحة كبيرة من المستخدمين, بس هيكونوا كلهم Quad Coreبرضو و السعر هيكون مرتفع نسبيا..

بعد كدا الفئة الأقل (هتنزل مع نزول ال Lynnfield) و هي Havendale و دول هيضموا البروسيسورز ال Dual Core و هيشتغلوا على نفس السوكيت ال 1160 اللي شغال عليه ال Lynnfield و دول غالبا هتكون اسعارهم في المتناول..

و طبعا هي سياسة من انتل انهم ينزلوا ال Bloomfield الاول عشان يتباع و الناس تبدا تجربه و تذهل بأداؤه مهما كان سعره و بعد كدا هينزلوا بقيت الفئات..

أخي لو يضعوا سرعة البيانات ب MHz أو GHz يكون أفضل فهي صيغة شائعة جدا

النقطة دي لازم تتوضح:

احنا المفروض عارفين انه ال FSB او ال Front Side Bus او الناقل الامامي في معالجات انتل هو ناقل رباعي او Quad Pumped Bus, يعني يستطيع نقل اربع اوامر في المرة الواحدة او بالأصح في ال Clock Cycle الواحدة..

طيب, لو مسكنا بروسيسور من انتل الباص بتاعه 1333MT/s, و خلي بالك من وحدة MT/s لانها هي الوحدة الصحيحة لقياس السرعة الكلية لنقل البيانات, انما لو عايزين نعرف السرعة الفعلية, نقسم 1333 على 4 و دا يساوي 333.35MHz, و لاحظ هنا وحدة القياس هي بال MHz و ليست بال MT/s, طيب ليه وحدة القياس قبل ال Nehalem كانت مش متظبطة؟؟

السبب, الدعاية مش اكتر, يعني بدل ما يكتبوا انه سرعة الباص 333.35MHz و الرقم دا باين قليل جدا, فقالوا يكتبوه بعد ما اتضرب في اربعة عشان يكون 1333MT/s, لانه اقل معالج من AMD و هو من فئة ال Sempron, الباص بتاعهم 800MHz و بضربه في 2 لانه باص زوجي يصبح 1600MT/s, و اعلى معالج في AMD و هو من فئة ال Phenom الباص بتاعه 2000MHz اي 4000MT/s, و كان المفروض وحدة الكتابة لباص معالجات انتل تكون بال MT/s, لانه الوحدة دي بتعبر عن السرعة الكلية لنقل الداتا عن طريق الباص دا..

انما دلوقتي, انتل طبقت نفس التكنولوجي -تقريبا- المستخدمة في معالجات AMD لربط البروسيسور بباقي اجزاء السيستم و التي تسمى HyperTransport بالنسبة لمعالجات AMD و تسمى QuickPath في انتل, و بالتالي سرعة الباص اصبحت مرتفعة جدا و لا داعي الآن لاستخدام اساليب دعائية لتحسين الرقم امام المنافس!

+ هتلاقوا في المجلة كل الوحدات دي متظبطة

و شكرا ليك مستر Hulky مرة تانية

[Ahmed-Linux]

أنا قرفان من الاسم .. نحاليم (Nehalem)

أما المعالج ممتاز

[hussam_o_r]

جميــــــــــــــل

[F.C.B]

[B]النقطة دي لازم تتوضح:

احنا المفروض عارفين انه ال FSB او ال Front Side Bus او الناقل الامامي في معالجات انتل هو ناقل رباعي او Quad Pumped Bus, يعني يستطيع نقل اربع اوامر في المرة الواحدة او بالأصح في ال Clock Cycle الواحدة..

طيب, لو مسكنا بروسيسور من انتل الباص بتاعه 1333MT/s, و خلي بالك من وحدة MT/s لانها هي الوحدة الصحيحة لقياس السرعة الكلية لنقل البيانات, انما لو عايزين نعرف السرعة الفعلية, نقسم 1333 على 4 و دا يساوي 333.35MHz, و لاحظ هنا وحدة القياس هي بال MHz و ليست بال MT/s, طيب ليه وحدة القياس قبل ال Nehalem كانت مش متظبطة؟؟

السبب, الدعاية مش اكتر, يعني بدل ما يكتبوا انه سرعة الباص 333.35MHz و الرقم دا باين قليل جدا, فقالوا يكتبوه بعد ما اتضرب في اربعة عشان يكون 1333MT/s, لانه اقل معالج من AMD و هو من فئة ال Sempron, الباص بتاعهم 800MHz و بضربه في 2 لانه باص زوجي يصبح 1600MT/s, و اعلى معالج في AMD و هو من فئة ال Phenom الباص بتاعه 2000MHz اي 4000MT/s, و كان المفروض وحدة الكتابة لباص معالجات انتل تكون بال MT/s, لانه الوحدة دي بتعبر عن السرعة الكلية لنقل الداتا عن طريق الباص دا..

انما دلوقتي, انتل طبقت نفس التكنولوجي -تقريبا- المستخدمة في معالجات AMD لربط البروسيسور بباقي اجزاء السيستم و التي تسمى HyperTransport بالنسبة لمعالجات AMD و تسمى QuickPath في انتل, و بالتالي سرعة الباص اصبحت مرتفعة جدا و لا داعي الآن لاستخدام اساليب دعائية لتحسين الرقم امام المنافس!

+ هتلاقوا في المجلة كل الوحدات دي متظبطة

و شكرا ليك مستر Hulky مرة تانية

شكرا لك أخي على ردك
لكن عندي ملاحظة صغيرة قبل أن أعلق على ما قلته : أخي أتمنى أن تكتب باللغة العربية الفصحى و هذا الكلام لا أخصه بك فقط و لكن هناك الكثير من الأعضاء لا يتكلمون بالعربية الفصحى و المنتدى يوجد به الكثير من الجنسيات ( الخليجي - المصري - الشامي ... الخ ) فإذا أردنا أن نفهم بعضنا جيدا يجب أن نكتب باللغة العربية الفصحى

أما تعليقي عن ما قلته فالمختصر المفيد الذي فهمته من كلامك أن وحدة MT/s هي نفسها MHz لأنك تقول أن ميجاهرتز1333MT/s ÷ 4 = 333
أي أن 1333MT/s ÷ 4 = 333MT/s هي نفسها 1333MHz ÷ 4 = 333MHz
لكن عندي ملاحظة صغيرة في هذا الكلام :-
في البداية معنى MT/s نقل ميجابايت لكل ثانية أي عندما نقول مثلا 333MT/s فهذا يعني نقل 333ميجابايت لكل ثانية...هذه فهمناه
لكن معنى MHz حسب علمي (لست متأكد لكن شبه متأكد فإن كان ما قلته خطأ فصححوا لي)
مليون أمر من البيانات لكل ثانية و الأمر الواحد من البيانات = 1bit لذلك عندما نقول 333MHz
فهذا معناه 333 مليون bit لكل ثانية
من كل ما قلته سابقا نستنتج أن 333 مليون bit تساوي 333 ميجابايت
لكن هل هذا صحيح ! من خلال عملية رياضية بسيطة قمت بها وجدت أن
333MB=2793 million bit
فما تعليقكم
ملاحظة لصاحب الموضوع أسف لأني خرجت خارج الموضوع الأساسي و هو معالجات core i7

[MMBAKRY]

شغل على ميه بيضاااااااااا

[shalanss]

مشكور حبيبي على الخبر و النقاش الجميل حول الموضوع

[| Fusion |]

وحدة MT/s هي نفسها MHz لأنك تقول أن ميجاهرتز1333MT/s ÷ 4 = 333
أي أن 1333MT/s ÷ 4 = 333MT/s هي نفسها 1333MHz ÷ 4 = 333MHz

في فرق اخي الكريم:

Hz .. وحدة قياس التردد او ال Frequency, و التردد هو عدد ال Clock Cycles في الثانية الواحدة (هتفهما اكتر لاحقا في هذه المشاركة)..
T/s .. وحدة قياس عدد التنقلات التي تمت في ال Clock Cycle الواحدة مضروبة في التردد الحقيقي..
و حرف M في بداية كل وحدة هو اختصار Mega اي مليون..

مثلا لو فرضنا انه عندنا بروسيسور من انتل تردد الباص الحقيقي له هو 333MHz و يستطيع نقل اربعة اوامر او بيانات في ال Clock Cycle الواحدة,
بالتالي يستطيع نقل 1333 مليون أمر في الثانية الواحدة اي 1333MT/s..

في البداية معنى MT/s نقل ميجابايت لكل ثانية أي عندما نقول مثلا 333MT/s فهذا يعني نقل 333ميجابايت لكل ثانية...هذه فهمناه

MT/s هي اختصار Mega Transfers Per Second او كام مليون انتقال (للاوامر او البيانات) استطيع نقله في الثانية الواحدة, و ليس كم ميجابايت..

لكن معنى MHz حسب علمي (لست متأكد لكن شبه متأكد فإن كان ما قلته خطأ فصححوا لي)
مليون أمر من البيانات لكل ثانية و الأمر الواحد من البيانات = 1bit لذلك عندما نقول 333MHz
فهذا معناه 333 مليون bit لكل ثانية

انت كدا لخبطت بين MHz و MT/s

Hertz او Hz هي وحدة قياس التردد او ال Frequency, و بدون ما ندخل في تفاصيل علمية اوي, انا هوضحلك الموضوع دا من خلال الشكل الآتي:



الفكرة في الشكل دا انه بيوريك الفرق بين ال SDRAM و ال DDRAM و طريقة استفادتهم من ال Clock Pulses او نبضات الساعة, طيب عشان تفهم معنى Frequency و تفهم وحدة قياسها Hz خلينا نعتبر انه شكل ال Clock Pulses اللي قدامنا دا بيتم في ثانية واحدة, يعني كل ثانية بيكون عندي ثلاثة Pulses, تمام؟

هو دا بقا تعريف ال Frequency, و هي عدد ال Clock Cycles في الثانية الواحدة, طيب من الكلام اللي فات دا, تقدر تحسب ال Frequency بتاعت الشكل اللي قدامنا دا؟؟ = 3Hz

و بنفس الطريقة, لو عندنا بروسيسور 2.6GHz معناها انه عدد ال Clock Pulses في الثانية الواحدة مش 3 نبضات بس زي اللي في الشكل دا, لا 2.6 مليار نبضة في الثانية الواحدة, تخيل!!

طيب, هتلاحظ في ال SDRAM, اقدر انقل نقلة واحدة (المربع الاصفر) في ال Clock Pulse الواحدة, و في ال DDRAM اقدر انقل نقلتين في ال Clock Pulse الواحدة, اول نقله عن طريق ال Rising Egde او الجزء الايسر للنبضة و النقلة الثانية عن طريق ال Falling Edge او الجزء الأيمن للنبضة الواحدة..

و باعتبار انه التردد عندي الآن 3Hz, فال SDRAM تقدر تنقل 3*1 = 3نقلات في الثانية الواحدة اي 3T/s..
اما ال DDRAM تقدر تنقل 3*2 = 6نقلات في الثانية الواحدة اي 6T/s..

و عشان كدا للي بيستخدم CPU-Z او برامج شبيهة, هيلاحظ انه تردد الرام او ال DDR Frequency بتكون نصف التردد اللي انت عارفه, يعني لو انت شاري رامات سرعتها 800MT/s هتلاقيها في CPU-z في خانة DDR Frequency مكتوبة 400MHz, و اظن عرفنا السبب دلوقتي..

نفس الكلام بالظبط نقدر نطبقه على ال FSB الخاص بمعالجات انتل, لكن الناقل في انتل رباعي, او يستطيع نقل اربعة بيانات في ال Clock Cycle الواحدة (اربعة مربعات صفراء مقابل كل نبضة), يعني لو حبينا نزود طريقة عمل ال FSB للشكل اللي فات, و احنا قلنا انه الشكل دا تردده 3Hz, يبقا الناقل الامامي لمعالجات انتل يستطيع نقل 3*4 = 12 نقلة في الثانية او 12T/s..

ارجو اني اكون قدرت اوصلك و لو جزء صغير, و اي استفسارات اخرى, تفضل

و عذرا مستر Hulky لخروجنا برا الموضوع..

[F.C.B]

في فرق اخي الكريم:

Hz .. وحدة قياس التردد او ال Frequency, و التردد هو عدد ال Clock Cycles في الثانية الواحدة (هتفهما اكتر لاحقا في هذه المشاركة)..
T/s .. وحدة قياس عدد التنقلات التي تمت في ال Clock Cycle الواحدة مضروبة في التردد الحقيقي..
و حرف M في بداية كل وحدة هو اختصار Mega اي مليون..

مثلا لو فرضنا انه عندنا بروسيسور من انتل تردد الباص الحقيقي له هو 333MHz و يستطيع نقل اربعة اوامر او بيانات في ال Clock Cycle الواحدة,
بالتالي يستطيع نقل 1333 مليون أمر في الثانية الواحدة اي 1333MT/s..


MT/s هي اختصار Mega Transfers Per Second او كام مليون انتقال (للاوامر او البيانات) استطيع نقله في الثانية الواحدة, و ليس كم ميجابايت..


انت كدا لخبطت بين MHz و MT/s

Hertz او Hz هي وحدة قياس التردد او ال Frequency, و بدون ما ندخل في تفاصيل علمية اوي, انا هوضحلك الموضوع دا من خلال الشكل الآتي:



الفكرة في الشكل دا انه بيوريك الفرق بين ال SDRAM و ال DDRAM و طريقة استفادتهم من ال Clock Pulses او نبضات الساعة, طيب عشان تفهم معنى Frequency و تفهم وحدة قياسها Hz خلينا نعتبر انه شكل ال Clock Pulses اللي قدامنا دا بيتم في ثانية واحدة, يعني كل ثانية بيكون عندي ثلاثة Pulses, تمام؟

هو دا بقا تعريف ال Frequency, و هي عدد ال Clock Cycles في الثانية الواحدة, طيب من الكلام اللي فات دا, تقدر تحسب ال Frequency بتاعت الشكل اللي قدامنا دا؟؟ = 3Hz

و بنفس الطريقة, لو عندنا بروسيسور 2.6GHz معناها انه عدد ال Clock Pulses في الثانية الواحدة مش 3 نبضات بس زي اللي في الشكل دا, لا 2.6 مليار نبضة في الثانية الواحدة, تخيل!!

طيب, هتلاحظ في ال SDRAM, اقدر انقل نقلة واحدة (المربع الاصفر) في ال Clock Pulse الواحدة, و في ال DDRAM اقدر انقل نقلتين في ال Clock Pulse الواحدة, اول نقله عن طريق ال Rising Egde او الجزء الايسر للنبضة و النقلة الثانية عن طريق ال Falling Edge او الجزء الأيمن للنبضة الواحدة..

و باعتبار انه التردد عندي الآن 3Hz, فال SDRAM تقدر تنقل 3*1 = 3نقلات في الثانية الواحدة اي 3T/s..
اما ال DDRAM تقدر تنقل 3*2 = 6نقلات في الثانية الواحدة اي 6T/s..

و عشان كدا للي بيستخدم CPU-Z او برامج شبيهة, هيلاحظ انه تردد الرام او ال DDR Frequency بتكون نصف التردد اللي انت عارفه, يعني لو انت شاري رامات سرعتها 800MT/s هتلاقيها في CPU-z في خانة DDR Frequency مكتوبة 400MHz, و اظن عرفنا السبب دلوقتي..

نفس الكلام بالظبط نقدر نطبقه على ال FSB الخاص بمعالجات انتل, لكن الناقل في انتل رباعي, او يستطيع نقل اربعة بيانات في ال Clock Cycle الواحدة (اربعة مربعات صفراء مقابل كل نبضة), يعني لو حبينا نزود طريقة عمل ال FSB للشكل اللي فات, و احنا قلنا انه الشكل دا تردده 3Hz, يبقا الناقل الامامي لمعالجات انتل يستطيع نقل 3*4 = 12 نقلة في الثانية او 12T/s..

ارجو اني اكون قدرت اوصلك و لو جزء صغير, و اي استفسارات اخرى, تفضل

و عذرا مستر Hulky لخروجنا برا الموضوع..

شكرا كثيرا wmgc على الشرح بصراحة لم أفهم ما كتبته من المرة الأولى سأقرأه أكثر من مرة حتى أفهمه جيدا بعد ذلك إن كان هناك أي سؤال أخر سوف أكتبه في موضوع جديد لأنا خرجنا عن الموضوع الأساسي لأخونا Hulky
وشكرا مرة أخرى

[HuLkY]

بالنسبة ل F.C.B و الكبير أوى WMGC , يا رجالة ده مش خروج عن النص , ده هو النص ذاته!!!!!!!!
لما كلنا نساعد بعض ونستفاد , ده أهم حاجة
wmgc عنده خبرة كويسة فى المجال ده كعلم ودراسة كمان , بنستفيد منه وده خير و F.C.B بيناقش وده خير كمان ويا ريت كلنا نتناقش فى ال Nehalem لأنه مستقبل المعالجات بشكل كبير زى ما كلنا شايفين
ألف شكر لكل من مر من هنا , يا رب نكون بس كلنا بنفيد ونستفيد من بعضنا البعض

[F.C.B]

بالنسبة ل F.C.B و الكبير أوى WMGC , يا رجالة ده مش خروج عن النص , ده هو النص ذاته!!!!!!!!
لما كلنا نساعد بعض ونستفاد , ده أهم حاجة
wmgc عنده خبرة كويسة فى المجال ده كعلم ودراسة كمان , بنستفيد منه وده خير و F.C.B بيناقش وده خير كمان ويا ريت كلنا نتناقش فى ال Nehalem لأنه مستقبل المعالجات بشكل كبير زى ما كلنا شايفين
ألف شكر لكل من مر من هنا , يا رب نكون بس كلنا بنفيد ونستفيد من بعضنا البعض

شكرا كثيرا على هذا الكلام Hulky

[Ahmed_]

طبعا الخبر ده كويس جدا لأى شخص بيحوش فلوس , نقود , مصارى , دنانير عشان شكل النقلة الجاية للسيستم ده حتسبب ثقب كونى فى محافظ المشترين , وعامة ده الشكل المستقبلى لأى حد مننا يا شباب لما يجمع السيستم الجديد بتاعه,

طب إللى لسة مشترى pc جديد يعمل إيه ؟؟
الجهاز لسة مشتريه من شهر و نص و ييجى على شهر 12 الجهاز يعتبر قديم

والله يا هالكى باشا انت ديما دائما بتسعدنى باخبراك الExclusive :D

عموماً الف مبروك مقدما لكل من محوش قرش أو قرشين عشان النيهلام جوود لانك :cool:

[HuLkY]

طب إللى لسة مشترى pc جديد يعمل إيه ؟؟
الجهاز لسة مشتريه من شهر و نص و ييجى على شهر 12 الجهاز يعتبر قديم

مش بالشكل ده يا باشا , انا شغال على P4 ولسه أهو بيقول وفيه الرمق , انت جهازك بسم الله ما شاء الله ما فى أى Application تتخيلها ممكن ميشغلهاش على كلامك , بس الفكرة إنه بقى مش ال Front Line فى سوق التكنولوجيا , بس مش أكتر

والله يا هالكى باشا انت ديما دائما بتسعدنى باخبراك الExclusive

ربنا يبارك لك يا حبيب قلبى

[HuLkY]

كام خبر لتجديد الموضوع
كان فى خبر من كام يوم عن الأتى:-

Nehalem will ship with overclocking potential

واللى زاد عليه من فرحتى , الخبر التانى ده (كانوا ال2 كومبو مع بعض ملهوش حل ويمكن التانى حيخلى محبى ال OC ينشكحوا جدا )

Motherboard makers aid Nehalem overclocking scene

حركة ذكية جدا من مصنعى الموبوز , خاصة لو حد حيدفع دم قلبه فى حاجة زى كده , يبقى فى Features تعمل تغيير جذرى , وهو ده المطلوب

الخبر الأخير فى سلسلة الأخبار اللطيفة دى

Core i7 965 may breach 5 GHz with extreme cooling

ولو فى جديد , متابع معاكم بعون الله.....