السلام عليكم ورحمة الله وبركاته يا بشمهندس
ال ip address فكما تعلم ان ال ip address ينقسم الى نوعين public address and private address
بالنسبة لل public address فده انت بتخده من مزود الخدمة لديك وبيكون ليه سعر وهى دى العناوين الى بستخدمها لما بتطلع على الأنترنت
اما بالنسبة لل private address دى ip private يعنى عناوين خاصة انت الى بتحددها انت وراحتك ودى مش علشان تستخدمها وانت على الأنترنت لأ دى علشان تستخدمها داخل الشبكة بتاعتك فقط وهناك range معين انت بتستخدمه الآ وهو
من 10.0.0.0/8 الى 10.255.255.255
أو من 172.16.0.0/12 الى 172.16.31.255
أو من 192.168.0.0/16 الى 192.168.255.255
يعنى انت داخل الشبكة بتاعتك بستخدم ال private ip علشان توصل الأجهزة ببعض
ولما تحب تطلع على الأنترنت لازم تعدى على الراوتر وهو بيقوم بتحويل ال private ip الى public ip
طيب سؤال ليه الدوخة دى ما استخدم public ip على طول من الأول ؟؟؟
الأجابة : هم عملوا حكاية ال private ip دى علشان يحلوا مشكلة نقص ال public ip فكما اعلم ان ال ip عبارة عن 32 بت فقط وبذلك فلو كل شركة فيها 500 جهاز مثلاً خدت 500public ip كدة ال ip هتخلص وكمان ال public ip ده بفلوس لكن ال private ip ده ببلاش
يعنى لو رحت شركة علشان تعمل شبكة بتحط على الأجهزة اى private ip من الى فوق ده انت وراحتك طبعاً اختار range واحد واشتغل منه وبعدين بتروح على الراوتر وتحط ال public ip الى انت شاريه من مزود الخدمة
فى حالة ال DSL مش هتفرق حاجة
فى حاجة اسمها NAT هى دى الى بتخلى الأجهزة كلها تطلع على النت ودى معناها لما المستخدم بيحب يطلع على النت بيعدى على الراوتر وهو بيحول ال private ip الى public ip ويطلع المستخدم على النت
يا رب اكون قدرت اوصلك الفكرة
المفضلات